نرجو من جميع المترشحين الأحرار أن ينضموا إلينا - الصفحة 53

IDA PRO · 2013-02-14, 11:56

السلام عليكم
انا راني نفوت تقني رياضي
لا اجد صعوبة في التكنولوجيا لانني درستها في 3 سنوات في نظام القديم و الرياضيات والفيزياء لا صعوبة فيها تحتاج الى حلول التمارين وبعض التركيز
--
لكن احتاج ملخصات او دروس للمواد الادبية التالية : التاريخ والجغرافيا والفلسفة و علوم الشريعة ؟؟
ياربي ننجحو جميعا .. تفاءلو خيرا تجدوه
والسلام عليكم

zakyass · 2013-02-14, 12:08

اقتباس:

المشاركة الأصلية كتبت بواسطة **ابتسام**

ياجماعة وشراكم دايريين في المراجعة راه قرب الحال زعما بقا الوقت طلعونا المورال

السلام عليكم ... شوفي حنونة مستحيل تقولي فات الوقت و لا حتى تخمي فيها بالاكي تعاوديها احنا مشي نظاميين مقيدين بدروس فلاثانوية و لا احنا احرار عندك 24 على 24 فارغة في يدك تقدري تديري المحال في هاد 3 اشهر لي بقات صدقيني انا تاني بديت برك في 6 جانفي و لضروك تقدمت في اكثر من ثلاثة ارباع البرناكج كلو .. رانيب متقدمة حتى اكثر من العام لي فات و مازال 3 اشهر ؟؟؟؟؟؟ واش معنتها ....؟؟؟؟ مزال الوقت برك لازم تنظمي وقت و تبعدي على اي شي يلهيك و يديلك مكن وقتك .... انا على فكرة طالبة جامعية ندرس سنة اولى شعبة هندسة المياه ( الصامطة) ... و راني مترشحة حرة هاذ العام ... هاذي هندسة المياه مانبغيهاااااش خلاص و نموت على الطب .. مالا راني نقرا برك للباك و نحضر لي تيدي و لي تيبي برك في هندسة المياه يعني مجموع ساعات الدراسة الجامعية تاعي هو 8 ساعات برك فالاسبوع و تبقى في يدي 160 ساعة ؟؟؟؟؟؟ صدقيني لوكان تستغلي الوقت لي راهو بافي و تنظميه تحسي بلي راكي تتحكمي فيه و خلي ديمن المورال طالع ... رايحة تكملي كل البرنامج قبل نهاية افريل ... هاذي مشي غير هدرة راتني نقول فيها و خلاص استعمال الزمن لي راني نمشي عليه حسبت عليه 100 حساب و صبت بلي رايحة نكمل البرنامج قبل 3 شهر من الباك في بعض المواد و لي يبقى نكملو فالتامارين و المواضيع اكييد. المهم مانطوليش عليك اختي بغيتك برك ماتقوليش 3 اشهر برك !!!!!! لخاطر مراناش نظاميين كل الوقت راهو بين يدينا ... انت كوني صبورة و اتعبي و قبل كلشي توكلي على ربي و نظمي وقتك صدقيني رايحة على قد ماتتعبي تنجحي بمعدل باهر ان شاء الله .. بالتوفيق اختي نتمنى تكوني فهمتي عليا و طلعلك شوية المورال نقدرو نكون على اتصال اذا حبيتي .. و بالتوفيق لكل مترشح

zakyass · 2013-02-14, 12:16

لمن يولجه مشكلة في الفيزياء عليه بكتاب الزاد في الفيزياء يولي عبقري فالفيزيااء صدقوني عن تجربة .. و لي عندو مشكلة فالعلوم يشوف احمد امين خليفة شحال من مرة يطيحو منو تمارين فالباك و هو لي يعلمنا منهجية الاجابة فالعلوم

liline · 2013-02-14, 14:34

ممكن احد يقول لي المقالات اللي غادي تحفظوها ؟ الفلسفة فلفستنيي و الله ههههههههه

و اظن ما زال متسع من الوقت انا السنةالماضية حضرت البكالوريا في شهر و نصف و تحصلت على 11.60 و جبتها في روحي ههههه

موفقييين بادن الله

liline · 2013-02-14, 14:36

اقتباس:

