جزء ****138***من واش طيبتي اليوم ---عيد سعيد وكل عام وانتم بخير ----

[omjoujou]

المشاركة الأصلية كتبت بواسطة ام و ابنة

السلام عليكن
ام جوجو سبحان الله انضميت لينا اليوم و راني بسرعة ارتحتلك من اسلوبك في الرد ربي يحفظلك وليداتك و يقدرك عليهم
انا بزاف اللي قالولي زيدي طفل او طفلة بصح بصراحة انا وزوجي ما حبيناش اولا السن انا راني 40 و هو 45 على قولة زوجي يا ربي نلحقوا على هاذو و ان شاء الله نفرحوا بيهم الله غالب جبناهم عالكبر و زيد بزيادة ما عندناش اللي يعاوننا و الله وين نروح نديهم معايا و لا يحكمهم راجلي بصح ما عندوش الوقت خلاص و اخيراً كيما تقول يما الذراري تع هاذ الزمان لازم يكون عندك الخاطر و الصحة و المال بش تربيهم كيما تحبي
المهم الحمد لله و ربي يحفظ وليداتنا و وليدات المومنين و يجعلهم من الصالحين و البارين و يرزق كل محرومة

ام سمسمة ما شاء الله القاطو تحفة اكيد خالتك فرحت بزاف

ام طيري الجنة و الله توحشناك حاولي تطلي علينا شويا و القاطو جاك شباب و أطباقكم رووعة الله يبارك

زينب كالعادة ابداع ما شاء الله تعيشي قولي لي الماييس اللي هو الذرة كيفاش شويتيه هل قشرتيه و شويتيه مباشرة و لا حطيتيه في ماء و ملح و لا كيفاش انا نموت عليه بصح ما يصلحليش في الدار و الله كاين وين نشروه كي نكونو برة بعشر آلاف للحبة و احيانا و الله خسارة الدراهم يا اما محروق يا اما يابس و احيانا اخرى بنييييييييين

عازفة الناي الحمد لله اللي سترك ربي و لا كانت توقع كارثة

دايمة الشكر جربي ال****ز سااااهل و يا ربي يعجبك

الرجاء الأماني المجد و الله يا اختي انا احيانا نطيب اشياء تقولي محترفة روووعة و احيانا حوايج بزاف نراطيهم المهم تستمري في المحاولة و بالشوية تتعلمي و لو اني شفت صورك من قبل خدمتك مليحة ما خصها والو

شكرا حبيبتي انا تاني ارتحتلك من خلال اسلوبك في الردود نحس كلامك تلقائي و عفوي وخالي
من التصنع فيما يخص لولاد حتى انا يقلولي زيدي جيبي بنت لانو عندي ولدين و بنت وحبسي قلتلهم لا كتب ربي
منزيدش والبركة اولا نزيدهم بالعملية القيصرية و ثانيا لولاد تاع ضرك صعابو من حيث التربية و المسؤلية
و التعليم وزيد يحبو يعيشو فور وخلي وخليى المهم ربي يصلحهم و يقدرنا على تربيتهم ويرزق كل محروم كيما قلتي اختي اسمحولي طولت عليكم طابت امسيتكم

[ام و ابنة]

فضيلة استناي نماكيي و نجي

لبنات دبس الرمان ممكن عمله في البيت و لكن يلزم عصير رمان طبيعي و موجود في السوبيرات الكبار
و بالنسبة للشوفان ننصحكم بالعلبة السوداء تع الخارج يتباع في العاصمة في السوبيرات الكبار اللي يجيبو تع الخارج بصراحة تع بلادنا شريتو و ما عجبنيش و بنفس الثمن بصح مغشوش شويا و ما شي شباب خاصة تع الباكي اللي ما تشوفيهش كيفاش الداخل بصح كاين واحد تاع الباكي شفاف هذاك مليح كيما تع الخارج يجي رقائق يعني إيفيلي رقيييف
تع بلادنا تع الميزان تلقاوه عند اللي يبيعوا القمح و الشعير
و زينب راهي كفات و وفات على استعمالاتو

اختي صدفات وشراكي كاش خرجات في هاذ البرود

[ام و ابنة]

روضة حشمت بزاف بصح قررت نسقسيك و اذا ما حبيتيش تجاوبي و الله مانزعف وش تقربلك ام ماجد

ام ياسين ما زالهم البنات يعاونوك و لا استقالوا كي خلاص رمضان؟

ام محد تاج ربي يعينك انا الأسبوع الجاي نبدأ نخدم ضروسي نكررررررره الدونتيست

يا ربي ما نكون نسيت حتى واحدة و اللي نسيتها تسامحني و الله نعزكم جميييييعا

قمر ماشي غير انت هاذ ليامات مام حنا النت راهي كااارثة مع انو في العادة مليحة و ما عنديش مشاكل معاها

[soha1987]

