الجزء 125 من واش طيبتي اليوم.....مرحبا بالغوالي

[cuisineshowdalatifa]

مساء الخير
زينب عظم الله أجركم , إن لله و أن إليه راجعون , اللهم أرزق اهله الصبر و السلوان و إحتسبه من أهل الجنة .
إزابال مانيش حابة نفتح الجروح لكن هذه مشيئة الله و ربي يعوضك بأختك و أولادك و زوجك

[lyzzabel]

*

*

*



رحمة و ام آلااء هاهي الوصفة حبيبااتيي درتلكم كوبيي كولي




قاتو الطبقات بالنواد كوكو lyzzabel
كاين طبقتين
مقادير الطبقة الاولى : 4 حبات بيض كبار ،، 200 غ سكر عادي او ما يعادل كاس تاع ماء ،، فانيلا ،، 250 غ مارغرين ذايبة و باردة ،، كيس خميرة الحلويات و فرينة مغربلة حسب الحاجة ،، علبة معجون المشمش تاع 500 غ
نخلط المقادير بالترتيب و نضيف الفرينة غير بالشوية حتى نتحصل على قوام كيما تاع الموسكوتشو او البيسكوي يعني تكون العجينة جارية شوية ،، نفرغها في صينية مدهونة و مرشوشة بالفرينة قطرها 40 سم و نسويها بالملعقة و ندخلها للفرن على درجة 170 و نطيبها نص طياب يعني لازم تبقى بيضا
في هداك الوقت نحضر الطبقة الثانية لي فيها : 4 حبات بيض ،، 200 غ سكر ،، فانيلا ،، 250 غ مارغرين ذايبة و باردة ،، كيس خميرة الحلويات و 250غ نواة كوكو
نحضر الخليط بنفس طريقة الطبقة الاولى فقط نعوض الفرينة بالنواة كوكو و نخلط جيدا*
لما نخرج الصينية مالفرن نفرغ المعجون تاع المشمش على الطبقة الاولى و نغطيها كامل ،، راح نستعمل تقريبا العلبة كاملة و نزيد نفرغ على المعجون خليط الطبق الثانية و نغطي كامل الوجه و نرجعها للفرن على نفس درجة الحرارة و نخليها تطيب حتى نشوفها حمارت من فوق نعرفها بلي طابت ،، نخرجها و نخليها تبرد شوية و نرشها بطبقة سخية من السكر الرطب و نخلي القاتو يبرد ملييييح و نقطعه مقروظات صغار شوية او مربعات ،، هاد القاتو لذييييييذ و خفييييف و يقطع بزاف ،، و لي تبغي تدير في صينية صغيرة تدير نصف المقادير*

[*وردة الشرق*]

مساء الانوار ربي يعيشكم كامل كما قالت ام اسلام حشمتوني عينيكم اللي ملاح حباباتي
كيف احوالكن نتمنى تكونو بخير انا ما طيبتش لغدا زعمة جا من برا قلت خلي نتعشاو خفيف حتى لقيت زوجي غاب مع لعشية بعد لغدا جابلي خرشف عرب قالي ديريه مع البطاطا والكسرة ياشومي يا فرحة ما تمت راني نطيب فيه ونطيب ورايحة نطيب كسرة رخسيس والولاد نعطيهم واش بقا من لغدا والحمد لله

[lyzzabel]

لطييفة اهلاا حبيبتي كي رااكي ،، الحمد لله على كل شيء

زيينب بصحتكم الخرشف ،، قوليلي كيفااش تديري الكسرة رخسااس ؟؟

انا تااني العشا ماا نطيبش تهنييت ههه ،، البارح مين دااك معوليين نساافرو زيدت للعشا و مين جاات للصح تعشيت عند بابا و ن ع كلا برا الشواا خخخخ و اليووم درت الجلباان للفطوور تسمى لي كاان عشاا تاع البارح ولى تااع اليووم هههه و الحمد لله على نعمه

[oum islem]

ام زينب بصحتكم الخرشف والكسرة
انا خرشف عرب نموت عليه ندير غير مع الجلبانة او في طاجين الزيتون
هل من افكار اخرى

[عازفة الناي]

سلامي للجميع
ليزا العزيزة توحشتك بزااااااااااااااااااااااااف
لطيفة كاش معجنات بصراحة تاعك 44444444444444444444444444
باركولي جاتنا النت

[cuisineshowdalatifa]

أم رويدة كنت وعدتك يوم الخميس نحط وصفة تارت السلق و البطاطا لكن الضروف ماسعدتنيش
الوصفة كانت في إحدى الكوزينات و تداولت بين الحراير و هي لذيذة بزاف و زيد إقتصادية




