وصفات حراير الكوزينة الجزء الثاني

[رفيف رانية]

هههه رفووووفة نسيتكوتفضلي وصفة الصاابلي بطاابع الوردة lyzzabel

درت 250 غ مارغريين طرية و ثلثي الكاس تااع القازووز زييت يعني 2/3 ،، نخلطهم ملييح بالباتووغ ،، و نزيد كااس مشي معمر سكر عاادي و نضرب و حبة بيض كااملة و صفاار بيضة و لاا فااني و ملعقة كبيرة معمرة بيستااش مرحيي متوسط "و نخلط مليييح و نلم بالفريينة و نصف م ص خمييرة الحلوياات مغربليين ،، حتى نتحصل على عجيينة ما طرية ما ياابسة
نأخذ كويرة بحجم الجووزة و ندخلها في طاابع الوردة و نضغط و نخرجهاا و نحطهاا في سنيي مرشووش بشوييية فرييينة و نكمل هاكا حتى نكمل قااع العجيينة
نطيبهم في فرن مسخن من قبل على درجة 170 لاازم الحباات يطييبو من دااخل خااطرش عاالييين ،، و مين يطييبو نخلييهم يبردوو و نزينهم حسب الرغبة ،، انا درتلهم المعجوون في الوسط ،، تنجمي تغطسيي الوجه فالشوكولاا داايب او تدييري نيسلس كاراميليزيي في الوسط و فووقه حبة بندق و نتي و ذوقك ،، رااه يجي هشووووش و يدوووب فالفم كيما الغرييبية

درك نصور الموول و نحطلك بإذن الله

[idron0]

صابلي الفراولة بالمورانق om moussaab

250غ مارغارين طرية /نص كاس سكر رطب/ نص كاس مايزينة/1خميرة/3صفار بيض/معطر وملون فراولة/فرينة. كريمة الزبدة/100غ زبدة ستار/75فوندون. معطر وملون فراولة / التزين مورانغ ونواد كوكو. مورانغ استعملت وصفة ام رامي ربي يحفضها ندخل الصابلي يطيب في نصف الوقت نجبدو وندير فوقو المورانغ لما يطيب نلصقو بكريمة الزبدة وندير نواد كوكو ملون في الحواشي تقدري تعوضى كريمة الزبدة بمعجون الفراولة.

[idron0]

محاجب الفور ام سراج و ملاك
العجينة رطل فرينة زوج مغرف زبدة وربع كاس زيت ومغرف صغيرة خميرة الكسرة وملح ومغرف صغيرة سكر عادي وماء دافي نلم لعجين بيه ونعجن مليح حتان تكون لعجينة طرية
الحشو اول حاجة درت بصل مقطع شرائح قليتو في الزيت وزدت فوقو 3 سنات ثوم وزوج حبات طماطم الحب مرابية ومغرف كبيرة طماطم الباط ونصف مغرف كبيرة هريسة لي تحب الحار تزيد راس فلفل حار مقطع رقيق وتخليه يطيب مليح وكي يطيب خليه يبرد مبعد ارحيه في الروبو يجي طعمو بنين بزاف وذوقو ميجيش بحموضة الطماطم يجي مليح اذا حبتو زيدو كيما انا باط طون طماطم وزيتون مقطع دوائر وفرماج حب مقطع وزدت شوي فلفل اسود وكمون باش يمدلو ذوق مليح او اي وحدة دير لصوص نتاع لمحاجب لي تعرفها
مبعد نشكلو دوائر ونحلوهم بالزبدة الذايبة رقاق كيما المسمن ونحطو الحشو ونطبق كيما لمحاجب وادهنيهم بصفار بيضة مع شوي قهوة طايبة ودخليهم يطيبو


إضغط هنا لرؤية الصورة بحجمها الطبيعي.

[idron0]

نصائح لعمل البقلاوة بشرى 2008
البقلاوة ل 100 حبة أقل من 2 كيلو كوكاو حمصيه غير شوية قيس مايشم النار ههههههه اومبعد أرحيه وجيبي علبة السمن المدينة هاديك الكبيرة وعمريها,
وكي تكوني تديري في الكوكاو ماتشمخيهش بزاف بماء الزهر وديري فيه حبة بيض وفاني وليكستري اللوز المر والحلو شوووووية شووووووووووية والسكر أنا ندير عيني ميزاني والسنيوة 42 سم على 42 سم تجيك حوالي 95 حبة وادا درتيها صغيرة راهي تجيك أكثر من 100 حبة.
العسل نستعمل نونورس مباااشرة مانزيدلوش ماء الزهر نستعمل أكثر من 2 كغ للسنيوة الواحدة ,
بالنسبة لهاد الكوكاو يجيك شوية عالى انا هكدا نحبو.
البقلاوة اللي درتها في العيد أنا الحبات هنادرتهم كبااار خرجتلي 88 حبة في هاد السنيوة

إضغط هنا لرؤية الصورة بحجمها الطبيعي.

[idron0]

تارت ام سهام 02
اي بسكوي تفضليه اطحنيه في الروبو غبرة ولميه بشوي زبدة ذاايبة ورصيه في سنيوة ودريه في الثلاجة ,
من جهة اخرى في كسرونة ديري 1/2لتر حليب مع باكي فلون شكولا تع 50غ و1مك كبيرة ميزينة وديريه يغلي يغلي حتى يثقل اجبدي السنيوة من الثلاجة وفرغي عليه الفلون وخاليه بيرد شوي وعاودي نفس الطريقة مع الفلون فراز وفلون فاني كي يبرد مليح زيني من الفوق بالشونتي مطلعة بالماء البارد امنبعد زدت لها واحذ ياؤوت ذوق الفراز وبس .

