~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[جهينة اليقين]

السلام عليكم اسعد الله صباحكم ويسر يومكم ونجح اولادنا انشاء الله هذا اليوم الاخير للامتحانات

[جهينة اليقين]

اروى وين راكي مازاكي مع الشريحة؟ ام صابرين الله الله على ذاك الترتاب تاع ملابس صابرين الله يحفظها لك سمراء تروحي وترجعي بالسلامة ما تنسايش تجاوبيني على موضوع التوابل

[سرور2]

صباح النور لبنات

اليوم منضتش صليتلانو نضت تصحرت لصيام وداتني عني مفطنتش ل6كنضت صليت ودرت 20دسبور ونضفت خفافي لانوالغبار والبررررررد

قلتحتان يدفى الحال وباش لنضفها منزدش نعودها

طبقت الملابس لغسلتها البارح وكملت اغلب الاشغال

ووجدت عجنة من البارح رايحةنخدم شخشوخة

الغدى وفطوري منبعد نخمم فيهم لانو غير خفافي بماانو الزوج ريجيم وحتى انا

يوم موفق للجميع

[oum sabrin]

صباح مشرق و جميل على الجميع
شي بيبا على سلامتك و ربي يحفظك على الكللام الزين راكي منورة
جهينة اليقين شكرا لك على الدعاء ربي يحفظلك كل عزيز
و الله حبيت نرد على كل واحدة خطت حرف في هذه الصفحات و لكن تعذر علي ذلك لان الصفحات ما شاء الله كثرت و انا ما رانيش ندخل بزااف بحكم فترة المراجعة
المهم نشكركم كل واحدة باسمها على المداخلات القيمة و المواضيع المطروحة للنقاش و كذا تحضيرات رمضان افكار رائعة يا ريت توضع الروابط في الصفحة الاولى ليسهل الرجوع اليها
اليوم رايحة ندير بيتزا و عندي شويا حوايج للغسيل باليد
و من بعد نشوف واش نزيد نرتب في غرفة الاطفال
يوم موفق للجمييييييييييييع

[hanamohamed]

السلام عليكم ورحمة الله وبركاته
أصبحنا وأصبح الملك لله، والحمد لله، لا إله إلا الله وحده لا شريك له، له الملك وله الحمد وهو على كل شيء قدير
صباحكم جميل
كجمال أرواحكم
صباحكم صافي
كصفاء قلوبكم
صباحكم راقي
ك رقي أذواقكم
صباح الخير على الجميع
صباحكم معطر برحمة الله ورضاه
ما أجــــمل الصـــباح اذا بــدأ بـذكـــــر الله
وما أبــرك الحـــياة اذا مـلــئت بــطاعـة ا
اشتقت اليكن كثيرا ان شاء الله تكن كلكن بخير
جهينة كيف حالك والعائلة الكريمة كيفكن جميعا اروى وام ادم وام متين جميع رفيقاتي في يوم جديد ومرحبا بالجديدات وكل الملتحقات

[امّ اياد]

صباح الخير ربي يوفق اولادكم سرور ربي يتقبل صيامك انا نضرب طلة خفيفة فالاقسام الاخرى ومبعد نروح للقضيان نهاركم سعيد

[فراشات العمر]

السلام عليكم
شكون تروح تجيب اولادي من برا باه نقريهم ههههه
كرهولي حياتي يؤميو المحفظة في لخزانة والى الفناء الحرية
انا ولادي للزوج في الابتدائي الاول سنة خامسة مخلياتو وحدو يحفض ويقرا وحدو من الغرور ولا ما يقراش النص ويجاوب من راس انشتاين والرياضيات الطريقة صحيحة مئة بالمئة والحل غالط
والثاني سنة اولى نسمح في كلش وباه يقرالي شوية مزاجو صعيب بزاف يتقلق بالخف يحب يخلص ثم ثم
يموت على التلوين لون كل كتبو ههههه حتى القصص والاورق والكراريس يرسم فيها طفل يلعب بالزلاجة ومعاه شجرة

