~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~ - الصفحة 54

نسمة صبح · 2016-05-11, 22:13

لجين حبيبتي انا منيكنش عند عجوزتي لكن تضطرني الظروف نروح و نطول كضيفة لمدة تصل لعشرين يوم..و مناخذش راحتي و منعرفش نتصرف و نحب نفوت الوقت مع راجلي خاطر يكون غايب.. مين ذاك تلقى ايفو يا متهليتيش فيه يا مطيبتيش يا متهليتيش في روحك يا يا ...و ساعات نحاول ما تلقى علي حتى غلطة تنوض تقول هذا تسياق !! ولا تقول متلا ممسحتيش صباطو !! و نا نسكت توصل تبكيني و نرفد حوايجي و نتفارقو قبل ما تخلص لمدة اللي لازمة ..راجلي كان يوقف معايا

لكن بمرور الوقت انبو ضميرو خاطر تبقى امو و حس روحو غلط.

جهينة اليقين عندك حق والله الدنيا ما فيها والو بصح واش ندير العاقل يسلك و القبيح يمنع هاذي اللي تغيض..

مؤخرا قعدت معاهم و لقيت فيهم جوانب تاع خيير قلت انا ملول قعدت نوسوس في روحي و مش متقبلة طبايعهم و هزيت دروس ان شاء الله نطبق برك

oum sabrin · 2016-05-11, 22:14

السلام عليكم و رحمة الله
ما شاء الله الصفحات تجري ما زال ما راجعتش كلش قلت نحط تقريري و من بعد نراجع
حبيت نبارك لحبيبتي ام ادم الف الف الف مبارك النجاح فرحتلك بزززززززاف تستاهلي كل خير ربي يوفقك حنونة
سمورة بصحتك العراس و ربي يشافيك انا تان عندي عرس نهاية الاسبوع القادم علا بيها راني نخاول نتقدم في العمل المراجعة تاع بنتي عطلتني شويا
اليوم كان مضغوط شويا درت تنظيف عميق للارضيات البارح صبت شتاء بالتراب البالكون صبح احمر و حسيت كامل الدنيا بالتراب ههه الغذا درت لازانيا بالحم المفروم
رجعت لخزانة اولادي لي اجلتها امس بعدما جاني طاريء و اضطريت اخرج المهم اليوم كملتها قعدلي البلاكار نحاول نديرو غدا باذن الله راني نخدم بلعقل لاني في المساء نراجع لبنتي

فرغت الخزانة مسحتها بالعطر و رجعت التلايق

فرزت الملابس و طويتهم حبطت تاع الصيف و طلعت تاع الشتا

درت احذية المناسبات في علب و درتها في الاسفل

و لي با تاع بنتي درتهم في هذا الكيس و خبيتهم مع ملابس الشتاء

تحية للجميع
ليلة سعيدة

نسمة صبح · 2016-05-11, 22:15

لجين انا نقولك ادي راجلك لطريق الخير..روحيلو بطرق غير مباشرة منلا اذا عندكم مشاكل قوليلو ممكن ذنووب و قربيه من ربي..و بالشوي فهميه بلي هذا عقوق و راكي متفهمة مشاكلو بصح حابة اديري خطوة و طلو على دارهم ..بالشوي حتى يروح.

نسمة صبح · 2016-05-11, 22:22

نحبو نخرجو بخلاصة اليوم ولو بسيطة عن التعامل مع اهل الزوج..

لازم حدووود في الكلام و الفضفضة معاهم و خاصة امورنا الخاصة.

عجبتني نقطة الحنانة و اللسان الحلو ..مش راح نخسرو قد ما راح نربحو! كل فترة و فترة نجيبو هدية صغيرة.

نكونو شاطرين #هذه الجزئية محتاجة للتدريب# و في نفس الوقت منسمحوش من حقنا باخلاق عالية كيما قالت حبيبة.

loudjaine · 2016-05-12, 00:04

اقتباس:

المشاركة الأصلية كتبت بواسطة جهينة اليقين

سلام لبنات عجبتكم الحالة كي عاد الموضوع على العجايز شحال كثرو الصفحات هههههه شوفو انا كنت كنة منذ ثلاثين سنة بالاك انا اكبركن راه عندي الخبرة انا كنت متحملة كل شيء حتى ما نحطتش زوجي في موقف الخيار بيني وبين امه حتى لو اضطررت انرجع الكلام و و و وما نشتكيلوش والنتيجة عمر امه ما فالت ولدي جرحني وهي ربي يرحمها رجعت لي غير انا ودا هو دعوة الخير وانا معاه والله كي كبرت ورفدتها غير انا خير من بناتها عادت تقول لي الله يجيب لك وحدة ترفدك كيم رفدتيني اييييييه والله يا بناتي الدنيا ما فيها والو ديرو الخير واصبرو قد ما تطيقو
لي
لجين عمر الراجل ما يكره والديه انت زقي عليه وقولي لو هذا عقوق وانا ولولاد لازم نروحو لايعودو يقولو مرتو حرشاتو وانا متاكدة انو في قرارة نفسو راه فرحان كي ربي عطاه مرا كيم انت اوع تقولي لو عندك الحق ابدا الي مالوش خير في اهاه مالوش خير فيك

