الجزء 182 من الكوزينة( ان شاء الله تكون فاتحة خير عليكم) - الصفحة 55

ام هدول · 2017-10-14, 22:10

شكرا روعة الصور رائعة ،،،،فعلا

أمنية غفران · 2017-10-14, 22:21

البنات كامل كيما راكم صحا عشاكم راني رايحة على السريع غدوة خدامة يا محايني و نوض بكري هههههههههه

ام هدول يعطيك الصحة على الحلوى عجبتني نجربها الويكاند الجاي حتى نشري طابع مستطيل الله غالب حابة نجربها بحذافيرها هههههههه شكرا

.......................................

عشانا كان فريت اوملييت ماصورتش هههههههههههه

بصح راني جبت ليكم حساء السنافر شفيتو عليه حطيته ليكم وحد الوقت امممممممممممممم راهو دخل وقته طيبوه

أختي حمو شوفو هاد الحلوى الساهلة بزاف حلوى الطابع بلا طابع و الاخرى تاني ساهلة

ملوكة بصحتكم الكيك ربي يحفظك ان شاء الله نخدم وصفة الاخت اسيا في صورة لوكان غي حطيتي لنا الرابط هههههههههه

في أمان الله

روعة الصحراء · 2017-10-14, 22:23

اقتباس:

المشاركة الأصلية كتبت بواسطة ام هدول

شكرا روعة الصور رائعة ،،،،فعلا

االعفو حبيبتي ربي يحفظك اذ امكن اعطيني وصفتك في اللوبيا ماشطو

ام هدول · 2017-10-15, 07:17

صباح الخير ،،،،،صباح الهنا،،،،
روعه لي عودة ان شاء الله،،،،رايحه عند طبيب الاسنان من بعد نخدم ضرستي ،،،،،

أمنية غفران · 2017-10-15, 08:43

السلام عليكم أخواتي نهاركم مبروك

شفتو شحال نخمم حباباتي عليكم إحم إحم و لعيون ملوكة تفضلو كرام كرامال نتاع آسيا ربي يجازيها

أدعولنا بالتوفيق

lyzzabel · 2017-10-15, 08:45

السلام عليكم ورحمة الله .. صباح الأنوار حبيباتي نتمنى تكونو قاع غاياا .. مبروووك الكوزينة الجديدة حبيبتي بيلسان و أن شاء الله فاتحة خير عليكم كاااامل

توحشتكم غاليياااتي بصح ما رانيش نجم ندخل المنتدى تقيييل و الصفحات ما يطلعوووش اليوم دخلت بستة و ستييين كشفة و الصور تاني كبااااار كبااااار قد رأس أم ياسوووو يا لهوي دك تجيكم بالبشماق لحمر راكم تعرفوه ههههه

مانيش مراجعة من بعد نولي بإذن الله و نحاول نحط الباروك تاع الكوزينة فقط ما تنسوش تصغرو الصور بليييييز

فطوري اليوم مودر مازال ما لقيته ما لقاني خخخخ .. نخليكم في لامان حبيباتي و إلى الملتقى القريب إن شاء الله

سبحان الله و الحمد لله و لا إله إلا الله و الله أكبر و لا حول ولا قوة إلا بالله

omhadil · 2017-10-15, 12:12

صباحكم زين اخواتى واش راكم واش احوالكم اليوم أنا الله غالب المنتدى مرة يدخلنى ومرة يحاوزنى معرفتش واشبيه
المهم كلما خلق فرصة تدخل نطمن عليكم ونشوف أحوال الكوزينت والله توحشت نلبز ونعاندكم
بصحتكم كامل واش طيبتو
أنا فطورى حوت وبطاطا مقلية

شفت ليزابال ياعمرى طل القمر حبيبتى
واش راكى واش أحوالك ياي شحال توحشت اطباقك وزيد فكرتينى فى أم ياسين يادرى واش اخبارها سلامى ليها ولجميع العضوات

omhadil · 2017-10-15, 12:14

أم هدول وأمنية صباحكم جميل وصح فطوركم وبصحتك أختى كريم كرمال امممم
وراه يشهى

ابني نور عيني · 2017-10-15, 12:29

حيوتة ميرسي على وصفة السباغيتي درت طريقتك جات تشهي بنينة و حارة نحاتلي السخفة ميرسي حبيبتي ربي يحفظلك مهدي والاميرات

ابني نور عيني · 2017-10-15, 12:36

بنات اذا ممكن وصفة عجينة البيتزا تكون خفيفة و هشيشة راني حابة نديرها و تاني صوص الطماطم تاعها لي موالفة تديرها وتخرج مليحة تقولي الوصفة

