الجزء 136 من واش طيبتي اليوم *فلنغتنم عشر المغفرة* - الصفحة 55

kaouka · 2015-07-02, 21:05

سماسم صح فطورك وشراكي وشراهم وﻻدك لباس ونراه طبسي تاع ولدك خخخخخخخخخخخخخخخخخخخخخخ
روضة صح فطورك حبيبتي
رني ميتا من تعب فطرت تعبت عشوا كمﻻ ونا غديا نموت عطشت بزاف زعما قلت لزوجي روح صقسي امام باه نفطر مقدرتش ربي يعينا وخﻻص نروح نغسل لماعن ونجي سﻻم

أم محمد تاج · 2015-07-02, 21:06

صح فطوركم حبيباتي الحلواااات
الله يخليكم انتن الاروع
ام رويدة اكيييد اكييييد عجينتك الله يعطيك الصحة والحشوات متنوعة طماطم وفروماج وطون
كاووكا طل القمر والله وتوحشنا شي لي تكتبيه والله والله يعينك على الوحم في رمضان
انت الاروع ام وداد حنوووونة

وردة سطيف · 2015-07-02, 21:17

صح فطوركم جميعا

rahma2014 · 2015-07-02, 21:21

صح فطوركم يا الاحباب راني على اعصابي نستناو ف النتائج ربي ينجح اولادنا ويفرحنا يا رب
كاوكا توحشناك يا الغالية واش احوالك واش راكي مع الحمل ربي يسهلك ويتمملك على خير حبيبتي
ام تاج صح فطورك حبيبتي ويعطيك الصحة

ام محمدْ ومريمْ · 2015-07-02, 21:35

اقتباس:

المشاركة الأصلية كتبت بواسطة روضة 88

صحة فطوركم يا حلوين
لي تقدر تشرحلي كيفاه نحط الصور مع بعض يعني مش في كل رد صورة.

نروح نغسل لماعن ونجي نحب نلقى الاجابة باه نحط الصور ولا ماكان لاه نحطهم

غالية والطلب رخيص اني حطيت الصور وان شاء الله تفهميني

samira135 · 2015-07-02, 21:53

اقتباس:

المشاركة الأصلية كتبت بواسطة أنواار الإيماان

السلام عليكم لبنات
اليوم رحت للمؤسسة ام ماجد شكرا والله كنت ناسيه الحمد لله كي خبرتيني كنت نحسب مزال موااااااااااااح
وراني عطشااااااااااااااااااااانة عطشانة السخاانة تقتل ومع النقل وااااااعععععععععععع

طلب عااااااااااجل حبيباتي لبنات لي عندهم المحروسة خخخخخخخخخ فهموني فيها ماعرفتش نشغلها قريت الدفتر 100 مرة ووالو ماتضحكوش عليا ايا ليتفهمني نغسللها لماعن فيها اسبوع

من بعد الفطور ان شاء الله سلام

ياااااااااااااااااريت تقوليلي شحال شريتيها

دائمة الحمد ممكن تقوليلي لامارك نتاع غسالتك واش اسمها و وشحال شريتيها ؟؟؟

ام ساجد · 2015-07-02, 21:55

السلام عليكم وصح فطوركم

ام تاجو بصحتك اختي اطباقك تشهي خاصة الطاجين وبصحتك الذواقة

ام هبوبة لتارت جاتلك روعة يعطيك الصحة

ام الاء يعطيك الصحة اطباقك ديما جميلة

ام ياسو بصحتكم اختي الله يبارك على بناتك ام فحلات هوما ثاني

ليزا يعطيك الصحة وشهتيني بالمعقودة

ام سيراج تسلمي اختي وعلابالي صحبة واجب وبصحتك الباتيسري

فطورنا اليوم والحمد لله حمدا كثيرا مباركا

مسلمة بالفطرة · 2015-07-02, 21:58

شكرا اخت ليزابال ربي يفرحك و يعطيك كل ما تتمناي و بعد عليك كل سوء يارب

kaouka · 2015-07-02, 22:02

ام تاجو الله يخليك حبيبتي حتى انا توحشتكم لوحم وعر ووعععععع وخصوصا ن في رمضان مقدرتش لي يحب نش ضبان يصبر خخخخخخخخخخخخخخ هههههههههههههههههههه
رحمة حبيبتي صح فطورك حتى انا توحشتك رني مع دوخة رني كي افﻻم مصر خخخخخخخخخخ كنت حطتهم يكذبو ههههههه بصح رهي صرتلي
اختي وردة صح فطورك
ام ساجد صح فطورك مشاء الله مكلتك تشهي يعطيك الصحة
نروح نصلي ونجي اﻻ بقات نات مليحه

