الجزء 151 من مطبخ واش طيبتي اليوم اتفضلووو عنديي مرحباا - الصفحة 53

روضة 88 · 2015-10-31, 16:40

ام ياسين كونجليها ما يصرالها والو لعادت بزاف اقسميها في ساشيات قيس كل عشاء ونهار تحبي تجبديها اجبديها قبل بزاف لانها طول شوي برك باه يتنحالها لاقلاص وفوريها مرة وخلاص تولي كالجديدة وسقسي ام ماجد راه خبرة مع المجمد ههههه

اسمهان79 · 2015-10-31, 16:40

يا عمري دخلت لقيت حبيبت قلبي الهام والله توحشتك بزاف وتوحشت وصفاتك خخخخخخخخخخ
وين غبتي بعثتلك رسالة ما بانت ما ظهرت
وألف مبروك التعليم ربي يعينك سيغتو سنة اولى انا دعاء راح تهبلني وينكم يا انتوما المعلمات
يلا طلي علينا مرة على مرة وما تنسايش الي بالي بالك خخخخخخ الوصفاااااااااات فهمتيني
لبنات والله ماراجعت والو نراجع ونرد

الرجاء الاماني المجد · 2015-10-31, 16:42

مسا ءالخيرالهام لبيني خرجو روعة ديري انتع ام سراج تلقيها في قسم المعجنات
الهام سنة اولى صعيبة لانها القاعدة اما بالنسبة لتربية الفنية تعلميهم كيفاه ييلونو ترسميلهم مثلا دار في السبورة وهم يرسموكما انت او زهرة

أم ريمة* · 2015-10-31, 16:43

ام ياسين لاه ادريه فالمجد ابعثى لختك واتهناى نموت عليه ديرى كميات فى صشيات انتاع المجمد وحطيه ساهلة بصحتكم رانى نستنى فى قسمتى بالمرقة هههههههههه
اهلا باسمهان واش سخفتينى بالعيش لى سقتيه فى قصعة العود مممممم فعلا الاكلات والاوانى التقليدية لا يعلى عليها

إلهام07 · 2015-10-31, 16:48

أم ريمة الكيكة على حساب الشوفة عجبتني غير انا هوما ماعجبتهمش والله بنينة هوما مايحبوش حوايج الكاوكاو
اول حاجة ناوية نشريها كي نسلك هي الميكرو على الغش والدمار

روضة زيكو ماحبش يكبر قالك نبقى صغير ماحبش خلاص يبطبط مانعرف وين راهو يروح الدانينو
حتى انا امي معلمة راهي خلاصت في التعليم ياخاه يقتل

اسمهان الرسائل مايحبوش يتحلو هذا وين راني نحل نقرى ونرد بصح يابنتي رسالتك كي شفتها تشوكيت زيدي اتفكري كاشما تسحقي وصفات نسيتيهم ياخاه تقول الكوزينة رايحة تهرب

ياسو حبيبتي مواح توحشتك البربوشة مالفين نكونجليوها ماتخافيش مايصرالها والو بصح كيما قاتلك اجبديها قبل بوقت وفوريها ترجع جديدة راني خبرة مع المجمد مازالو غير العباد ماجمدتهمش

x ام رحاب x · 2015-10-31, 16:52

صحة قهيوتكم هادو تطبيقاتي المبسس احنا انقولولو المتقبة ودلات معجون السفرجل والمرة الجاية اندير السفرجل التباسا
درت المبسس ونفس العجينة درت المقيرط جا روعة

هادا المقيرط جا روعة

وهادا معجون السفرجل

ليزا كلمة شكر قليلة عليك الله يفتح عليك من بابو الواسع وربي يفرحك بوليداتك ويرزقك ببنيتة شابة ومسرارة كي داية ام ياسين

أم ريمة* · 2015-10-31, 16:53

الهام مزية كى ماعجبتهمش باش نتقاسموها مع بعض ههههههههه والميكرو هو الاول باش نشبعو من اطباقك وتجاربك المطبخية
ام رحاب اطباقك شهية ابعثيلى شوية والمعجون جاك روعة بصحتكم عندكى لا يطلعلك السكر

x ام رحاب x · 2015-10-31, 16:57

ام ريمة انا انطيب وماناكلش ممنوع عليا المعجون منعا باتا تسلمي حبيبتي حتا انت ماعندي مانقول فيك

x ام رحاب x · 2015-10-31, 16:58

الهام اهلا وسهلا حبيبتي طل القمر واش راكي هادي غيبة

Simassim · 2015-10-31, 17:00

راني درت وصفة لهنة. تفكرتها فشحال مادرتهاش كانت عندي وصفة مخزونة فمخيخ تاعي بصح درتها باللوز ماعنديش الكاوكاو مايحبوش الاستاذ والريحة الله اعلم ماعييت نشمشم مالحقتنيش ريحة نيفي مبلع. يوسف قال اممم. عجبتو الريحة. راها تطيب مع مغامرات يوسف مزية لحقت عليه كان ماشي يدير فيها الملح.