في الاول نغسل مليح السلق ثم نخليه 10د في الماء و الخل
نحضر في مقلاة قليل من الزيت و بصلة مقطعة و نضيف السلق مقطع مع شوية ملح و فلفل أسود و نتركها حتى تذبل


نقلي 3حبات بطاطا مقطعين دوائر لكن نخلهم بيضاء و نحطهم في صحن دائري


بالنسبة للسلق نضيف له نصف كأس متوسط حليب و 4بيضات و رشة خميرة و جبن مرحي و ملح


و نحطها فوق البطاطا


نخلها للفرن

[ام رويدة]

جبتلكم عشاي من قلب الحدث...اجنحة الدجاج في الفرن







بسيف لا حبو يتحملو

نراجع ونرجع

[*وردة الشرق*]

مساء الانوار عازفة على السلامة حبوبة
ليزا حبوبة يسعد مساك انا كسرة رخسيس ندير لكل قرصة نكيلها بعلبة تاع الزبدة 500 غرام ونبسسها بالزيت وملح ونصف مغرفة خميرة خبز ونبلها بالماء الدافئ او بالحليب رائب ادا كان موجود نتركها تخمر لكن مش حتى تتخمر متل المطلوع ولازم تكون يابسة في البلان مش جارية بعدما تطلع نعجنها مليح نقرص ونطرح والى الطاجين لما تكون مبسسة ومعجونة مليح اممممممممممممم تتاكل وحدها خاصة سخونة

ام اسلام حبيبتي انا الخرشف نديرها غير مع البطاطا شوفي ندير شوية دجاج وبصل وتوم وخرشف منقي وتوابل ونحطهم يتقلاو اكيد مع الزيت ونتركهم يتقلاو مليح وحد 20دقيقة مبعد نظيف حبة طماطم صغيرة ونمرق ولما تقرب تطيب الخرشف نجيب بطاطا ونقصها متل الفريت لكن شوية اخشن نقليها لكن ما نتلركهاش حتى تطيب خلاص نرميها في المرق تكمل طياب ويختار شوية المرق تجي بنينة تهبل مبعد نصورلك النتيجة بان الله

[*وردة الشرق*]

المشاركة الأصلية كتبت بواسطة عازفة الناي

سلامي للجميع
ليزا العزيزة توحشتك بزااااااااااااااااااااااااف
لطيفة كاش معجنات بصراحة تاعك 44444444444444444444444444
باركولي جاتنا النت

الف الف الف مبروك هكدا طمنتينا نرجعو نشوفو الطيابات الاممممممممممممممممممم من ايديك الحلوة

[عازفة الناي]

هذا باروك عودة النت

[*وردة الشرق*]

المشاركة الأصلية كتبت بواسطة cuisineshowdalatifa

أم رويدة كنت وعدتك يوم الخميس نحط وصفة تارت السلق و البطاطا لكن الضروف ماسعدتنيش
الوصفة كانت في إحدى الكوزينات و تداولت بين الحراير و هي لذيذة بزاف و زيد إقتصادية




في الاول نغسل مليح السلق ثم نخليه 10د في الماء و الخل
نحضر في مقلاة قليل من الزيت و بصلة مقطعة و نضيف السلق مقطع مع شوية ملح و فلفل أسود و نتركها حتى تذبل


نقلي 3حبات بطاطا مقطعين دوائر لكن نخلهم بيضاء و نحطهم في صحن دائري


بالنسبة للسلق نضيف له نصف كأس متوسط حليب و 4بيضات و رشة خميرة و جبن مرحي و ملح


و نحطها فوق البطاطا


نخلها للفرن

امممممممممممممممممممممممممم روعة اني زلرت مدونتك رائعة عجبتني بزاف

[ام رويدة]

المشاركة الأصلية كتبت بواسطة lyzzabel

ام رويدة تفضلي حبيبتي باروكي هدا وين حن عليا مركز التحميل ،، و آسفة على التأخير

مممممممممممم رووووعة يا ليزا كنت حنسقسيك لا قاطو النوادكوكو اللي حطيتيه من قبل لقيتك جاوبتي

يعطيك الصحة يالشاطرة وربي يدوم عليك نعمو ويحفظلك كل عزيز ااارب

باذن الله نجربو

[*وردة الشرق*]

المشاركة الأصلية كتبت بواسطة عازفة الناي

هذا باروك عودة النت

امممممممممممممم روعة عازفة راكي بديتي تسخفي فيا حنونة

[*وردة الشرق*]

انا نروح درك مبعد نرجع