عازفة الناي · 2015-07-02, 22:03

صحى فطوركم كامل
جاتنا العين من الواحدة واحنا كي الحوت نعومو في الماء ههههههههههههههههههههههههه شبعنا ماء ونظافة ياسلام هههههههه
فطورنا خفيف شربة واسياخ الدجاج مشوية ام وبطاطا مقلية وسلاطة وعملت تحلية توب
انوار الف مبرووووووك تغسليها فيها بالصحة والهناء
ام ساجد اممممممممممممممممممم بصحتكم
نجيب الصور

ام افنان48 · 2015-07-02, 22:15

صح فطوركم يال غاليات احنا السخانة راهي تقتل عنا في فرنسا حنا موالفين وهما دارو حالة طوارئ العجائز تاوعهم يموتو في السخانة احنا ربي أعطينا القوة والإيمان هما إيمانهم ضعيف

ام و ابنة · 2015-07-02, 22:18

صح فطوركم جميعا

اختي شباب امرأة ربي يفرحك بشفاء بنتك كيما فرحتيني بدعوتك
و لعلمك خويا العزيز عندو وليدو كان معاه بداية التوحد و ربي عالم وش تعبوا معاه بصح الحمد لله فقنالو صغير و صح جراو بيه عند الأطباءو أخصائي النطق
بصح الشغل و التعب الكبير كان عليهم هوما و الحمد لله راهو في عمرو خمس سنين يتكلم العربية و الفرنسية و ذكي جدا بسلامتو و تحسن بزاف في علاقاتو الاجتماعية بعد ما كان وحييييييييد منعزززززل عن العالم حتى والديه ما يخزرش فيهم يحكم خيط و يقعد يشوف فيه
و لعلمك الروضة تساعد بزاف بصح لازم تكون مليحة و تبعيها معاهم يوميا ما تغفليش بصح ما تقوليلهمش عندها توحد سينون يحطوهالك في الطرف و ما يهتموش بيها زوجة خويا قالت لهم عندو شوية مشكل في السمع رآنا نداويوه و الطبيبة النفسية قالت لي بلي مشكلة السمع هي اللي خلاتو خجول و انطوائي و الحمد لله صدقوها و اهتموا بيه و بعد ما كان دايما وحدو و عينيه في الارض او الحيط بسلامتو ولا يلعب مع الاطفال الاخرين و يرسم و ربي يكمللو و يشفيه و يعافيه مع بنتك و وليدات المومنين

سماح. مبروك العطلة إشبعي راااااحة

مبروك العطلة لكل المعلمات ايضا

مولات لاف فيسال بالبركة عليك ماعنديش علم باش نفيدك

كاوكا و ام تاج و كل الحوامل ربي يتمم عليكم و يقدركم بصح بالإكوادور على رواحكم هاذ ليامات غدوة ان شاء الله الحرارة رايحة تزيد تطلع حاولو ما تتعبوش رواحكم و اذا اضطريتوا اشربوا الماء و ريحت الكوزينة ما راحش تهرب

ارزاق · 2015-07-02, 22:22

صح فطوركم كااامل ام ساجد يعطيك الصحة طاولتك تشهي الطبق الاخير ما هو
كاوكا الوحم تاع رمضان واااااعر جربتو من قبل ربي يكون معاك
انوار الايمان مبروك عليك غسالة الاواني والله غير كرهت لغسيل تاعهم لعقوبا ليا هههه
ام تاج اكلك روووعة .كفاه جاك ذوق طاجين المرقاز
روضة مبروك عليك الصور راكي ماشاءالله زيدي متعينا
عازفة بصحتكم النظافة الحمدلله انا معنديش مشكل الماء متوفر علي طول نعمة
رحمة قلبي عندك وحاسا بيك يارب وتنجح بنتك متنسايش فرحينا مباشرة بعد اعلان النتائج

kaouka · 2015-07-02, 22:27

اهلين ارزاق عازفة ام افنان ام وابنة وععععععع غدوا صخنة اكثر من هكذا او وين نروح خخخخخخخخخ ههههههههههههه ربي يكون معانا وخﻻص

ام نوردين · 2015-07-02, 22:28

السلام عليكم وصحى فطوركم فطورنا اليوم شربة فريك ومطلوع قعد تاع البارح وبيتزا كوفير وشطيطحة لحم بصح مافيهاش الحمص ماكانش عندى حطيت غير الزرودية شبعو عليا ضحك بصح كلاوها ودرنا فلان عادى
ايمان بصحتك المشينة تغسلي فيها بالصحة
ام تاج بصحتك الدوقات يشهو وفطورك هايل
ام ساجد اممممممممممممممم اعرظينى كانش نهار نفطر عندك ههههههههههه بصحتك حنونة
عازفة بصحتكم العين والماء نعمة ورانا نستناو فى التحلية باينت تحفة من يديك
كاوكا ربي يعينك حنونة
الهم على سلامتك توحشناك
وداد رحمة ام افنان ام رويدة سميرة روضة وردة سطيف مسلمة بالفطرة ام وابنة ارزاق منورين صحى فطوركم
الاساتدة والمعلمين بصحتكم العطلة