دورة خطواتي الواثقة لأصبح ربّة بيت متألّقة - الصفحة 55

ام هزار · 2016-10-23, 20:14

اختي ام هارون من فضلك و بعد اذن جهينة طبعا . ممكن تبعثيلي مودالات جهينة تاع الخياطة و شكرا مسبقا . راكم شوقتوني نشوفهم

ام هزار · 2016-10-23, 20:52

شكرا ام هارون على السرعة الضوئية في اجابة طلبي . بارك الله فيك اختي
جهينة ما شاء الله على خياطتك المتقونة . ربي يصح ذرعيك . امين

~اسيل ريحانتي~ · 2016-10-23, 20:58

سلام فراشات حبيت نسقسيكم ياريت لي تعرف ولا صراتلها تجاوبني
انا عندي 3 سنين خرجلي ولسيس تحت الاذن داخل ماعرفتش لا الامر عادي ولا مش عادي
هو جاي يابس حجرة وكبير نحس بيه كي نتوشيه بيدي تقول حجرة
فهموني عادي ولا مش عادي
خطرات نقول لكان يكون هداك المرض ربي يعافينا والله نخاف وخطرات نقول مادام يايضرنيش عادي
شكون صرالها كيفي نوروني ربي ينوركم فراشاتي

omelbanin · 2016-10-23, 21:00

ههههه،ام هزار ،انا راني متفقة انا وجهينة،بلي لي تحب تشوف ابعثيلها في الخاص.

جهينة اليقين · 2016-10-23, 21:03

العفو ام هزار راني فرحانة كي عحباتك خياطتي باقي ام لينا ما اعطاتنيش رايها ام اسيل نعرف واحدة عايلتي صرا لها كيم راقي تقولي ونحاوه لها وراهي مليحة وماشي هاذاك المرض بعيد الشر ولسيس حميد

جهينة اليقين · 2016-10-23, 21:04

ام هارون راهي المناجير تاعي راهي تخدم معايا هههههههه

omelbanin · 2016-10-23, 21:09

اسيل ،انا عندي ولسيس في رقبتي كيما تاع اقراجم عندو 6سنين ملي حسيتلو،
وكي قلت اطبيبة،قالتلي مادام ماراهوش يوجع ومايحمارش ماتخافيش واللّٰه اعلم ،ومن الاحسن استشيري طبيبة طمنك ان شا الله.
حبيت نسقسيك هاذي الاذن لي قدامها الولسيس ما تمرضلكش بزاف ?

ام تينة · 2016-10-23, 21:17

اخواتي الحبيباااااااااااااااااااااااااااات غدا الاتنين لننضم لقوااااااااااافل الصاااااااااااااااااااائمين
كان الرسول صلى الله عليه وسلم يتحرى صيام الاتنين والخميس
جربي اختي ان لم تصومي من قبل حااولي لا تسمعي لما يتبطك سيقويك الله ويبارك في حرصك

حضري ادكاااار النوم وسووورة الملك لتكون حقاااااااااليلة سعيدة

ام تينة · 2016-10-23, 21:25

تعاااااااااااااااااااااااااااااااااااااااالي لنهمس في ادنك اختي ان كنت اما
كم مرة اخبرتي طفلك انك تحبينه

كم مرة ارتبطت هده الكلمة احب ولكن

احبك ادا تحصلت على علامات جيدة
احبك ادا كنت مؤدبا
اطفاااااااااااااااااااااااااااااالنا استثمااااارنا الرابح ولابد

انهم قلوبنا تمشي على الارض
الا يستحقون ان نخبرهم بحبناااااااااااااااااااااا بلا شروط
تعالي اليوم لنقوم بخطوة صغيرة نبين فيهااااا حبنا لابناءنا
اليوم وبعد ينام ابناؤك امسكي ورقة بيضاء اكتبي فيها ابني فلان امك تحبك كتيييييييييييييييييييييييييرا وخبئيهااااااااااااااااااااا في مقلمته سيفتحها غدا عندما يدخل قسمه تخيلي لفرح والامان الدي سيشعر به
جربتها مع اولادي وكان يوما مميزا لهم ويدكرون هدا الفعل الصغير حتى كبرو
اولادنا ليسو تلاميد فقط انهم يستحقون كل الحب والاحترااااااااااااااااااااااااام

ام تينة · 2016-10-23, 21:45

ورب تسبيحه ترفعك درجه*🌸
سبحان الله وبحمده ؛ سبحان الله العظيم

استغفر الله
الحمد لله
الله اكبر
لاحول ولا قوة الا بالله
برمجي المنبه اختي على قبيل الفجر لتصلي ركعتين تلحقي بهما شرف قياااااااااااااااااااااااااااااااااااااام الليل

arwa alaa · 2016-10-23, 21:59

لبنات اسمحولي خرجت لعشية لاني نتعلم في السياقة ومرجعناش بكري غدوة ان شاءالله الصباح نكتبلكم جدولي الشهري

arwa alaa · 2016-10-23, 22:07

شوفو انا واش درت جبت ورقة وكتبت كل المقبلات مع بعض السلاطات العجاين المهم الي نعرفهم كل
ودرت جدول فيه ظ£ظ* يوم غداء وعشاء. كتبت الثوابت مثل جمعة كسكسي وعملت جمعة صوص بيضاء وجمعة حمراء. وبديت نعمر في الجدول حتى كملتو
وبهذا الجدول نقضي الخضرة. والراافيطايمة وميروحش راجلي يلملي المارشي وحتى القاطو نحددو في الجدول وعندي الجمعة في الليل نجرب وصفة جديدة وقاطو جديد يكون راجلي في الدار يقضيلي واش خصني

meriemzineb · 2016-10-23, 22:18

الله يبارك عليكم ربي يحفظكم و خاصة الأخت ام تينة كلاماتك دخلت لقلبي سبحان الله كأني اول مرة اقرأها جعلها الله في ميزان حسناتك

loudjaine · 2016-10-23, 23:46

اقتباس:

المشاركة الأصلية كتبت بواسطة ~اسيل ريحانتي~

سلام فراشات حبيت نسقسيكم ياريت لي تعرف ولا صراتلها تجاوبني
انا عندي 3 سنين خرجلي ولسيس تحت الاذن داخل ماعرفتش لا الامر عادي ولا مش عادي
هو جاي يابس حجرة وكبير نحس بيه كي نتوشيه بيدي تقول حجرة
فهموني عادي ولا مش عادي
خطرات نقول لكان يكون هداك المرض ربي يعافينا والله نخاف وخطرات نقول مادام يايضرنيش عادي
شكون صرالها كيفي نوروني ربي ينوركم فراشاتي

السلام اختي العزيزة اي جسم غريب في الجسم لازم نبحثو عليه واش هو و في اسرع وقت
الولسيس هو رد فعل مناعي ما يقلقش يعني يا تكوني تمرضي بزاف بوذنيك يا قراجمك يا ضروسك .. ما يقلقش ما يضرش لكن ياخذ وقت طويل باش يتنحى يوصل لسنوات...
نصيحة روحي ل orl في اسرع وقت....

loudjaine · 2016-10-23, 23:49

اخي طبيب اسنان جاه هذا المرة مريض ضرستو مريضة شاف طرف لحمة فوق الضرسة بعثو لاختصاصي ...مسكين طلع سرطان ... مزية في البداية ...
ما تستاهينو باي شيء ...
رايح وقت السرطان يولي كيما لا قريب ربي عافينا و يعافي امة محمد...