ام ماجد كثر خيرك حاولتي ربي يفرحك فالدنيا والاخرة ويخليك منورة بنياتك وليداتك ويباركفيهم تقرعجية علاش اخترتي اسم ماجد

الاخت لي نقلتلي صوري نقولها ربي يفتحها عليك فالدنيا والاخرة ويبارك فيك وذريتك يارب ماشفتش الاسم

شفت اسمي فالردود. مازال ماقريتش الله غالب راني بتلفون واحد يجبد من جيه والزاوج يعض ويبشش راني كي الغولة.

سلام

إلهام07 · 2015-10-31, 17:01

أم رحاب يعطيك الصحة انا مانعرفش المبسس بصحتكم حبيبتي كاش اطباق جدد ماشاء الله انت مبدعة

أم ريمة عندي وحد الموصايب ماعندي مانقولك مايعجبهم والو

ام و ابنة · 2015-10-31, 17:05

شوفو الحاجة كي ما تكتبش كنت معولة عالمسفوف بالجلبانة للعشاء زعفني راجلي وليت درت اضراااب خخخ
ياكلو les restes و السقايط
و انا نرييييييح

اسمهان79 · 2015-10-31, 17:05

هاذا عيش بالحليب خَص نص لام ريمة شكرًا على الكلام الطيب حبيبتي

الهام ههههههههه روحك حلوة ودمك زي العسل
الرسالة نتاع الصح ما حبتش تفوت أيا اختصرت في لكلام خخخخخخخ كان جرنان هههه
ام ياسين جندي وما تخافيش
روضة بوسيلي وائل والله توحشت نربي ونعاودربي يطول في عمرو ويشفيه
ام سراج دائما سباقة للخير بارك الله فيكي
ام وابنة يا لهوي على المندرين انا مازال ما شفتهاش بصحتك حنونة
ام ماجد تحيا الجزائر سلامي لروزا
الباقي راني نراجع

أم ماجد · 2015-10-31, 17:06

سيماسيم والله اخترته فقط هو اسم من اهل الخليج عجبني سميته خخخخخخخخخخخخخخ
الهام هههههههههههههه شفت اللي يسلف يلقى الخير
ام رحاب امممممممممم ولا اروع ماشاء الله
ام وابنة والله وحدك ديريه ليك بردي قلبك وماتعطيهمش هيهيه شفت الدباير تاع لعزايز خخخخخخخخخخخخ قوليلي انت قلشي الشيخ وانا دبري عليا ههههههههه
اسمهان طلتك مميزة كالعادة حبيبتي وسلامي لدعاء
انا نروح روزا في الطريق جاية ضرك تبدا النقد خخخخخخخخخخخخخخخ

إلهام07 · 2015-10-31, 17:16

اسمهان يا مولات الطوايش والله غير عرقت كي قريت الرسالة تعرفي على جالك درت خبز الدار وصورتو ودرت للاخوات كل الوصفات اللي طلبوها وصورتهم بصح الميكرو الله غالب ماقدرتش نهز الصور من المصورة وكيما شفتي صورة زيكو مانقدرش نصغرهم
درت غاتاتوي في المقلاة تهبل على طريقتي جي بنينة ماشي تقولها مفورة على البخار وصورت صابلي القارص وطاجين الزيتون نتاع ماما والرفيس القسنطيني نتاعها والروطي نتاعها كل واش طلبو مني الاخوات ودرت ثاني كعك تركي تحفة بصح مانقدر نحمل صور مانقدر نجبد الوصفات لاخاطر مكتوبين بالوورد والميكرو نتاعي مايقرى حتى نوع من الملفات احتجت قداش من وصفة ماقدرتش نجبدهم

وضرك حاصلة فيا وحدة رايحة تولد تحوسني نديرلها قاطو النفاس عييت مانقنع فيها تشوف وحدة أخرى ماني قادرة ماعندي وقت قاتلي انت اللي ديريه وربي يسهل والله رايحة نهبل

ام وابنة روحي في الاضراب وراني معاك وراك رجالة :d:d:d:d:d
انا ماما راحت لدار جدي واش كاين في الثلاجة فضلات اكل كامل سخنتها الثلاجة راهي تلمع سيقتها ههههههههههه