الجزء 141 من واش طيبتي اليوم؟.؟؟؟؟؟

[x ام رحاب x]

ام رجا ء الاماني راكي الله ايبارك وليتي فراشة المنتدى ربي يخليك نشاط وحيوية
فطوري اليوم تليتلي بالدجاج وسلاطة

[Mizou123]

اهليييييين اختي ام رحاب واش راكي ان شاءالله تكوني بخيييير و زوجك بخير و صحة و عافية. توحشناك
ام جوجو بصحتكم الدوبارة و الله يشدلك في زوجك و يخليه تااااج فوق راسك و الله يعااااونك على الأعمال الشااااااقة اللي ما تكملش حتى تكملناااا

[x ام رحاب x]

ميزو حبيبتي يتوحشك الخير حنونة والله راني بالف خير وزوجي لاباس ريح شوية شكرا حبيبتي على السؤال تسلمي

[زينب 83]

صباح الخير حبيباتي يوم سعيد للجميع

لبنات راني ماشية دوك لسكيكدة ادعولنا نوصلو بخير و عافية ان شاء الله

ماشاء إبداعاتكم تحفة تحفة ربي يبارك في كم يا رب

ام جوجو عودة ميمونة غاليتي

ام ملك بالشفاء عليك حبيبتي ، ممكن جدا حساسية من حاجة في الدار ، شوفي من ثلث سنوات مرض وليدي الصغير بالرمد من النوع الصعيب ، شهر باه ارتاح ، و عدانا حنا كامل بصح انا وزوجي و ابني لكبير درنا الليمون في عينينا ، قطرات برك درتو شحال من يوم ، في يومين ارتحنا ما شاء الله ، هو صح يحرق مع الاول بصح روووووعة عن تجربة و من هذاك النهار مازدناش رمضان بعينينا و الحمد لله ، شوفي تاني كون تلقاي الكحل الأصلي اسمو الاثمد راهو روووووعة لكن لازم الأصلي



لبنات نخليكم على خير حبيباتي الى الملتقى ، و اذا ماتلاقيناش ماتنساوش تدعو لي ، أختكم زينب

[x ام رحاب x]

زينب حبوبتي اتروحي بخير واجي بالف خير حنونة حوسي مليح وجوزي نهارات شابين راهي لحقت القراية

[x ام رحاب x]

اكلاتي في هاد النهارات
كتف محمر

هادي شاورما لوليد خويا جاني من العاصمة درتهالو

وهادي ميني بيتزا درتها في الحفلة تاع بنتي

وهادو محاجب

مانيش بزاف ندخل هادو برك باش ماتزعفش عليا حبيبتي ام اسلام

[omjoujou]

المشاركة الأصلية كتبت بواسطة mizou123

اهليييييين اختي ام رحاب واش راكي ان شاءالله تكوني بخيييير و زوجك بخير و صحة و عافية. توحشناك
ام جوجو بصحتكم الدوبارة و الله يشدلك في زوجك و يخليه تااااج فوق راسك و الله يعااااونك على الأعمال الشااااااقة اللي ما تكملش حتى تكملناااا

تعيشي حبيبتي ميزو وشكرا على الدعاء ولكي بلمثل وربي يعمرلك حجرك بالدرية الصالحة قولي امين

[omjoujou]

زينب حبيبتي طريق السلامة تروحي و ترجعيلنا على خير
ام رحاب الله يبارك على اطباقك روعة و الحمد الله كي ريح زوجك شوي

[x ام رحاب x]

ام جوجو يحمد رايك حنونة وتسلمي على الكلام الطيب

[أم محمد تاج]

صباحوووو غالياتي يا بطااات يا سميناااات
ام جوجووو الغالية الف الف مراحب وبصحتك التبحيرة والبرونزااااااج
زنوووبة الحبوووووبة يارب تروحي وترجعي بالف خييير يارب
ام ياسووووو وينك ياعزوووزة زعمة حطيتلك التحريفات ونستنى رايك يا عسل
حقة البارح قرعجت عليكم ولقيت الغالية ام الجووود والعشا تاع روزيتا الله يبارك
حبيبتي عقروووبة انت الاروع وانتظري صوري
لي عجبتهم شخشوختي الله يخليكم يا اعز رفقة
ام ملك الله يشفيك ويعافيك يارب وبوسيلي هذيك البخووووشة الله يبارك هبلتني يا عمري مريوة ونص الله يحفظها
ام سراجوووو والرجاء الله يخليكم على الوصفاة المنقوووووووولة
يا ربي هذا ما هز مخي العصافيري اخخخخخخخخخخصصصصصصصصص
زوجي ح صايم مالا نوض نكمل سوجاتي بقاولي غير حوايج خفاف ولفطورو راح ندير كفتة بالدجاج وخبز الدار تاع الداية وسلاطة وديسار ولله الحمد والمنة
عسل سل بصحتك الروووووووووووووووز ومواحاتي
حقة لي حطو لفطاير سخفتوني مووووووت الله يعطيكم الصحة
صغروووووووووووو الصووووووووور بلييييييييييييييييييييز

[ام سارة18]

صباح الخيرات يافحلات ان شاء الله تكونوا بخير
ام رحاب الله يبارك جوعتيني
زينب ان شاء الله ترجعي على خير
انا فطوري بربوشة باللحم بطلب من زوجي
سمحوني ماراجعتش مبعد ونراجع

[أم ياسين الزهراء]

صباح النور
ماراجعتش منبعد بعقلي

غدايا تليتلي بالجاج وشربة بيضا لزوجي صايم وخبز الدار انتاعي والحمد لله

نزنق ونولي

[شاوية حرة 05]

المشاركة الأصلية كتبت بواسطة x ام رحاب x

صباح الخير عليكم واش راكم لاباس

صباح الانوار حبيبتي واش راكي توووووووووووووووووووووووحشتك على سلامة راجلك واش ريح شوية الله يرزقك الصحة والعافية ياااااااااااااااااااااااااااااااااااااااااااااارب ومانيش عارفة درتي حفلة لبنتك ولا راني غالطة المهم الف مبروووووووووووووووووووووووك واما مانيش عارفة تاعش حفلة هههههههههههههههههههههههههههههههههه

[شاوية حرة 05]

ايه نسيت ما صبحتش عليكم ههههههههههههههههههههههههههه صباااااااااااااااااااااااااااااااااااح الانوار وبصحتكم واش طيبتوا كامل غدانا خفيف ضريف فريت وفلفل وطماطم مقلين وديسار والحمدلله

[x ام رحاب x]

المشاركة الأصلية كتبت بواسطة شاوية حرة 05

صباح الانوار حبيبتي واش راكي توووووووووووووووووووووووحشتك على سلامة راجلك واش ريح شوية الله يرزقك الصحة والعافية ياااااااااااااااااااااااااااااااااااااااااااااارب ومانيش عارفة درتي حفلة لبنتك ولا راني غالطة المهم الف مبروووووووووووووووووووووووك واما مانيش عارفة تاعش حفلة هههههههههههههههههههههههههههههههههه

اهلا وسهلا حنونة ليك وحشة كبيرة واش هاد الغيبة توحشتك زوجي ريح لاباس وبنتي جابت الباك ودرتلها الحفلة مع صحباتها كنت درت الصور في الكوزينة الي قبلها تاع النجاح وانت واش راكي واش احوالك كاش جديد ولا والو يعني راكي علرفة عليمن انسقسي ربي يرزقك انت واختك بالزوج الصالح يارب