Mh47 الجزء الــــ84 من واش طيبتي اليوم - الصفحة 54

ساندي 28 · 2014-08-12, 15:01

مساء الخيررررررررررررر

ام سهام 02 · 2014-08-12, 15:01

ام ثازيري ماتتحيري ما ولو ديري الحلويات لتقدري عليها انا اقترحت عليك الحلويات لنديرهم في منطقتنا ربي يكون في العون عزيزتي وربي يهني خوك

بشرى2008 · 2014-08-12, 15:02

باتيلا تان المشكلة والله بريزونتابل وكاين المخبل تان حاجة شابة كاين المظفورة والمظفورة ماشي شرط باللوز تقدري تديريها بالنواة كوكو تان كاين المخبز مام المخبز نتاع النواة كوكو يديروه فى الاعراس

بشرى2008 · 2014-08-12, 15:03

ع السلامة ساندي28 واش حوالك ؟

عطرالذهب · 2014-08-12, 15:03

صح غداكم يالفحلات
ام سهام هبلت على التعمير وين نلقى وقت نطيبو جرجلك فوطوكوبي ربي يبارك
ام ملاك بصحتك الشخشوخة اممممم
صديقتي الصدوقة ملاك نورهان البيتزا تهبل انا هك نحبها بصحتك
ليزا بصحتك الجلبانة يميييييييي
ام محمد اهلا بالعسل واش بيك حنونة قوليلي اشكون فهموك بالغالط واخطيك وراكي رجااالة هههههههه
باتي الحلويات تبانلي تخدمي السكندرانيات نتاعي
والكابريس نتاعي هههههه شفتي التواضع واخدمي السيقار نتاع ام اماني ولعرايش واش رايك

بشرى2008 · 2014-08-12, 15:06

فايزة 44 والله جيتي فى الوقت راهي باتيلا تحوس على افكار حطيلنا الحلويات باش ندو فكرة من عندك فى التزيين

ام سهام 02 · 2014-08-12, 15:07

حبيبتي ام محمد التاج مافهمتش قصدك راني كما بشرى وليزا بصح ماطوليش الغيبة رانا نتوحشوك يا غالية

مساء الانوار ساندي

malek nour hane · 2014-08-12, 15:09

قاطو حلوة الترك 2 كيسان كاوكاو مرحي رطب+كاس سكررطب+500غ زبدة+1خميرة+300غ حلوة الترك+فرينة شكلي عجينة قصيها دوائر صغار بالكاسبعدما يطيبو لصقيهم بالكريمة و ادهني شوي كريمة من فوق و لوحيه فكاوكاو مرحي خشين
الكريمة هي كاس سكر رطب+200غ حلوة الترك+250غ زبدة واضربيهم بالباتور مليح مليح
شوفو فليل ان شاء الله نزيد نكملكم عيطلي راجلي قالي راهو مع الطريق نوجد روحي نروحو نقضيو و نرجع ان شاء الله نكملكم...قاطواتي ساهلين و بزاف لي ذاقوهم عجبوهم ان شاء الله نتوما تانيب يعجبوكم.اسمحولي سلااام

بسمة اكرام · 2014-08-12, 15:11

اقتباس:

المشاركة الأصلية كتبت بواسطة *أم ثازيري*

اووووووكي
بشرى ستتولى المهمة ههههههه

السلام عليكم
شوفي اختي انا لكان منك نخدم الجوزة ونعمرها باليسلي وحلوة الترك
ونعمل قاطو نص بنص نتاع ام اماني يجي اممممممممممممممممممممم
ونشوف كاش عفايس اخرين
وللتاي نعمل القريوش والبقلاوة او المقروط معسل الله الله
ههههههههههههههه اسمحلي على التدخل

ام سهام 02 · 2014-08-12, 15:12

عطورة العزيزة مبروك تغير الاسم وملي حطت ليزا موضوع التعمير وهو في خاطري هذا وين ريحت هه جربه كتفرغي ماراكيش رايحة تندمي ممممممم بنيييين

ساندي 28 · 2014-08-12, 15:12

بشورتى لاباس الحمد لله على كل حااااااااااال

بسمة اكرام · 2014-08-12, 15:13

ههههههههههههههههههههههههههههههههههه
ياختي واش بيكم ماترحبوش بالضيف لجديد الي يجي العندكم ههههههههههههههههههههههههه
راني حاسة بالغربة معاكم

ساندي 28 · 2014-08-12, 15:13

اقتباس:

المشاركة الأصلية كتبت بواسطة oum malek

الله يسلمكم أخواتي ملاك هذي شخشوخه مسيليه نديروها بآلفطير

يعطيك الصحه اختى ام ملاك سخفتينى بيها ممكن طريقتك

Simassim · 2014-08-12, 15:15

اقتباس:

المشاركة الأصلية كتبت بواسطة بشرى2008

حنان دقتي الشباكية ولامزال أيا activer انا كي تكون حاجة جديدة عليا ندوقها وهي سخونة ههههههههههههههههههههههه
وهاتيلنا الوصفة هههههههههههههههههههههههههه نستفادو من وراء امين هههههههههههههههههههه هاد الشء علبالي على جال امين كي ولا من الغرب أيتها الشريرة هههههههههههههههههههههههههههههه علابالي ماتزعفيش لاخاطر تعرفي معزتك راكي بنتي

أفكار شريرة راكي تعطيهالها حبيتي تقتليها مسكينة
درتها مرة كليت وهي عاد سخونة ههههه شحال من عام غي نسمعهم يهدرو عليها ندوخ

وماما تستشفى فيا

ladymillion · 2014-08-12, 15:18

هاااااااااااااااي جيتكم بعد القيلولة ههههههه

كننت نراجع وجعت يخي راني صايمة ماكاركمش تحطو هاذ الخير كامل
يعطيكم الصحة والله كللللللللللللللللللش روعة وكل وحدة باسمها

ملك نورهان البيتزا شهاتني بصحتك ياكشرودة ههههههه وحقى البوبونة راهي ولات 57 كيلو أششششششح ههههههه

باتيلا اكتبي اسم كل قاطو في ورقة وديري القرعة وهني روحك هههههههههههه
انا تاني راني حايرة في بلاصتك زيدي شوفي هنا بلاك تهزي نوع
https://www.djelfa.info/vb/showthread.php?t=1485768

فاااااااااااايزة نجيك يالشطرب ولا بالبشماق انا سقسيت عليك ومانقدرش مانسقسيش عليك كي تغيبي يخي علابالك توحشناك بزااااااااف راني نستنا في الحلويات ( عودة ميمونة يا ميمونة هههههه)

حنان الشباكية تبان تههههههبل سخفتيني يامصيبة تاكلوها بالصحة
ام سهام قوليلي كيفاش بنة التعمير وجا بنين مع العيش ؟؟ يعطيك الصحة

زيدوا شكون نسيييييت نزيد نراجع