موضوع مميز واش طيبتي اليوم؟؟الجزء 03 - الصفحة 55

الأمنيات · 2013-03-28, 11:56

اوريسيا راني درت العدس خرج هايل بلا لحم وبنين امممممممممممممم والله نموت عليه زوجي حارمني منه
ام كوثر شكرا لانك نبهتينا على ايقونة من وهاك راح نديرها بلا كلام عليا
البقية ربي يسعدكم وصح غذاكم

*أم كوثر* · 2013-03-28, 12:10

بصحتك العدس اختي الامنيات
انا تان نموووت عليه وزوجي مايحبوش يديرلو الحريق في المعدة

آمِيْرَتُه · 2013-03-28, 12:13

صباح الخير عليكم
صحة فطوركم
الله يبارك عليكم

أم ماجد · 2013-03-28, 12:27

شكرا لكم جميعا تمنيا ام كوثر كون ماحذفتيش الرد انتاعي للاخت فاطمة لانني حبيت نلقنلها درس لكن بأدب كبير

ثانيا أنا متأكدة بأنها تستفيد من نصائحنا في الطبخ وبصحتها لأننا ناويين الخير والخير فقط

أتمني ان ترد مرة اخري لأنني محضرتلها ما يناسب تفكيرها الضيق

أم كوثر نحن تحت امرك لأنك الشاف ولأنك صاحبة الموضوع وعلينا احترامك ولك كل التقدير منا

الأمنيات · 2013-03-28, 12:46

هاهو العدس تاعي جا بنين والله زدت له بعد الطياب قسبر وثوم وكمون شوي غذاء الملوك واش رايك ام ماجد

touta2010 · 2013-03-28, 13:01

صحة فطوركن جميعا ام ماجد عنا في معسكر مثل يقول لي فات على كلمة فات على واد فهمتيني امنييات عدس هايل ويبان بنين انا من لونه نعرفه ههههه ام كوثر شكرا على الترحيب وشكرا لكل من افتقد غيابي اوريسيا ام الزهراء قبلاتي

اليوم درت فريت اوملات لخطرش لهيت مع الميناج البيت لقيتو حالة

الأمنيات · 2013-03-28, 13:08

اهلا توته راكي في معسكر بذات اختي

touta2010 · 2013-03-28, 13:14

اقتباس:

المشاركة الأصلية كتبت بواسطة الأمنيات

اهلا توته راكي في معسكر بذات اختي

اهلا بيك اختي انا في تغنيف تعرفيها ولالا

الأمنيات · 2013-03-28, 13:19

ايه نعرفها اختي انا اصلي من غريس

أم ماجد · 2013-03-28, 13:25

صح غداكم لبنات توتة توحشتك بزاف امنيات غداك هايل ماجد يحب بزاف العدس انا كلاو كسرة ولبن وزبدة البقر كثر خير الخضاضة يعطيها الصحة

أم شيماءْ · 2013-03-28, 13:26

lمساء الخير عليكم كامل وشراكم
ام كوثر شكرا علي التنبيه هاذي توصي للجاية كيما نقولوحنا
الامنيات لعدس جاك هايل باين من لونو
توتة لاه راكي في معسكر

غزة في عيوني · 2013-03-28, 13:28

اقتباس:

المشاركة الأصلية كتبت بواسطة أم محمد تاج

الله يسلمك حنونة والرخساس أو الرخسيس أو الكسرة اليابسة أو الكسرة المبسسة هي دقيق وملح وزيت بزاف وشوي سينوج وشوي خميرة الكسرة ولميهم بالماء وأعجني وطيبي وإذا حبيتي تتعلميها نعلم حبيبتي نخدمها ونحطلك الوصفة والصور بالتفصيل الممل

الله يحفظك خدميها وحطهالنا بالتفصيل راني حابا نتعلمها ما نعرفهاش الله يخليك و مشكوووورة

أم شيماءْ · 2013-03-28, 13:30

اقتباس:

المشاركة الأصلية كتبت بواسطة أم محمد تاج

صباحووووووووووووووو يالغاليات واش راكم أنا اليوم درت جاري فريك أي شوربة فريك بالجاج وهاذي مايش حاجة غالية في متناول الكل وهذا عشايا البارح

تبالي عشاء عادي ولا واش قلتو؟؟؟؟؟؟؟ فريت أوملات نص طياب وحميص بايت وسلاطة ورخساس؟؟؟؟؟
الله يهدي ماخلق وخمسة وخموس علينا ربي يبعد علينا الشر والشرور قولو آمين آمين

اممممممممممممم عشاك يشهي حبيبتي نموت على فريت نجي اليوم نتعشا

touta2010 · 2013-03-28, 13:47

اقتباس:

المشاركة الأصلية كتبت بواسطة الأمنيات

ايه نعرفها اختي انا اصلي من غريس

انا زوجي اصله من غريس سكنت فيها 12سنة وغادية نجعلها السكنة الجديدة فيها راهي في طور الانجاز هههههه

touta2010 · 2013-03-28, 13:49

اقتباس:

المشاركة الأصلية كتبت بواسطة ouricia

lمساء الخير عليكم كامل وشراكم
ام كوثر شكرا علي التنبيه هاذي توصي للجاية كيما نقولوحنا
الامنيات لعدس جاك هايل باين من لونو
توتة لاه راكي في معسكر

مفهمتكش كيفاش راني في معسكر ؟؟؟