جزء***135***من واش طيبتي اليوم - الصفحة 55

om kamilia · 2015-06-25, 11:22

ارزاق , ام ماجد , ريفية , ام هبوبة , ام وسيم , ام ياسين سماسم وكل الملتحقات نهاركم زين

زينب 83 · 2015-06-25, 11:31

اقتباس:

المشاركة الأصلية كتبت بواسطة om kamilia

دخلت على بيزا الشاف زينب
واو يعطيك الف عافية
راني سنيت خبز الباكيت زينوبة
حقى ناوية نجرب خبز الفوكاشياا و الفيسال , اليوم لآزم نعجنهم بالعجانة و لآ اليد عادي

واشمن شاف يا ام كاميليا راني غير نددش ههههههه

تقدري ديري بيدك او بالروبو اذا عندك

اقتباس:

المشاركة الأصلية كتبت بواسطة rahma2014

زينب مشكورة حبيبتي راني نحوس عليها بيضاء وربي يعطيك ما تتمناي

بلا مزية حبيبتي

قطع لحم من الافضل بلا شحمة لحم العجل يجي هايل ، فطر مقطع ، حمص مشمخ او طايب ، بصل مفروم ، ثوم مفروم ، كركم ، زنجبيل ، كسبر مرحي ، فلفل اسود انا مانحبوش ،ثوم بودرة ، ملح ، ملعقة زيت

نقليو كل شي مع بعضاه حتى يشرب اللحم التوابل مليح ، ثم نمرقو لكن ماشي بزاف بزاف لانو الماء بزاف يودر البنة ، كي يطب لمرق نديرو كاس فيه شوي مرق ، عصير نصف ليمونة ، نصف ملعقة نشاء معدنوس او دبشة مقطعين و خلطيهم مليح و ضيفيهم للمرق خليه يغلي دقيقة و طفي

اذا الحمص ماشي طايب حطيه في الاول و اذا طايب في الاخير
اذا حبيتي تزيدي بولات لحم مفروم داويهم بالثوم و البهارات و حطيهم من الاول يتقلاو مع اللحم

om kamilia · 2015-06-25, 11:23

[color="rgb(75, 0, 130)"]ام باسم مرحبا بيك معانا في الشلة [/color]

أم فاطيمة · 2015-06-25, 11:29

السلام عليكم و رحمة الله و بركاته
كي صبحتو شيرات
راني جبتلكم بعض من طياباتي

راهم كاين بعض الصور راهم مقلوبين ما حبوش يتعدلو راني خبرتكم باش ما تقرعجوش نعرفكم هههه
اللهم ادم النعم

زهرة الريف* · 2015-06-25, 11:38

وااااااااااو أم فاطيمة كلش فور ربي يكثر الرزق ويدوم النعم
أم كاميليا منور خيتي أم باسم مرحبا بك ورمضان مبارك
زينب بسم الله وماشاء الله راكي علامة من النوع الغالي والممتاز ربي يبعد عليك العين
لبنات عييت ولي نسيتها تسمحلي
فطوري بوخفيف يعني ماشي حاجة سلام

om kamilia · 2015-06-25, 11:46

لبنات اليوم عندي شربة , نزيد عليها لوبيا خضراء , وريت و لآ بيري وعندي صدر جاج واش ندير به ؟؟؟؟؟ ونزيد سلطة وبوراك السلق ,
من اليوم ناكل غير شربة خلاص البوراك لحم لحلو , و معجنات
اليوم نزيد ندير خبز فيسال و لآ فوكاشيا نعجنهم بالباتور ههههه و البارح درت خبيزات ام اماني بالسميد ممممم روعة ربي يجازيها خير خرجو متحوفين وبنان زوجي عجبوه وقالي هذا بنين كي البريوش

زينب 83 · 2015-06-25, 11:34

لبنات هدا موضوع لام فاطمية اممممممممممم

https://www.djelfa.info/vb/showthread...post3993715675

أم محمد تاج · 2015-06-25, 11:35

صباحووووو ياغاليااات با بطااااااااااااات
والله روائع واش حطيتووو روائع وجعت مع الصباااااح اخخخخخخخصصصصصصصصص ههههه الله يعطيكم الصحة
ام وابنة المطلوع تاع الكوبزبنيار يتعجن وخليك ماتايسيش مع اامطلوع نشالله تنجحي فيه بالتوفيق
بنات الغاليات ام الجوووود وام ياسووو ماشاء الله وبارك رووووووووعة وام ياسووو ماخلا فيا صحن الحار بالطماطم ممممممممممممم
والله فرحتلك لهوووووونة بصح رحتي وينهو التقلاش هههههههههه
حبيباتي تسلمن على الروائع
الفطور عندي بواقي ولله الحمد والمنة راح نزيد محلبي بالروز وبسس يارب ياكلووووووه انا نموت عليه بصح لي عندي موصايب
حقة بسملة الف اهلا وسهلا والله يشفيك ويعافيك يارب