المشاركة الأصلية كتبت بواسطة zakyass

السلام عليكم ... شوفي حنونة مستحيل تقولي فات الوقت و لا حتى تخمي فيها بالاكي تعاوديها احنا مشي نظاميين مقيدين بدروس فلاثانوية و لا احنا احرار عندك 24 على 24 فارغة في يدك تقدري تديري المحال في هاد 3 اشهر لي بقات صدقيني انا تاني بديت برك في 6 جانفي و لضروك تقدمت في اكثر من ثلاثة ارباع البرناكج كلو .. رانيب متقدمة حتى اكثر من العام لي فات و مازال 3 اشهر ؟؟؟؟؟؟ واش معنتها ....؟؟؟؟ مزال الوقت برك لازم تنظمي وقت و تبعدي على اي شي يلهيك و يديلك مكن وقتك .... انا على فكرة طالبة جامعية ندرس سنة اولى شعبة هندسة المياه ( الصامطة) ... و راني مترشحة حرة هاذ العام ... هاذي هندسة المياه مانبغيهاااااش خلاص و نموت على الطب .. مالا راني نقرا برك للباك و نحضر لي تيدي و لي تيبي برك في هندسة المياه يعني مجموع ساعات الدراسة الجامعية تاعي هو 8 ساعات برك فالاسبوع و تبقى في يدي 160 ساعة ؟؟؟؟؟؟ صدقيني لوكان تستغلي الوقت لي راهو بافي و تنظميه تحسي بلي راكي تتحكمي فيه و خلي ديمن المورال طالع ... رايحة تكملي كل البرنامج قبل نهاية افريل ... هاذي مشي غير هدرة راتني نقول فيها و خلاص استعمال الزمن لي راني نمشي عليه حسبت عليه 100 حساب و صبت بلي رايحة نكمل البرنامج قبل 3 شهر من الباك في بعض المواد و لي يبقى نكملو فالتامارين و المواضيع اكييد. المهم مانطوليش عليك اختي بغيتك برك ماتقوليش 3 اشهر برك !!!!!! لخاطر مراناش نظاميين كل الوقت راهو بين يدينا ... انت كوني صبورة و اتعبي و قبل كلشي توكلي على ربي و نظمي وقتك صدقيني رايحة على قد ماتتعبي تنجحي بمعدل باهر ان شاء الله .. بالتوفيق اختي نتمنى تكوني فهمتي عليا و طلعلك شوية المورال نقدرو نكون على اتصال اذا حبيتي .. و بالتوفيق لكل مترشح

و الله طلعتييلي مورااال

ادا ممكن تعطيني استعمال الزمن تاعك نقارنه مع تاعي ؟ و شكراا

الملكة بلقيس 2 · 2013-02-14, 16:09

السلام عليكم كيف حالكم انشاء الله بخير
قولولي دروس العام الماضي هي التي ندرسها فقط او هناك دروس جديدة هذا العام
سلام

adel-bac2013 · 2013-02-14, 23:11

السلام عليكم
أنا مترشح حر تحصلت على bac2011 ب 13.00 و bac2012 ب 14.89 و سأترشح للمرة الثالتة ..... لكن قمت هده المرة بتغيير الشعبة من العلوم الى شعبة الرياضيات بسبب ضعفي في العلوم مع الأسف : (11 في bac2011 و 12.5 في bac2012 ) أنا أدرس حاليا سنة التانية إعلام آلي ولكن أركز على الباكالوريا أكثر
- في الفيزياء أتمنئ أن تحلوا جميع مواضيع الباكولوريات السابقة (2008..2012) للتعود على الإجابة النمودجية (أتمنئ ان تحلوا المواضيع الخاصة بالعلميين و الرياضيين (الإختلاف فقط في تمرين الأعمدة التي يدرسها الرياضيون و التقنيون))
- نفس ما قيل عن الفيزياء ينطبق على الرياضيات
- أتمنئ التركيز على المواد التي تشكل نقطة ضغف لكم (خاصة الفلسفة) للتعود عليها مما سيودي الى حبك لهده المادة

و إن شاء الله الإمتياز للجميع

رفيقة الاحزان · 2013-02-15, 15:23

السلام عليكم
يا ناس راني خاااااااااااااايفة نخسر عامي في المدرسة الفصل الأول هردتها في لي كونترول يعني لازم نسترجع في الفصل الثاني
و في نفس الوقت لازمني نركز على البكالوريا راني مضغوووطة جدا .. قلصت ساعات يومي ل 3 ساعات في اليوم و نجبد على قد ما نقدر بصح حاسة تركيزي ضعيييييف جدا
المهم أفيدونا ربي يستركم بكاش برنامج

dali rami · 2013-02-16, 22:57

الى كل المترشحين الاحرار ..لا تستسلموا مبكراا مزال الكثير .. لكن يجب استغلال هاتهلا الفترة احسن استغلال لانها الفارقة في المعدل يعني اذا حابين تجيبوا من 15.50 وطلع يعني المحبين للطب ومشتقاتها مثلي ... فيجب على الأقل البدأ من هذه اللحظة نعم من هذه اللحظة وليس الدقيقة القادمة ولا غدا ...مستقبلكم تحددونه بأنفسكم فكونوا على قدر المسؤولية وتذكروا دائما لحظة نجاحكم الباهر باذن الله وستصلون نعم متأكد بأنكم ستصلون باذن المولى ..فقط وفروا الأسباب وأتركوا كل شيىء على الله .. وربي معانا .... نصيحة اوجهها لنفسي ولكم ..فاعتبروها هدية غالية من اخيكم محمد ..سلام من الله عليكم ...وفقتم باذنه تعالى

