اهلا بكن في الجزء 146 من كوزينتنا .اهلا وسهلا بيكم - الصفحة 54

x ام رحاب x · 2015-09-30, 17:33

اقتباس:

المشاركة الأصلية كتبت بواسطة أريج-78

سلاااااام خواتاتي كامل وصحا عيدكم وكل عام و نتوما بالف الف خييير رغم انها جات متاخرة بصح الله غالب
الصح تعبت بزاف في هذا العيد كلشي لحت فيه يدي بقالي غير الذبيح ما ذبحتش ، راني كيما ام رحاب راجلي بالعملية ذبح ومبعد كملت لكن انا خرجتها خير ان شاء الله نتعلم وضع الصور وتشوفو خدمتي و قطعت الجزرة بنسبة 70% كيما الجزار شفت واحد الفيديو وطبقتو والحمد لله

بصحتك اختي وربي يبارك في صحتك

ساجده 82 · 2015-09-30, 17:34

سلام شكرا بزااف للي وسواني ودعاولي نقولك ام رحاب ماما كان يشلحوها ويملوحوها ماتقوليش ختى الوحيده من الغيظ تاع ماما تعيطلي وتحكيلي ياختي ماما ترملت وفي عمرها 23سنه يعني انا والدي ماشفتوش ويخي مانعرفوش بعضانا رانا تجمعنا غير الاخوه ماما قلشت عريسها بزااااف حتى لحقو للدرجه مايهابوهاش هي الحب تاع خاوتي ماتبغيش المشاكل انا عجوزتي ليومنا هذا كي نهدر معاها في الهاتف تتلفلي الهدره مش خوف ولكن احترام والحق عمري ماقستها وللا رديت عليها ... انا امي متعلقه بزاااااف في خويا هده نقطه ضعفها ومرتو استغلت الفرصه مع اني عمري مادخلت في مشاكل اهلي لامن قريب او بعيد لا انا ولا اختي جابدين رواحنا وحنا عائله صغيره يعني غي اللي يبغي يدير الحس المهم اللي تقرا ردي تدعي لماما .هذا ماكان وزوجه اخي اللي خلقها يتولاها ويهديها .

malek firdaouss · 2015-09-30, 17:35

اقتباس:

المشاركة الأصلية كتبت بواسطة yasmalak

سلاااااام حبيباااتي وصحااا عيدكم وكل عام و نتوما بالف خييير مالغري جات روطااار مي الله غااالب ماكاااش قاع الوقت
دبحت في دار شيخييي و جاز نهار شباااااااااااب بزاااااااااااااف ههههههههههههههههه كي نتفكرو نضححححك
و غد منداك رحت لدااارنا اييي شعال كنت متووووحششششتهم
و زييد راني لااتية شوية بارسكو راني عارضة ناس داري للعشا نهار الجمعة هي الصح الصح والله ماني قادرة مي الله غالب جاتني تبهديييلة ما نعرضهمش في اول عيد
ملااك فردوووس مبررروك الكوزينة ختيتييييي داارك تهببببل وطياااابك كيفكيييييييف استناي باروووك من عنديي هدا ادا قدرررت هدا اليامات لوكان نصيب ما نطيييبش مسكين مينو راني مضيعااااتو راااهي صارعتني ريحة اللحم
بالصح ما يمنعش نحطلك باروك قديم و شوية من الكواليس الله غالب ما قدرتش نصور كلش هه خفت تقولي عجوزتي وشبيييها هبلت
هده حلوة باش تحلو بيييها ربي يخلي ياماتنا دايما حلوة

و هده حلوة العييد

هنا كي شوطنا الزلاليف انا و خت مينو مع الاول كانت هي راح تشوطهم حتى نطق السي مينو قال ليمااه لاااا ماااا خلي حنان تشوطو هي راهي حابة تتعلم اعععععععععععععععع المهم شوطناااهم كيفكيف ومن الخووووووف قاعدة غير نعس في كاااش شعرة
مزية مع اللخر قاتلي عجوزتي خرجو هايلييين يااااااي متت بالفرحة خخخخخخ
حكيتلككم قصة حيااااتي

و هدو شوية طيابااات

اهلا بيك حنان الله يبارك فيك ونتي ثان دارك هايلة
ايه جربت مقيرط تاعك جاني هاااااااااااااااااااااااااايل

