وصفات من حراير مطبخ وش طيبتي اليوم

[ام الهضاب]

ام اناس توحشششششششتك بزاااااااااف وين راه الفن انتاعك يا حبوبة توحشنا اكلاتك و ربي يسهلك ولادتك يا رب

[طالبة الجامعة]

باينة بنينة يا ام ايناس

[دائمة الحمد]

طاجين جبن ليدي مليون










امنيات هاهي ليك الوصفة طاجين الجبن

بالنسبة للطبقة الاولى

تخفقي 4 بيضات + ملح + فلفل أسود + جبن مبشور كمية مليحة + كريمة طازجة+ خميرة الحلوى +كمية من معدنوس أنا مدرتوش مايشتيوهش دارنا (( انا زدت من عندي م ص موطارد )
جيبي مول الكيك أو أي مول ادهنيه بالزبدة وضعي فيه خليط البيض وحطيه يطيب في حمام مائي كيما لفلون نتاع الفور (( هو اساسا سماه فلون هاذ الخليط )) يطيب 20د هكذاذ

الطبقة الثانية
قلي الثوم مبشورة في شوي زيت + بصل مقطعة قطع صغيرة وقليهم مع بعض وزيدي عليهم كمية من لحم مفروم وصدر دجاج مرحي مليح وطيبيهم نصف طياب في المقلاة الكل مع بعض
التوابل ديري ( ملح +فلفل أسود + كمون + أنا زدت شوي كاري و قشور ليمون تعطي بنة هايلة للحم ) خليهم يطيبو نص طياب وزيديلهم شوي جبن طري و البيض هو دار 3 بيضات انا درت 2 كفاوني
كي طيب الطبقة الاولى اجبدي المول من الفور يبرد شوي وحطي طبقة رقيقة من الجبن انا درت جبن ابيض طري وزيدي حطي طبقة اللحم ومن فوق ديري جبن مبشور وحطيه يكمل الطياب في الفرن

هذا هو ( للأمانة الوصفة من قناة سميرة الشاف ((لطفي حيمر)) )

[فتاة الدعوة]

من فضلكم يا لبنات محتاجة لرابط تاع القاطو بالنوات كوكو في بلا يجي مثل قاطو طبقات لكن هو بالمربة ونوات كوكو في الفرن لتعرف الرابط تعطيهلي

[Alae38]

شكرًا على الوصفات سفيرين حنا نقولها المعقودة حبيت نشارك لكن ما عرفت شان أمكن دليني من فضلك

[lamia zina]

وصفة الدونات للاخت nari21

راح نمدالك وصفة تاع دونات تدعيلي عليها راني معتمدتها من بكري وتجي ريشة المهم ديري 2كيسان حليب يغلو كي يغلو طفي وديفيلهوم نصف كاس زبدة وحركي حتى يدوب وزيديلهوم نصف كاس سكر عادي وخليها حتى تدفى من بعد زيدي بيضة وملعقة لفاني ومغرف كبيرة خميرة تاع الخبز ولمي بالفرينة حتى توالي عندك عجينة طرية خليها تخمر ساعة من بعد شكليها دونات وزيدي خليها تخمر كي تخمر مليح اقليها وشبحي باش بغيتي كي تسييها رديلي لخبر بصحتك

[أم إناس]

فايزة

وصفة الهليلات



غاليتي الهليلات راني درتهم من قناة سميييرة فيهم : 250غ مرغرين و3حبات جبن ونلم بالفرينة 380غ ، وفقط والحشوحلوة الترك مع الكوكاو مرحي نلم بماء الزهر نوزن كرات20غ والحشو10غ ونشكل هليلات ونطيبهم ومن بعد بعد نديرلهم المعجون ونرمد في القفريط ونرش سكر ناعم وندير خطوطشكلاطةوبس ان شاء الله نكون افدتك .

[lamia zina]

قاطو الفرماج للاخت ام محمد تاج

250 غ مارغارين طرية زيديلها اربع فرماجات لافاش كيري خبطي مليح ومبعد لميه بالفرينة شكليه الشكل لي تحبي وطيبيه وكي يطيب سخني عسل ولوحي الحبات في العسل وعاودي مرمديم فيالقوفريط مرحي وكي تجي تحطيه ذرذري عليه السكر قلاص بالصفاية وخطوط الشوكولاتة

[ام سراج وملاك]

رووووووعة وصفاتكم مشاء الله

[ام ندى 87]

