الجزء 70 واش طيبتي اليوم سيدتي الفاضلة - الصفحة 54

ام احمد وصال · 2014-04-24, 09:38

سهومة ج روحي لهدا الرابط
https://www.djelfa.info/vb/showthread.php?t=1270201

lyzzabel · 2014-04-24, 09:41

اقتباس:

المشاركة الأصلية كتبت بواسطة lilouchaf

ليزا هكداك انا تاني و واش درتي الحشو والسلاطة راهي منيونة كما انت ربي يحفظك

شكرااااا ليلوشتي ههه
الحشو درت الجاج طايب و مفتت و زدت معاه زيتون ايفيلي و بيض فائض و رابي و فرمااااااج ممممم جا بنييييين انا أصلا من بكري يعجبني هاذ الميلونج

و فقست فوقهم حبة بيض باش يجي حاكم روحه و شوييييية ملح و فلفل و خلطت الكل

oum ibrahim · 2014-04-24, 09:42

لالا الاخوات الي حطو الصور في هذه الكوزينة ماكان لاه يعاودو يحطو خلاص هاذوك لقيتهم
الي حطتهم في كوزينة اخرى او طبقت وماحطتش الصور تحطهم
اماني نحيت كاس من الخليط و و حطيتو في كسرونة و زدتلو باطة مينا حتى ذابت و زينت و كفاتني الكمية بالتمام و نصف المقادير دارولي 14 حبة بمول التاج الكبير

oum ibrahim · 2014-04-24, 09:45

ام رياض الشخشوخة تسخف هبلتوني بيها اذا حيانا ربي غدوة نديرها اليوم غدايا طعام باذن الله و من فضلك حطيلي صور قلب اللوز شفيت حطيتيه في كوزينة من الكوزينات
نداء الى ام ياسين جيبي صور قلب اللوز الي درتيه بلاصتك راهي فارغة لهيه ههههههه
ليزا امم على البوراك و البسطيلة يشهوووووو يعطيك الصحة راكي بين يوم و ليلة وليتي بروفيسيونال في الديول

بريق الامل& · 2014-04-24, 09:46

ام ريمة منورة كوزينتي يا ريت تنوريها بطيابات الفيسبوكية هههههههههه وشراهي ريمة ووليدها
لهومة اشرقت الانوار بلا بك صامطة غير لبارح نخمم في ردودك قلت كانت دايرة نشاط غير عادي وكل وحدة ترد عليها وتعطيها حقها
الحمد لله كرجعت ردي بالك ترجعي تغيبي
رانا مع حمى قلب الللوز والديول تاع صوامعية وخبز ام يسرا وزدتلنا ام ابراهيم الماليين تاعها هبلتنا قصدي النقروات هههههههههه ايه والكاشير تاع ام تاجو
سارة دبري في سميد خشين وديري قلب اللوز شهيناك اسمحيلنا
ام ماجد بصحتك الجلبانة وبصحتهم ولادك الفلان ما شاء الله على الشطارة والتبكار ربي يعين الخدمات انت دائمة الحمد راكم تتعبو
طبعا لا تعليق كل المأكولات الي حطيتوها جد شهية
وشكرا على الوصفات
ابقين رائعات كما انتن

awladi · 2014-04-24, 09:51

الف شكر ليلو كفيتي وفيتي راهي تشهي من صابني عندك ناكلها يعطيك الف صحة ايقونات الشكر طارو
خسارة قلب اللوز ماصورتوش كي طاب نلقاها سبة و نعاودو ههههههههههه شهيتوني بركاو من السخافات تسمنو و تحصلو

الأمنيات · 2014-04-24, 09:51

السلام عليكم واسعد لببه صباحكم
غدايا شربه ومعقودة ان شاء الله وراح نجرب خبز ام يسرا
ام ابراهيم حطيت قلب اللوز تاعي في موضوعك
الهام اهلا واش راكي
البقية يعطيكم الصحة

إلهام07 · 2014-04-24, 10:01

ههههههههههه والله عندي نفس الحمى نتاعكم مع انني مادخلتش المنتدى منذ مدة طويلة سبحان الله القلوب عند بعضاها حتى أنا جاتني حمى قلب اللوز نتاع اللبن وديول الصوامعية وجريوات ام يسرا بصح النيقرو مازال هاتولي الرابط
والله غير قلبي يرقص من الفرحة كي قلتولي سارة راهي حامل ماصدقتش عينيا بقيت نقرى في الخبر ونعاود احلى خبر وياااااااااااارب العقوبة لبروقة والله ننطير بالفرحة ونجي نبارك لااااااازم ربي يهنيك بروقة والله قتلتيني بالضحك كي قلتني حق ربي كوزينتي مربوحة راني نضحك والمدير مقابلني راني مدرقة راسي بالشاشة بإذن الله مانزيدش نغيب

