موضوع مميز واش طيبتي اليوم؟؟الجزء 03 - الصفحة 54

أم شيماءْ · 2013-03-28, 09:44

اوووووووووو ام ماجد عشاء جد مكلف منقدرش نديرو
هه تاكلوه بالصحة والهناء

أم ماجد · 2013-03-28, 09:47

عشائي يوم الامس

أم شيماءْ · 2013-03-28, 09:49

حبيبتي الامنيات هذه نفس طريقتي هذه طريقة مونية ك
شوفي حنونة انا كيفاش ندير
اغسلي العدس نتاعك ونقيه من الحجر
وغليه في كاسرونة عمريها بالما
وفي الوقت كي يكون يغلي قشري البصلة وقطعيها رقيقة و4 ولا 5 حبات ثوم رابيهم وديريهم يتقلاو ومغرفتين كبار زيت ادا درتيه باللحم ديري اللحم يتقلا مع البصل وادا بلاش ماعليش يجيك هايل ثاني
المهم شدي حبة بطاطا متوسطة اغسليها وقشريها قطعيها مكعبات صغار وحبة ولا زوج زرودية نفس الشي قطعيهم صغار وارميهم مع البصل وقلبي وديري الملح جومبو دجاج نص مغرفة كبيرة نتاع طوماطيش بواطةومغرفة صغيرة فلفل لكحل وفلفل لحمر مرحي حار ولا حلو واذا تحبي الفلف الحار ارمي فلفلة كاملة الداخل
انا سري درك نقولهولك واحد ماعلابالو بيه مي انت غظتيني ديري نص مغرفة كبيرة نتاع سكر هدا هو سري
خلطي الكل مع بعض ومرقي بشوية نتاع الما قيس ماتتغطى الخضرة نتاعك برك
ونحي العدس من النار وفرغيه بالماء نتاعو داخل القدرة اللي فيها الخضرة وخلطي اذا شفتيها وانت تخلطي ثقيل بزاف زيديلو شوية ما مالازمش يكون خفيف ومن الاحسن تطيبه في الكوكوط اذا عندك اغلقي عليها ونقصي للنارغير تبدا تصفر وخليها تطيب نص ساعة برك واذا ماعندكش حطيه في القدرة ولا كاسرونة كبيرة وغطيه ونقصي النار ماتنسايش ومن داك طللي عليه وحركيه حتان تشوفي بللي طابلك
ان شالله نكون افدتك انت جربي كمية صغيرة وشوفي

الأمنيات · 2013-03-28, 09:54

اختي اوريسيا الماء الي يطبخ فيه العدس ما ترميهش انا نصفيه نرمي داك الماء لكحل ما نحبهش
ونديره مع المرق كي قلتي اما سر تاع البنه درك نجربه

أم شيماءْ · 2013-03-28, 10:01

راني رايحة نوجد الغداء ضك نولي

سر التقى · 2013-03-28, 10:01

السلام عليكم
عشايي البارح شوربة الجبن للأخت
faizarbh
https://www.djelfa.info/vb/showthread.php?t=1151491

أم شيماءْ · 2013-03-28, 10:11

مرحبا بك معنا اختي سر التقى وبصحتكم

غزة في عيوني · 2013-03-28, 10:14

الله يعطيكم الصحة على المجهودات بالعكس لما نشوف الاطباق تاع ام ماجد واوريسيا وام كوثر والامنيات وكامل الفحلات المنتدى نقول لماما شوفي الفحلات من حاجة صغيرة يديرو حاجة بنبيييييييينة و بريزونتابل الله يحفظكم و الله يخليكم لينا لانو تعلمت منكم ومازال حابا نتعلم منكم مشكوريييييييييييييين

~~جوهر دعوة~~ · 2013-03-28, 10:19

سلام حبيباتي أتمني ان تكن بالف خير وعافية والله يكون في عون كل وحدة أنا راني حائرة وش ندير الغدا. حبيت نقول برك للي حب يدخل وينتقد ينتقد بادب بدون تجريح واناشخصيا اقول والله ما دخلت للمنتدي هكذا وفقط وانما شدني تواضعكن ومساعداتكن لبعضوكانه بيت واحد المهم أخواتي ربي يخليكم لبعض ولا عليكم ممن لا ??????????????????????????????????????????دمتنفي حفظ الرحمان

