الجزء 170من واش طيبتي اليوم 💝 كوزينة المفاجآت والصحبة الطيبة 💝 - الصفحة 54

أ م ساجد وسيم · 2016-10-10, 15:26

الغراتان تاعي اسهل منو مافيش منصباح وانا نخمم في الفطور قلت خلطها تسلك المهم
غليت بطاطا مع سنة ثوم وملح بطاطا مقشرة كي طابت عبزتها بهذيك لي يرحو بيها البطاطا وزدتلها شوي حليب واذاتحبي الفرماج ديري
من جهة قطعت لحم مكعبات وقليتو معسنينات ثوم وملح وفلفل كحل وشوي كمون وحطيته بجيه هذاك شوي صوص لي كان فيالمقلا تاعلحم شوي برك مسحتو مليح وزدتو على البطاطا
قطعت حبة فلفل ونص على حسب الكمية لي ديري درت شوي زيت وخليتها طيبمع رشةملح ورشة فلفل وغطيتها وحركيهاماتغفليش عليها تقدري ديريلها شوي ماء باش طيبلك فيسع درتها في مقلاة طبعا وكي طيب خليهاتتحمر شوي في المقلاة
وجدي البيشاميل وديري معاها فرماج
حكمي بلاطوتاعك دهنيه بزبدة ديري طبقة بطاطا ماتنسايش ذوقيها في الملح اذاعندك فرماج رابي ديري فوقها وحطي لحم وزعيه مليح ومنبعد زيدي الفلفلة وزعيها وزيدي طبقة البطاطا والبيشاميل ودخليها للفور امممم
تقدري ديري كورجات مقلية معاهم تجي تحفة

ام أمينة · 2016-10-10, 15:43

السلام عليكم ورحمة الله وبركاته مساء الخير يا بطات ياسمينات يارشيقات وش احولكم ﻻباس الكوزينة راهي مليانة بلخيرات الله يبارك كلشي يشهي
والله صخفت نشارك معاكم كيما كنت بصح هذا تلفون زوجي بقت كلمت السر فيه حولت قداه من مر نبدل في بورتابلي بصح محبتش تصلح ووووو ععععععععععع واش ندير قولولي
المهم راني نتابع فيكم وراء الكواليس
نرحب بحباباتي لي رجعو ونور الكوزينة
نتمنى ترجع دايمة الحمد والله ليها وحشة كبييييييييرة ام الجود وام سهام

chez biba · 2016-10-10, 15:49

بارك الله فيك ام الاء على الوصفة المصورة

بارك الله فيك ام هاجر على الرابط راني زرت الموضوع ويعطيك الصحة على التطبيق شاطرة الله يبارك وبالعكس انا اصلا عطيتكم وصفتين باش تخيرو لي تناسبكم وحتى انا نحب نجرب غوسات جدد

روضة بصحتكم الجلبانة ويعطيك الصحة كي راكي طلي علينا طمنينا على جدك ان شاء يكون بخير

حيوتة ربي يخليك حبيبتي ويسهلك امورك ويعطيك ما تتمناي لغدا وصل ويهبل وين يلقاو خير من هك

نعنوعة الله لا يغيبك ايه شفت الرد تاعك ومشكورة حبيبة ساعات ما نردش مبصح نشكركم كامل في قلبي على قول ام كوثر وحبيبتي ام يرهوم لي ما عادتش طل علينا

امينة ربي يقبل عليك حبيبة ونفس السؤال وين راهي ماماك ما عاودتش دخلت

اسيا الله يبارك على ارشيفك وهاذ السلطة اخت تاعي في يوم من الايام ههههه كي شفتها بقيت نثبت انا ليزاسيات تاعي بيض اذا لقيتها نحطهالك

وحرام عليك تعذبي فيهم انا ما نتوحمش وسخفت وين يا هوما مساكن مخلوفة ان شاء الله

ام نور الهدى ان شاء الله ما نكونش روطار برك .. ديري درسة فيها الثوم والموطارد، الملح، فلفل لكحل، زنجبيل مرحي، زعيترة، عصرة تاع قارص خلطيهم مليح واطلي بيهم اللحم ولوحيه في الكوكوت مع ورقة رند وغير شوي ماء باش مايلصقش خليه ساعتين وحلي عليه تلقايه ذايب وطعمتو هايلة بلا ما تقلي ما والو

وردة اللهم امين ولك بالمثل

ام ساجد وسيم بصحتكم غداك يشهي وخاصة المعقودة امممممم

أهلا كوكا ولا ام امينة تامني والله كنتي في بالي قلت ما طليتيش راني مازلت شافية على المرقاز تاعك وحدو .. الحمد لله كي راكي بخير

