تجهيزاتنا للشهر الفضيل

[omelbanin]

السلام عليكم فراشات،
كيف حالكم ،
انا هذا رمضان راني نحاول قدر المستطاع ما نطيبش بزاف ،باش ما يبقاش وما نرميش ،وذا بقا نديرلو اعادة تدوير هههه.
وكيما الخبز مانشريش كامل نعجن قيسنا ،باش ما ييبس ما نرمي.

[ام هزار]

صباح الخير فراشات
جهينة اضم صوتي الى صوتك كرونو ما هيش تبان ان شاء الله خير
ام هارون مرحبا هداك هو باه ما تبدري ما تحصلي رانا الكل كيفكيف

[جهينة اليقين]

صح فطوركم فراشات وتقبل الله منا ومنكم سائر الاعمال

[رندة.]

صباح الخير عليكم
رمضان هو نقطة البداية وليس نقطة النهاية
https://www.djelfa.info/vb/showthrea...post3997539517

[رندة.]

مرحبا بيك ام البنين والحمد لله كي تحسنت ظروفك، وعندك الحق التبذير مش مليح، لازم الوحدة فينا تطيب قيس قيس والحاجة الي ياكلوها ناس دارها وتعجبهم هكا تضمن أنو ماتبقالهاش.
ومن بين ادخال السرور على قلب مسلم وإلي فيه أجر كبير سقسي أفراد عائلتك على الأكلة ولا الحلوة إلي يفضلوها وديريهالهم، راح تفرحيهم وتزيدي تدي أجر معاهم.

[جهينة اليقين]

السلام عليكم ان شاء الله راكم لا باس اذكركم بصلاة الضحى

[جهينة اليقين]

عندكم الحق يا ام هارون و رندة الخبز هو اكثر شي يتبذر في هذا الشهر حاولو ما تشروش بزاف واذا عجنتو حطوها فالثلاجة وسخنوها

[جهينة اليقين]

والاكل كل واحدة تعرف العايلة واش يحبو وواش ما يحبوش وتحاول ما تكثرش الاطباق ويكون اكل صحي لانها راهي مسؤو لة على صحتهم وربي يجازيها ان شاء الله

[رندة.]

يعطيك الصحة يا جهينة هاذاك هو، ماذابينا الماكلة إلي نطيبوها تؤكل، على هذا لازمنا نطيبو الحاجة إلي يحبوها، من جهة تكوني رضيتيهم ومن جهة أخرى ماتطيبيش الأكل خسارة وماياكلوهش.
والحاجة الثانية هي أنو أنقصو من عدد الأطباق ونكتفو بالضروري والصحي.

[omelbanin]

السلام عليكم،انا بالنسبة للطياب الشربه كل يوم راني انقص شوية ،الايام الاولى كان البرد كنا نكملوها ،مام ولادي كانو ياكلوها،وضرك غير انا وراجلي ،
والاطباق غير الشربة .وطبق رئيسي وسلطة انوع فيها ،مرة سلطة خضر،ومرة مشوية ،ولا سلطة ارز ولادي يموتو علبها،زالمقبلات مين ذاك كي يصومو ولادي نحب نكافأهم،ببيتزا ولاسوفلي .....
الصح في الطاعة ،ربي يتقبل منا.

[omelbanin]

[ام هزار]

يعطيكم الصحة فراشات اكم كفيتم و وفيتم
رندة بارك الله فيك لي عودة ان شاء الله لقراءة مقالك بتمعن
صح فطوركم

[جهينة اليقين]

صح فطوركم وتقبل الله قيامكم

[رندة.]

صحة فطوركم فراشات وربي يتقبل منا ومنكم الطاعات والعبادات
اهلا أم هزار، وفيك بارك الله، شكرا

[توتة2008]

بارك الله فيك رندة وفي كل الاخوات