الجزء 78 من واش طيبتي اليوم سموا بسم الله - الصفحة 55

chez biba · 2014-06-16, 14:23

اقتباس:

المشاركة الأصلية كتبت بواسطة أم سراج الدين

و هدا باش تتقهواو

شكرا ام سراج يعطيك الصحة، باين عليه هايل

ام سراج وملاك · 2014-06-16, 14:23

مساء الخير يعطيكم الصحة كامل ام ميتة مبروك عليك الكوزينة الجديدة ربي يدمها نعمة على الجميع

انتصار فاطنة · 2014-06-16, 14:27

yasmalak حلوياتك يهبلو سخفتيني بالقريوش راني اديت حبة نحيت بيها السخفة

دائمة الحمد · 2014-06-16, 14:29

صحة غداكم غدايا بقت مقرونة من البارح وزدت قليت بطاطا وعملت شكوكة وعصير
الديسار مافيش اليوم سي السيد ما راحش للسوق
اليوم عملت النتواياج للاشامبر تاع ولدي كان يريفيزي فيها محرم علينا نمسولو حاجة رجعها مارشي اليوم كان نهارهامن الصباح ونحنا فيها
جيت نطل عليكم ونشرب قهوتي ونروح نكملو تنظيم الدنيا

افروديت الحلويات تهبل نحيلي صحن وسربيهولي تحت الطابلة طاطاك تعبانة
لعقوبة لحلويات عرسك عزيزتي
ام سراج الدين تبارك الله عليه راح نهز باش نتعشى لانو ماكان حتى بوادر على العشاء

ام سراج وملاك · 2014-06-16, 14:33

UOTE=awladi;1056698054]مساء الخير عليكم وصحة عشاكم
ماشفت والو راني ميتة بالعيا جاني ضيف على غفلة راني صورتلكم شوية
هذا واش طيبت اليوم

[/QUOTE]

اقتباس:

المشاركة الأصلية كتبت بواسطة awladi

صحة فطوركم
بدلت فطوري كملت واش بقى في الثلاجة
الكباب راني وجدتو بقو الرتوشات الاخيرة تاعو نخليه للعشاء ان شاء الله

ام ماجد تفضلي كولي هذا واش بقى لوكان اجي لعندي ولادي ملي تقعدي وهما يقولولك كولي لوكان ماتكليش يبكو الضيف ولى يقول خلاص ماقدرتش العشاء ماقدرش يتعشى مسكين
راه جاني دورك الكونترول تاع الماء

يعطيك الصحة اولادي طيابك روعة مشاء الله عليك حبيت نسقسيك على لغراتان واشية بانلي سلق مع لحم مرحي ولا راني غالطة ممكن توضحيلي اذا امكن وحبيت نسقسيك كيفاه درتي لكباب راني نسقسي بزاف اسمحيلي

kiya · 2014-06-16, 14:39

اقتباس:

المشاركة الأصلية كتبت بواسطة yasmalak

مسلخييير حبيبااااتييي
يعطييكم الصحة على واش حطيتو انا مازال ما شفت والو كنت عند خالتي عندهخا عرس درتلها العرايش و القريوش مي ما صورتش كلش مازالت البقلاوة و المشكلة و مخدة العروسة

واو يعطيك الصحة حنونة حلوياتك روعة ممكن وصفة لقريوش
مساء الخير لبنات
وش راكم انا راني مع الميناجج مزالت حاصلة راني جيت نطل عليكم برك
غدانا شخشوخة
بصحتكم كامل وش طيبتو

عازفة الناي · 2014-06-16, 14:44

yasmalak الله يبارك حلويات تحفة و مبروك العرس
ام سراج الدين اطباقك تحكي وحدها الله الله
دائمة الحمد ربي يعينكم على الميناج
و الباقي صحى غداكم كامل

awladi · 2014-06-16, 14:45

حنان حلويات روعععععععععععععععععة يعطيك الصحة حنونة لعقوبة حلويات عرسك يارب
موناليز امممممممممممممم بصحتكم التارت راهي تشهي
راني دخلت مع سؤالك

