الجزء51من واش طيبتي اليوم؟خفيف شبابي عصري

[touta2010]

بريق واش هذا الغيبة
لبنات راهم راقدات راني انا بارمانوص

[عطرالذهب]

لبنات نخليكم قبل ما نغير مبادئي الجديدة والله قلبي خرج
سلمولي على الشلة الرائعة وقولو لام كوثر اسمحيلي على الدودودو رايحة نفاصيه

[بريق الامل&]

محشي كرمب ولا أخف ولا أظرف ولا ألذ ههههههههههه لفضلي ست الحسن والجمال روزيتا

[سميحة 01]

المشاركة الأصلية كتبت بواسطة بريق الامل&

محشي كرمب ولا أخف ولا أظرف ولا ألذ ههههههههههه لفضلي ست الحسن والجمال روزيتا

ممممممممم يشهي يعطيك الصحة بروقة كون زدتي حمرتيه في المقلة و لا في الكوشة يجي فوووور

[lamia zina]

الامنيات خرجلك روعة قوليلي انا جامي كليتو كيفاه الذوق تاعو و لمن الوصفة

[الأمنيات]

المشاركة الأصلية كتبت بواسطة lamia zina

الامنيات خرجلك روعة قوليلي انا جامي كليتو كيفاه الذوق تاعو و لمن الوصفة

ذوق التوابل اختي فيه ويجي مليح صحي لكن ماشي كي كيك
الوصفه تاعي حبيبتي من وصفات زمان ههههههههههههههههههههه
التوابل الي فيه قرفه قرنفل زريعه البسباس وحبة لحلاوة
زمان كانت كاينه كلوريا علب كنا نديروا بيه الان عوضي بالحليب كانديا ولا لحظة ثقيله

[-Jasmen Bonbon Choco]

سلام بصحتكم و ماشاء الله على هاد الكوزينة تاع روزا العاقبة للباك باذن الله===توتة انا جاسمن الي عاونتينى و صبرتي معايا لوقت متاخر يكتر خيرك والله ينورها بيك وخيرك امانة تسلمي-

[touta2010]

المشاركة الأصلية كتبت بواسطة -jasmen bonbon choco

سلام بصحتكم و ماشاء الله على هاد الكوزينة تاع روزا العاقبة للباك باذن الله===توتة انا جاسمن الي عاونتينى و صبرتي معايا لوقت متاخر يكتر خيرك والله ينورها بيك وخيرك امانة تسلمي-

اهلا حنونة واش راكي
كيف راكي تكتبي العربية عدمتي على طريقتي ولا طريقة اخرى

[الأمنيات]

الرقاق بالتعمير





بركوكس



كيك يارا زدت له ملعقةمربى البرتقال الي خدمته جا هايل

[أم ياسين الزهراء]

رياحين ربي يشافيها فرحتلكم يارب تشفى وتتعافى وتتهاناو

الامنيات تصدقي بالله نستنى غير اطباقك عندهم بنة خاصة الكيك امممممممممممممم

ام رامي رغم اني مانحبش الخرشف بصح يبان اممممممممممممممم

[الأمنيات]

ام ياسين
ربي يعزك اختي والله فيه صور تاع طياب خلي كي تفتح وحده جديدة الي تقبل المعجنات ههههههههههههههه
الشخشوخة حطيتها على جال ام ريمة ودرتها بالتعمير على جالها ام ريمه ما نسيتش الوصفه راح نرسلها لك
الكيك جا هايل بالمربى بصح مازال ما ذقته راني صايمه

[أم ريمة*]

المشاركة الأصلية كتبت بواسطة الأمنيات

ام ياسين
ربي يعزك اختي والله فيه صور تاع طياب خلي كي تفتح وحده جديدة الي تقبل المعجنات ههههههههههههههه
الشخشوخة حطيتها على جال ام ريمة ودرتها بالتعمير على جالها ام ريمه ما نسيتش الوصفه راح نرسلها لك
الكيك جا هايل بالمربى بصح مازال ما ذقته راني صايمه

مبروك كوزينة روزا لعقوبة للباك ان شاء الله

امنيات مممم على اكلك يشهى وخاصة الرقاق والتعمير الله يخليك اختى الصغرى ويجازيك كل خير وتقبل الله صيامك بوركتى

[أم ياسين الزهراء]

على بالي الامنيات راهي روزا قتلتنا بالشر هههههههههههههههه راح نستنى الصور الجاية وربي يتقبل منك الصوم وفكمرتيني في معجون البرتقال الاصلي ربي يفكرك في الشهادة تعيشي كنا نديروه هكاك ويجي هايل

ام ماجد بصحتكم

[lamia zina]

توتة..عندي شحال و انا نحوس على هذا الخبز لي يطيب في طاجين الحديد اعطيني الوصفة

[touta2010]

المشاركة الأصلية كتبت بواسطة lamia zina

توتة..عندي شحال و انا نحوس على هذا الخبز لي يطيب في طاجين الحديد اعطيني الوصفة

واخيرا لقيت اول معجبة بخبزي المسكين لمالبارح وهو باير حتى وحدة معبرته تقول عور ولا عرج

الوصفة راهي في قسم وصفات حراير مطبخ واش طيبتي
جربيه رايع واي سوال راني هنا