نصائح العزيزة الهام لاذابة الشكلاطة البيضاء بنجاح


أنا أيضا كان عندي مشكل مع الشكلاطة البيضاء نتاع الميزان، كانت إما ترجع حبيبات كي العجين وتصفي الزيت نتاعها او حتى كي تصلح طعمها حاشى النعمة تقول صابون ولكن بفضل الله ثم مساعدة الاخوات الحمد لله وليت نلعب بيها لعب وكل مرة نغير في الإضافات وجي :
اكيد مانبخلش عليك بزاش تعلمت هذو هوما الأسرار :
1- رابيها في la râpe طبعا قبل ماتحطيها تذوب
2- لازم لازم لازم تذوبيها فوق حمام مائي لازم
3- النار ماتكونش قاوية
4- ماتتقلقيش وماتحركيهاش خليها تذوب على مهلها
5- باش جيك بنينة نحط معها شوية حليب ( شوية برك ) يكون خاثر ( تخثريه بشوية لحظة ) وتخليها تذوب في عقلها
6- كي تشوفيها ذابت يعني معظمه حركيها تلقايها
7- إذا حبيتي تلونيها او جيك ريحتها ليحة ممكن تضيفي مع الحليب الملون او النكهة اللي حبيتي : نوازات أو فانيلا أو .... هذو تذوبيهم في الحليب
8- حذاري ماشي حتان تذوب باش تحطي الحليب لالا كلش تحطيه من الاول وتخليها تذوب ثم تخلطيها مليح وتخدمي بيها

نشكر كل الاخوات اللي ساعدوني وضرك الحمد لله بعد ماكنت نرمي نصفها وتفسدلي وديما نشري ضعف الكمية اللي محتاجة لانو تفسدلي ضرك الحمد لله:
هذي درتها فوق الحلوى الرخامية نتاع ام أماني بيضاء اللون
إضغط هنا لرؤية الصورة بحجمها الطبيعي.

وهذي درتها شوية بني فاااااتح فوق قاطو بحلوة الترك نتاع ام إسلام :
إضغط هنا لرؤية الصورة بحجمها الطبيعي.

[عطرالذهب]

يعطيك الصحة المبتدئة على النصائح وفعلا الشوكولا البيضاء مشكلة عند الكثيرات
وين راكي غاطسة حنونة توحشتك

[أم إناس]

طومه
طريقة طومه في المصران المحشي


هاهي ليك الوصفة لحبيبة ( مصران محشي طريقة طومة )

مصران خشين مغسول ومنقي مليييح
رطل لحم مفروم
6 سنسنات ثوم
شحم خروف كمية شوي صغير وإذا ماتحبيهاش عوضيها بالمارغارين
ملح حسب الحاجة ،م ص فلفل أسود ،م ص ونصف فلفل احمر حار ، م ص فلفل أحمر حلو ،م ص زنجبيل إذا تحبيه ، م ص ونصف كمون لازم

هاذ المكونات اعجنيهم مليييييييح أعجني وغني اعجني غني ههههههههههههههه ،،، وابداي أحشي المصران نتاعك واغلقيه من الجهتين بالخيط يكون خشين باش يحكم وطيبيه حنا درناه مع اللوبيا

[بصيرة2]

ام ميتا
قاطو بو تاع لاقلاس
إضغط هنا لرؤية الصورة بحجمها الطبيعي.
العجينة :
500 غ لابال
1 و 1/2 كاس ونص سكر قلاسي
2 بيضات اخدميهم مع بعضاهم مليح من بعد زيديلهم 3 مغارف كبار نشاء م ص خميرة
ونشفي بالفرينة
بصح متنشفيهاش بزاف كيما الصابلي خليها شوية اطرى علا الصابلي
تحكي لي مول وتعمريهم وديري طبقة رقيقة لانو فيها لخميرة وجربي وحدة لانها راحا تحشيها يعني لازم تخلي الحشو مكانو
وتحطيهم يطيبوا
الحشو
مربى المشمش + نشاء
كيما نخدموا لاجولي وخلطي فوق النار وخليها تبرد وشوفي ادا عقدت ولالا
ادا معقدتش زيدي النشاء وعاودي طيبيها
لما تعقد
زيديلها ملون معطر تاع التوت
الميرانق استعملت تاع ام رامي وزدتلوا مغرفة كبيرة تاع نشاء في 2 بياض بيض
ارجوا انكم فهمتوني

[أم إناس]

ام ميتا

وصفة قاطو بو تاع لاقلاس
SIZE="5"]i
والوصفة هي
قاطو بو تاع لاقلاس


العجينة :
500 غ لابال
1 و 1/2 كاس ونص سكر قلاسي
2 بيضات اخدميهم مع بعضاهم مليح من بعد زيديلهم 3 مغارف كبار نشاء م ص خميرة
ونشفي بالفرينة
بصح متنشفيهاش بزاف كيما الصابلي خليها شوية اطرى علا الصابلي
تحكي لي مول وتعمريهم وديري طبقة رقيقة لانو فيها لخميرة وجربي وحدة لانها راحا تحشيها يعني لازم تخلي الحشو مكانو
وتحطيهم يطيبوا
الحشو
مربى المشمش + نشاء
كيما نخدموا لاجولي وخلطي فوق النار وخليها تبرد وشوفي ادا عقدت ولالا
ادا معقدتش زيدي النشاء وعاودي طيبيها
لما تعقد
زيديلها ملون معطر تاع التوت
الميرانق استعملت تاع ام رامي وزدتلوا مغرفة كبيرة تاع نشاء في 2 بياض بيض
ارجوا انكم فهمتوني
[/SIZE]

[ندى2]

رااااااااااااااااااااااااااااااااااااااااااااااااا اااااائع