شوفي الكباب
نقطع البطاطا كبيرة شوية على الفريت نقليها ومانحمرهاش ونحطها بجهة
طنجرة دجاج+بصلة مرحية +فلفل اسود+ملح+عود قرفة +ربطة معدنوس مربوطة+شوية زيت نحمس و نمرق +حمص ولا جلبانةحتى اطيب الدجاج
ونخلي شوية من المرق تاعي
نصفيه ونعاود انردو فوق النار قليلة ونرمي البطاطا
بجهة نضرب البيض على حساب البطاطا الي عندك مع شوية معدنوس مقطع رقيق ونفرغ فوق البطاطا ونخليها تتشرب

من جهة نحمر الدجاج في مقلة بشوية زيت واذا حبيتي ادهنيه بالزبدة ودخليه للفور اذا ماكنتيش مزروبة

awladi · 2014-06-16, 14:50

غراتان البطاطا باللحم مرحي

قطعي البطاطا رقيقة وملحيها وديريها تفور

مقلة لحم مرحي+ثوم رابي+فلفل اسود+ملح +شوية زيت وحمسية وماتنشفيهش كامل اطيب برك

بلا تاعك
ادهنيه بالزبدة
حطي طبقة من البطاطا المفورة ثم كمية مليحة من الفورماج ثم طبقة من الللحم مرحي طايب ثم الفورماج ثم عاودي مرة ثانية الطبقات ومن فوق كمية كبيرة من الفورماج غطيه بورق الالمنيوم ودخليه اطيب على نار متوسطة

لينا11 · 2014-06-16, 14:58

اهلا عسولات هاكم كعك النقاش مممممممممممم

مازال ماطابش كي يطيب نحط صور نهائية

selma2013 · 2014-06-16, 14:59

yasmalakحلوياتك في القمة الله يعطيك الصحة
كون تتكرمي علينا بوصفة القريوش المضفور والقلب داعيلك

selma2013 · 2014-06-16, 15:03

لينا كعك وعليه لكلام مي قوليلي كيفاه نقشتيه راهو متحوف روعة

yasmalak · 2014-06-16, 15:04

مرسيي حبيبااتي حشمتوووني
chez biba وييييي شفتي شعال تشد اليد مي العروسة ما طلبتهاش للعرس طلبت غير سنيوة باش تديها في صباح االعروسة

دائمة الحمد مسلخيييييير حبيبيتتتي وشرااااكي و نبتعتلك بيانسييير مي ماشي غير طبسييي ياخااااه تستاهلي مااا كتررر

الحزينة بجداارة مرسييي حبيبتييييي مي تعيشي علاه هدا الاسم الكئيب تفاءلي اختييي

kiya هايلييك وصفة القريوش

3 كيلات فرينة و نص باكي خميرة تاع حلوى ادا درتي كيلة كبيييرة ديري باكي كامل و نص كيلة نشا شوية فاني و دخلي فيها نص كيلة سمن دافي دخلييه مليييييح باش يجي مبسس و زيدي صفار حبة بيض و لمي بالما دافي و ماء زهر و العجينة تكون حاكمة روحعها با تعاونك خلي العجينة تريح ملييح قدما تريح قدمما يجيك مليييح . تحلي العجينة فالرقم 3 زوخ خطرات اومباعد حليها فالرقم 4 و رشي النشاااا اخدميي بيه باش ما يلصقولكش السباتي اومباعد حلي العجينة في جهة الرشتة و احكميها من فوووق و ابداي تضفري فيها نورمال كيما الضفيرة تاع الشعر و اغلقيها من تحت تقدري تديريها طويلة و ادا حبيتيها مدورة طوليها شوية و ديري بياض
البيض فالجهتين و لصقيهم