الجزء 152 من واش طيبتي اليوم

[um alaa]

فطورنا محاجب


ما تضحكوش على الشكل المهم المشاركة و التطبيق هههههه

[chez biba]

جبتلكم صابلي تتقهواو بيه
معتامدة دايما وصفة غاليتي صبرينة (ام يسرا) هااااااايل ربي يجازيك كل خير

[Oum Habouba]

ام انفال البيكربونات يعمل كيما الخمارة نتاع القاطو ادا ماعندكش نورمال عوضيه بالخمار. نتاع قاطو
ام سارة يعطيك الصحة على الماكولات ربي ما يحرمك نعمه
ام الاء بصحتك المشتريات ونووورمال اطحني فيهم بصح ما تعمريش الطاس يعني بالشوية هدوالصوالح يبغو الستحفيظ
ام رحاب تسلميلنا يا الغالية يالطيبة
روضة انت الورد يا وردة
فضيلة بصحتك فطورك الله يدومها عليك نعمة
بيبا ختي الله يبارك على الخيرات الله يدومها نعمة
نحمل فطوري ونجي

[ذات النورين]

مساء النور
راني كنت مريضة ومازالني وحدة ما سقست عليا مانعرف وعلاش لهذا مادخلتش

[um alaa]

شكرا للي باركولي
بيبا اممممم كلش يشهي يعطيك الصحة
ام سارة ضحكتيني ماشي خسارة في زينوبة و بصحتك الفطور
ام فضيلة هادو كامل ليزاكسيسوار دياولو حتى البرا و الطاس جاو معاه الماركة ديالو BLUE HOUSE و السومة 750 الف

ام حبوبة وو ام رحاب شكرا على النصائح

[Oum Habouba]

فطوري خبز بفرينة القمح وقشوره اي النخالة او النزالة



لوبيا قريني بكفتة اللحم البقري



ولله الحمد والمنة اللهم ما اصبح بي من نعمة او باحد من خلقك فمنك وحدك لا شريك لك فلك الحمد ولك الشكر

[آسيا 27]

مسا الخيييييييير
جبتلكم محاجبي هنا من الطاجين


و هنا بعد ما طابو






و هاذو لضميري اللي راه معذبني باه يسكت عليا شويا و يخليني ناكل على راحتي ههههههه

[أم شيماءْ]

المشاركة الأصلية كتبت بواسطة chez biba

جبتلكم صابلي تتقهواو بيه
معتامدة دايما وصفة غاليتي صبرينة (ام يسرا) هااااااايل ربي يجازيك كل خير

اممممممممممممممممممممممممممم روعة ممكن الوصفة كشرودة

[ام انفال الاء لجين]

ام حبوبة اختي بارك الله فيك .

[الأمنيات]

السلام عليكم وصح غذاكم
تبارك الله كل هاد الخير بلا نذكر الاسماء يعطيكم الصحه
الاخوات الي طلبوا وصفه الشاورما هاهو الرابط راني حطيت الموضوع بالشرح
https://www.djelfa.info/vb/showthread...post3994625510
الي طلبوا كيكة التمر
https://www.djelfa.info/vb/showthread...C7%E1%CA%E3%D1

[أم هبوبة]

ام يسرا الف مبروك الكوزينة
النات راه مقطوعة عندي في الدار الحمد الله الي لقيتها كاينة في الخدمة
طليت و شفت الروائع و الله هبلتوني كل شيئ روعة راني غير نكوبيي في ليغوسات باش نجربهم
ما خليت تليتلي ام اسلام و بطاطا عازفة و طارط ام ساجد و فلفل محشي نتاع ليزا و كعك اسيا و مافن حنان و مقيرض البحر الصافي ووووو..........
و ال يبقات في خاطري كيكة الحلزونية نتاع ام ابراهيم
ام ابراهيم بليز الوصفة بالتفصيل هبلتيني بيها
ما شاء الله عليكم ربي يحفظكم
هدا واش درت في الويكاند و جربت ليشو جاوني خاويين من الداخل و خفاف بصح ما طلعوليش مليح اول سبب عرفتهم العجينة شوية جريتها بصح حبيت نعرف طريقة الطهي
ا نتاعهم و لما يطيبوا نخرجهم تم تم من الفران و لا نخليهم حتى يبردوا

كرواسون ام ساجد بصح العجينة زدت فيها علبة ياووغت طبيعي


و هدا مسمن و من نفس العجينة درت محاجب نيبت باش نصورهم


وهدا مافن جربتو لجيمي اوليفر فيه الفرينة و السميدة الرقيقة جا خفيف


من فضلكم وصفة صابلي توبة شفتكم تتكلموا عليه

[Aya69]

مساء الخير
لحراير كامل يعطيكم الصحة مأكول الهناء كل شئ روووعة ماشاء الله
ام حبوبة من فضلك حبيبتي كيفاه درتي لوبيا بالكفتة شهاتني بصحتكم

[ام انفال الاء لجين]

ام هبوبة لي شو شوفي طريقة فلة فود انا جربتها عشرات المرات اصبحت العتمدة عندي
ما يهطوش يبقوا طالعين بزاف و خويين من الداخل
بالتوفيق .

[*توبــــة*]

جيت نراجع مي قلت نبدا على ميمتنا ام هبوبة الغالية

والله كل مرة نقول بلاك اطلي علينا من الخدمة خخخخخخخخخخ

اطايبك روووووووعة حبيبتي يعطيك الصحة

وهذا رابط الصابلي

https://www.djelfa.info/vb/showthread.php?t=1884005

[ام سهام 02]

المشاركة الأصلية كتبت بواسطة oum islem

الله يسلمك من كل سوء حبيبتي ليزا
حتى هيا قالتلي على مخبز حرة الأغواطيات بديكور النمر بصح ما نحبش نعاود نفس الحلوى بنفس الشكل لازم نتفلسف فيها شوية
وحابة بقلاوة أم سهام نستنا تدخل وتعطيني القياس تاع البلا لي نطيب فيه رطل لوز واذا تخرج مليحة بالوز محمص وبقشوره هداك لي عندي ونوع السمن المليح لي نخدم بيه
وقلت كاش صابلي خفيف أما باقي التحضيرات ما عنديش فكرة
على الجديد لأني بطبعي بسيطة وتقليدية بصح أنيقة مش في لاطاي هه خخخخ
اييه نسيت والعجينة السحرية تاع ام اماني نقدر نخدم بيها كعك النقاش ونقدر نزيد فيها السكر الناعم في العجينة وما يخسرش الشكل
مش حابة نجرب ما عنديش بزاف مكونات في الدار لي جربت ولا لي عندها فكرة تقولي وما تخسرنيش الله يعطيكم ويرضى عليكم

اللهم لك الحمد كما ينبغي لجلال وجهك وعظيم سلطانك

قياس السنيوة ليطيب رطل لوز 30على 25 سم و اللوز ما تحمصيهش اطحنيه بقشورو هو في الطياب يتحمص و يعطي بنة اممممممم و السمن لنخدم به مدينة
راه هايل للحلويات التقليدية ضيفي لو فانيللا سائلة اذا القيتي فيه ريحة ما تعجبكش

وثاني تقدري اديري كعك النقاش بالعجينة السحرية ضيفي لها نص كيلة سكر ناعم مغربل و قشور الليمون عوض لاغوم تع الماء الزهر لكن كيلة السمن عوضها باماغرين ذايبة و باردة