لا راهم متاكدين باللي ولدهم المشكل باين انا اخر من سمع لكن هو جبد روحو باش ما يعقش والديه ...شيخي راح يدير حاجة ما تصلحش زوجي نصحو ما بغاش يقتنع ممالا قرر يجبد روحو باه ما يربحش العيب معاه ...

loudjaine · 2016-05-12, 00:11

اقتباس:

المشاركة الأصلية كتبت بواسطة نسمة صبح

لجين انا نقولك ادي راجلك لطريق الخير..روحيلو بطرق غير مباشرة منلا اذا عندكم مشاكل قوليلو ممكن ذنووب و قربيه من ربي..و بالشوي فهميه بلي هذا عقوق و راكي متفهمة مشاكلو بصح حابة اديري خطوة و طلو على دارهم ..بالشوي حتى يروح.

انا متاكدة مهما هدرت مستحيل يروح لانو المشكل مازال قاءم و الخطا مازال يوقع ممكن كي يتحل مشكل دار شيخي يقدر يروح...و الاهم هما طردوه والله مسكين ما قدرش ينصحهم و هما مصرين على الخطا طلبت نروح انا ننصحهم رفض..القصة طويلة و اسرار ناس ربي يهدي

chez biba · 2016-05-12, 05:42

السلام عليكم ورحمة الله وبركاته
كنت طليت البارح على الموضوع لقيت الصفحات ما شاء الله
نراجع ولي عودة ان شاء الله

omelbanin · 2016-05-12, 05:52

اصبحنا واصبح املك لله والحمد لله

omelbanin · 2016-05-12, 05:56

حبيبتي سمراء الدنيا ،ربي يجيبلك الشفاء ويخليك لينا انشاالله ، ومبروك عليكم العرس،راح نفتقدوك هذا الايام.

ام متين · 2016-05-12, 06:24

صباح سعيد مبارك للجميع الصفحات راهي منورة بمشاراتكم الله يبارك وانا راني نحاول نطل عليكم مرة على مرة بحكم الامتحانات والاولاد مرضى ربي يشفيهم ويشفي كل المرضى وستكون لي مشاركة وتدخل باذن الله كلما سمحت الظروف طاب يومكن

chez biba · 2016-05-12, 06:28

السلام عليكم ام البنين صباح النور

بارك الله في كل وحدة حطت ولو حرف باش تساعد في هاذ الدورة:
ام صابرين ما شاء الله عليك دايما متألقة كي العادة وكي نشوف مشاركاتك تشحن لي الطاقة ربي يعطيك صحتك ويحفظك لأهلك يا رب
عزيزتي فراشات العمر بارك الله فيك على النصائح ونشكرك على الترحيب كنت كتبت من ايام رد طويييييل لكن لضعف النت ما حبش يفوت .. المهم حبيت نقول أني نعزكم فراشاتي وقضيت معاكم احلى الأوقات في الدورة السابقة

حبيبتنا حبيييبة من قراءتي لردك فهمت انك تزوجتي فألف الف مبروك حنونة ربي يسعدك ويهنيك ومتنورة الدورة اكيد وزاهية باللون الوردي

الاخت سيرين ما شاء الله عليك وربي يبارك فيك على واش تقدمي من نصائح في القمة ربي يجعلها في ميزان حسناتك
سمراء الدنيا ما شاء الله على البنوتة ربي يحفظها ويفرحك بيها
جهينة اليقين ربي يهدينا ويثبتنا على الطاعة والدين .. انا ثاني نعاني احيانا من التشتت وقلة التركيز
صباح النور ام متين ربي يوفق جميع أبناءنا في الامتحانات ويشفيلك اولادك يا رب

omelbanin · 2016-05-12, 07:04

[SIZE=biba [/SIZE]سلامي للجميع حبيبتي chez biba زرت المدونة نتاعك اطباقك كلها رائغة،بالنسبة لنهار اليوم مخصص لتربية الاولاد ، مادام رانا في فتر ة المتحانات كون غير نتكلمو على طريقة كل واحدة فينا في المراجعة ، مع اولادهاوعن الاوقات المناسبة لها، ومتى يصبح الطفل يراجع لوحده ؟؟؟؟
اذا حبيتو ....انا هذا الموضوع يهمني بزاف .

حياتي كلها امل · 2016-05-12, 07:07

السلام عليكم اصبحنا واصبح الملك لله والحمد لله ولا اله الا الله اللهم اني اسالك خير هذا اليوم وخير ما بعده واعوذ بك من شر هذا اليوم وشر ما بعده
صباحكم جميل ومشرق ،صباح الفل والياسمين لاغلى ناس،صباح النشاط والامان والمحبة. يومكم مبارك وموفق لكل ممتحن.

غزالة1 · 2016-05-12, 07:22

السلام عليكم
اصبحنا واصبح الملك لله
اللهم صل وسلم وبارك على سيدنا وحبيبنا محمد

غزالة1 · 2016-05-12, 07:27

ما شاء الله الصفحات راهي تزيد و المواضيع مهمة من صميم الحياة الواقعية
لم استطع التدخل لانو كما تعرفون ايام امتحانات
ربي ينجح جميع اولاد المسلمين و ربي يشافي كل المرضى
ام متين ربي يشافي الاولاد
سمراء طهورا ان شاء الله