الجزء 45 من واش طيبتي .....ابداع حراير الجلفة - الصفحة 54

عطرالذهب · 2013-12-15, 12:40

السلام عليكم وصح غداواتكم
انا تغديت مقرونة بالدجاج وسلاطة والحمد لله
لبنات يعطيكم الصحة والله كلشي هايل من يديكم
حقى باركولي موضوع العطر الذهبي ثبتوهولي نشكر المشرفات ونوعدكم نكون في المستوى
اللي ما طلوش على موضوعي ان شاءالله يروحو ويشرفوني بردودهم
يعطيكم الصحة

لينا11 · 2013-12-15, 12:40

اقتباس:

المشاركة الأصلية كتبت بواسطة المبتدئة

لينا يعطيك الصحة حنونة بصح فهميني واش هاد الابداع المهم انا بديت ناكل بلا مانعرف واش اسمهم هههههه

مبتدئة لول قطايف محشوة بالكريمة
ثاني عرايش الهرم
هاكي من نفس العجينة والحشو درت هذو ثاني

هاكم هذي تنفعكم وقت ماتلقاوش شكون يشري لكم نستلي حلو

إلهام07 · 2013-12-15, 12:42

مونية ضحكتيني والله شهت طيابك وعجبني وحسدتك هههههههههه علاه مافسدتلك حتى حاجة في هذو الايام ؟ ههههههه راهي عيني
لالا ماشاء الله ماكيش محتاجة لرأيي في طيابك وتقديمك ممتاز ربي يحفظك
حقة أنا عندي كتاب شهرزاد فيه لسان محشي غذا عندك شوفيه يبان مليح
أما الديول أنا شفتهم في اليوتيوب كي يديروهم يدهنوهم بشوية زيت بالبانسو باش ماييبسوش نصيحة كي طيبيهم ماتخليهمش ينشفو مليح عليها ييبسولك وزيد مع تنحيها من المقلاة تحطيها بسرعة فوق اختها بصح بيناتهم ورق او ترشي شوية فرينة باش ماتلصقش باش هكذا تعرف عل بعض وترجع طرية

أم هديل ربي يحفظك ويفرحك حبيبتي مواح على بالي بيك تحبيني

اوغيسيا كاش واحد يشري حاجة ماعلابالوش واش يديرو بيها ؟
حبيبتي الكركم ديما نلونو بيه الارز وزيد مليح في حساء الكابويا وزيد لمعلوماتك راهو من أحسن التوابل للصحة موجود في الطب الهندي منذ اكثر من 3000عام ويطلق عليه " ينبوع الشباب '' تفرجت عليه حصة في الليل للغد رحت مباشرة شريتو هايل للصحة

ههههههههههه ام ماجد على بالي بيكم حبيباتي تساندوني عليها رايحة ندخل ليه بقلب أسد على بالي ورايا رجالة
حقة البقلاوة تبانلي مليحة وباللوز صح؟
حتى اناسخفتني نفس العضوة بالبوراك ماشفيتش شكون هههههههههه درتو البارح للعشاء درتو بالبيشاميل والاسكالوب تطبيق من المنتدى للمشرفة زمردة هايل هايل اول مرة نديرو مع انو من بكري في بالي نجربو بصح انا زدت في البيشاميل قطعة شاف ذوبيتها فيه جا غير جربوه
تعرفي شريت مقلاة جديدة نتاع الجزائر مخبيتها غير للديول فقط فقط بدات تتجرح مع انو ماندير فيها واو وغير نمسحها بالمندل القماشي فقط
اواه لازم نشري وحدة كيما نتاعك بصح واقيلا ضرك يديرو 1700دج في الشارع ضرك غلا كل شيء وحتى النوعية ضرك مخدوعة

حقة ماتزيديش تقولي مانحطش من وراء فلانة راكي شاف بمقامك ووزنك الثقيل فهمتي ؟ حتى انت عندك الستيل نتاعك مايشبه في حتى واحد

ربي يخليك ألمازة مواح

ربي يخليك ليا ام زكرياء وشكرا على الرسالة مواح

أماني السلام والله شبعانة لوكان هجمت بصح الكندر نموت عليها تقولني ولاد صغار خليهالي كامل كرشي كبيرة ومانحبش نقسم الاكل

ربي يخليك روضة واش كاش طيابات ؟ اختي دارتلهم فلان النيستلي في الفور وطارت الليمون هبلو عليهم الحمد لله راهي كل مرة تتقدم شوية

رياحين " شايلاك لعوزة حبيبتي ( عجوزتي ) " ماتشقيش روحك

المبتدئة واش هذا ماجيش وكي جي غير طايحة فيها سرقة واش طيبتي للغداء ؟ قري وجيبي صحابك

بصيرة2 ربي يخليك حبوبة
بصح السؤال علاه نقولك : لاخاطر طبوزة وكلبوزة وصاحبة أكبر سجل اجرام مطبخي
نضحك معاك ربي يحفظك حبيبتي وكيما يقولو من القلب إلى القلب رسول

لينا هذاك سيقار بالفارميسال ؟ فهميني واش حشيتيه يبان يشهي
هذو ليامات في راسي القطايف سخفت عليهم ماعنديش كانو عندي عرام في المجمد نحاوهوملي ندمت كون غير طيبتهم

