الى ام اسيد1 وكل وحدة حاصلة واش الطيب - الصفحة 53

روح مراد · 2014-10-28, 08:33

صباح الخير عليكم
والش حوالكم

hanane09 · 2014-10-28, 08:47

ام حمزة اضن انك قلت انك تخدمي بطابلاتعيشي قوليلي كيفاهselectionnerغير الوصفة

باه ندير كوبي كولي

hanane09 · 2014-10-28, 10:11

صباح النور روح مراد الحمدالله

ام حمزة22 · 2014-10-28, 10:19

اقتباس:

المشاركة الأصلية كتبت بواسطة om hadil

وعليكم السلام
وصباحك اسعد ومربوح اليوم انا الي راني معاك ام حمزة
يومكم موفق ان شاء الله

مرحبة بيك حبيبتي سلام ويصبحك بالخير والهناء ويومك سعيد وموفق

اقتباس:

المشاركة الأصلية كتبت بواسطة hanane09

صباح الخير اخواتيام حمز ة انا المشكلة تاعي منعرفش نحط التصاور ونخدم كماةانتم انا نتعلمكما درك بالطابلات منعرفشندير كوبي لموضوع من ورقة متضحكيش عليا كتعجبني وصفة نسجل الباج كامل

راني نحب نتعلم زيكم وضع الصور والروابط

حبيبتي حنان انا تان كنت ما نعرفش ولي ستعدتني اختي هبلتها
وما ننساش المشرفة فيفي ربي يحفضها ساعدتني بزاف باه نتعلم ورحبت بي اعلى الترحيبات

اقتباس:

المشاركة الأصلية كتبت بواسطة hanane09

صباحكم بالخير ام هديل وام سوهيل وعلى كل الاخوات المنتدى واليوم واش نويا ديرينا يا ام حمزة انا اليوم مازلت ماقررتش
استسمحكم ام نادولي البنات كندو لاخدمة لا انترنتربي يحفظهم ويحفظ كل الاولاد

اقتباس:

المشاركة الأصلية كتبت بواسطة روح مراد

صباح الخير عليكم
والش حوالكم

صباح الانوار روح مراد واش حوالك

اقتباس:

المشاركة الأصلية كتبت بواسطة hanane09

ام حمزة اضن انك قلت انك تخدمي بطابلاتعيشي قوليلي كيفاهselectionnerغير الوصفة

باه ندير كوبي كولي

ايه حنان مبي شريت التبلات وانا غير بيها مع انها صغيرة تقولي بنتي استعملي لاب توب ديالي احسن لاكن انا والفت التابلات ربيت عليها الكبدة ههههه
اما التحميل روحي لقوقل حوسي على مركز التحميل الخليج لتحميل او الثعلب او العملاق انا مرتاحة مع مركز تحميا الخليج
كي تدخلي المركز تصيبي selectionner اضغطي عليها خيري الصورة من بعد اضغطي على تحميل تخرجلك الصورة لحملتيها ومعاها 3 روابط اضغطي على للرابط الوسطاني اي رابط الصورة يخرجلك مربع او مستطيل سيليكسيوني و كوبيي
من بعد روحي للمربع لي نكتبو فيه عادتا الردود نتاعنا تلقاي فالاعلة شبه منزل مصور بالصفر اضغطي عليه يخرجلك مستطيل فيه رابط صغير فاسيه من بعد كوبيي الرابط نتاعك وباه تتاكدي ان الصورة طلعت اضغطي على معاينة المشاركة الا شفتيها طلعت وتاكدتي ابعتيها كيما نبعتو الردود في اعتمد المشاركة
هادا الشرح بالتفصيل ان شاء الله يكون مفهوم

هاه حبيبني ورلنا شطارتك

صدفات · 2014-10-28, 10:31

صباح النور حبيباتي كيفاه صبحتو إن شاء الله تكونو بخير

روح مراد · 2014-10-28, 10:33

ca va hamdoullah

نخله. · 2014-10-28, 10:38

سلام عليكن و صباح ا لخيرات

ام حمزة انا عكسك ربيت الكبدة على اللابتوب عندي السامسونغ اس4 مانحسشروحي مرتاحة فيه حابة نشري تابلات نخاف نحصل ومانعرفلهاش

انا نوض بكري لكن ما نقدرش نكونكتي حتى يغيب السبع يهبلللللللللللللل ويغير يقولي خلي حتان نروح اعطينا وجه الميعاد مع اني نوجدلو كلشي هههههههههه

الاخت للي سألت على البيشاميل لازم انت تقولينا طريقتط بالتفصيل الممل باه نعرفو مع بعض وين الخلل و نصلحوه في الاخير راه تخدميها بكل سهوله و من غير مقادير

ام حمزة غير كيمما قريت الارشيف ليوم برك لهيت مش رح ندير لغدا كلشي خلاص والسبع مشغووووووووووووووول ونا مستحيل نخرج نصرف كي يجو ولادي يشرولي البيض

ولا نقولكم دبرو عليا اكلة بدون خضار ههههههههه

ام حمزة22 · 2014-10-28, 10:51

حنان ان شاء الله تكوني فهمتي شرحي الا ما فهمتيش كاين روابط لشرح التحميل الا ما ساعدكش شرحي نحوسلك على الروابط