[فراشات العمر]

الف مبروك ام ادم لعقوبة للخرين
بيبا واش راكي دايرة مع بنتك لي تقرى اولى
سمورة ربي يشفيك وطهور ان شاء الله ومبروك عرسكم
ماتطوليش ولادك امتحان
نسيت ماقلتلكمش خلصت الكادو الاول جلبانة وراني صايمة ليوم نكمل القرنون شكرا على المعلومة حياتي كلها امل

[حياتي كلها امل]

فرشات العمر علبالك كنت نقرا في الرد تاعك ونضحك متزعفيش مني ضحكني اسلوبك في طرح الفكرة
كيما قالت ام البنين الذكور مايقراوش وحدهم كيما البنات انا وليدي تانك سنة اولى كيما وليدك كينعود نقري فيه ماذا بيه يكمل تمتم واذا قعدت نشرحلو في كاش حاجة ومفهمهاش ينوض يبكي مانفرى نقريه ولا نسكتو.
والله يبارك راكي فحلة كي كملتي الجلبانة كون جيتي قريب ليا كون عاونتك ونقسرو حتى ياذن المغرب ونفطرو.

[omelbanin]

ختي فراشات العمر ،ونستيني عمبالي غير ولادي ما يحبوش يقراو . كي تقوليلهم ارواحو تحفظوايقولولك : رانا حااااافظييين ،ولا ارواحو نفهمكم، رانا فاااهمييين. ساعات نقول خليتي منهم ،ممبعد ما يهنينيش خاطري نروح ليهم انا .

وربي يعينك على تنقية القرنون،
وكيما فالتلك حياتي كلها امل كون جيتي قريبة كون جينا عاوناك في القرنون.

[chez biba]

انا بنتي سنة اولى ابتدائي في الحقيقة هي ذكية الحمد لله لكن متاعبتني من ناحية التركيز انا نراجعلها وهي راسها في بلاصة اخرى المهم تلقا حاجة تولها يا خوها يا التلفاز يا تلعب بيديها .... ولا تقولي ضرتني كرشي ههههه

[loudjaine]

المشاركة الأصلية كتبت بواسطة chez biba

انا بنتي سنة اولى ابتدائي في الحقيقة هي ذكية الحمد لله لكن متاعبتني من ناحية التركيز انا نراجعلها وهي راسها في بلاصة اخرى المهم تلقا حاجة تولها يا خوها يا التلفاز يا تلعب بيديها .... ولا تقولي ضرتني كرشي ههههه

والله تقول تحكي على بنتي هي 4 سنين تقرا اند معلمة القران قالتلي التركيز واااالو ذكية جدا و خوها يبان ثقيل 3 سنين لكن يركز ما شاء الله بصح بسيف ما يفهم واش راهو متعبني مع لي كوش
الحل كيف نخليها تركز؟

[omelbanin]

ربي يتقبل منكم يا صائميين ،وما تنساوناش بالدعااء .

[loudjaine]

انا نصيحتي ليكم اقراو كتاب فن تربية الاولاد في الاسلام عندي عامين كي قريتو ضرك لازم نراجعو كابو محمد سعيد مرسي
هذاك الوقت كانت بنتي عامين كنت نقتلها بالضرب واش راني نادمة علابالكم قالكم ما يتضربش الطفل حتى 10 سنوات لاي سبب قالك الصلاة و عظمها و نضربوهم على 10 فما بالك بباقي الامور الحمد لله سنتين ما ضربتهاش و اخوها كيف كيف ما نحلفش يمات فقدت فيهم حياتي و الحمد لله عاودت رعت للطريق فيه افكار كثيرة نعاود نقراه و نوليلكم ب نبذات

[ام صفصف]

السلام عليكم وصباح الخير عليكم كلمل لبنات عجبني موضوع المراجعة تاع الاطفال لانو انا ايضا راني مع رحلة بحث موسع باه نوصلهم المرحلة الاعتماد على النفس
ورغم انو عندي بنات الا انهم احبو املو المراجعة بسرعة ويروحو يلعبو