الجزء 130 من واش طيبتي اليوم

[فرح العمر]

صاح الخير على الجميع
ام مصعب الف مبروك و بالشفاء. عليك اوجاع الام واعرة بصح كيما قاتلك الاخت حتى اما نصحوني كل ما يجيني لوجاع نرضع البيبي و هكا ينقص شوية اصبري و احتسبي هذي هي ضريبة الامومة

[أم ياسين الزهراء]

صباح الانوار على الحبة

ام ماجد بصحتك التحمام والتحواس ادا تشديلي اكرادي نروحح للحمام

روضة راح ديري ضيافة اخر رجب هههههههههههه تروح بخير لداركم

يوم موفق للحلوات
حقى حمة قريت ردك وضحكت مع الصباح هديك انا اللي دير هكى ههههههههههههههه موصايب

[ام سهام 02]

صباح الخيرات والانوار ويوم موفق
البارح كان عيد ميلاد ميلاد ولدي الكبير خدمت تارت وعصير الفراز وانا مشغولة وكجا ما عجباتوش قال لي مزينتيهاش امليح بصج في الماكلة ياكل ويعاود بصحتو ههههههههههه

[om assem et loudjain]

صباح الخير ، صباح السعادة ، صباح كل شيء جميل
وهيبة ، روضة ، فرح العمر ، و كل كل المتواجدات كل باسمها
جبتلكم لابيش محشوة كيري و فراز ، درتها البارح لخويا لعزيز جا من وهران ،،، يزورنا بعد غياب بضعة شهور
الحمد لله على لم شملنا من جديد ، وربي يرجع لكم أحبابكم جميعا و يكحل عيوننا برؤية المصطفى صلى الله عليه و سلم

[فرح العمر]

هاكو لبنات تفطرو

[زهرة الريف*]

4السلام عليكم ياوجوه الخير كيف صبحتوا انشاء الله لاباس واش مخططاتكم اليوم
وهيبة زال راكي نورتيني انت والأخوات ربي ينور دربكم
أم ماجد وروضة وفرح العمر وأم ياسين نهاركم زيك وباهي
أم سهام عام كله خير لوليدك والتارت ماحلاها

[om assem et loudjain]

صباح الخير اختي الريفية ، واش أصبحتي اليوم ؟
غدايا مزال ما بانش راني نخمم ، و جيت باه كاشما نقل عليكم

[um alaa]

صباح الانوار يا حلوات
مرت خال زوجي ولدت اليوم صبح جابت طفلة سماتما تسنيم
تفضلو الطمينة

[~اسيل ريحانتي~]

صباااااحووووووووووو وبصحتكم واش طيبتو
ام مجوووود بصحتكم التحويسة مع بعلولك ههههههه
تفضلو المسمن لي يسمن على قول ام اناس توحشتها

وهدا عشانا تاع لبارح قراتان رولي بصح انا نحب البطاطا مقرمشة ههههههه

[~اسيل ريحانتي~]

المشاركة الأصلية كتبت بواسطة um alaa

صباح الانوار يا حلوات
مرت خال زوجي ولدت اليوم صبح جابت طفلة سماتما تسنيم
تفضلو الطمينة

مبروك عليها وتتربى تسنيم في عز والديها
والطمينة تهبل وايييييييي وايييييي راني صايمة ههههههههههههههههههههههه

[زهرة الريف*]

مع واش حطوا الأخوات يليق هدا

[~اسيل ريحانتي~]

المشاركة الأصلية كتبت بواسطة ام سهام 02

صباح الخيرات والانوار ويوم موفق
البارح كان عيد ميلاد ميلاد ولدي الكبير خدمت تارت وعصير الفراز وانا مشغولة وكجا ما عجباتوش قال لي مزينتيهاش امليح بصج في الماكلة ياكل ويعاود بصحتو ههههههههههه

كل عام وولدك بخير والطاغت شابة واش خصها هداك غير يحب يتقلش عليك ههههههههه

[~اسيل ريحانتي~]

المشاركة الأصلية كتبت بواسطة om assem et loudjain

صباح الخير ، صباح السعادة ، صباح كل شيء جميل
وهيبة ، روضة ، فرح العمر ، و كل كل المتواجدات كل باسمها
جبتلكم لابيش محشوة كيري و فراز ، درتها البارح لخويا لعزيز جا من وهران ،،، يزورنا بعد غياب بضعة شهور
الحمد لله على لم شملنا من جديد ، وربي يرجع لكم أحبابكم جميعا و يكحل عيوننا برؤية المصطفى صلى الله عليه و سلم

امممممممممممممم بصحنكم

[~اسيل ريحانتي~]

المشاركة الأصلية كتبت بواسطة فرح العمر

هاكو لبنات تفطرو

نموت على البسبوسة بصحتكم ههههه

[oum islem]

السلام عليكم
صباح الخير عليكم
كيف احوالكم
وهيبة بارك الله فيك على تنبيهاتك الرائعة فعلا الاصح رمضان مبارك
الريفية هديك القدرة يسموها الفشوش شريت مرة واحدة من بسكرة قالولي اغسليها مليح بالماء وغسول الاواني
ثم عمريها بالماء وخليه يبات فيها وفي الغد فرغيه ودوزنيها وقلي وطيبي على نار هادئة وما تحطيهاش فوق حاجة باردة استعملي سو بلا
بقات مدة وتشققت وحدها الاحسن تشري تاع لامبورتاسيون خفاف وروعة عندي واحدة عندها 8 سنوات روعة للشربة وللحم حلو
ام ياسين المسرارة قوليلنا على الحوامل ندعولهم وندعولك ليك بكل خير
ام ماجد صباح الخير يومك موفق
روضة بصحتك الغيبة عند الوالدين اجمل احساس لما تكوني بيناتهم
فرح العمر البسبوسة تهبل شكرا وربي يسهلك ان شاء الله
ام عاصم ولجين يعطيك الصحة على الجذع سبحان الله
ام سهام ربي يبارك في عمرك وعمر وليدك وينجحو للاسف الصور ما خرجوش لكن اكيد رائعة هو يضحك معاك باه تعاوديهالو

غدايا باذن الله دوارة نستنا فيها توصل راهي في الطريق