حقا قوليلي شحال راه عندك راكي معايا قدقد نزيدو كيفكيف

أريج-78 · 2015-09-30, 17:37

شكرا ام رحاب وانتي ثاني ربي يبارك لك في صحتك وصحة زوجك

Oum Habouba · 2015-09-30, 17:47

اريج الله يعطيك الصحة والله يبارك فيك والله يشافيلك زوجك ويخليه تاج فوق راسك كي نشوف وحدة قافزة تفرحني
حناااااان نسيت باش نشكرك على الوصفة بارك الله فيك والله يدوم الالفة بينك وبين زوجك ويفرحك بحملك

malek firdaouss · 2015-09-30, 17:50

لبنات الكوزينة راهم لقلوبة يطايرو منها كي نفتح لاباج منقدرش نشد لقلوبا

ربي يفرحكم ويخليلكم ازواجكم امين

أريج-78 · 2015-09-30, 18:04

Oum Habouba ربي يعيشك على لكلام الزين
غدايا كان بوزلوف في الفرن و العشاء راهو مودر حاجة خفيفة !!!!!!!!!!!!!!!!!!!

oum anas 69 · 2015-09-30, 18:05

l
السلام عليكم ورحمة الله وبركاته
لبنات حبيت نبهكم راكم قلبتو هذا الموضوع للدردشة و هو خاص فقط للطبخ .. عييت نحذف الردود الجانبية .. يعني تشوفي صفحة وحدة فيها غداء أو عشاء تاع عضوة ممبعد تلقاي 10 صفحات كلها دردشة و لوكان غير جات فيها فايدة .. غير ضحك و مزاااح و فقط
لذا أرجوكن تقيدوا بشروط الموضوع و الدردشة عندها غرفتها روحو أضحكو و قسرو براحتكم
وشكرا لتفهمكم

Oum Habouba · 2015-09-30, 19:52

لبنات صح عشاااكم وين رحتو
عشايا درت الونتي واللبن وسلطة الجزر
مين خرجت ام انس بغيت نهرب من داري خخخخ

Oum Habouba · 2015-09-30, 19:59

ها حوجي من نيتكم قاع ماكانش لي بانت
صح انا رحت عند عجوزتي صبت عندها هدا الطورنو دارتهلها بنتها ما خرجش شباب وما عجبهاش

مين غاضتني صنعتلها وغادي نبعثهلها مع ولدها الجمعة ان شاء الله

عازفة الناي · 2015-09-30, 20:08

تفضلوا عيش حار و سخوووووووووووووووووووووووووووون

وهذا تليتلي غدنا امس

هذا كروكي داراته امي

حنان عيدكم مبارك اممممممممممممممممممممممممم كل شيء يشهي ويهبل و بصحتكم اليوم كي درت العيش تفكرتك
لبنات كامل اكلكم رائع بصحتكم

omjoujou · 2015-09-30, 20:15

اقتباس:

المشاركة الأصلية كتبت بواسطة x ام رحاب x

ااااااااااااااااااااااااااااااااااااااااه راني غرت اليوم مانرقدش ههههههههههههههههههههههههههه راني غير انقصر ربي يجمعنا جميعا في جنة الفردوس مع النبيين والصالحين

والله مبغيت نخليها في قلبي لاشتى تحاوزني ام انس
لعزيزة تاعي ام رحاب والله نحبك ونعزك كثر ماتتصوري وراه ربي سبحانو شاهد على كلامي و ان شاء الله يجمعنا ربي في جنة الفردوس
يلا بنات نخليكم تصبحن على خير
سلاااااااااااااااااااااااااااااااااااااااااااام

Oum Habouba · 2015-09-30, 20:17

عازفة ماشاءالله على هداك البركوكس
قوليلي كيفاش تديرو الكروكي من فضلك راه هايل

سرور2 · 2015-09-30, 20:24

لبنات شفت هادي وصفت البريوش في اليوتوب جربتهاوالحمدلله نجحتلي وخرج هايل حتى وشوي حرقلي وغلطت في التقطيع (خلتهاونهدر ههههه) من تحت بصح معليش راني لسع نتعلم في الكوزنيارانتاعي والي عندها كفها تقلي باشنسقسيها على حوايج مفهمتهمش هي انتاع كوندور

متضحكوش الشكولا درت غير انتاع الطلية وهي قالت لازم نوتلا وانا معنديش

عازفة الناي · 2015-09-30, 20:25

اقتباس:

المشاركة الأصلية كتبت بواسطة Oum Habouba

عازفة ماشاءالله على هداك البركوكس
قوليلي كيفاش تديرو الكروكي من فضلك راه هايل

الله يخليك حبيبتي
الكروكي درنا تاع دائمة الحمد رووووووووووعة و هش يهبل تقريبا نفس وفتي الا اختلاف فالمقادير برك
وهنا تلقاي الوصفة
https://www.djelfa.info/vb/showthread.php?t=1719354