الى ام اسيد1 وكل وحدة حاصلة واش الطيب - الصفحة 542

omjoujou · 2015-10-14, 12:43

نخليكم نروح نغسل لماعن ونرقد وليداتي ونرجع مبعد ان شاء اللله
سلاااااام

روح مراد · 2015-10-14, 12:47

آمين أم جوجو ربي يحفظ أولادك

ام حمزة22 · 2015-10-14, 13:50

السلام عليكم
لبنات اولا نقوللكم كل عام وانتم وعائلتكم بالف خير ينعاد عينا وعلبكم بالخيرات والبركات والهناء وان شاء الله كل واحد فينا يحققلو ربي كل ما راه متمنيه

فطوري اليوم سلق بالبطاطا

واليوم زدت طبقت كيكة الشجرة

نور الإسلام26 · 2015-10-14, 13:57

سلام
لبنات فطوركم راه اشهي بصحتك انا اليوم
درت سردين جبهولي بارح من غرادية ونهركم مبارك

ام حمزة22 · 2015-10-14, 14:06

اقتباس:

المشاركة الأصلية كتبت بواسطة **ام هدول**

السلام عليكم
كي راكم لبنات نسلم عليكم كامل ربي يحفظكم وح مراد الله يسلمك وربي يجازيك ويخليلك عايلتك
مكانش كما دعوة الخير والله غير نلقاوها عند عاقبتنا ام جوجو يسال عليك الخير وبصحتك افتتاح الكوزينة راكم هايلين الله يبارك
ام حمزة كاش ما درتي فالخياطة تعرفي عندي تفريشة هاديك الي قلتلك عليها مزال مكملتهاش كل يوم نخدم شوية ام الحبايب كي راهي اختك
سلمى الله يعطيك وقفة ساهلة ويفرحك يارب ام سوهيل حياة منال وقاع الاخوات تحياتي ليكم

وعليكم اليلام ام هدول
حبيباي ااهياكة ما عنديش هاد نهارات غير لي بجي يرقع وانا نكره الترقاع وان شاء الله هاد نهارات وحدة جاراي قالتلي هيكيلي سروال مدور بالكورسيي والشال نثل لي درتو لعروسة من قبل هداك الاخضر الا را كي شافيا عليه
انا ما نحبش نبدا الحاجة ونخليها نص نحب نكملها في نهارها علابالي لوكان ما نقعدش عليها ما تخلاصش ربي يقدرك وتكملي التفريشة ديري ااكوراج وكمليه ربي يقدرك ويعينك حبيبتي

اقتباس:

المشاركة الأصلية كتبت بواسطة روح مراد

حب و يصال هذا وين تفكرتك طليتي
عام جديد مليء بالحب و السعادة و الرفاهية و الهناء ربي يفرج على كل وحدة و يرزق كل وحدة فينا إنشاء الله

آمييييييييييين

اقتباس:

المشاركة الأصلية كتبت بواسطة روح مراد

آمين حب و ويصال ربي يفرحك
البنات كا عام و أنتن بخير إنشاء الله العام جديد يكون فاتحة خير لكل وحدة ربي يفرحكم و يحفظ أولادكم و أزوةاجكم و أهلكم

آميييييييين

اقتباس:

المشاركة الأصلية كتبت بواسطة omjoujou

حب ويصال يعطيك الصحة كل عام ونتي بالف خير ان شاء الله هاذ العام الهجري السعيد يكون مليء بالافراح والنجاحات

آمييييييين

اقتباس:

المشاركة الأصلية كتبت بواسطة omjoujou

غدايا بكبوكة وسلطة وديسار والحمد لله
صح غداكم كامل

اقتباس:

المشاركة الأصلية كتبت بواسطة omjoujou

نخليكم نروح نغسل لماعن ونرقد وليداتي ونرجع مبعد ان شاء اللله
سلاااااام

بصحتكم ام جوجو ربي يدوم النعم

ربي يعينك على اسغالك حبيبتي

ام حمزة22 · 2015-10-14, 14:07

اقتباس:

المشاركة الأصلية كتبت بواسطة نور الإسلام26

سلام
لبنات فطوركم راه اشهي بصحتك انا اليوم
درت سردين جبهولي بارح من غرادية ونهركم مبارك

مشكورة خبيبتي
بصحتكم انت تان ربي يدوم اانعم

ام هاديل وياسين · 2015-10-14, 14:21

مساء الخير صحى فطوركم. وصحى قهوتكم اليوم فطوري كان مقارون بلاصوص والفرماج وطون
وفلفلة ولا حميس كما تقولو وسلاطة بزيتون كنت رقدتو جاني هاييل ام حمزة وام جوجو بصحتكم واش حطيتو
امممم ام حم ة هاديك الكيكة تاع السفن علىما اضن بصح متعيش كي تبقاي كل مرة تفتحي الفرن وتزيدي عليها
والخياطة والله كنت تجيني الحمة على الخاجة حتى نكملها دروك والو

ام حمزة22 · 2015-10-14, 14:30

اقتباس:

المشاركة الأصلية كتبت بواسطة **ام هدول**

مساء الخير صحى فطوركم. وصحى قهوتكم اليوم فطوري كان مقارون بلاصوص والفرماج وطون
وفلفلة ولا حميس كما تقولو وسلاطة بزيتون كنت رقدتو جاني هاييل ام حمزة وام جوجو بصحتكم واش حطيتو
امممم ام حم ة هاديك الكيكة تاع السفن علىما اضن بصح متعيش كي تبقاي كل مرة تفتحي الفرن وتزيدي عليها
والخياطة والله كنت تجيني الحمة على الخاجة حتى نكملها دروك والو

