~ ~ ~طلباتكم مجابة بإذن الله ~ ~ ~

[بلسم الجراح]

السلام عليكم رمضانكم مبارك تقبل الله صيامكم وعبادتكم أن شاء الله ،حبيباتي محتاجة منكم وصفة قغاتان جلبانة ووصفة حساء الجبانة وشكرا

[أم ياسين الزهراء]

المشاركة الأصلية كتبت بواسطة رياحين الجزائر

اخواتي راني انحوس على وحدة تخدم ليقاتو للاعراس نضن بارفون اي عطر بصح مافهمتش بدلت اسمها ولا واش وصح رمضانكم

اهلا واش راكي وصحى رمضانكم واش راهي ندى

اللي تحوسي عليها هي الاخت عطر الذهب

[أم ياسين الزهراء]

المشاركة الأصلية كتبت بواسطة بلسم الجراح

السلام عليكم رمضانكم مبارك تقبل الله صيامكم وعبادتكم أن شاء الله ،حبيباتي محتاجة منكم وصفة قغاتان جلبانة ووصفة حساء الجبانة وشكرا

تفضلي تلقاي زوج طرق انتاعي وتاع ام محمد

غلطت ماحطيتش الرابط تفضلي

https://www.djelfa.info/vb/showthread...1712996&page=2

[أم ياسين الزهراء]

المشاركة الأصلية كتبت بواسطة ام فراس اصيل

لبنات حابة تعطوني طريقة العوامات اللي معتامدينها جربت شحال من مرة ما صلحوليش ومانيش حابة نجرب ويزيدوا يفسدولي سخفت عليهم وربي يجازيكم كل خير راني نستنى في الردود حابة نديرهم في السهرة اليوم

هدي جابتهالنا الاخت طير الرحمة مشكورة جربيها بلاك تصلحلك

لقمة القاضي
المقادير .

كوبين دقيق
كوبين حليب
نص كاس ماء
نص ملعقة صغيره خميرة
زيت نباتي للقلي
عسيلة
ا

[ام فراس اصيل]

يعطيك الصحة اختي ربي يجازيك كل خير دوك نجربهم باينين ملاح

[مرام 92]

المشاركة الأصلية كتبت بواسطة أم ياسين الزهراء

السوال اكيد ماشي صعيب والجواب اكيد فوق حطتهولك عازفة الله يجازيها كل الخير

بارك الله فيك راح نحوس على الرد تاعها

[asmanour19]

السلام عليكم، أرجوكم أنا بحاجة لمعرفة طريقة تحضير la mousse au chocolat ، راجلي سخف عليها و حب يكلها و قاللي هو اللي موالف ياكلها يخدموها ب لحضة . شكون يقدر يعاوني و صح رمضانكم و فطوركم.

[سماح 26]

السلام عليكم ورحمة الله وبركاته
اريد رابط هاته الوصفة لم اماني

[OUM TAKIEDDINE]

السلام عليك صح رمضانكم وصح فطوركم
الرجاء طريقة ناجحة لحفظ الدبشة والمعدنوس والكرافس

[روح مراد]

الطريقة اللي نستعملها و راني معتدمتها
نشرو علب صغير بلاستيكية
كي تشري المعدنوس أو الحشيش حطيهم على الورق باش يمتص كامل الماء (على خاطر يرشو بالماء باش ما يذبالش و هذاك الماء هو اللي يفسد الحشيش من بعد)
غير ينشف من هذاك الماء نحطوه في العلبة و نغلقو عليه و كي نفتحو العلبة رايحين نصيبو قطرات من الماء على الجوانب و الغطاء نعاودو نمسحو العلبة و نرجعو ليها الحشيش أو المعدنوس يحكم مدة أطول
من الأحسن كل نوع تحطيه وحده، المعدنوس وحدهن الحشيش وحده و الكرافس وحده

[om mita]

