اهلا بكن في الجزء *145* من كوزينتنا¨¨عيد اضحى مبارك¨¨ - الصفحة 53

ام محمد اسلام الله · 2015-09-23, 14:34

عيدكم مبارك وصيام مقبول اناشاء الله وربي ينولكم واش في قلبكم كثرو من الدعاوي وادعو للميتين ربي يرحمهم وللمرضى ربي يشفيهم والله حنا غير كي رانا حيين وحاضرن يوم عرفة هذي نعمة من نعمة الله سبحانه الحمد لله الحمد لله الحمد لله
انا اليوم راني صيامة ربي يتقبل مني ومنكم طيبت فطوري مازلي غير الوراك والخبز راه يطيب ووجدات قش الذبيحة ودوشت لقلبي الصغير وراه عطيها برقد ولا في الاحلام ربي يحفظ والدنا يارب ويرزق كل محروم يارب وفرزت صوالحي وطبقت لحوايج وجيت نطل على احباب قلبي رلني غير ندعيلكم وجبتلكم صابلي بالنيسلي وباركات بش تتقهو بيهم ولي صيامين يسيدي اسهرو بيهم مع كاس اتاي

ام سراج وملاك · 2015-09-23, 14:35

اقتباس:

المشاركة الأصلية كتبت بواسطة ام رويدة

❤اليوم تشرق شمس يوم عرفه
(ربي) أن لي أشخاصا ؟؟؟
منهم ذي رحم .. ومنهم قريب .. ومنهم صاحب ورفيق .. ومنهم ذي معرفه .. ومنهم زميل عزيز ..ومنهم أحبة في الله ..

اللهم من كان منهم : مريضاً فاشفه .. ومن كان مبتلاً فعافه .. ومن كان محتاجاً فأقض حاجته .. ومن كان مهموماً ففرج همه .. ومن كان مديوناً فأقض دينه .. ومن كان يريد الذرية فارزقه الذرية الصالحة .. ومن كان في نفسه حاجة لا يعلمها الا انت فيسرها واختار ما هو خير له ،،

دعوه لكم من القلب❤❤❤

امين يارب العالمين شكراااااااااااااااااختي رويدة على الدعاء الرائع جزاك الله خيرا

اسمهان79 · 2015-09-23, 14:41

كواليس تلبازي نتاع الأيام اللي فاتو

ام محمد اسلام الله · 2015-09-23, 14:43

روضة ربي يفرحك بوائل ياعمري ولعقوبة للعضان واجدي روحك يشبع عض فيك وربي يتقبل صيامك
ام ماجد ربي يعينك على فراق بنتك حبيبتك والله الدمعة طاحتلي وتفكرت اميمتي مسكينة ماكاش لي يديرالها حتى حبة قاطو بعيدة عليا بزاف بزاف متلقاني لا في فراح لا في قراح مسكينة ربي يعينها وزيد مريضة ربي يشفيها ويقدرها يارب
الحمد لله المهم تكون بنتك مهنية
دائمة الشكر وام وابنة ربي يعينكم على والدكم والله كامل مهبليني انا واليت نلعب معه كارطي نكون قعدة في لمان تاع ربي حتى تجيني ظاربة ويزيدالي يععععععع معها ههههههههههه ربي يحفظهم
didi dalila وعيدكم مبارك اختي
فاطيمة والله رانا الحمد لله مع الصيام انا محسيتلوش غير كي تلحق التانش كراشك تعيط شوية من بعد تسكت ربي يتقبل منا ومنكم

ام محمد اسلام الله · 2015-09-23, 14:44

اسمهان كواليسك روعة واطباقك يهبل ربي يحفظك ختي

ام محمد اسلام الله · 2015-09-23, 14:45

ام رويدة مشكورة على الدعاء حبيبتي ولكي بالمثل اختي

ام سراج وملاك · 2015-09-23, 14:49

ههههههههههه دائمة الشكر لولاد كامل هكذاك واش نديرو ربي يحفظهم ويكونو من الصالحين برك انا ثاني ليوم خرجوني من حبال عقلي بصح راهم زهو الدار ربي يرزق اي وحدة محرومة وتشوف اولادها بين عينيها يارب
ام وابنة يعطيك الصحة على القاطو هايل بصحتكم اختي
ام محمد اسلام الله ربي يتقبل صيامك اختي وشكرا لدعاء امين يارب العالمين والباركات يشهيو يعطيك الصحة
حنان ربي يكون معاك متقلقيش روحك برك راهو اول عيد مع راجلك ربي يهنيك
ام فاطيمة ربي يحفظلك ابنك من كل شر
didi dalila الله يسلمك اختي كل عام وانت بالف خير
ام تاجو البقلاوة هايلة بصحتكم اختي
سرور يعطيك الصحة مقروطك هايل
ام ماجد معليهش اختي لازم تروح لدار راجلها ربي يكون معاك وربي يهنيها في دارها
اسمهان مشكوووورة اختي على الوصفة كنت شفتها في فايس بوك من قبل وعجبتني بصح كي شفت نتاعك قررت اني نجربها بصح ماشي ضك خطراه درت القاطو ويعطيك الصحة كي قمتي بامك وجارتك هاذا ما تربحي غير دعوة خير احسن حاجة
طالبة جامعية صح فطورك اختي ربي يتقبل منك ومن عائلة نتاعكم
روضة وجدي روحك للعضان ربي يحفظولك يارب
سماح رجاء الاماني منورين بطلتكم

x ام رحاب x · 2015-09-23, 14:56

سلالالالالالالالالالالالام لحباب راني جيت انبشركم بنت خويا زيدت والحمد لله وجابت اكرم ولعقوبة ام تاج يارب ايسهلها سلام