أم إبراهيم " دلاعتي " حبيبتي الصور راهم في الدار والنت مقطوعة بصح نحطهم بحول الله السبت المقبل

حبيباتي اللي حطو طياباتهم والله كلش يشهي بصح راكو ثقلتوها الشخاشخ دايرة حالة

أم إبراهيم وأنا نسيتي تطبيقي ؟ هاكي الصورة القديمة ومن بعد نزيدك الصورة الجديدة :

الأمنيات والاخوات كامل اللي سألو عليا راني الحمد لله ربي يخليكم يارب احلى لمة والله عائلتي الثانية

روضة حبيبتي المنتدى منور بيكم ساليلي بزاف على أم ماجد قوليلها من بعد نتصل بيها

أم محمد تاج · 2014-04-24, 10:01

احلى صباح ياغاليات ونهاركم مبروووك
البارح رقدت والمورال طالع من فرحتي بقلب اللوز
شكرا على تشحيعاتكم حبيبات قلبي كل وحدة باسمها الله يخليكم ليا يا احلى رفقة
ام رياض الله يبارك الشخشوخة تهبل وشكرا يالغالية على الاهداء الله يخليلك كل عزيز وغالي
ام برهوووم حبوبتي اختي اغالية النيقرو يهبل يهبل الله يعطيك الصحة ومأكول الهنا
حنونتي اولادي الشخشوخة اسهل مايكون الارادة تصنع المعجزاااات

لهاليبووووو على سلامتك والله قاعدين نضربو اخماس في اسداس على غيابك وشعرة طبقت انا وام ماجد واحد الخطة الجهنمية باش نلقاوك ساعة ظهرتي حلي عينك تزيدي تغيبي خلات عليك
ام برهوووم راهي ام رامي ثاني طبقت قلب اللوز تاع ليلي وراه في وصفات لحراير
نكمل مراجعتي ونرجعلكم ياغاليات وغدايا سوب الخضرة تاع البارح والله حصلت واش نزيد معاها

أم ريمة* · 2014-04-24, 10:02

صباح الخير بنات ما شاء الله عليكم كل شىء يشهى مت شخشوخة رياض ممم بصحنكم
دائمة الحمد ربى يخليلك الوالدة انا سخفنى حليب البقرات ممممممم ابعثيلى شوية لبن كى تمخضيه مممممممم روعة
نيقرو ام ابراهيم قلشاتو انتاع الصح ههههه
قاطو الطبقلت ام ياسين هاتى قطعة نفطرو بيها ياملكة الاقتصاد هههههههه
اطباق ليزا ماشاء الله خاصة السلطة ذات القلوب هههههههههه
ولافلب اللوز ام تاج هايل
يروقة رانى جبتلك الباروك البارح ص 47باش تظيفينى وتحطيلى ارنب هههههههه ؟؟
انا ثانى جربت قلب اللوز انتاع ليليان وجا هايل ربى يجازيها وهاهم الصور

ام احمد وصال · 2014-04-24, 10:06

ام ابراهيم كي درتي نصف المقادير تاع النيقرو البيضة خليتيها هكداك يعني كيما الوصفة ههههههههههه غباء على قولت رياحين

أم محمد تاج · 2014-04-24, 10:07

روووووعة ام ريمة حنونتي مأكول الهنا يالغالية

أم محمد تاج · 2014-04-24, 10:08

ههههه يعطيك الربح اماني السلالالالالالام ههههههههههههههههه

lilouchaf · 2014-04-24, 10:11

ام ريمة يعطيك الصحة على الالخير الي حطيتيه البارح وقلب اللوز خرج روعة

اولادي ارواحي لعندي نزهيك حبيبتي

oum ibrahim · 2014-04-24, 10:11

على سلامتك لهلوبة صار انا دلاعة واااااااااعععععع ههههههه
هاتي هاتي الصور نعمرو الكوزينة راهي ولات اوزان ثقيلة الله يبارك
ام رياض ليزا امنيات امي الغالية ام ريمة شكرا على الصور راني عدلت الموضوع و اضفتها
اماني الله يعطيك الربح ههههه و انا من الصباح نقول درت نصف المقادير خايفة من البشماق ام محمد و انت تقوليلي نص بيضة