الطفولة والاطفال واسئلة الامهات

[lyna2007]

[quote=ابو زكرياء 2005;3992006756]انا اب لثلاثة اولاد الاكبر في سن التاسعة و الاوسط في سن الرابعة و الثالث له تسعة اشهر و المشكل اني اصبحت لا استطيع الاقتراب من احد في وجود الاخر لانهم يغارون من بعضهم البعض .
فهل من نصائح لتفادي هذا المشكل[/quote
الابنين اللي عندهم 9و4 سنوات راهم في سن وين قادرين يفهموا معنى الحديث وبالتالي لازم تتحدث معهم وتتحاور يوميا وفي نفس الوقت يعني كأنكم 3 أصدقاء يوميا تسألهم عن كيفية قضاء يومهم ماذا درسوا ماذا فعلوا بعد خروجهم من المدرسةبطريقة ذكية يعني ليس استجواب بل تبادل الجديث بطريقة عادية كالاصدقاء
يجب برمجة خرجات خارج البيت لكم انتم الثلاثة ومحاولة عدم تفضيل واحد على الاخر في المعاملة حتى يحس كل واحد فيهما انه مهم بالنسبة لك مشاهدة مبارة كرة قدم مع بعض لعب اي لعبة انتم الثلاثة كشطرنج مثلا
مراعاة العدل بينهم فلا تفضل الكبير وفي كل مرة تذكر بانه الكبير ولازم يكون مفضل او تفضل الصغير وفي كل مرة تقول انه صغير واسمح له ...........الخ لازم تعدل في المعاملة اذا غلط الكبير في حق الصغير تنبه عليه والعكس
بالنسة للمشتريات تعدل ايضا في المعالة تعامله بنفس الطريقة تقبلهم وضمهم اليك ومدحهم حتى ينشأ لديهم ذلك الاحساس بانك تعدل بينهم وتحبهم معا .

[foufou0008]

السلام عليكي اختي انا ابني دخل 4 اشهر مشكلته انه يوضع يديه بزاااف في فمه واللعاب عندو تاني بزززاف واش الحل وبخصوص الفرينة نبدا نخلطها مع الحليب لي يشربو و لا مزال وقالولي عاونيه بماء الروز صح ولا لا

[lyna2007]

المشاركة الأصلية كتبت بواسطة foufou0008

السلام عليكي اختي انا ابني دخل 4 اشهر مشكلته انه يوضع يديه بزاااف في فمه واللعاب عندو تاني بزززاف واش الحل وبخصوص الفرينة نبدا نخلطها مع الحليب لي يشربو و لا مزال وقالولي عاونيه بماء الروز صح ولا لا

عندما يضع الرضيع أصابعه في الفم ويسبل فمه باللعاب هذا يعني بداية تهيئة اللثة لظهور الأسنان لازم تدهني له في الليل بواسطة الاصبع اللثة وتحكيها قليلا بزيت الزيتون فالزيت يساعد على تسكين الام اللثة وانتفاخها وهذا يوميا حتى تبرز الاسنان .
وضع منشفة تحت الرقبة حتى لا تحمر رقبته من شدة سيلان اللعاب عليها
مع تنظيف الذقن والرقبة بمنشفة مبللة ومسحها بلطف في كل مرة .
بالنسبة للفرينة من الافضل ان تبدئي بخلطي ملعقة في اليوم في الحليب ولكن بعد دخوله الشهر الخامس

وبالنسبة لماء الارز اعطيه منه اذا كان يعني من الاسهال بسبب بروز الاسنان كذلك ماء الجزر ، والا فلا داعي لذلك

[sarfai]

[QUOTE=foufou0008;3992013600]السلام عليكي اختي انا ابني دخل 4 اشهر مشكلته انه يوضع يديه بزاااف في فمه واللعاب عندو تاني بزززاف واش الحل وبخصوص الفرينة نبدا نخلطها مع الحليب لي يشربو و لا مزال وقالولي عاونيه بماء الروز صح ولا
salam lekol omahate lfourum kheti ana wlidi kifkif m"a wlidek 4 mois yerieg wydakhel yedih fe femou wyezid yedya hahaha sa9ssite galouli beli raho baghi ynbete snanou mais tawel kol nchof mazel manbtoulouche rabi ykhalihlek wtfer7i bih en challah
kheti LYNA 3la esslama fra7et ki cheftek enchallah t3awnina fe terbya

[نانو 2013]

السلام عليكم و رحمة الله و بركاته على سلامتك حبيبتني لينا و الله توحشناك
انا بديت نفطم بنتي و صدري راها مزيرة عليا و مشدودة و مقلقتني
ربي يخليكي قوليلي على الحل بسرعة من فضلك
و ربي يجعلها في ميزان الحسنات

[lyna2007]