ام محمد اسلام الله · 2015-09-23, 14:58

حنان واشبي ختي متهبطيش المورال حنونة العكس افراحي راهو النهار لي يرواح ميرجعش ختي وربي ميوريكم هم في حياتك حبيبتي

*سماح 94* · 2015-09-23, 14:59

اسمهلن كواليسك ياااا سلاك كلش يهبل ربي يحفظك من العين
ام و ابنة ربي يعينك على تربية اولادك و يقويك باه تمي الجهاد تاع اليوم هههههه مزال خير يستنى فيك ههههه
ام سراج و ديدا ام فاطيمة دائمة ام محمد اسلام منورييييين
روضة مبروك السنين لوائل بصح وجدي روحك للعضان هههههه
ام رحاب الللف مبرو الام اكرم ربي يقومها يالسلامة هي و مولودها

ام محمد اسلام الله · 2015-09-23, 15:01

ام رحاب مبروك على بنت خوك وربي يباركلها في اكرام ويجعلو من الذرية الصالحة ويرزق كل محروم يارب

Simassim · 2015-09-23, 15:04

السلام عليكم والرحمة تقبل الله صيامكم. رانا كاااامل مع الجري اليوم صبحت فالطبيب مع الصغار. بيتوني نايضين. الله يخلف على فنجان قهوة لي شربتو كي الدوا. باش كملت صوالحي. الدار كانت مقلوووووووووبة مزية شربتهم الدرا رقدو في زوج شوي. درت بقلاوة
سيقت الدار بقاتلي الكوزينة. مازال مالحق ترها

الحمد لله درت البقلاوة بلابات فيلو بالجوز ماجيت نكملها ناضو اذا قدرت نزيد ندير كاش قاطو اخر. وبقالي مازال مالصقتش صابلي. ماجابليش نوتيلا .

الفطور تالف والجهد كمل. بالاك ندير جلبانة. والحريرة بقاتلي. البوراك فالشك راهم ناضو الفلالس

حزرو فزرو واش راح نفطرو. غدا .

نروح نراجع واش حطيتو تحضيرات

أم محمد تاج · 2015-09-23, 15:05

ياعمري دخلت على احلى بشارة وهي سلاك ابنة اخت ام رحاب الف حمد وشكر لله والله دخلت نسال عليها حنووونة يتربى في عزكم يارب وآمين حنووونة لعقوبة ليا يارب وللهووونة لازم نلصقها معايا رانا كيف كيف هههههه حنوونة الله يخليك وشفتي قلب العمة
الف مبرووك روووضة لوائل حبوبي هك جاو مع العيد كاشمة يفرمش لحم هههههههه
روووعة ام اسلام يالفحلة تبارك الله عليك
اسمهان حنوونة روووعة كواليسك بالصحة
لعزااايز راهم عقابها الله يساعدهم
ام الجووود كوراج حنووونة كي تشوفيها متهنية هذاك هو
كملت حبيباتي وااااي وااااي واااي بصح بقاولي حبايب قلبي ندوشهم وخلاااااص

الله يرحم أمي الغالية ويسكنها فسيح جناته ويرحم موتاكم وموتى المسلمين يارب العالمين

دائمة الشكر · 2015-09-23, 15:10

الف مبروك ام رحاب على بنت خوك الحمد لله كي سلكت على خير وربي يجعل ابنها من الذرية الصالحة اللهم امين
ام تاجو الله يرحم الميمنة نتاعك ويجعلها في جنات النعيم
ويعطيك انت وقفة ساهلة وتفرحي ببنوتك اللهم امين

اسمهان79 · 2015-09-23, 15:13

شكرًا سماح كلامك طيب من اخت أطيب ربي يعطيك ما تتمناي
سرور المقروط يبان مبسس ويهبل بداية موفقة حبيبتي يعطيك الصحة
ام محمد الصابلي بنيسلي يا لهوي يهبل يهبل حتى راني صائمة واش نقولك ........يعطيك الربح ان شاء الله
روضة يووووووويوووووووو انا نحب قصعة عيش الله الله حار وبنين والشرشم كوليه وحدك هههههههه ما نحبوش حنا هاذا واش نديرو للسنين نضن نفس العادات ولا لالا
ام رحاب الف الف مبروك يتربى في عز والديه ربي يدوم عليكم الافراح
لعقوبا لام تاجوووووو يادرا وين عادت
حنان عروستنا الحلوة لا لازم تفرحي حنونة النهار اللي يروح والله ما يولي سالي مجرب ربي يهنيك حبيبتي
ام فطيمة منورة حبيبتي بردك ليكي وحشة وأم حبوبة طلت وهربت كلامها عسل
ام سراج نورتي حبيبتي والله الوصفات اللي جيبيهم إنتي لا يعلا عليهم بارك الله فيكي
ام وابنة لاه حبيبتي تقلقي في روحك والله كلش يفوت ويخلاص ربي يكون معاك ويعينك حبيبتي كون جيتي قريبة نعاون اختي انا راني مخلصة كلش على هاذيك اللي بديت القاطو السمانة اللي فاتت نمد ليستاع لروحي على خاطر صراتلي من قبل مرة تبعت رأي مرت سلفي وخليت لآخر لحظة قريب هبلت
دائمة الشكر بالشوية على لولاد لا نجي ليك نعض ونقطش وسقسي يقولولك راني قطة متشردة ههههههههه أحبكي في الله
ام ماجد ذك نجيب اكرادي ونجي ندير الحس ماكانش مشكل هههههههه ربي يهنيك حبيبتي