حبيباتي اليوم ماكان ني جوازات ني حساء
كاين القارانطيطة هههههههه
كان زوجي شراهالي يوم الجمعة مع القضيان هي في الحقيقة انا نديرها غير فالصيف وكي يكونو دراري كامل قعدين بصح لوكان ما نطيبهاش اليوم راح نرميها
من العادة نشري فرينة القرانطيطة في اكياس تحمل 400غ هاد المرة زوجي شرالي الفرينة بالميزان انا عمري ما ستعملتها ان شالله تكون مليحة
ادن لازمنا فرينة القرانطيطة 400غ كاس حليب كاس اتاي زيت و بيضة و مغرفة كبيرة نتاع الملح القرانطيطة تحب تكون مالحة وريتلة ونصف ماء وزيدي كاس اخر ماء
نخلط فالاول السوائل منبعد نضيف الفرينة نخلط مليح ونخليها ترتاح سعتان او اكتر كا ين لي يخليها ترتاح ليلة كاملة
ندهن الصنية بالزيت ونفرغ الخليط ونحطو فالفرن طيب فالاول نشعللها من اسفل كي تعقد وطيب من الاسفل نشعل الفرن من اعلىباه تحمار
ان شاء الله ما تحشمنيش وطيب مليح كي العادة هههههه

[IMG]ht هادي كيطابت من اسفل
هادي القرانطيطة طايبة وزدتلكم شوية هريسة وكاس كازوز واش رايك

وفي المساء لي تقعد نزيدلها مقلة بطاطا ولادي يحبوها كاسكروط قرانطيطة وفريت هههههه

تغرينية · 2014-10-28, 10:55

صباح الخير على الجميع اليوم دبرت راسي ودرتلهم الكونتيكا يحبوها وشكرا للجميع

تغرينية · 2014-10-28, 11:00

انا طريقتي غير طريقتكراح نجرب طريقتك في الايام القادمه انشاء الله كرنتيكتي راها طيب في الكوشة هههههههههههههههاليوم غدانا راه كيفكيف

ام حمزة22 · 2014-10-28, 11:01

نخلة حسيت بيك وعطيتلك فكرة هاهي تدبيرة بلا خضرة ههههههههههه
مازال ما طابتش كي طيب نبعتلك ههههه
نخلة التابلات ساهلة وترتاحي فيها احسن من لابتوب انا كي شريتها قعدت غير نتفرج فيها ههههههه وليد اختي ربي يحفضو هو لي شراهالي وهو لي علمني
نحبها بزاف خاصتا فالصور ما تحتاجيش لجهاز التصوير بيها تصوري وتبعتي واش تحبي بسهولة
ربي يخليلي التبلات نتاعي هههههههههه
اما عن السبع سبوعة راهم كامل كيفكيف ربي يخليهمنا هههههه

ام حمزة22 · 2014-10-28, 11:05

اقتباس:

المشاركة الأصلية كتبت بواسطة تغرينية

انا طريقتي غير طريقتكراح نجرب طريقتك في الايام القادمه انشاء الله كرنتيكتي راها طيب في الكوشة هههههههههههههههاليوم غدانا راه كيفكيف

صباح الانوار تغرينية
انا تان قرانطيتي راهي طيب فالكوشة ههههههههه
حطيلنا الوصفة نتاعك حبيبتي

تغرينية · 2014-10-28, 11:21

اقتباس:

المشاركة الأصلية كتبت بواسطة ام حمزة22

صباح الانوار تغرينية
انا تان قرانطيتي راهي طيب فالكوشة ههههههههه
حطيلنا الوصفة نتاعك حبيبتي

صباحك اسعد
طريقتي ساهلا وغير مكلفة اي الكلاسيكية
خدي عبر من غبرة الحمص المطحون +3عبار ماء+فنجان شاي زيت +ملح حسب الرغبة انا ندير 2ملاعقة شاي هديك الصغيرة فيهم ونخلط
نكون شعلت الكوشة من قبل باه تسخن وهدا ضرري ثم نأخد السني اللي رايحا ديري فيه الخليط وهو فارغ بلا ما ندهنوه نديروه في الكوشة يسخن مليح وهو حامي نفرغ فيه الخليط والى الفرن مباشره نطيبوه من الاسفل ثم نحمروه من الاعلى وشهية طيبةارجوا انني شرحت وفهمتوني

moniz · 2014-10-28, 11:32

bssahatkom karantika

ام حمزة22 · 2014-10-28, 11:34

اقتباس:

المشاركة الأصلية كتبت بواسطة تغرينية

انا طريقتي غير طريقتكراح نجرب طريقتك في الايام القادمه انشاء الله كرنتيكتي راها طيب في الكوشة هههههههههههههههاليوم غدانا راه كيفكيف

اقتباس:

المشاركة الأصلية كتبت بواسطة تغرينية

صباحك اسعد
طريقتي ساهلا وغير مكلفة اي الكلاسيكية
خدي عبر من غبرة الحمص المطحون +3عبار ماء+فنجان شاي زيت +ملح حسب الرغبة انا ندير 2ملاعقة شاي هديك الصغيرة فيهم ونخلط
نكون شعلت الكوشة من قبل باه تسخن وهدا ضرري ثم نأخد السني اللي رايحا ديري فيه الخليط وهو فارغ بلا ما ندهنوه نديروه في الكوشة يسخن مليح وهو حامي نفرغ فيه الخليط والى الفرن مباشره نطيبوه من الاسفل ثم نحمروه من الاعلى وشهية طيبةارجوا انني شرحت وفهمتوني

صحيتي تغرينة كنت نستعمل هاد الطريقة لاكن الحليب والبيضة يزيدولها نكهة لديدة
بصحتكم تغرينية راعي جات بنتي من المدرسة نروح نحطلها تفطر