المشاركة الأصلية كتبت بواسطة algerian100%

السلام عليكم و رحمة الله و بركاته على سلامتك حبيبتني لينا و الله توحشناك
انا بديت نفطم بنتي و صدري راها مزيرة عليا و مشدودة و مقلقتني
ربي يخليكي قوليلي على الحل بسرعة من فضلك
و ربي يجعلها في ميزان الحسنات

الأمر عادي كون أن الحليب راه يتحجر وبنتك مش ترضع فيه
المهم هني حطي كمبراس او شاش اوقطعة قماش من القطن في ماء دافئ الى ساخن نوعا ما حسب تحملك للسخانة ثم وضعيها على الأثداء وقومي بدلك صدرك بزيت الزيتوت الدافئة مرتين في اليوم هكذا كل يوم حتى ينشف الحليب تماما من صدرك واذا عندك الالام في الثدي تناولي حبة براسيتامول الى حبتين في اليوم تزيل الالام ان شاء الله
المهم داومي على هذه العملية يوميا لمدة اسبوع وسينشف الحليب ويزول الالم ان شاء الله

[foufou0008]

ابني عنده مشكل النوم يرقد نص ساعة وينوض واش الحل راه متعبني بزاااف نهار وليل

[oum sabrin]

السلام عليكم أختي لينا
من فضلك عندي سؤالين الأول إبني عمره26 شهر راهو يعاني من سعال جاف شربتلو سيرو يزل عليه و يوليلو خاصة في الليل حتى يفيقو من النوم بودي لو توجد وصفة طبيعية مجربة أفيديني بها عاجلا لو سمحت
السؤال الثاني هو الإمساك تعاني منه بنتي 5سنوات و كذلك إبني
في إنتظار ردك مشكورة

[om kamilia]

اخوبتي الكرييمات السلام عليكم ورحمة الله وبركاته
ربي يعطيييكم تتمناو يساعدوني بنتي رايحة للهلاك ماتاكل والو كما سييت معاها كف كف خايفة عيها بزاف واحيطكم علما رضعت عندي ير شهرين وانقطعت لروف خاصة
ارجو ردكن على هذا الموضوع لا تبخلوعليا بنصائحكم او وصفات لفتح الشهية ارجوكن وجزاكن الله خير
https://www.djelfa.info/vb/showthread.php?t=1704611

[محبة رسول الله]

السلام عليكم ورحمة الله
طفلى 10 اشهر هاد ليامات ولا يكعرر في الليل ولباس بيه يعني مش يسطر عليه حاجة وحدو وحدو
وتاني بالنسبة للاكل نعطيلو في البيون الروز والفواكه بصح شيان كي كان ينبت شيان طول
واش نعطيه باه يهز صحتو شوية

[ikhlasss]

ابنتي ذات 13 شهر لا تاكل شيئا من له نضام غذائي او جدول الوجبات وله مني جزيل الشكر

[chabane__im]

السلام عيلكم و رحمة الله تعالى و براكاته اما بعد انا اريد الاستفسار عن الاحسن من بين mirina sterilet و mirinaو implanon و احيطك علما ان زوجتي عملة عملية قيصرية مند 04 اشهر واريد ان اعرف ما هي الطريقة الاحسن لان الادوية لاتساعد زوجتي وشكرا

[الحب الأول]

السلام عليكم و رحمة الله تعالى و بركاته
جزاك الله خيرا اختي ام لينا و ربي يحفظلك عايلتك و وليداتك انشاء الله
عندي اسئلة اتمنى تجاوبيني و تصبري عليا لاني ام لاول مرة و لقيت في موضوعك حوايج بزااااف افادوني
على بركت الله نبدا:
1 عندي ولد ازاد يوم وقفة عرفة 3.10.2014 وجاب 3كغ نرضعو من صدري
كنت ندهنو بالزيت زيتون دارلو الحب في وجهو و رقبتو و راسوو صدرو لكم يديه و رجليه ما دارش الحب كيما ديتو عند الطبيب كيما قفل شهر قالي هاد الحب حساسية و زيد قالي او عندو الصفاير فطلب تحاليل، درتلو تحاليل لقى بلي الصفاير بقالو شوية و يوح و لقى عندو شوية فقر دم....... و زيد كان يسعل فاعطاني اموكسيسيلين هل سيؤثر ذلك على مناعته مستقبلا؟
2 الحب ما بقاش حمر كيما كان بصح بقالو شوية في خدودو مع العلم يبوسوه الاطفال من خدودو هل هدا هو السبب؟
3 الطبيب قالي لازم ترضعيه كل ثلاث سوايع لكن انا كل ما يجوع نمدلو سعات كل ساعة و نصف سعات كل ساعتين كل خطرة كيفاش....
4 الطبيب قالي لازم تشربيه الماء على الاقل عشر مراة في النهار و انا ولدي عاف الماء ما يشربش خلاااااص ساعات نتحايل عليه نشربو نصف مغرف صغيرة مع العلم يرضع من صدري و مدايرتلو بيبرون واحد فقط في النهار
5 التيزانة ما حبش يشربها حتى جات سلفتي حطتلو شوية سكر شربها لكن انا ما حبيتش و ما عدتش نديرهالو خصوصا كيما نلقاه خرج الغازات يخي ما يؤثرش فيه السكر و لا كيفاه؟
6 كيما رحت نفصدلو تاع شهر و وزنوه لقاوه 4.600 كغ الحمد لله اذا امكن تمديلنا وزن و طول الرضيع كل شهر .
سامحيني على كثرت اسئلتي و جزاك الله كل خير