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

قوارب البطاطا عازفة الناي

بطاطا نقشرها و نفرغها من الداخل
* نقليها
* نحضر الحشو: لحم مرحي او دجاج نقليه مع توم وبصل و ملح فلفل اسود و كركم و التوابل حسب الرغبة و نزيد المعدنوس
* نحضر مرقة حمراء : بصل توم طماطم حب مرحية وطماطم مصبرة شوي ، رند فلفل اخضر حار و ملح وتوابل و قطعة عظم دجاج للبنة ونمرق و نخليها تغلي
* نحط الحشو "اللحم" وسط البطاطا حتى نكمل الكمية
* نوجد كريم فريش " او حليب" و شوي فرماج وندوبهم على النار من بعد نصب فوق كل حبة بطاطا شوي من الخليط
وندير المرق
* نغطي الكل بالالمنيوم ندخله للفرن واممممممممممممممممم
ممكن تضيفي خضر مثل الجزر مكعبات او الجلبانة حسب الرغبة
وكاش سؤال نجاوب حبيباتي
إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

تارتوﻻت lyzzabel

للعجيينة درت 300غ فرينة مغربلة و 150غ مارغريين بااردة و مقطعة مكعباات و قرصة ملح و 2م ك سكر قلاصي حكييت الخلييط ملييييح بيين صبااعي حتى دخلت المارغريين فالفريينة و من بعد ضفت حبة بيض مضربة .. هنا ديريها غيير بالعقل ﻻاكانت البيضة كبييرة ما ﻻزمش تضيفيها كاملة و ادا البيضة متوسطة تجييك سوا سوا كيما انا جااتني حبة نيشاان .. و ادا كانت البيضة صغيييرة ربما ما تتلملش العجيينة زيدي شوييييية حلييب بالقطرة و لمي العجينة بﻻ ما تعجنييها وحليهاا و حطيها في لي موول و ثقبييها بالفرشييطة و دخليها للثلاجة ترتااح و سخني الفرن على درجة 180 و طيبيها حتى تاخد اللون الدهبي الجميييييل
في هدااك الوقت حضري الكريمة اي وصفة معتمدتهاا .. انا كانت بقاتلي كريمة الليمون كنت درت بيها تاارت الليمون .. كي تطييب العجيينة فرغي عليها الكريمة .. طبعاا في زووج يكونو بارديين باش العجينة تقعد مقرمشة و ما تطراااش .. و حضري الفواكه لي عندك قطعييهم و ستفييهم انا كان عندي الموز و المشمااش .. و ادهنييهم بﻻ جولي من فوووق و دخلي لي تارتوﻻات للثﻻاجة قبل التقدييييم مممممممم .

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

إضغط هنا لرؤية الصورة بحجمها الطبيعي.

[fleur de lili]

merci idronq pour tous les efforts que vous faite
fi mizen hassanatek inchaallah

[ROSELUISE]

جزاكم الله خيرا

[ام سهام 02]

ربي يجازيك كل خير حبيبتي ايدرونو على المجهود و يبارك لك في وليداتك امين يارب

[idron0]

عجيجات بالقرعة او الكورجات ريتاج التيارتية

نحكم القرعة نغسلها ونرابيها في السكرفاج الخشين ومن بعد نضيفلها قرصة ملح وراس الحانوت ونديرلها البيض ونقليها خبيزات صغار تجي هااااايلة وبنينة وثانيك ساهلة.

إضغط هنا لرؤية الصورة بحجمها الطبيعي.

[idron0]

مخللاتي بطريقة امي العزيزة oum islem

كمية من الخضر لفت جزر شوفلور فلفل حار مقطع كرمب خيار بسباس قطعيهم مكعبات
حطيهم في بلارات معقمة مع التوابل حبات كسبر وفلفل اسود وابيض وزريعة البسباس وكركم مرحي وفلفل احمر يابس
نحي منو البذور واوراق رند وفصوص ثوم وملح وزيتون اسود واخضر ونيسواز بالنواة تاعهم وخيار مخلل كورنيشون
اضيفي ثلاث ارباع البلارة خل والباقي ماء معدني وشرائح ليمون واغلقي مليييح البلارة وخبيها بعيدا عن الحرارة والضوء
حتى يصبح لون الخضر فاتح حلي بالواحدة واحتفضي بها في الثلاجة بعد الفتح .

إضغط هنا لرؤية الصورة بحجمها الطبيعي.

[tesnim27]

شكرا اختي بارك الله فيكي
ماشاء الله عليكم همة ونشاط وكلها وصفات تجنن

[ام احمدي]

مقبلة بالدجاج لام الاء
الجاج و لا الداند لازم يكون مرحي انا درت صدلر جاج مع حبة بيض معدنوس وتوابل تخلطيهم مليح و ديريهم فالاكواب تع المادلان تسوي الجاج على الحواف باش يخرجلك على شكل قالب تطيبيهم فالفور ممبع كي تخرجيهم تعمريهم بفريت مقطعة مكعبا ت و و جبن الشيدا و بسسسسسسسس

[idron0]

تورت السلق عازفة الناي

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.