الجزء 85 من واش طيبتي اليوم يامولات الكوزينة - الصفحة 54

مرام 1987 · 2014-08-18, 11:51

اقتباس:

المشاركة الأصلية كتبت بواسطة malek nour hane

اييييه وأخيرا حايجيو ضيافي تاع لبنان لي قلتلكم عليهم نهار الثلاثاء كانو يوجدو فرواحهم زيارة لبلدهم.... أيا دبرو عليا هوما قالولي جامي كلينا أكل جزائري... راجلي قالي ديري شخشوخة و جاري و سلاطة وكاش مقبلة و حميس مفور ماعنديش النار وااع....انا قلتلو شخشوخة لالا نكوليولهم ليستوما مع الضربة لولا ديما ديما البربوشة خفيفة عليها شوي... و خفت مش مالفين بالأكل هذا بصح هوما قالونا ساخفين نذوقو الكسكس تاعكم و الخبز مافهمتش يبالي تقصد بيه مطلوع تاعنا
و كاينة حاجة انا البربوشة تاعي فبلادنا تجي روووعة بشهادة عجوزتي وشيخي نهار قعدت عندهم كي يجيهم ضيف لازم البربوشة وتقلي عجوزتي ديريها نتي..... بصح هنا ماولاتش تجيني كيما بكري مافهمتش علاه؟؟؟سيغتو كي نحط الجريواتيتبدل الذوق خلاااص... فرايكم كي عاد اليكتريك ولا القدرةنتاعي عيانة و لا جريوات تاعهم مارقة؟؟؟ ساعدووووني

تكون الجريوات تاعهم عيانة بويسك اليدين هوما هوما ما تبدلوش والبنة تاعم ديتيها معاك donc الجريوات ماكان ماكان
وديريلهم بربوشة باللحم واللفت والزرودية والحمص امممممم
والبوراك كيما قاللتك الهام وشربة فريك
اكيد راحين يخرجو من عندك زاهييييين
صوتك حنييين قالتلي ماما حسبتها طفيلة صغيورة هههه

إلهام07 · 2014-08-18, 11:58

تغديت سلطة ( بيطراف وخس وجزر مفور وماييس ) وقطعة لحم صغيرة طايبة
الطباخ مسكين غضتو راح زاد جابلي حبة زرودية مغسولة قاعدة نغز فيها كي الرينوب هذيك هي الديسار
والله مؤخرا ملي كنت ماناكلش السلطة وليت ناكلها بزاف حاسة روحي وليت معزة

مرام 1987 · 2014-08-18, 12:02

هههههههه إلهام بصحتك السلطة
نتغدى ونرجع

rahma4 · 2014-08-18, 12:04

malek nour hane · 2014-08-18, 12:05

لهومة و مرومة ربي يعطيلكم وش في قلوبكم آمين يارب إن شاء الله فاقرب وقت والله شحال تعزو عليا
لهومتي شوفي كسرة تاع الرخسيس ماعندي لاطاجين لا نار ندير كسرة عادي وش رايك فالمقلة راجلي يموت عليها يقولي كسرتك هايلة رخساس نشتيه مرشوم هههه الكسرة تاع سطيف بحكم الأم سطايفية ربي يحفظهالي و يحفظك أمهاتنا أجمعين... ديول تاع البوراك مايتباعوش هنا انا وراني سخفانة عليه هههه وعندي فرد مقلة نقلي عليها ماتصلحش نخدمو خممت فمقبلة تاع المرقاز تاعك... ممكن تزيديلي طريقتك فالبربوشة و الجاري؟؟؟ مع اني نشك البربوشة تاعكم كيما تاعنا سطايفية ههه و الجاري تاني انا بصراحة يعجبني جاري ناس باتنة امممم... إذا مانعطلكش ولا نديرونجيك حطيلي كيفاه تخدمي بربوشة و الجاري زيادة الخير خيرين وإن شاء الله يخرجو من عندي و هوما يشكرو فالجزايريين كامل و طيابهم
مرومتي كتر خيرك على الرد اااااه عالبوراك من نهار جيت هنا لاذقتو ندير برقائق السمبوسة تاعهم تاعنا خير بالف مرة... وإن شاء الله ندير كيما قلتولي.... هههه ربي يفرحك كي رديتي عليا ههههه مالا صغيورة قولي لخالتي راهي شارفة خخخخ ربي يحفظك و يحفظلك ماماك عندك صوت ناعم خلاص و ضرك نببعثلك انفيتاسيون من فايسبوك إن شاء الله نلقاك ههه نهار فايس بوك تاع عطر ماجيت نلقاه بذراع. ربي يشافيك يالحبيبة و يحفظك ميمتك لعزيزة

**وحدها غريبة ** · 2014-08-18, 12:07

السلام عليكم البنات
ملاك دخلت نقولك الجريوات انتاع الخارج كامل مش مليحةجربت كل الانواع تجي مرة رهج حشا رزق ربي
ودائما تفسدلي المرقة غير ما تديريعاش
وتدابير الهام روعة بارك الله فيها ديري بربوشة وجاري فريك ورخساس
واذا علي الحميص اشوي الفلفل ديراكت علي البلاك راه يتشوي كما علي الغاز
وربي يكون معاك