أم شيماءْ · 2013-03-28, 10:21

اقتباس:

المشاركة الأصلية كتبت بواسطة غزة في عيوني

الله يعطيكم الصحة على المجهودات بالعكس لما نشوف الاطباق تاع ام ماجد واوريسيا وام كوثر والامنيات وكامل الفحلات المنتدى نقول لماما شوفي الفحلات من حاجة صغيرة يديرو حاجة بنبيييييييينة و بريزونتابل الله يحفظكم و الله يخليكم لينا لانو تعلمت منكم ومازال حابا نتعلم منكم مشكوريييييييييييييين

تسلمو حبيباتي مرحبا بكم معانا

سر التقى · 2013-03-28, 10:30

اقتباس:

المشاركة الأصلية كتبت بواسطة ouricia

مرحبا بك معنا اختي سر التقى وبصحتكم

الله يسلمك حنونة

أم محمد تاج · 2013-03-28, 11:00

صباحووووووووووووووو يالغاليات واش راكم أنا اليوم درت جاري فريك أي شوربة فريك بالجاج وهاذي مايش حاجة غالية في متناول الكل وهذا عشايا البارح

تبالي عشاء عادي ولا واش قلتو؟؟؟؟؟؟؟ فريت أوملات نص طياب وحميص بايت وسلاطة ورخساس؟؟؟؟؟
الله يهدي ماخلق وخمسة وخموس علينا ربي يبعد علينا الشر والشرور قولو آمين آمين

غزة في عيوني · 2013-03-28, 11:18

اقتباس:

المشاركة الأصلية كتبت بواسطة أم محمد تاج

صباحووووووووووووووو يالغاليات واش راكم أنا اليوم درت جاري فريك أي شوربة فريك بالجاج وهاذي مايش حاجة غالية في متناول الكل وهذا عشايا البارح

تبالي عشاء عادي ولا واش قلتو؟؟؟؟؟؟؟ فريت أوملات نص طياب وحميص بايت وسلاطة ورخساس؟؟؟؟؟
الله يهدي ماخلق وخمسة وخموس علينا ربي يبعد علينا الشر والشرور قولو آمين آمين

امييييييين والله غير عشاء هايل الله يعطيك الصحة حبيت نسقسيك واشنو الرخساس ’’؟؟؟؟؟

أم محمد تاج · 2013-03-28, 11:22

اقتباس:

المشاركة الأصلية كتبت بواسطة غزة في عيوني

امييييييين والله غير عشاء هايل الله يعطيك الصحة حبيت نسقسيك واشنو الرخساس ’’؟؟؟؟؟

الله يسلمك حنونة والرخساس أو الرخسيس أو الكسرة اليابسة أو الكسرة المبسسة هي دقيق وملح وزيت بزاف وشوي سينوج وشوي خميرة الكسرة ولميهم بالماء وأعجني وطيبي وإذا حبيتي تتعلميها نعلم حبيبتي نخدمها ونحطلك الوصفة والصور بالتفصيل الممل

*أم كوثر* · 2013-03-28, 11:29

السلام عليكم غالياااتي
وش احوالكم
اعدروني لكني حدفت كل الردودو اللي فيها اقتباس لكلام الاخت الاستادة
التي يبدو انها تعاني من شيئ ما
المهم
بدل الرد عن متل هاته المداخلات وجب عليكن الضغط على ايقونة الاساءة
ليتم التصرف من قبل الادارة
نقطة اخرى
اللي عجبتها لمتنا وموائدنا مرحبا بيها لي تقدر تطبق منها لها دلك لي ماتقدرش وبانتلها الطبخة غالية ومكلفة يكفيها تمر عليها مرور الكرام
وربي يبعد علينا عيون الحاسدين ويحفظ جمعتنا هده
تحية كبيرة
ل
أم ماجد
الامنيات
اوريسيا
العضوات البارزات في واش طيبتي ليوم ههههههههه
وباقي الاخوات العزيزات بلاماننسى حتى اخت معانا
وتوتة اهلا وسهلا بيك بلاصتك بانت
اعدرو غيابي المتكرر لدي ظروف شاغلتني
من يوم غد نبدى نشارككم اطباقي
الة التصوير كان بها عطل
نهاركن طيب