نغم سيرين · 2013-02-17, 01:28

بارك الله فيكم يا أخوان و ربي يوفقكم
كاش جديد عن العتبة راني خايفة مايديروهاش و في الثانوية راهم طايرين كاين لي وصلو ل وين العتبة تاع العام لي فات يعني مازا مارس و افريل ما شاء الله من الوقت قادرين يخلصو كلش و الله بزااااف

liline · 2013-02-17, 16:24

اصارحكم القول لقد بدا القلق يراودني و بدات اعجز عن النوم .. خائفة ان لا احقق حلمي و احس ان مجهوداتي غير كافية .. احاول مضاعفتها و لكنني امضي اغلب الوقت في كثرة التفكير

zakyass · 2013-02-17, 23:52

مصط

اقتباس:

المشاركة الأصلية كتبت بواسطة liline

و الله طلعتييلي مورااال

ادا ممكن تعطيني استعمال الزمن تاعك نقارنه مع تاعي ؟ و شكراا

اوكي تفضلي استعمال الزمن تاعي :

الأحد ,: 14.00 - 16.00 : فرنسية أو إنجليزية

الإثنين : 08.00 - 10.00 : فلسفة - 10.00 - 12.00 : علوم ش -13.00-15.00 : أدب

الثلاثاء : 08.00 - 10.00 :تاريخ - 10.00 -12.00 : جغرافيا

الأربعاء : 08.00-10.00 : جغرافيا - 10.00لل-12.00 : تاريخ

الخميس: 08.00-11.00 : رياضيات

الجمعة: 08.00-12.00 : راحة

السبت :08.00-11.00: علوم
كل يوم من 16.00-19.00 : علوم
الأحد الثلاثاء الأربعاء السبت : 20.00-00.00 : رياضيات
الأربعاء الجمعة : 13.00 - 15.00 : رياضيات
الإثنين الاربعاء الجمعة : 20.00-00.00 : فيزياء
الثلاثاء الخميس السبت : 13.00-15.00 : فيزياء
يوم مصطلح تاريخ و يوم مصطلح جغرافيا

akiro · 2013-02-19, 07:56

ي سؤال 3 للتمرين التاني لموضوع الاول للرياضيات 2012 شعبة رياضيات انو لما حليت المعادلة وجدت الحل x= 1432k -8587 و y= 2011k -12059 بينما في الحل النمودجي وجد x=1432+5 ; y =2011k+7

اريد الاجابة ماهو الفرق بين الاجابتين مع العلم اني انطلقت من خوارزية اقليدس و عوضت في المعادلة بالحل فوجدتها تحقق المعادلة

miloud3 · 2013-02-19, 12:01

السلام عليكم

أنا مترشح حر للمرة الثانية على التوالي ولم أبدأ المراجعة بعد لأني أدرس في الجامعة بحكم الدراسة صعبة لكني لن أستسلم
اذا لم تكتب لي البكالوريا هذا العام فالعام القادم ان شاء الله و العام الذي يليه و أيضا لن أفرط في دراستي الجامعية يجب على
الإنسان أن يترك بصمته في هذه الحياة قبل أن يرحل
لا يحزنك إنك فشلت مادمت تحاول الوقوف على قدميك من جديد
سأل الممكن المستحيل : أين تقيم ؟ فأجابه في أحلام العاجز
أن تضيء شمعة صغيرة خير لك من أن تنفق عمرك تلعن الظلام

mica nour · 2013-02-21, 19:47

اقتباس:

المشاركة الأصلية كتبت بواسطة liline

ممكن احد يقول لي المقالات اللي غادي تحفظوها ؟ الفلسفة فلفستنيي و الله ههههههههه

و اظن ما زال متسع من الوقت انا السنةالماضية حضرت البكالوريا في شهر و نصف و تحصلت على 11.60 و جبتها في روحي ههههه

موفقييين بادن الله

هههههههه الفلسفة فلسفاتك تبا تبا هعهعهعههع
حتى انا العام اللي فات في فالشهر التالي ---ماي--- بديت نراجع

و ديت 11,52 و في قرايتي تاع الجامعة ديت 3 هههههههههه

و المقالات اللي قلت نحفظهم
تاع الرياضيات __اذا ما غلطتش فالعنوان تاع الدرس ــــــــــ ههه و العلوم البيولوجية و التجريبية --- حطوه العام اللي فات و اللي قبله
مع الدروس الاولى تاع السؤال الفلسفي و الاشكالية و انطباق الفكر مع الواقع