ام محمد 05 · 2016-10-10, 15:51

السلام عليكم ورحمة الله تعالى وبركاته الف مبروك حبيبتي بيبا على الكوزينة ماشاء الله راكي شاطرة وسلامي للجميع توحشتكم بزاف راني نقرعج من البعيد هذو بعض الاطباق اولا بيتزااااااااا بطريقة حبيبتي ام برهومييييييييييي الف شكر ليك حبيبتي ربي يثبتلك حملك ياااااااااااارب وصفاتك ناجحين 100ب100 وان شاء الله كي يكون عندي وقت نزيد نحمل باقي الوصفات ان شاء الله ولله الحمد والشكر

حياة نور الدين · 2016-10-10, 15:52

اهلاا البنات وردة وناونوا يعطيكم الصحة على كلامكم

ام هاجر بصحتك المسمن حبيبتي وشكراا على كلامك

ام ساجد الغراتان يشهي كنت رايحة نطلب الوصفة لقيتك حطيتيها يعطيك الصحة

ام امينة اهلاا اختي شوفي حاولي ديزاكتيفي العضوية تاعك من تلفون زوجك منبعد جربيها في تليفونك او راسلي الادارة

روضة 88 · 2016-10-10, 15:57

نعنوعة ايه و مدار فينا الرولي ممم بصح انا سخفت على صينية العرسان خخخخخ .

بيبا لالا راني نطل عليكم علابالك نعزك بزاف مام لهيه راني نتابع فيك
وجدي راك شفتي بلادنا اداوه الصباح على 9 للطبيب هذا وين رايح يعقب علبالي يجي تعبان حبيت نوجدلو عصير طبيعي ومعرفتش
عندي تفاح و عنب وموز و ايجاص.

أ م ساجد وسيم · 2016-10-10, 16:07

ام محمد غي لوكان يخرجولنا حاجة نبداو نجبدوبيها الماكلة من ليكرون تاع الميكرو سخفتيني يعطيك صحةة كلش رووووعة
بيبا عجباتك المعقودة كون جيتي حدايا نبعتلك منها جارتي تانيتعجبها تجي خفيفة مانقليهاش لا بالفرينة ولا البيض تجي امممممم
حيوتة كيراكي مع الحمل سمحيلنا كشما تكوني تشهيتي حاجة شفتي على اسيا سخفتنا بطبسي دلاع ههههه
روضةكيراكي ختي شكون لي راه مريض الف سلامة على قلبو

omelbanin · 2016-10-10, 16:10

السلام عليكم، واش راكم، درت تطبيق تاع اليوم مسمن تاع أم وليد، انا موالفة ندير تاع السميد، اول مرة ندير تاع الفرينة، جا روووووعة.

حياة نور الدين · 2016-10-10, 16:21

بيبا ربي يخليك على الدعاء حبيبتي

امال واش راكي توحشناك علاش راكي تبعي من بعيد اتحفينا باطباقك الرووووعة

حياة نور الدين · 2016-10-10, 16:26

ام البنين اهلاا وتفاهمتي انت واختك على المسمن خخخخ يعطيكم الصحة

روضة ربي يشفيه حنونة

ام ساجد حبيبتي الحمد الله سوال عليك وربي يخليك وماعليش اللي حب الشباح ما يقول اح ههه
ربي يرزقك حبيبتي

طالبة رياضيات · 2016-10-10, 16:31

راني صايمة
اليوم نجي ندي فطوري من عندكم كل وحدة واش طيبلي ههههههههههههه

um alaa · 2016-10-10, 16:38

روضة قتلتك صينية العرسان هههه ارواحي عندي نديرلك خير منها

أ م ساجد وسيم · 2016-10-10, 16:54

واه حيوتة هههه دايما المرا لي تتميزر خخخخخ ربي يفرحك
امينة ديالمعقودة من عندي وقولي لرزيقة على شربة تاعها اممممممم

أ م ساجد وسيم · 2016-10-10, 16:56

ام البنين مسمنات وعليهم الكلام تاع الفرينة ساهل فيسع يتخدم ويجي مورق يعطيك الصحة

فاتي 05 · 2016-10-10, 17:00

مساء الخير على الجميع توحشتكم كنت مريضة كنت غير نقرعج عليكم راكم معمرين الكوزينة بالخيرات بصحتكم .
هذا هو غدانا تقليدي شخشوخة تتسقى بشربة لفريك لخشين و اللحم ( بالشاوية اوزان ) انشاء الله تكونوا تعرفوه بيبا و توبة تفضلوا معانا .

و هذا تطبيقي للمسمن درتو لقهوة لعشية بصحتكم .