الجزء29 من واش طيبتي اليوم؟ - الصفحة 55

الأمنيات · 2013-09-28, 14:37

السلام عليكم اسعد الله يومكم وغفر لكم
غدايا لوبيا خضرهطريقة بروووووووووقه
سلاطة وتفاح
الحمد لله

إلهام07 · 2013-09-28, 14:42

اقتباس:

المشاركة الأصلية كتبت بواسطة أم محمد تاج

سلالالالام وصح غداواتكم حبيباتي
أنا تغديت قليان ولعشية رايحة ندير بربوشة بالكابوية ولحليب ممممممممممم
لهووومة القاطو تاع الطبقات حليه واحد سنتيم ولا أقل شوي برك عمبالك راه راح يطلع بصح يجيك قدقد
وكريمة السميد تهبل في الفم أنا كنت ندير لي روس بيها يجيو هبال

شكرا أنا عندي ثقة في وصفات أم كوثر بصح ضرحتني كي قالت تبقاي تحركي من 30-45د وععععععععععععععع

المستغفرة :
لالا نخدم بصح كل شوية نطل ههههههههههه ياكلني قلبي

بصحتكم المردود

سخفتيني بلاك نديرو العشية

حابة نجرب شربات الصوامعية وخفت منو كي عاد فيه الحليب تعرفي الحليب يروب كي تحطيه مع عصير الليمون واش تنصحيني ؟

إلهام07 · 2013-09-28, 14:48

الأمنيات ساعة ساعة يجيوني اطباقك شوية غريبة يعني سلطة التفاح عمري لاذقتها ومانيش متصورتها

ساندي 28 · 2013-09-28, 14:49

الهام يتوحشك الخير حنونه القلوب عند بعضها كتبتلك رد طويل لكن للاسف ماوكلي نحلي البريز طفا الميكرو هههههههه
نجمو لاباس ويقرى بصح بالتشناف هههههه مفهمتكش واش من احوال راه راسي منفوخ وعينيا اكتر مجهدة بزززززاف منعرف واش بيا
المهم الصباح كنت نلبز اكيد في الحلو .الحلو للحلو هههههههه من بعد نحط الصور ودركي خدمت عسل ام انس الغاليه ربي يحفظها ويحفظلها اولادها نحت عنا هم كبير وتهلمت منها بزززاف حويايج ان شاء الله تكون في ميزان حسناتها ومن بعد نقول واش سر هادي الدعوة الطويله لعريضه وهي اكيد تستاهل
لمساء رايحا نجرب حاجه ان شاء الله تصلحلي
الهام من بعد راسلينى راكي نسيتينى خلاص

tokio hotel · 2013-09-28, 14:52

اختى الهام عصير صوامعية رائع و لحليب ما يروبش خلا خاطر غير كمية قليلة غير جربيه ما تندميش

إلهام07 · 2013-09-28, 15:09

اقتباس:

المشاركة الأصلية كتبت بواسطة omnadjem.10

الهام يتوحشك الخير حنونه القلوب عند بعضها كتبتلك رد طويل لكن للاسف ماوكلي نحلي البريز طفا الميكرو هههههههه
نجمو لاباس ويقرى بصح بالتشناف هههههه مفهمتكش واش من احوال راه راسي منفوخ وعينيا اكتر مجهدة بزززززاف منعرف واش بيا
المهم الصباح كنت نلبز اكيد في الحلو .الحلو للحلو هههههههه من بعد نحط الصور ودركي خدمت عسل ام انس الغاليه ربي يحفظها ويحفظلها اولادها نحت عنا هم كبير وتهلمت منها بزززاف حويايج ان شاء الله تكون في ميزان حسناتها ومن بعد نقول واش سر هادي الدعوة الطويله لعريضه وهي اكيد تستاهل
لمساء رايحا نجرب حاجه ان شاء الله تصلحلي
الهام من بعد راسلينى راكي نسيتينى خلاص

راني نقصد العقارب ههههههههههههه خلصتي منهم ؟
ممممممممممممم عسل ام انس مانستغناش عليه صح تعلمنا منها بزا ومافهمتش وين راحت غابت فجاة

توحشتها البارح لقيت عندي علب شكلاطة أخرين رايحين يتبيريماو قريبا جدا والله ماركات غالية قلت ندير تحلية أم أنس وشريت جوتابل طرونسبارون باش نديرهم كيفها
المهم توحشتها وربي يجازيها كل مرة تعلني حاجة مليييييحة ونتحس روحي وليت فححححلة

قوليلي واش رايحة ديري بالعسل

؟
هيه كي جربيها ماتضربيش النح قوليلي واش هي حتى لو ماتصلحش

اكيد حبيبتي كنت هارجة مع المسابقة واللله ايبوع هباااااااااااااااااال توبة توبة هههههههههههه
من بعد إذا مالبزت والو كي نجي للمنتدى نحكيو شوية

اقتباس:

المشاركة الأصلية كتبت بواسطة tokio hotel

اختى الهام عصير صوامعية رائع و لحليب ما يروبش خلا خاطر غير كمية قليلة غير جربيه ما تندميش