مساء الخير توحشتكم بزاف ام ماجد و ام ياسين دائمة الحمد باتيلا انا راني حاصلة مع بنتي عندها شهرين بكري الحمل ودرك تعب التربية الكوزينة نطبخ غير السريع خخخخخخخخ ايا من بعد نولي راني رايحة عند مرط سلفي بااااااااااي

[زومبي]

ربي يعطيكم ويرضيكم على الردود كيما ما بخلتونيش

[دائمة الشكر]

ام وابنة ام ماجد خالة روضة
اليوم السخانة بزاف درت فريت اوملات وعجنت الخبز الكوزينة ولات تغلي هههه
عجنت الصباح ماشي ضك وزيد المكيف حبس الله يسترنا من الأعظم

[صدفات]

مساء الخير يا الفحلات ما شاء الله الكوزينة راهي زاهية بطياباتكم
زينب ربي يحفظلك هذوك اليدين و يخليلك زوجك و ما يحرمكمش من بعض
عازفة الناي تبارك الله عليك و على طيباتك و شششششششششكرا على القناوية ربي يجازيك أنا لي شفتها عند بائع العقاقير مجففة و قالي جي مليحة و أنا خفت عمري ما طيبتها ما كليتها.
أم ياسين و زهراء بصحتكم الحفلة كل شيء شباب ربي يهنيكم و العقوبة للباقيين
أم و إبنة يعطيك الصحة على لل****ز خرجولك يشهو و على الخرجة راني نستنى في الكونجي في أوت نروح للبحر نريح و نهرب شوية من هذه السخانة
أم طيري الجنة ما شاء الله أطباق لذيذة و الكورني خرجولك روعة
لبنات ربي يحفظكم و لي نسيتها تسمحلي راكم ما شاء الله و يبعد عليكم عين لي ما يصلي على الحبيب
أمجوجو حبيبتي أنا وانت رانا نحوسو في المنتدى لا تقيال لا تلفزة

[omjoujou]

المشاركة الأصلية كتبت بواسطة صدفات

مساء الخير يا الفحلات ما شاء الله الكوزينة راهي زاهية بطياباتكم
زينب ربي يحفظلك هذوك اليدين و يخليلك زوجك و ما يحرمكمش من بعض
عازفة الناي تبارك الله عليك و على طيباتك و شششششششششكرا على القناوية ربي يجازيك أنا لي شفتها عند بائع العقاقير مجففة و قالي جي مليحة و أنا خفت عمري ما طيبتها ما كليتها.
أم ياسين و زهراء بصحتكم الحفلة كل شيء شباب ربي يهنيكم و العقوبة للباقيين
أم و إبنة يعطيك الصحة على لل****ز خرجولك يشهو و على الخرجة راني نستنى في الكونجي في أوت نروح للبحر نريح و نهرب شوية من هذه السخانة
أم طيري الجنة ما شاء الله أطباق لذيذة و الكورني خرجولك روعة
لبنات ربي يحفظكم و لي نسيتها تسمحلي راكم ما شاء الله و يبعد عليكم عين لي ما يصلي على الحبيب
أمجوجو حبيبتي أنا وانت رانا نحوسو في المنتدى لا تقيال لا تلفزة

مساء الخير صدوفتي انا معلياش كي درت دوش خفيف قدرت نقيل غير ربع ساعة
العصر راه يذن نروح نتوضا باه نصلي ونوجد فطور لزوجي ولي عودة فيما بعد انشاء الله

[الرجاء الاماني المجد]

مساء الخير عليكم كيف حالك حبيبتي ام طيري الجنة اطباقك روعة ماشاءالله كيف حال ابنتك ام وابنة شكرا حبيبتي على المجاملة حبيبتي زينب اعطني وصفة ليكورني اليوم جربت كريم ديسار خدت الوصفة من قسم التحليات وجاء روعة خير من تاع بارة

[ام مؤمن]

سلام لبنات انا راني ماندخلش بزاف للكوزينة النت ضعيفة نص الصور مايطلعوليش

هذه الصور خص نص لحبيبتي ام ياسين الزهراء علابالي حوستي عليهم و ادعيلي ربي يرزقني باخ لابني عبد المؤمن

و اذا ماشافتش الصور نبهوها لبنات تعيشوا

الموضوع راني محتفظة بيه في جهازي

المشاركة الأصلية كتبت بواسطة ام رويدة

كنت وعدت حبيباتي في الله واخواتي الغاليات بان اضع بين ايديهم وصفة للعجينة المورقة السحرية التي هي في نظري اسهل طريقة...غير متعبة تماما ولا تحتاج لاي حفظ في الثلاجة اثناء العمل...طبعا مع نتيجة جد مرضية

اعتذر عن التاحير لظروووف اخواتي ولكني ارتايت ان اعجل بوضعها حاصة ان شهر الرحمة على الابواب ان قدر لنا البقاء ان شاء الله...والوقت يضيق.....
المقادير