ام ندى 87 · 2013-12-15, 12:43

ايمان مرحبا بيك معانا
الطريقة تاع غراتان البسباس ساهلة ودقيقة يطيب
انا دايما نبدا نملح الجاج ونعملو تحميرة خفيفة باه يطلق بنتو تقطعي البسباس شرائح خشان باه مايطيحولكش فالطياب وتغلي الزيتون
تقطعي اغصان المعدنوس البصل والثوم وتقليهم الكل في القدر تمرقي بشوية ماء مغلي يعني سخون
والتوابل انا استعملت راس الحانوت والقصبر امممم
وزيدتلو البطاطا بما اني نهرب من المقالي قطعتها شرائح ملحتها وتبلتها وحطبتها تفور فوق القدر تاع البسباس
هكا ماطيحش ونتحكم في طيابها
كي يطيبو تحطي الكل في بلا تاع الكوشة تخدمي بيشاميل ماتثقليهاش بزاف تزيدلها البيض معدنوس فص ثوم
زيدي للبلا تاعك الفرماج مثلثات وزعيه فرغي البيشاميل والى الفرن فالاخير زيديلو شيدار رابي وزيني بالمعدنوس
بنيييييييييييييييييييييين

إلهام07 · 2013-12-15, 12:48

ألف مبروك عطورة التثبيت لازم جيبيلنا حلو يا حلو باروك ولوكان صحن حميس المهم ماشي عدس وخلاص :d همي على كرشي :d:d

ام ندى 87 · 2013-12-15, 12:51

الهام يا هرابة شحال من حاجة في بالي نقولهالك كي نشوفك ننساهم وزيد مشاغلك بزاف عليك والله قهرتيني بحكاية مولات لي ماش المزعوقة الكشورودة المحروقة المندوبة ال ال ال وااااااااااع ماتشدونيش خلوني نفرمها

طير الرحمة · 2013-12-15, 12:52

ام رامي ما شاء الله عليك فنانة وافكارك فى القمة
لينا كل شيئ من يديك مختلف رااائع
ام ماجد ورق البوووووراك كيما المراة وين طريقة تستخدمي

لينا11 · 2013-12-15, 12:52

الهام لك الخط

قطايف من اروع حلويات سهلة ولذيذة جدا ومنها تخرجي اشكال غاية فال وبريزونتابل

*** قطايف الكورني بالكريمة:****

هذه هديتي لكم ديسار خفيف ظريف سادرج طريقا ايضا لاحق

مناسب جدا لمرضى سكري لانه قليل حلاوة وغني بالكالسيوم

هنا ب3D

هنا العائلة مجتمعة

طير الرحمة · 2013-12-15, 12:53

اماني السلام المحاجب هايلين يعطيك الصحة
وروووولى الدجاج يهبل بصحتكم
وشكولا كيندر اعطييييهالى هههههههههه

لينا11 · 2013-12-15, 12:54

تفضلي عسولة

نصف لتر حليب

03ملاعق نشاء (مايزينة)

سكر حسب رغبة

للتنكيه ** فانيلا -عطر كراميل-عطر لوز-عطر جوز-عطر-شكولاطة-عطر بندق-عطر موز-عطر ليمون

ممكن استعمال قشور برتقال وليمون

طريقة اخرى بدل استعمال الحليب نعوضه بعصير برتقال (خاصة نحن في موسمه واضافة الى فيتاميناته العديدة ممممم

نتيجة النهائية

هنا عوضت حليب بالبرتقال ونتيجة دائما من اروع مايكون مممم

ام ندى 87 · 2013-12-15, 12:57

لينا مبدعة ربي يحفضك لولادك و التحلية الاخير ة امممممممم

طير الرحمة · 2013-12-15, 13:02

اجرو لقناة سميرة رايحة دير
حساء الكابويا
والاخت الى كانت تبحت عن شطيطحة اللسان رايحة تعملها هى ايضا
مع التحلية
لا تفوتكم

إلهام07 · 2013-12-15, 13:03

ههههههههههههه المبتدئة ههههههههه قتلتيني بالضحك بالشوية برك لاتطلعلك لاطونسيون
واش هذي العصيبة باينة هذو الأيام راكي تكثري من العدس ههههههههههههه
واش كاش جديد كاش تجارب طبخية ؟

طير الرحمة حبيبتي الشكلاطة راني ديتها أسمحيلي روحي كولي محاجب ولا رولي ولا ماتكليش بصح الشكلاطة حلي عينك
حقة أم ماجد دارت بوراك البانسو نتاع الفرينة وصفة أم ساجد أم ماجد راهي بلاك تغدات وقيلت عمرتها ههههههه

إييييييييييييييه لينا قطايف مقليين هبلتونا كل يوم تخرجولنا حاجة والواحد يسخف وماعنديش شكون ياكل لو كان شابعة تلباز حتى الجيران مايحبوش هاكي تعرفي ضرك الناس تخاف تاكل من عند بعضاها

طير الرحمة · 2013-12-15, 13:04

اقتباس:

المشاركة الأصلية كتبت بواسطة ام ساجد

السلام عليكم لبنات وبصحتكم واش طيبتوا

ام رامي بصحتك الباتيسري هايل كالعادة

ام ابراهيم طيابك يخف ما شاء الله

لينا 11 بصحتك البيتزا روعة

هذا واش شفت البقية اكيد طيابكم رائع كيما متعودين بصحتكم

غدايا اليوم راو ما زال في الفرن

ودرت جلبانة ومطلوع وسلطة والحمد لله كي نتغدو نحط الصور

اخبارك اكلتك الى فى الفرن ام ساااااااااااااااجد
طلى وخبرينا

ام ساجد · 2013-12-15, 13:04

ام ياسو وام زاكو ربي يحفظكم ان شاء الله شكرا