[Simassim]

المشاركة الأصلية كتبت بواسطة الحب الأول

السلام عليكم و رحمة الله تعالى و بركاته
جزاك الله خيرا اختي ام لينا و ربي يحفظلك عايلتك و وليداتك انشاء الله
عندي اسئلة اتمنى تجاوبيني و تصبري عليا لاني ام لاول مرة و لقيت في موضوعك حوايج بزااااف افادوني
على بركت الله نبدا:
1 عندي ولد ازاد يوم وقفة عرفة 3.10.2014 وجاب 3كغ نرضعو من صدري
كنت ندهنو بالزيت زيتون دارلو الحب في وجهو و رقبتو و راسوو صدرو لكم يديه و رجليه ما دارش الحب كيما ديتو عند الطبيب كيما قفل شهر قالي هاد الحب حساسية و زيد قالي او عندو الصفاير فطلب تحاليل، درتلو تحاليل لقى بلي الصفاير بقالو شوية و يوح و لقى عندو شوية فقر دم....... و زيد كان يسعل فاعطاني اموكسيسيلين هل سيؤثر ذلك على مناعته مستقبلا؟

حاولي تدفئه مليح زيت زيتون راه يدخل البرد مادام مدله اموكسيلين مديلو بصح لازم يشرب فالوقت تاعه متقطيلوش بالنسبة لفقر الدم الله اعلم ممكن يكون خاصه فيتامين k أولي ديه طبيب اخر ح


2 الحب ما بقاش حمر كيما كان بصح بقالو شوية في خدودو مع العلم يبوسوه الاطفال من خدودو هل هدا هو السبب؟


[color="rgb(139, 0, 0)"] الحب سببه البوسات حاولي تنهيهم هم راهم يسببوا الحب وإذا طال ممكن يولي أكزيما شوفي الفارماسي يمدلك كريم مرطب خاص للأطفال وإذا مالقيتيش ديري زيت زيتون انا كنت ندير لولدي ديكسيريل. نفعت معاه بصح ممنوع البوس نهار نروح لدارها يمصوه يعاود يخرج الحب حتى قلتلهم تزيدوا منعاودش نجي [/color]


3 الطبيب قالي لازم ترضعيه كل ثلاث سوايع لكن انا كل ما يجوع نمدلو سعات كل ساعة و نصف سعات كل ساعتين كل خطرة كيفاش....

[color="rgb(139, 0, 0)"]يأختي هكدا راح تتعذبي معاه يوالف الصدر ويرده سوسات البيبي كل تلات سوايع يرضع [/color]


4 الطبيب قالي لازم تشربيه الماء على الاقل عشر مراة في النهار و انا ولدي عاف الماء ما يشربش خلاااااص ساعات نتحايل عليه نشربو نصف مغرف صغيرة مع العلم يرضع من صدري و مدايرتلو بيبرون واحد فقط في النهار


[color="rgb(139, 0, 0)"] تساعفيني بدلي الطبيب. البيبي مايشربش الماء حتى لست اشهر خاصة اذا كان يرضع صدرك او اذا كان عنده إسهال شديد مع تقيا او حمااااااان بزاف. [/color]

5 التيزانة ما حبش يشربها حتى جات سلفتي حطتلو شوية سكر شربها لكن انا ما حبيتش و ما عدتش نديرهالو خصوصا كيما نلقاه خرج الغازات يخي ما يؤثرش فيه السكر و لا كيفاه؟

[color="rgb(139, 0, 0)"] السكر مايضرش لكن من الاحسن التقليل غير منصوح به [/color]


6 كيما رحت نفصدلو تاع شهر و وزنوه لقاوه 4.600 كغ الحمد لله اذا امكن تمديلنا وزن و طول الرضيع كل شهر .
سامحيني على كثرت اسئلتي و جزاك الله كل خير

[color="rgb(139, 0, 0)"]
تبارك الله ولدك راه يزيد ماشاء الله


[/color]

[*أم جابر*]

السلام عليكم و الله موضوع في القمة جازاك الله خيرا