750غ فرينة.
80غ زبدة نوع جيد انا استعملت فلوريال
كاس صغير حليب بارد
مغرفة كبيرة سكر عادي
مغرفة صغيرة ملح
مغرفة صغيرة خميرة الحلوى
1حبة بيض
شوية ماء بارد لجمع العجين
زبدة التوريق انا استعملت صول

ملاحظة انا استعملت هنا نصف هذه المقادير

الطريقة

نضع الفرينة والمواد الجافة والزبدة نحكها مليح وممبعد نزيد البيض والحليب ونكمل بالشوية بالماء حتى نتحصل على عجين طري ما يلصقش

نوزنو العجينة

هنا وزن الزبدة يكون ثلث وزن العجين يعني نقسم وزن العجين على 3 وندير الزبدة بهاد الوزن

مثلا انا لقيت عجينتي وزنتحوالي600غ يعني وزن الزبدة اللي استعملتو 200غ وهكذا

والباقي موضح بالصور























هنا المرحلة هدي ما صورتش نسيت الحربوش اللي نتحصلو عليه ندوروه عكس يعني عمودي ونحلوه













وههااااااي النتيجة.....صرااااحة مبهههههرة

في اقل من ساااعة تكون جاهزة

توضع في الثلاجة نصف ساعة ثم تستعمل مبااااشرة





هنا درتلها حشو قرويار و طون مممممممممم



















تقدرو تستعملوها للحلو والمالح ونوعدكم بوصفة حلوة بيها ان شاء الله رووووعة

واذا عجبتكم واكيد رايحة تعجبكم لا تنسوني بدعائكم لي ولعائلتي بالتوفيق والسداااد والصلاح ولكم بالمثل ان شاء الله

[أم محمد تاج]

سلامي سميناتي الحلواااات
زنووووبة الحبووووبة روائع يالفحلة وقتلتني الماييس يا لهوي ممممممم والدونتيست والله أسناني الحمد لله ماعنديش السوووسة القصة ومافيها في 2010 وانا بالحمل تاع تاجووو درنا فاتحة خويا ايا عضيت حبة دراجي تكسرت ضرستي ايا خدمتها من ذاك وهي رووووعة ويومين قبل رمضان تنحى هذاك الطرف وخدمهولي خفافي فوتت رمضان ورجعت اليوم عدلهالي رووووعة والف حمد وشكر
حبيباتي الف الف شكر على ااسوال ام وابنة والرجاء وام ياسووو اخخخخصصصصصص ههههههههههه
ههههههه عزووووفة الله يعطيك الربح على شعرة خرجتي روجية بالتمام والكمال خخخخخخخ الله يعطيك صحتك
ام نسرين حنووونة روائع طيابك ومبروك الافراح
ام سمسووومة للاسف الصور كبار ماقدرتش نشوفهم
عسل سل غايبة نشالله بخير

[أم ياسين الزهراء]

ام مومن الله يرزقك بطفل شباب ومسرار كيما ياسين وفمو مشرك بسلامتو ههههههههههه ربي يخليك راح احتفظ بالصور هك نلقاهم وقت اللزوم درت طريقة ام العربي في يوتيب وخرجت روعة والحمد لله شكرا مرة اخرى

عازفة بصحتك الرفيس وبصحتك الشعر الابيض هههههههههههههههههه منعتي على شعرة

زينب صحيتي يالفحلى ماخليتي في كلش يسخف الله يبارك

ام طيري امممممممممممممم روعة عجبوني ليكورني بلاك العيد الكبير نجربهم

ام وابنة البنات وحدة تغسل مواعن الفطور والاخرى تاع العشاء والتخمال ليهم في زوج انا نطيب برك نتقلش شوي قبل الدراسة الله يوفق ولادنا الكل


درت المحكوك للغداء ودرت لوليدي الكبير محاجب والحمد لله وعندي العشاء راني راحة

ام محمد انا كل حمل ودرت زوج ضروس واحسبي مابقالي والو ردي بالك ههههههههههههههه

[أم محمد تاج]

مساؤوووو ام ياسوووو حنووونة وعوضك على الله مالا ديري الفم مادامك فرمشتي هههههههههه

[عازفة الناي]

جبتلكم باش تتقهواو معنا مرحبا بيكم












ماتضحكوش عليا راني نصور فيها ونعاود هههههههههههههههههههههههههههه

[Simassim]

عزوفة صوري وعاودي يشهي واش نن وصفة درتي !

البنات راهذعندظ نشكل مع المنتدى. مانقدرش نبعت رساءل ومراتدالرذىدود مايفوتوش والاقتباس كي يحب يفوت ومرات لالا والصور مانقدرش نحطهم والمشكل ماشي من النت ؟؟؟؟؟.