مساء الخييير عليكم وصح قهوتكم الله غالب النت قريب تهبلنا المهم صح طياباتكم كامل وربي يبارك في موائدكم يارب وصح عشاكم امبعد ههه
اختي منااال اعييت نراسلك راسليني باش نقدر نرد ونمدلك رابط الكريب اىنو ممنوع نحطو اهنا
وهذو اللي درتهم بحشو اللحم مرحي والفرماج ورمدتهم في بياض البيض ثم في لاشابليرمع شوية فرينة وجاو ما شاء الله
وبقاتلي شوية حشو درت بيض متبل شوية واحشيتو بيه اظن اسميوه عجة والله اعلم المهم اعجبهم واكلاو واتهنيت هههه
وهذي سلاطة عادي وبطاطا انتاع الهااامو راهي روووووعة ويعطييك الصحة تستاهل السرقة ورانا معاك نسلكو الغرامة هههههه
وكسرة سخونة خخخخ
وهذي انتاع الضياف كي جاوني موسكوتشو ولاتاي ومكسرات وحلوة ههههه
اقتباس:
المشاركة الأصلية كتبت بواسطة almazalina22
ام رياض انا الوصفة نتعي مدتهالي مرت خالي نخدم بيها الجينواز والرولي وانا مغمضة عينيا فقط خذيت نصيحة ام انس او امرامي نسيت
اني لويه وهو سخون كان يتكسر شوية المهم الوصفة
4بياض بيض نضرب مليح حتى تولي رغوة ثم نزيد كاس سكر بالشوية فقط ونبقى نضرب حتى يولي مورانق ثم صفار 4بيض +فاني او قشور القارص ونضرب بالعقل ثم فنجان زيت نحط بالعقل ونضرب حتى تولي كيما المايونيز ثم نفس العبر نتاع السكر ندير بيه عبر النشاء + عبر فرينة +نصف باكي خمارة ونخلط بالعقل من تحت الى فوق ونحط في مول قطره 28سم اذا حبيت جينواز وفي فرن مسخن وما نفتحش حتى مرور 40 الى 45 د واذا رولي في مول فيه ورق الخبز والى الفرن حوالي 15د حسب الفرن ودرت معجون الفراز وزينت بالكريمة بلابوش واذا ما فهمتيش وكانت وصفة غير مكررة نعاودها ونحطها موضوع للاستفادة
|
باين باللي ملح حطي كموضوع للاستفادة اذا اقدرتي
اقتباس:
المشاركة الأصلية كتبت بواسطة oumadoumawayouta
selem aleikoum
lyoum dert berkoukes bel guedid lel zouji wel loueled
w dork dert un plan patissier rah fel four jebt la recette men net
ana sayma
achiya nchallah felefil w escalope de poulet au fromage
w belek gratin batata wella batata meklia w chlada w manaraf theni
andi loussi mon beau frere jey achiya w chwi s3ib fel mekla houa sghir w meyhebech el ajejen
belek ghoudwa nchallah ida kederni rabbi ndir kebeb li hatatou wahd hna nsit pseudo nta3ha
|
بصحتكم اختي وحاولي تكتبي بالعربية
اقتباس:
المشاركة الأصلية كتبت بواسطة sofiane2075
|
اهلييين بام سفيان ومرحبا بيك معانا على طول وربي يفرج عليك وترجعيلنا بالجديد دائما يارب
اقتباس:
المشاركة الأصلية كتبت بواسطة mira la belle fraise
|
بصحتكم وهذيك شربة ولا عدس راهم يغرمووك هههههه
اقتباس:
المشاركة الأصلية كتبت بواسطة أم إناس
مساء النور اخواتي وصح غداكم تغديت المحاجب تاع البارح لي طيبت هم صحبتي والحمدولله راني مريضه والسعلة والتعب والحمدولله
|
بصحتكم وربي يجيب الشفى حبيبتي وترجعي للنشاط انتاعك يارب ميووووو
( تقرير عن مشاركة سيئة )، و الموجودة أسفل كل مشاركة .
2013-12-26, 18:15
. 
. 
العرض العادي
