يوميات عضوة - الصفحة 55

ام عبودة · 2014-05-08, 18:38

السلام عليكم
اليوم نظت روووطار 7:30 صليت نوظت راوية وشربتها الحليب وراحت اليوم اخر يوم في الامتحانات
وجدت قهوتي بيني وبينكم كي يكون الزوج مسافر ما تطلبلي قاع هههههه تجيني صامطة
ميمي البارح بايتني معاه قاعدة عندو السخانة وحاكمو الزكام
غير ناض لعبتو في الجنان وي باش ينسى المرض شوي
وعاندو عبودة
ايا كملت معهم شربت قهوتي ونظمت الغرفة درت رياضة تاع نص ساعة
رحت للكوزين درت. حريرة لميمي والاولاد
عملت ماسك لشعري
ومن بعد دوشت وتغدينا وصليت وزعما نرقد ما رقدتش نظت غسلت المواعن وحفظت شوي ومن بعد شربت تاي وقعدت نتفرج
ظرك نروح ندير العشاء

ام عبودة · 2014-05-09, 08:01

صبااااحكم سعيد
جمعة مباركة

ام عبودة · 2014-05-16, 16:13

جمعة مباركة
اليوم نظت على 10 ههههههه شربت واحدة اكتيفيا وراني نحاول نقص من القهوة
الاستفار والصلاة على النبي كالنحلة كملت تنظيف البيت هويتو ومسحت الموبل والارضيات وبدل الفرا
غسلت الثلاجة وسيقت البرا وغسلت باب الخارجي وباب القاراج والحيوط برا
وكملت بالدوش
تغدينا شخشوخة
ورقدت ماهر وحبيت نرقد ما قدرتش نااايضة روووطار
ظرك نروح نقرا سورة الكهف والعصر راهو قريب

ام عبودة · 2014-05-18, 08:02

صباحكم سعيد
واش راكم

ام ياسمين10 · 2014-05-18, 12:49

صباح الخير ام عبودة رانى جيت بعد غياب .حبيت نباركلك على دارك الجديدة ربى يهنيك فيها والله انتى نعمة الكنة فى هاد الزمان شكون الى عندها دار وتخليها وتقعد عند دار شيخها ربى يحفظ الوالدين الى رباوك ...لوكان غير جيتى كنت ماما يعنى مرت خويا يا سلام والله ترفعى الراس وتريحى كل واحد ..ومبروك تانى الرتبة الاولى لراوية

ام عبودة · 2014-05-18, 16:28

اقتباس:

المشاركة الأصلية كتبت بواسطة ام ياسمين10

صباح الخير ام عبودة رانى جيت بعد غياب .حبيت نباركلك على دارك الجديدة ربى يهنيك فيها والله انتى نعمة الكنة فى هاد الزمان شكون الى عندها دار وتخليها وتقعد عند دار شيخها ربى يحفظ الوالدين الى رباوك ...لوكان غير جيتى كنت ماما يعنى مرت خويا يا سلام والله ترفعى الراس وتريحى كل واحد ..ومبروك تانى الرتبة الاولى لراوية

الله يبارك فيك خيتي ومرحبا بيك بعد الغياب هذا توحشناااك
بيناتنا اي واحدة فينا تحب دارها تتحكم كيما تحب
بصح الولف عمرو ما يتنسا والوناسة زيييينة
مع عائلتي عشت ايام حلوة واخرى مرة والكل فاتو وجاتني صعيبة الخرجة

ام عبودة · 2014-05-18, 16:32

اليوم نظت على 6:45
صليت واستغفرت ربي
وجدت القهوة وناض الاولاد الزوج راح للعمل وانا رتبت الغرفة وطبقت الحوايج تاع الزوج والاولاد
لبستهم وراحو يلعبوا حفظت شوي من سورة البقرة وفطرنا صليت الظهر وتكيت شوي رجع الزوج فطر وغسلت المواعن وقعدت ندور في النت