سلام ممكن الي عندها طريقة تحضير الطحينة تاع امازيغيةوافتخر تحطهالي وربي يجازيكم كل خير

[أم ياسين الزهراء]

المشاركة الأصلية كتبت بواسطة om mita

سلام ممكن الي عندها طريقة تحضير الطحينة تاع امازيغيةوافتخر تحطهالي وربي يجازيكم كل خير

تفضلي اختي ودعوة خير تكفيني لولادي بالصلاح



من أساسيات المطبخ المشرقي والشامي تحديدا الطحينة والتى لا يمكن الاستغناء عنها فهى تستخدم فى معظم االاكلات كمقبلات
ومنها سلطة الطحينة وسلطة الباذنجان “بابا غنوج” وسلطة الحمص وايضا مع الفلافل والاسماك والمشاوي .


و تدخل فى صنع البسبوسة
ومنذ توافد السوريين الى بلدنا اصبحت متوفرة بالسوق لكن بأثمان مرتفعة ليست بمتناول الجمبع رغم ان تحضيرها بسيط وغير مكلف لعب عيال كما يقال


واليوم راح اوضح لكم
كيف نصنع الطحينة فى البيت بمنتهى السهولة و بمواد متوفرة بكل بيت يعني اسمها فقط ايخلينا نتخيل انها صعبة او مكون غريب لا نستطيع تحظيره وهي من اليسر والبساطة اقل مما تتخيلو
المقادير :
كاس جيجلانية نظيفة ومحمصة تحميص خفيف مع تبدى تطرطق طفي عليها .
كاس زيت نباتى : ذرة أو دوار شمس الاحسن زيت ذرى لانو خفيف.
نصف كاس كاوكاو المقشر من القشرة البنية الداخلية والمحمص تحميص من دون ان يغمق لونو
كاس فرينة محمصة شوية برك بلا ما يتغير لونها فقط للقضاء على طعم العجين منها
رشة ملح
الطريقة :
1- نقوم بطحن اجيجلانية لحمصة مع شوي فرينة من ألي حمصناها باش تترحى مليح وغربليها ارحي الكاوكاو ثاني مع شوي فرينة من لمحمصة طبعا وغربليه الاحسن ارحيهم في مطحنة التوابل او القهوة باش يرطابو
2- نضع االجيجلانية والكاوكاو المطحونين فى اناء الخلاط الكهربائى الميكسور ونضيف اليه الزيت ونتركه يعمل حتى ينمتزجو تماما .ونحصل على خليط متجانس
ثم نظيف
– مع استمرار الخفق بالخلاط الكهربائى بقية الفرينة بالملعقة حتى نكملوها
وبذلك سيكون لديك طحينة خام روعة وطبعا بنظافة انتى متأكدة منها جدا .. ونخزن الطحينة بعد ذلك فى بلارات نظيفة واحتفضي بيها في الثلاجة حتى تماسك اكثر
لحين استعمالها
ومن احسن الاشياء اللتي تدخل بتحضرها الطحينة هي
الشامية او حلوة الترك اللتي ساقدم لكم طريقة تحضيرها ان شاء الله
حضروها لتطبيق حلوة الترك بالبيت
لا تنسونا من صالح الدعاء




[IMG][/IMG]

[ريحانتي]

ممكن لو سمحتم وصفات بكريمة الفرماج لاخاطرش مانبغيش البيشاميل

[أم ياسين الزهراء]

المشاركة الأصلية كتبت بواسطة ريحانتي

ممكن لو سمحتم وصفات بكريمة الفرماج لاخاطرش مانبغيش البيشاميل

هدي نديرها انا حليب حوالي كاس ونزيدلو فرماج واش عندك ومغرف تاع فرينة ونحط على النار تعقد وتولي خير من البيشاميل

[amira19]

لبنات من فضلكم وصفة الكروفات اون صوص

زوجي هبلني عليها. بلييييييييييز