الجزء 85 من واش طيبتي اليوم يامولات الكوزينة - الصفحة 55

**وحدها غريبة ** · 2014-08-18, 12:28

ههههههه ملوكة ضحكتيني لألا أنا ندير كلش الكسرة ومام نخليها نهار كامل
هنا ممنوع القرعة انتاع الغاز برك مي حوايج تريسيتي عادي
والفلفل سخني مليح وحطيه ما يلصق ما والو والله دائماً نديرو هكذا
بلاك الفلفل انتعك ماهوش مليح قصدي رقيق يتقلي برك
ملوكة هذاك السيستام دالارم يصوني من الدخان ماشي من الكسرة هههههه

ناهدوران · 2014-08-18, 12:31

لهومة يعطيك الصحة على كريمة الفول السوداني يسلم يديك

rahma4 · 2014-08-18, 12:32

مي مانيش انا لي درتهم

tokio hotel · 2014-08-18, 12:39

اليكم صور بعض اطباقي
روز نور ايناس جربتو في رمضان

تآرتولات بعجينة الهام

صابلي رهام

حلوة من دفتر الهام لام اماني

غراتان تع البطاطا

فطور ليوم درت حمص لام كوثر

إلهام07 · 2014-08-18, 12:41

رحمة يعطيك الصحة سخفني بزاف الطبق الاول مممممممممممممم يهبل
حقة الوردة اللي في وسط القاطو نتاع عجينة التزيين ؟

ابتسام أنت وين ساكنة مافهمتش

ملاك كثرتي على ماو وصاوك شربتنا عادي برك المهم دير فيها الدبشة والكرافس وتحطي كمية مليحة نتاع لحم وتقلي على نار هادئة والتوابل غير ملح وفلفل اسود وكسبر ( نكثر شوية ) وتحبي فلفل احمر فقط لا قرفة لاحمص
وثاني نبننوها بالمرمز لا تعرفيه ونديرو فيها حبة طماطم مرابية شوية نتاع الباط ونخثروها بالارطب نتاع الفريك مانديروهاش كي الماء وطيب براحتها
الكسرة الرخسيس ندير وحدة من المنتدى مليحة فيها العسل والحليب غبرة بصح كي عاد ماعندكش الطاجين سماطة المهم كي جي المرة الجاية أدي معاك طاجين
الديول يتخدمو عادي في الدار بصح لازم مقلاة جديدة ماتلصقش
والبربوشة ثاني نديروها عادي كي الناس بصح طبعا لازمها اللحم والخضرة لازم فيها الخرشف والحمص واللفت خصوصا يبننها

ناهدوران بصحتكم الغداء ونسيت نقولك بنتك تهبل ماشاء الله مزية مازربتوش نحيتو الصورة حتى شفتها
ربي يحفظهالك من العين انا عندي أختي من صغرها بوقوصة وشعرها طويل وناعم وهي طويلة كيما المانكان الله يبارك من صغرها مسكينة كي كانت بطبوطة من حاجة لأخرى مخيطة من قداش بلاصة تحرقت من وجهها من يدها والخياطات والعمليات واش نقولك وظل مريضة مسكينة ولات 2 عواد

ناهدوران · 2014-08-18, 12:41

طوكيو يعطيك الصحة روووووووعة

oumibni · 2014-08-18, 12:44

tokio hotel, yatik saha

ام اريام · 2014-08-18, 12:48

السلام عليكم اخواتي وانا نقرى لقيت مشكل الجريوات مش بنينة حاش نعمة ربي ايه صح ديجا اللون نتاعها غامق وهذا هو لي يطلق المرارة انا ملي اكتشفت السبب عرفت نعالجو ببساطة قشري الجريوات واقسميها على 2 وملحيها وحد الساعة قبل ما تلوحيها من بعد اغسليها وحطيها تطيب وحدها في طنجرة و صبي عليها شوية مرقة تطيب بيها .والفلفل اانا تاني عندي كويزنيار كهرباء نحط الفلفل نتاعي والطماطم في البلاطو وعندك منين تشعلي نتاع الشواء من جهة اللي يشعل من تحت او من فوق او للاثنين او الشواء في هذا الاخير قوي maxنتاع الفور وحطي الفلفل و كل شوية قلبيه يجيك حميس هايل وننصحك اختاري الفلفل الغليظ وخلطي معاه الاحمر يمدلك بنة هايلة .واذا ماكانش عندك نتاع الشواء شعلي من فوق برك.واللفت المليح حنا لي فيه اللون البنفسجي فيه البنة نتاع اللفت نتاعنا السعيدي ننصحك ديريه في البربوشة نتاعك .وربي يعاونك ونتمنى اني افدتك اختي الكريمة .

R I A D · 2014-08-18, 12:57

الهام الله يحفظك حبوبة و بصحتك السلاد و الديسااار
الهام حسبت عندك اخت واحدة برك
عندك اختك ثالثة و لا تهدري على الي متزوجة
ربي يحفظها من العين و يرد عليها صحتها و عافيتها امين

ملاك عندك حق الجريوات تاعهم كامل كيف كيف مش بنان و يطلقو المرورية ...حتى كي تقليها مع الطماطم ما تتكلش
و السيستام دالاغم يصوني من الدخان ..انا نهار نشوي الشواء و لا لي كويس يبهدل بنا حتى يطفيه ولدي
ابتسام صحة غداكم
رحمة بصحتك كل شيء راااائع
طوكيو بصحتك الاطباااق كلهم رائعييييييين تسلم الايادي
ناهد صحة غداك و الله يسلمك و انت تاني عاش من شافك
كي ندخل نلقاك خرجتي و اني شفت بنتك في الرد تاع"مرام يعطيها الصحة"
بنتك ما شاء الله عليها ربي يحفظها تهبببببل...

اللهم اني اسالك الهدى و التقى و العفاف و الغنى

ناهدوران · 2014-08-18, 12:59

خواتاتي ربي يعيشكم كيفاه نحط صورة رمزية تحت ناهدوران

Simassim · 2014-08-18, 13:05

هههه ضحكتيني على الجريوات في دزاير ماكنتش نحبها كي جيت لفرنسا وليت نخطفها من طبسي ولدي تجيني بنينة امممم

**وحدها غريبة ** · 2014-08-18, 13:06

الهام راني في فرنسا
المزية ام اريام وام رياض اكدو كلامي ههههههه ساعات نقول المشكل فيا هههههه
الحمد لله كامل رانا كيف كيف
ام اريام والله درتها بطريقتك وبقات فيها المرورية
واللفت صح كما قلتي هذاك بنين يهبل

البنات شكون عندها طريقة سلطة القمح تعطيهالي من فضلكم

Simassim · 2014-08-18, 13:07

اقتباس:

المشاركة الأصلية كتبت بواسطة ناهدوران

خواتاتي ربي يعيشكم كيفاه نحط صورة رمزية تحت ناهدوران

روحي لوحة. التحكم تعديل الصورة الرمزية
اختاري صورة خاصة وديري حفظ

ناهدوران · 2014-08-18, 13:08

الهام ربي يشافيلك اختك ويحفضهالك من العين ااااااامين يا رب العالمين

ناهدوران · 2014-08-18, 13:09

سيماسيم يعطيك الصحة اختي