مساء الانوار حبيبتي والله يسلمك وصح فطوركم وبصختك واش طيبتي ربي يدوم النعم

ام هدول هادي كيكة جدع الشجرة
وما شدتبيس الوقت راهي ساعلة والبنة نتاعها تهليني نعاودها هاااااااايلة هي طيب غير من الاعلى اي تشعلي الفور نتاعك غير من الاعلى تمتم طيب وما شدتليش الوقت حتى بناي صغيرة مانت قداني كي بديتها وبهد ما شافتني كملتها قالتلي ديجا ماما كنلتيها يعطيك الصحة هادي هدرة اامفعوصة نتاعي لسانها كير منها ربي يخفضها ويحفضلكم وليداتكم

ام سوهيل · 2015-10-14, 17:02

مساء النور عليكم وش راكم عام سعيد للجميع ربي يرزقنا بواش تمنينا وينصر اخونا المصلمين في كل مكان من بقاع الارض اميييين

ام حمزة عجبني فطورك من فضلك اعطيني طريقة الصلق بي البطاطا بلاك انديرها

omjoujou · 2015-10-14, 17:16

اقتباس:

المشاركة الأصلية كتبت بواسطة ام حمزة22

السلام عليكم
لبنات اولا نقوللكم كل عام وانتم وعائلتكم بالف خير ينعاد عينا وعلبكم بالخيرات والبركات والهناء وان شاء الله كل واحد فينا يحققلو ربي كل ما راه متمنيه

فطوري اليوم سلق بالبطاطا

واليوم زدت طبقت كيكة الشجرة

بصحتكم حبيبتي اذا تكرمتي وتعطيني الوصفة لي درتيها نتي في كيكة الشجرة وقوليلي تقريبا قداه داتلك من الوقت وقطر تاع المول لي درتيها فيه والله شهيتيني فيها ودرتيلي الدودة باه نعاندك

اقتباس:

المشاركة الأصلية كتبت بواسطة نور الإسلام26

سلام
لبنات فطوركم راه اشهي بصحتك انا اليوم
درت سردين جبهولي بارح من غرادية ونهركم مبارك

الله يسلمك حبيبتي وبصحتك السردين

اقتباس:

المشاركة الأصلية كتبت بواسطة ام سوهيل

مساء النور عليكم وش راكم عام سعيد للجميع ربي يرزقنا بواش تمنينا وينصر اخونا المصلمين في كل مكان من بقاع الارض اميييين

ام حمزة عجبني فطورك من فضلك اعطيني طريقة الصلق بي البطاطا بلاك انديرها

اميييييييييييييييييييييييين
يسعدلي مسائك حبيبتي ام سوهيل

ام هاديل وياسين · 2015-10-14, 17:36

اقتباس:

المشاركة الأصلية كتبت بواسطة ام حمزة22

مساء الانوار حبيبتي والله يسلمك وصح فطوركم وبصختك واش طيبتي ربي يدوم النعم

ام هدول هادي كيكة جدع الشجرة
وما شدتبيس الوقت راهي ساعلة والبنة نتاعها تهليني نعاودها هاااااااايلة هي طيب غير من الاعلى اي تشعلي الفور نتاعك غير من الاعلى تمتم طيب وما شدتليش الوقت حتى بناي صغيرة مانت قداني كي بديتها وبهد ما شافتني كملتها قالتلي ديجا ماما كنلتيها يعطيك الصحة هادي هدرة اامفعوصة نتاعي لسانها كير منها ربي يخفضها ويحفضلكم وليداتكم

يسعد مساكي اختي ام حمزة يعطيك الصحة ويبارك ويباركلك في الامورة شفتي ديك الهدرة ربي يحفظها والله مرات يقولو
كلام تاع كبار هههه على مااضن راهي في مواضيعك نحوس عليها ونجربها ان شاء الله

ام سوهيل · 2015-10-14, 17:41

اختي حياة بغي نسقسيك بخصوص موضوع الثوم الي سبق وحطيتيه قليلي كديري 6 مغرف تع ملح اصغار ميجيكش مالح كيى طيبي بيه

ام حمزة22 · 2015-10-14, 17:57

ام سوهيل · 2015-10-14, 18:17

مساء النور اختي ام حمزة

ام حمزة22 · 2015-10-14, 18:46

اقتباس:

المشاركة الأصلية كتبت بواسطة ام سوهيل

مساء النور عليكم وش راكم عام سعيد للجميع ربي يرزقنا بواش تمنينا وينصر اخونا المصلمين في كل مكان من بقاع الارض اميييين

ام حمزة عجبني فطورك من فضلك اعطيني طريقة الصلق بي البطاطا بلاك انديرها

مساء الانوار حبيبتي
سامحيني ما قدرتش ندهل نردلك ما نعرف من تقل النت ولا من تقل المنتدى
المهم بعد ما نغلي السلق 5دقايق فالماء نحطو بجيه يقطر
في قدر نحط قطع بطاطا دوائر ونضيف الزيت والملح وفلفل عكري والدرسة لي متكونة من فلفل دريس وثوم فقط والا ما حبيتيش الدرسة تقدري تستغناي عليها وديري غير ثوم وحدو ترابيه راح جيك تان بنينة
بعد ما البطاطا يدخللها طياب نضيف عليها السلق ونضيف نصف ملعة طماطم مصبرة ونمرق ونخليه يشرب بعد ما يشرب نضيف 2حبات او 3 بيض ونخليه يعقد ثم نطفيه
ان شاء الله قدرت نوصلك الغكرة ام يوهيل وسامخيني مرة 2 على الاطالة