~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[غزالة1]

في الصفحات معلومات مهمة و قيمة لكن الان كثرو الصفحات و صعب الرجوع او التذكر
لو اي صفحة فيها معلومات يكون عندها رابط في الصفحة الأولى

[جهينة اليقين]

السلام عليكم اسعد الله صباحكم ويسر يومكم ونجح اولادنا انشاء الله هذا اليوم الاخير للامتحانات

[جهينة اليقين]

اروى وين راكي مازاكي مع الشريحة؟ ام صابرين الله الله على ذاك الترتاب تاع ملابس صابرين الله يحفظها لك سمراء تروحي وترجعي بالسلامة ما تنسايش تجاوبيني على موضوع التوابل

[سرور2]

صباح النور لبنات

اليوم منضتش صليتلانو نضت تصحرت لصيام وداتني عني مفطنتش ل6كنضت صليت ودرت 20دسبور ونضفت خفافي لانوالغبار والبررررررد

قلتحتان يدفى الحال وباش لنضفها منزدش نعودها

طبقت الملابس لغسلتها البارح وكملت اغلب الاشغال

ووجدت عجنة من البارح رايحةنخدم شخشوخة

الغدى وفطوري منبعد نخمم فيهم لانو غير خفافي بماانو الزوج ريجيم وحتى انا

يوم موفق للجميع

[oum sabrin]

صباح مشرق و جميل على الجميع
شي بيبا على سلامتك و ربي يحفظك على الكللام الزين راكي منورة
جهينة اليقين شكرا لك على الدعاء ربي يحفظلك كل عزيز
و الله حبيت نرد على كل واحدة خطت حرف في هذه الصفحات و لكن تعذر علي ذلك لان الصفحات ما شاء الله كثرت و انا ما رانيش ندخل بزااف بحكم فترة المراجعة
المهم نشكركم كل واحدة باسمها على المداخلات القيمة و المواضيع المطروحة للنقاش و كذا تحضيرات رمضان افكار رائعة يا ريت توضع الروابط في الصفحة الاولى ليسهل الرجوع اليها
اليوم رايحة ندير بيتزا و عندي شويا حوايج للغسيل باليد
و من بعد نشوف واش نزيد نرتب في غرفة الاطفال
يوم موفق للجمييييييييييييع

[hanamohamed]

السلام عليكم ورحمة الله وبركاته
أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير
صباحكم جميل
كجمال أرواحكم
صباحكم صافي
كصفاء قلوبكم
صباحكم راقي
ك رقي أذواقكم
صباح الخير على الجميع
صباحكم معطر برحمة الله ورضاه
ما أجــــمل الصـــباح اذا بــدأ بـذكـــــر الله
وما أبــرك الحـــياة اذا مـلــئت بــطاعـة ا
اشتقت اليكن كثيرا ان شاء الله تكن كلكن بخير
جهينة كيف حالك والعائلة الكريمة كيفكن جميعا اروى وام ادم وام متين جميع رفيقاتي في يوم جديد ومرحبا بالجديدات وكل الملتحقات

[امّ اياد]

صباح الخير ربي يوفق اولادكم سرور ربي يتقبل صيامك انا نضرب طلة خفيفة فالاقسام الاخرى ومبعد نروح للقضيان نهاركم سعيد

[حياتي كلها امل]

ربي اشفي مرضانا ومرضا المسلمين انا اليوم باذن الله راني من الصاءمين نضت تصحرت وصليت ثم اذكار وقران زيدت رقدت حتى لحق وقت المدرسة راحو الاولاد نضت للاعمال اليومية غسل الاواني وتنضيف المطبخ خملت البيوت ضرك راح نوض نسيق ثم نخمل جيهت الملابس تاع بنتي الصغيرة الفطور كاين العشاء تاع البارح والله يعاون الجميع ولي عودة ان شاء الله.

[آسيا 25]

المشاركة الأصلية كتبت بواسطة فراشات العمر

بالنسبة ليك يا اسيا عجوزتك ماتحبش الماكل ولبوسي مديلها ورقة هههههههه فهمتيني وحد الوقت كانو يقولو يخدعوك في اللبسة ولا ماكلة ماتلوميهاش تربات على هذا الوسواس وبلاك عاشتو مالا نصيحتي لكل وحدة خدامة باه تمد حوايج ماشي حاجة بصح تمد ورقة عندها الشان اصلا هما يشوفوك وراقي ههه
هي قصة وحدة استاذة نتاعي تاع الاجتماعيات ماتزوجتش بكري وكي كتبلها ربي تتزوج عطالها عجوز وبناتها واش تدير لفحلة كل اباي تحكم بالوحدة هكي كشما تستحقي ولا تسخفي تصدقوني والله غير يتلقاوها عند الباب ويفرحو بيها والشغل ما يخلوهاش تخدم يقولولها عيانا ونهار العطلة يقولولها ديرلنا الماكلة نتاعك سخفنا عليها بالضحك واللعب وما حملتش دارت الالقاح في تونس هزينها في الهوى وحالقين في بنهم لا كشما يخمم منا ةلا منا