خلاص على ضمانتك انت ماشي الوامعية ويا ويلك يا سواد ليلك لوكان الحليب يكلكل لاخاطر جربتو ن قبل في عصير التفاح نتاع وحد الأخت فيه عصير ليمون وحليب بمجرد مانحط الحليب يروب
خلات عليك بصح ضرك عندي كمية مليحة نتاع عصير في الدار بابا لقاه صولد شرى منو بزاف كي يخلاص ونتفاهمو

هههههههههه ديري الخير في العرب

tokio hotel · 2013-09-28, 15:15

و الا عجبك واش اديرلى ياعفريتة حقة كامل يجربو فى الطعام انتاعك منين يجيبو فى البصل لخضر و الفول اختك راهى تستنى للربيع و الجماعة راهى تاكل و تستمتع هههههه

*ام رامي* · 2013-09-28, 15:22

سلااااااااااااام حبوبات الحاضرات والغايبات
هاكم تشربوا القهوة
الوصفة سبق وكتبتها لاخت طلبتها هنا
معلش نعاودها
اربع بيضات كبيرة . 8 ملاعق كبيرة سكر عادي .. فنجان قهوة حليب واخر زيت الفنجان حجم كبير يمكنك تعويضه بكاس تاي صغير
1 خميرة .. نص كاس نشا . كاس ونص فرينة
انخلي الفرينة والنشاء وكيس الخميرة الكيميائية
اخفقي بياض البيض كاثلج
واخفقي الصفار وحده مليح ثم اضيفي له السكر واصلي الخفق ثم الزيت وواصلي الخفق حتى يصبح كالمايونيز واخيرا الحليب واخفقي جيدا طولي في هذه المرحلة باه تحصلي على نتيجة مرضية
اضيفي خليط الفرينة والنشاء والخميرة للصفار المخفوق وحركي بملعقة ثم اضيفي البياض وحركي بلطف
ادهني القالب بالمرغرين ورشي الفرينة واسكبي الخليط والى الفرن
ربع ساعة الاولى على نار مليحة 200او 180 كي تشمي ريحتها نقصي للنار باه ما تتحرقش وتنشف مليييييييييييح
خرجيها ادهني بفوطة مبللة بالماء البارد قالب الفرن باه تسقط الكيكة بسهولة وما تتفتتش
زينيها حسب رغبتك
وبالصحة والهناء
ملاحظة البيضات اذاكانوا صغار او متوسطين نقصوا كمية الفرينة اوكي ؟؟؟

فايزة44 · 2013-09-28, 15:26

اهليييييييييييين ام رامي ربي يسترك حطيييييييييييييها موضوووووووووع اذا اممممممممممكن وجوزيت الجنة

oum ibrahim · 2013-09-28, 15:28

يعطيك الصحة ام رامي ماشاء الله البساطة و الاناقة لهما عنوان واحد هو ام رامي

omhadil · 2013-09-28, 15:33

مرحبا ام رام رامى روووووووووووووووووووووووووووووووووووووعة

*ام رامي* · 2013-09-28, 15:36

فايزة وام ابراهيم وام هديل ربي يخليكم حبوبات
راني كتبت الوصفة

إلهام07 · 2013-09-28, 15:40

اقتباس:

المشاركة الأصلية كتبت بواسطة tokio hotel

و الا عجبك واش اديرلى ياعفريتة حقة كامل يجربو فى الطعام انتاعك منين يجيبو فى البصل لخضر و الفول اختك راهى تستنى للربيع و الجماعة راهى تاكل و تستمتع هههههه

أصبري يصلح ومن بعد أطلبي ههههههههههههههههه
البصل ماشي شرط أخضر ممكن بصل عادي كيف كيف أنا كي درت الموضوع كان وقت الأخضر
أما الفول كي كان وقتو كونجلينا كميات كبيرة

يعطيك الصحة أم رامي أنا أصلا معتمدة الجينواز نتاعك ومانبدلهاش

القبطية · 2013-09-28, 15:47

اقتباس:

المشاركة الأصلية كتبت بواسطة إلهام07

شكرا أنا عندي ثقة في وصفات أم كوثر بصح ضرحتني كي قالت تبقاي تحركي من 30-45د وععععععععععععععع

المستغفرة :
لالا نخدم بصح كل شوية نطل ههههههههههه ياكلني قلبي :d
بصحتكم المردود

سخفتيني بلاك نديرو العشية

حابة نجرب شربات الصوامعية وخفت منو كي عاد فيه الحليب تعرفي الحليب يروب كي تحطيه مع عصير الليمون واش تنصحيني ؟

راني جربتو 2 مرات مرة درت فيه ماء زهر ومرة لالا ولكن والله ماعجبهم في الدار رميتو للسلاحف

omhadil · 2013-09-28, 15:54

ام رامى الوصفة انا الى طلبتها منك ورانى جربتها وخرجتلى روعة
ورانى حطيتها فى قسم الاطباق المجربة
شكرا مليون مرة