انا هي رزيقة · 2017-10-15, 13:10

السلام عليكم و رحمة الله فحلات الجلفة الطيبات كيف حوالكم ..ياخي ملاح .......خخخخ انا الحمد لله ....مرحتش بعيد كنت برك مع الخدمة و محاينها .. الله غالب وليت نعيا بزاف هي هكذا ضربية السنين .... خخخخخخخ المهم حليت على الصفحة الاخيرة و شفت روائع حبيبتي المدللة ملوكة يا لهوي على السباغيتي يا مصيبة ... سخفتيني سخفة محصلتش و شكرا عل السؤال يا طيبة يسال عليك الف خير حبيبتي انتي و ام فاطمة و كل لي سقسات عليا شكرا يا بنات
ابني نور عيني راني نشوفك نتيا ثاني حكماتك حمى السباغيتي بصحتك كي نحيتي السخفة... انا لعشية باذن الله نديرو و نزيدلو لهريسة كيما قالتلك بنت خالتي حيوتة ربي يحفظها....
اختي روعة الصور مشهية فعلا شكرا عزيزتي و الف هلا و سهلا بالعسل ليزاتي عسى الاولاد بخري يا رب ... اختي ام هديل هذي غيبة حنونة حمدا لله على سلامتك
حبيباتي حياة و ام هدول الحلوة و امنية و او جوجو الفحلة و ام فاطمة و فيفي لندن وسحابة و بليسان راجعت بوخفيف و شفت بلي مازلتو على ديدانكم ... مشاء الله عليكم فحلاتي الزينونات ربي يديمها عليكم و علينا نعمة يا رب .... و جعل الله مجهوداتكم للحفاظ على هذ الصرح الجميل في ميزان حسناتكم .....
حقا ام هدولة قريب نسيت .... شفت دك النهار دخلت اميرتك هديلة يا لهوي على الفحلة الصغيورة و الله مت بالفرحة فكرتني بالذي مضى و بتجاربي المطبخية كي كنت في سنها ..... خخخخخخخ ربي يحفظهالك يا رب و ينجحها في الباك ... امين يا رب العالمين ......
حقا اختي مرت حمو مرحبا بيك معانا.... قريب نسيت اختي ام يوسف صح فطورك حبيبتي ان شاء الله تكوني بخير ..... لي نسيتها تسمحلي و الله و الله مش بالعاني

روعة الصحراء · 2017-10-15, 13:11

اقتباس:

المشاركة الأصلية كتبت بواسطة ابني نور عيني

بنات اذا ممكن وصفة عجينة البيتزا تكون خفيفة و هشيشة راني حابة نديرها و تاني صوص الطماطم تاعها لي موالفة تديرها وتخرج مليحة تقولي الوصفة

صلصة الطماطم روعة الصحراء

لعمل البيتزا لكن هذه الطريقة سهلة ورائعة قلت نفيدكم بيها
تجيبي 4حبات طماطم تقصيهم على 2 وتحطيهم في طنجرة صغير زايد ملعقتين كبارزيت زايد ملعقتين ماء اذا كانت الطماطم فيها الماء مادريش وتضيف شوي ملح وتطيبهم على نار هادية بدون تقلية وتغطيها بالغطاء بعد ماطيب مكسيها بالمكسور وضيف راس الحانوت تجي صلصة عاقدة .

الطريقة ناجحة لصو والعجينة البيتا تاع ا كوثر رائعة

انا هي رزيقة · 2017-10-15, 13:18

اختي ام البوغوص انا موالفة ندير البيتزا تاعي بعجينة العشر دقائق ... تجي هشيشة و بنينة و كلشي ..... ندير كاسين مائ دافئ( او كاس ماء و كاس حليب ) و نزيدلهم 2 ملاعق كبار خميرة الخبز و و ملعقة كبيرة سكر و كاسين فرينة و اخليهم يخمرو حوالي 10 دقائق ثم زيدي عليهم 3 كؤوس فرينة و ملح حسب الرغبة و نصف كاس زيت ....
اما بالنسبة للصوص طوماط عندك الاختيار ما بين وصفتين كاين تع الخدامات بحالي اكسبراس هذي موالفة نديرها بزاف تسلك تع الصح ....... خخخخخخ ندير ملعقتين كبار طماطم مصبرة في صحن عميق نزيد عليهم ماء حتى تولي بالقوام المطلوب و نزيد حوالي 2 ملعقة كبيرة زيت زيتون و ملح و فلفل اسود و زعيترة و حبة ثوم رابي و نخلط كلشي مليح و نطلي البيتزا تاعي هذي تع المزروبات بحالي .. و كاين الوصفة الثانية ديري بصلة رابي و حبة ثوم رابي و حوالي 4 حبات طماطم رابي و ملعقة طماطم مصبرة و حوالي 3 ملاعق زيت زيتون و ملح و فلفل اسود و ورقة رند و زعيترة ... تحطي كلشي على نار هادئة حتى تعقاد الصوص

انا هي رزيقة · 2017-10-15, 13:24

ااختي ام البوغوس هذ البيتزا التركية درتها بالعجينة لي قلتلك عليها ... و هي صالحة لكل المعجنات دون اي استثناء ..... ...

انا هي رزيقة · 2017-10-15, 13:28

لبنات نحطلكم هذ الطعام من دارنا من ايد اختي ام حسام ....و نخليكم في امان الله .... تهلاو في ارواحتيكم و في عائلاتكم ... سلامي الحار لكل من تاتي بعدي ...