الى ام اسيد1 وكل وحدة حاصلة واش الطيب - الصفحة 536

حياة نور الدين · 2015-10-12, 18:42

اقتباس:

المشاركة الأصلية كتبت بواسطة **ام هدول**

مساء الخير حبيباتي كي راكم ترحب بيك الجنة اختي ام جوجو والله راني غير هنا الله يسلمك غير موضوع ام حمزة الي
منخطيهش مرات نغيب بصح كي نلقى الفرصة نطل عليكم وبصحتك لغدا والمفور وصحيتي على الوصفة حتى حنا استفدنا ان شاء الله نجربها
امينة يعطيك الصحة واش حطيتي عجينة عشر دقايق مزال مجربتهاش تبان تشهي شكرا حياة الله يسلمك منال ياك حنا لولين الي كنا هنا كفاه ننساوك
الله يرجع الغيبات بخير ام حمزة يسال عليك الخير حبيبتي والله كانو عندي ضروف ولدي الي في الغربة دار حادث غير ربي سترو الحمد لله جات سلامات
الله يعطيك الصحة ويباركلك فيها على القاطو كي تكملي حطيلنا نشوفو ياربي نكون منسيت حتى وحدة الاخوات الجدد مزال معقلتش على اساميهم مرحبا بيكم
والله يدوم اللمة

ربي يشفي وليبدك والحمد الله على السلامة ربي يحفظوا ويرجعوا سالم غانم

ويسمعنا اخبار الخير على بقلاوة وغزالة ووليبدها اللي في الغربة ان شاء الله

ام هاديل وياسين · 2015-10-12, 18:47

الله يسلمك اختي وامين ان شاء الله ربي يحفظك اييه الغربة صعيبة
والله ديما نتفكر غزالة وولدها الله يجعلو بخير حتى صدفات منيش نشوفها الله يسمعنا عليها
اخبار سارة الاخت بقلاوة عمري متلاقيت معاها

ام حمزة22 · 2015-10-12, 19:06

السلام عليكم

لبنات واش راكم ربي ينوركم مثل ما راكم منورين الصفحة

منال ومنير مستحيل ننساو ام آية يخي قلتي راهي بنتنا حضرنا لولادتها وحضرنت كي نوضت سنيناتها ربي يحفضها ويحفص منال ومنير

ام هدول حبيبتي حمد الله على سلامت ابنك راكي خديتي خلعة حنونة ربي يكون معاك وربي يرجعهولك سالم غانم

ام جوجو يعطيك الصحة على الوصفة ربي يحفضك ويخليك واكيد راح نجربها راهي تبان بنينة لوكان مارانيش عيانة درك نخرج اللحم من المجمد ونتبلو لاكن راح استغنى الكمون والكسبر ما عندي حاجة فيهم

حيوتة يعطيك الصحة ربي يحفضك آمييييين

ان شاء الله طل فينا حبيبتنا الغالية غزالة والله توحشنا ردودها وحتى الحلوة بقلاوة ملي غابن ما رجعتش ربي يسمعنا خبر الخير عليهم

ام حمزة22 · 2015-10-12, 19:18

لبنات هادي الحلوة لي درتها كعيكعات نفس الشكل لي درتو في عرضت الباك نتاع وليدي بنت لوسي عجبتها وحبت نفس الشكل
اما البقلاوة تان حبتها بال****اجة لاكن ما جابتليش اللوز لي نرشقو من فوق الحبة من بعد قالتلي دبري راسك ديريها كيما تحبي
دبرت راسي ولون شوية كوكاو بالاخضر وزينت بيه البقلاوة ان شاء الله تعجبها

لبنات صبح كي قلتلكم راح ندير قيلولتي ما درتهاش انا حطيت راسي ووليد ختي عيطلي فالهاتف قلتلو واش تسالي يا وليدي فالاول ما خليتلوش من بعد وليت ندعيلو لوكان ما نوضنيش ما كنتش رايحة نكمل الحلوة هاد الوقت لو كان راح نسهر معاها شدتلي اليد خصوصا التسكار والتزيين
انا حسبت نكمل بكري والله هدا وين ريحت ضهري نحس فيه محلول
تحياتي للجميع
صح عشاكم

نور الإسلام26 · 2015-10-12, 19:24

سلام عليكم
اختي يعطيك الصحة
جتك روعة مشاء الله صح عشاكم

zaho207 · 2015-10-12, 19:27

كنت نخدم دروك قاطو نتاع مربى مي كي درته في فور تنفخ ندن ما كترتش فرينة ان شاء الله دوق يجي شباب

zaho207 · 2015-10-12, 19:30

طاطا كعيكات جاوك روعة مديلي الوصفة تسلم ايادي يا حلوة انت

ام حمزة22 · 2015-10-12, 19:38

اقتباس:

المشاركة الأصلية كتبت بواسطة نور الإسلام26

سلام عليكم
اختي يعطيك الصحة
جتك روعة مشاء الله صح عشاكم

وعلبكم السلام اختي الله يسلمك ويعكيك الثحة وصح عشاكم

اقتباس:

المشاركة الأصلية كتبت بواسطة zaho207

كنت نخدم دروك قاطو نتاع مربى مي كي درته في فور تنفخ ندن ما كترتش فرينة ان شاء الله دوق يجي شباب

بنتي زاهو هجي غيبة واش راكي
القاطو تنفخ بالاك مقراي ااخميرة

اقتباس:

المشاركة الأصلية كتبت بواسطة zaho207

طاطا كعيكات جاوك روعة مديلي الوصفة تسلم ايادي يا حلوة انت

المقاجير نتاع لكعيكعات هي 3 كيلات فرينة و كيلة يدام انا نخلط زيت و مارغارين و سمن ودايما نزيد كاس لاتاي يدام باش حيني مبسة دوب فالفم
بعد ما نبسسها مليح بكف يدي نضيفلها ماء زهر ونلمها ونليها ترتاح شوية
خبيبتي زاهو كنت جرت موضوع على اامعيكعات من قبل جرك نحوسلك عليه ان شلء الله ما يكونوش الصور تبخرو