أم هبوبة · 2015-06-25, 11:35

كنت ناوية اليوم على طبق الزيتون بطريقة اليسون لكن جاتني عرضة للفطور خويا راه عارضني باش نفطر عنده انا و كل العايلة ربي يحفظه و يباركله في رزقه و ماله و يعطي الصحة لزوجته المسكينة رايحة تتعب اليوم .
طبقت شعال من طبق في هدا رمضان لاخوات الي حبيت نشكرهم عل المجهود الي راهم يبدلوه في طرح الوصفات و الي كلها رائعة
عملت سفيرية زينب 83 و شطيطحة الدجاج لاسمهان روعة كدلك اسكالوب مرحي بالمرقاز دوق رائع و اصابع الدجاج بالمرقاز لام اماني و بطاطا بكريم فراش لالهام و الكل وصفات ناجحة و البنة مممم ربي يبارك في صحتهم و اولادهم
لكن راه حاكمني العجز على باش نصور الاطباق و نحطهم

أم باسم · 2015-06-25, 14:07

أم كا ميليا وأختي أرزاق فرحت جدا لردكن عليا أشكركن فأنا جديدة في المنتدي لاأجيد كثيرا في التفاعل معكم ينقصني الكثير انتضر منكن التشجيع والمساعدة افأنا قاطنةجديدة بتمنراست فالجو جديد عليا خاصة مع رمضان لاول مرة ومع الحرارة المرتفعة راني نتأقلم بالشوية الحمد لله راني مع الضياف نهار نطيب نهار لالا اليوم راني روتو رحبببببببببببببببببببببببببببوا بي وشكرا

عازفة الناي · 2015-06-25, 14:14

اقتباس:

المشاركة الأصلية كتبت بواسطة أم باسم

أم كا ميليا وأختي أرزاق فرحت جدا لردكن عليا أشكركن فأنا جديدة في المنتدي لاأجيد كثيرا في التفاعل معكم ينقصني الكثير انتضر منكن التشجيع والمساعدة افأنا قاطنةجديدة بتمنراست فالجو جديد عليا خاصة مع رمضان لاول مرة ومع الحرارة المرتفعة راني نتأقلم بالشوية الحمد لله راني مع الضياف نهار نطيب نهار لالا اليوم راني روتو رحبببببببببببببببببببببببببببوا بي وشكرا

: dj_17:
اهلا وسهلا حبيبة درك راكي مولات الدار ماشي ضيفة ههههههههههههههه ربي يعطيك ماتتمناي و يقويك على السخانة و اي مساعدة احنا كامل تحت امرك ورهن اشارتك

om kamilia · 2015-06-25, 11:39

ام تاجو اهلين يا لحبيبة
زينب راكي ما شاء الله افكار وطبخات
ام هبوبة بصحتك الطيابات انا مكاش لي ياكل نويت بزاف وصفات مزال ماطبقتهمش

أم محمد تاج · 2015-06-25, 11:44

احلى صباح ام كامبليا وبصحتك الفطووور
حقة ام ياسوووو والله جات في بالي تحلية الكابريس وقاعدة البارح نقرا في الوصفة وعندي حبيبات كابربس مايكفيونيش والله تخيلت الذوق مممممممممم بصحتكم وح ط ي التحريفات يخرب تحريغاتك

نزنق حبيباتي

أم فاطيمة · 2015-06-25, 11:53

ام طيري الجنة يا بحرية يعطيك الصحة
ام اسلام اطباقك روعة مبصح هذيك الحاجة لمكعبرة واش هي على قول عثمان عليوات
ام ايوب بغريرك هايل بصح حنا ما نكلوهش في رمضان
الاخت بسملة مرحبا بيك بسم الله ما شاء الله عزوفة اطباقك روووووووعة
اسيل بصحتكم مطرح ميسري يمري
ام تاج صباح الخير ما علقتيش على اكلاتي هههه نحب تعليقك
زينوب شكرا ياطيبت القلب ربي يهنيك

oum islem · 2015-06-25, 22:31

اقتباس:

المشاركة الأصلية كتبت بواسطة أم فاطيمة

ام طيري الجنة يا بحرية يعطيك الصحة
ام اسلام اطباقك روعة مبصح هذيك الحاجة لمكعبرة واش هي على قول عثمان عليوات
ام ايوب بغريرك هايل بصح حنا ما نكلوهش في رمضان
الاخت بسملة مرحبا بيك بسم الله ما شاء الله عزوفة اطباقك روووووووعة
اسيل بصحتكم مطرح ميسري يمري
ام تاج صباح الخير ما علقتيش على اكلاتي هههه نحب تعليقك
زينوب شكرا ياطيبت القلب ربي يهنيك

صح فطوركم كامل
ام فطيمة ههههخخخ هديك الحية لمكعبرة في الطبسي
هي دجاج محشي بالخضر تاع حبيبتنا الغالية اسمهان
الله يعطيها ما تتمنى ويفرحها بطفل شباب ومسرار
من دخل رمضان كل يوم ندير تطبيق لوصفة من وصفاتها
https://www.djelfa.info/vb/showthread.php?t=1818436