الهام أنا ثاني نتبع نفس رجيمك روعة متتحرمي ما تزيدي في الوزن
والوزن مام خلطتي في الاحيان يبقي ثابت ما يزيدش
صح غداكم البنات

malek nour hane · 2014-08-18, 12:08

اممممم رحمة يعطيك الصحة هكا وتقوليلي غير كي بديت نتعلم...الله يبارك
لهومة الارنوبة بصحتك هههه عجبني الديسار بزااااف ههه

malek nour hane · 2014-08-18, 12:13

وعليكم السلام بسومة لغالية ربي يحفظك على الرد... والله ترهج تاع الصح والله كنت شاكة فيها هي لي تصمطلي الذوق تاع المرق مالا نيفيتيها... نهار هدرت مع ماما قلتلها قاتلي اقسميها شرائح طوال و ملحيها و ديريلها شوي فلفل اسود و فوريها و متتحطيهاش فالمرق زيني بيها البربوشة ههه وانا عندي فرد كسكاس مش حتى كسكاس كسيس خخخخ
صح غداك مرومة وان شاء الله يخرجو زاهيين كيما قلتي

rahma4 · 2014-08-18, 12:16

اقتباس:

المشاركة الأصلية كتبت بواسطة malek nour hane

اممممم رحمة يعطيك الصحة هكا وتقوليلي غير كي بديت نتعلم...الله يبارك
لهومة الارنوبة بصحتك هههه عجبني الديسار بزااااف ههه

والله اني نتعلم شكرا الله يسلمك اختي

مرام 1987 · 2014-08-18, 12:17

اقتباس:

المشاركة الأصلية كتبت بواسطة malek nour hane

لهومة و مرومة ربي يعطيلكم وش في قلوبكم آمين يارب إن شاء الله فاقرب وقت والله شحال تعزو عليا
لهومتي شوفي كسرة تاع الرخسيس ماعندي لاطاجين لا نار ندير كسرة عادي وش رايك فالمقلة راجلي يموت عليها يقولي كسرتك هايلة رخساس نشتيه مرشوم هههه الكسرة تاع سطيف بحكم الأم سطايفية ربي يحفظهالي و يحفظك أمهاتنا أجمعين... ديول تاع البوراك مايتباعوش هنا انا وراني سخفانة عليه هههه وعندي فرد مقلة نقلي عليها ماتصلحش نخدمو خممت فمقبلة تاع المرقاز تاعك... ممكن تزيديلي طريقتك فالبربوشة و الجاري؟؟؟ مع اني نشك البربوشة تاعكم كيما تاعنا سطايفية ههه و الجاري تاني انا بصراحة يعجبني جاري ناس باتنة امممم... إذا مانعطلكش ولا نديرونجيك حطيلي كيفاه تخدمي بربوشة و الجاري زيادة الخير خيرين وإن شاء الله يخرجو من عندي و هوما يشكرو فالجزايريين كامل و طيابهم
مرومتي كتر خيرك على الرد اااااه عالبوراك من نهار جيت هنا لاذقتو ندير برقائق السمبوسة تاعهم تاعنا خير بالف مرة... وإن شاء الله ندير كيما قلتولي.... هههه ربي يفرحك كي رديتي عليا ههههه مالا صغيورة قولي لخالتي راهي شارفة خخخخ ربي يحفظك و يحفظلك ماماك عندك صوت ناعم خلاص و ضرك نببعثلك انفيتاسيون من فايسبوك إن شاء الله نلقاك ههه نهار فايس بوك تاع عطر ماجيت نلقاه بذراع. ربي يشافيك يالحبيبة و يحفظك ميمتك لعزيزة

ملوووكة شوفي هذا رخساس في الكوشة بالاك يساعدك شوي
https://www.djelfa.info/vb/showthread...362108&page=26

مرام 1987 · 2014-08-18, 12:18

نروح ههههههه نتغدى ما زلت

**وحدها غريبة ** · 2014-08-18, 12:18

ملوكة والله جربت كل الطرق فورتها وحدها ودرتها في المرقة وخليتها هكذاك وقليتها نفس النتيجة وليت ما نشريهاش خلاص
كي تذوقيها سخونة مايبانش من بعد تطلق المرارة ماتديريهاش خلاص ديري لفت يجي بنين مع البربوشة

malek nour hane · 2014-08-18, 12:20

ابتسام سييت مرة نشويه انا حطيتو و هو لصق واااع
اسمحولي عالازعاج نحتاجكم تمدولي رأيكم سيغتو اول مرة نتعامل مع غير جزايريين راني مرتبكة باغية حاجة توووب و فور بزاااف
حقا ابتسام مدايريلكم سيستام دالارم كي نسخن المقلة باه نطيب الكسرة تنوض تصوني عليا بهدلت بيا مع الجيران حتان مرة راجلي حشم تلاقا العجوز لي مقابلتني اسمحيانا على الويو يووو لي قتنلاكم بيها قالها كي نطيبو كسرة تاع بلادنا تنوض تصوني واااع والله كارثة
صح غداااااكم كامل انا راجلي تغدا فاخدمة وانا درت فيها كأس حليب ههه مانضلش نغسل فلماعن :d

ناهدوران · 2014-08-18, 12:20

ملك نورهان اختي مارديتش عليك قبيلات على خاطر بنتي لكبيرة كانت مع الفايس بوك ولالهم هبال درت للغدا حميص و بطاطا مقلية والخبز والسلاطة و الموناد

ناهدوران · 2014-08-18, 12:26

ام رياض عاش من شافك ليك وحشة كبيييييييييييرة