ام ياسمين10 · 2014-05-19, 15:23

مساء الخير ام عبودة وعليكم كامل

ام ياسمين10 · 2014-05-19, 15:24

يتوحشك الخير ام عبودة وانا تانى توحشتكم ونخلة يادرا واش راها عاملة

ام ايمان1 · 2014-05-19, 20:53

السلام عليكم حبيباتي ومبروك عليك اختي ام عبودة الدار بالربح انشاء الله حتى انا نوجد للدار الجديدة ومادابيك تعطيني تدابير لتسهيل وتنظيم متطلبات الدار اه نسيت نسقسيك لولاد والفولك بلمدارس انا خايفة على اولادي كي تتبدل عليهم المدارس بعد ماوالفو هنا وخصوصا عندي اللي رايحين يعقبو شهادات

ام عبودة · 2014-05-21, 18:00

اقتباس:

المشاركة الأصلية كتبت بواسطة ام ياسمين10

يتوحشك الخير ام عبودة وانا تانى توحشتكم ونخلة يادرا واش راها عاملة

اهلين ام ياسمين
نخلة راهي في الدورة والله يبارك عليها راهي مع الرزووز والموف هههه

رهف حسيني · 2014-05-22, 20:57

ماشاء الله ربي يصبر اختي وينيك في القضية نتاعك مي هذي يوميات كل بنت من تنوض من الفراش حتان ترجعلووووووهههههههههههههههههههههههههه

ام عبودة · 2014-05-23, 10:02

السلام عليكم
جمعة مباركة للكل
بلاك تنسو الاذكار وسورة الكهف
والاستغفااار باب الراحة والنشااااط
ام ايمان مبروك عليك العتبة الجديدة
انا مانيش ساكنو طول فيها بصح لو سكنت المدرسة مش بعيدة وعندي السائق يوصل الاولاد
اما انت اذا كانو اولاد حساسين من الترحال حاولي توخري حتى يكمل الشهادات اما اذا كانو عاديين ما يتاثروش ارحلي ومبروك عليك
اما عن التوجاد راه يتبع الميزانية اذا كانت الميزانية تسمح قادرة في نهار كي حالتي تعمريها بصح اذا كانت نص نص ابدي بالاشياء الضروريى
غرفة النوم وغرف الاطفال وغرفة الجلوس والمطبخ
وخري الاكسسوارات كل مرة اشري حاجة الاواني اشري المفيد مثلا في المطبخ اهم حاجة الثلاجة والفور خلي الميكرووند والالات مثل العجانة والميكسور الى مرات اخرى ابدي بالمفيد اللي ما تستغنايش عليه وغير بشوي بشوي ومش شرط كل الاثاث يكون من النوع الغالي ركزي على الموبل. والفراشات اشري الرخيص
على خاطر الموبل يقعد سنين والفراش كل عام يخرج الجديد والزرابا تاني غير ليكيدي في شموبرتك وشومبرت الاولاد اما الصالون ديري حاجة مليحة للظياف
والريدوات تاني غير حاجة مواتية كي تكمل تعمار الدار مرة اخرى خيري وقت تكون الميزانية مليحة وعاودي الديكور تعمار الدار مش في ليلة يبغالو وقت
وبصحتك حنونة

ام عبودة · 2014-05-24, 10:57

صباحكم سعيد
واش راكم ؟؟؟؟؟
انا اليوم نظت روطار بايتة نستنى في الزوج يلحق من السفر ورجع غير مع ال 5:30 نظت على ال8وجدتلو قهوتو وانا حبستها القهوة راني نشرب غير الياغورت او الشاي تاع الصاشيات تقهوينا وقعدنا شوي هو رجع رقد وانا رحت للمطبخ درتلو دوبارة بسكرية تاع ام اياد وبدلت للاولاد ولميت الغسيل والشومبرا غير كي يخرج الزوج نرتبها
بدلت حوايجي ومشطت شعري وتعطرت وراني نلعب في الاولاد

ام ياسمين10 · 2014-05-24, 18:14

اقتباس:

المشاركة الأصلية كتبت بواسطة ام عبودة

اهلين ام ياسمين
نخلة راهي في الدورة والله يبارك عليها راهي مع الرزووز والموف هههه

الله يبارك على نخلة راها كيما النحلة من بستان الى بستان انا رانى كنت معاهم فى الدورة بصح فشلت حظرت للعرس طفلتى وتعبت يااااااااااااااسر جيت مريضة انا وولادى مقدرت نحط ايدى على حتى حاجة غير الضرورى