صباحكم سعيد و مبارك صديقاتي شكرا لكل وحدة اهتمت بأمري و نصحتني فقط حبيت أضيف أني موالفة نعطيها صوارد و كيما قالت الأخت حبيبة زوجي طالقتهولهم يخدم عليهم و الله و هو مريض نقولو معليش روح أخدم لخوك لأن زوجي عندو موهبة في البناء و متمكن بالرغممن أنو مهندس و ليس بناء هو اللي بنا لخوه دارو وانا عندي الشرفة تاعي مافيهاش كارلاج من كي تزوجنا وهو يقولي ضرك نخدمها ما خلاوهش دقيقة و نهار خلص خدمة عليهم كي قلتلها يخدم لبالكون قالتلي لا راهو عيا ما يخدملكش ضرك!!!!و بعقلك واش زربك فيه?رجعتني أنا مانيش نخمم فيه المهم يا خواتاتي راني علابالي علاش تدير هكدا حابتني نكره و نروح نكري و نخرج من الدار باش تجيب بنتها تسكنها في داري و هدا ماشي مجرد شك بل يقين فقط كاين أمور ما يليقش يحكيهم العبد و إلا لخبرتكم
و أخيرا تأكدو أني عمري ما ظلمتها و ما نظلمهاش بإذن الله راني صابرة و ندعي في ربي يهديها و يحنن قلبها إن شاء الله
و الآن علينا إغلاق هذا الموضوع لأنني أعتقد أن اليوم مخصص لموضوع آخر.
صحيتو لبنات

[حياتي كلها امل]

بنسبة لطريقة مراجعة للاولاد انا عندي زوج يقراوي في الابتداءي طفلة تجوز الخامسة واخر سنة اولى.من السنة الاولى حتي الثالثة انحفضهم انا يعني نقرالو الدرس ونحفضو بالتكرار واش لازم يحفظ ونشريلهم مراجع ونعمللهم منهم اسءلة ثم عندما يكبرو نقولهم روح تحفظ ورواح انشدلك وحاجة رياضات ولغة وفرنسية نراجع معاهم الدروس ونشوف واش ماراهمش فاهمين فهمهولهم ونعملهم تمارين او مواضيع
كيما بنتي لي راح تجوز الخامسة من غير المراجعة في المدرسة تقريبا كل يوم نعطيلها موضوع تحلو اما في اللغة او الرياضيات اوالفرنسية ونقولها حليه كي تكمليه نصححولك وبالتوفيق للجميع.

[omelbanin]

[SIZE="7"]انا بالنسبة للاولاد والمراجعة :مازالني نحفظ معاهم وكون ما نقولهمش نوضو [/تقراو عليك لامن ما ما ينوضوش
ونظن انو الذكور والبنات ماشي كيف كيف ،لبنات يقراو وحدهم ،SIZE]

[فراشات العمر]

السلام عليكم
شكون تروح تجيب اولادي من برا باه نقريهم ههههه
كرهولي حياتي يؤميو المحفظة في لخزانة والى الفناء الحرية
انا ولادي للزوج في الابتدائي الاول سنة خامسة مخلياتو وحدو يحفض ويقرا وحدو من الغرور ولا ما يقراش النص ويجاوب من راس انشتاين والرياضيات الطريقة صحيحة مئة بالمئة والحل غالط
والثاني سنة اولى نسمح في كلش وباه يقرالي شوية مزاجو صعيب بزاف يتقلق بالخف يحب يخلص ثم ثم
يموت على التلوين لون كل كتبو ههههه حتى القصص والاورق والكراريس يرسم فيها طفل يلعب بالزلاجة ومعاه شجرة

[فراشات العمر]

الف مبروك ام ادم لعقوبة للخرين
بيبا واش راكي دايرة مع بنتك لي تقرى اولى
سمورة ربي يشفيك وطهور ان شاء الله ومبروك عرسكم
ماتطوليش ولادك امتحان
نسيت ماقلتلكمش خلصت الكادو الاول جلبانة وراني صايمة ليوم نكمل القرنون شكرا على المعلومة حياتي كلها امل

[حياتي كلها امل]

فرشات العمر علبالك كنت نقرا في الرد تاعك ونضحك متزعفيش مني ضحكني اسلوبك في طرح الفكرة
كيما قالت ام البنين الذكور مايقراوش وحدهم كيما البنات انا وليدي تانك سنة اولى كيما وليدك كينعود نقري فيه ماذا بيه يكمل تمتم واذا قعدت نشرحلو في كاش حاجة ومفهمهاش ينوض يبكي مانفرى نقريه ولا نسكتو.
والله يبارك راكي فحلة كي كملتي الجلبانة كون جيتي قريب ليا كون عاونتك ونقسرو حتى ياذن المغرب ونفطرو.

[omelbanin]

ختي فراشات العمر ،ونستيني عمبالي غير ولادي ما يحبوش يقراو . كي تقوليلهم ارواحو تحفظوايقولولك : رانا حااااافظييين ،ولا ارواحو نفهمكم، رانا فاااهمييين. ساعات نقول خليتي منهم ،ممبعد ما يهنينيش خاطري نروح ليهم انا .

وربي يعينك على تنقية القرنون،
وكيما فالتلك حياتي كلها امل كون جيتي قريبة كون جينا عاوناك في القرنون.