تجهيزاتنا للشهر الفضيل

[جهينة اليقين]

صباح النور رندة وكل الفراشات امطرنا هذا الصباح مع بعض البرودة في الطقس

[جهينة اليقين]

البارح درت البسبوسة بالخبز اليابس والكاوكاو مع الجلجلان تاع قرويجة جات رائعة والخبز ما بانش خلاص

[جهينة اليقين]

والمرة الي فاتت درت كذلك المحلبي تاع كرونو وجا هايل شكرا اخواتي على الوصفات والي عندها وصفة ناجحة تاع طبق او تخلية او مقبلة ماذا بيها تحطها لنتبادل الوصفات

[ام هزار]

صباح الخير رندة و جهينة و يومكما مبارك
ممكن جهينة تعطيني الوصفة تاع البسبوسة اللي عملت انا راني ما نديرش الحلو هدي الايام لان الفور راهو فسد
و التحليات ما نيش ندير حاليا الزوج ما يحبهمش غير عصير الهام

[رندة.]

ها هي ليك وصفة البسبوسة يا ام هزار

المشاركة الأصلية كتبت بواسطة قرويجة

السلام عليكم
ختي أم راضية أنا نعتبرك قدوى و مثل اعلى في أمور البيت ونحشم نعطيك وصفة البسبوسة ولكن مادام أنت طلبتيها حاضر ومن عيوني
الوصفة الاصلية هي تع سليمة يعلي لي تفوت في قنات سميرة أنا نقصت منها على حسب المول لي عندي يرفد 6 حبات بيض
6 حبات بيض
كاس إلا ربع سكر
كاس إلا ربع زيت
كاس إلا ربع حليب
2 كيسان خبز مرحي يكون خشين شوي
2 ليفار شيميك
زاست تع القارص أو تع البرتقال حسب الرغبة
هي تزيد نص كاس جلجلان محمص و نص كاس كوكاو محمص أنا كل مرة ندير كي يكونو عندي مرات منديرش
بالنسبة للشاربات
كاس عسيلة
كاس سكر
3 كيسان ماء
نص لب حبة قارص بدون قشر
هذي هي الوصفة أنا كي طيب نشربها مباشرة وهي سخونة و الشاربات باردة تي روعة نزيد نقطعها ونديرها في ليكيسات بيوضا و نخبيها في بورت مونجي تبقى 3 أيام طرية وصالحة للأكل ننصحكم مديروهاش في الثلاجة تيبس

[arwa alaa]

اهلا فراشات صح فطوركم

[قرويجة]

صح فطوركم
سهرة ممتعة فراشات

[جهينة اليقين]

صح فطوركم وتقبل الله صلاتكم

[جهينة اليقين]

شكرا لك رندة هذا وين شفت الرد تاع ام هزار
لكن انا نفصت البيض درت 4

[جهينة اليقين]

وكذلك نقصت العسيلة لاني مانحبش الحلاوة بزاف

[رندة.]

صحة فطوركم أروى قرويجة وجهينة وكل الفراشات، العفو يا جهينة الحمد لله كي جربتي البسبوسة ونجحتلك.

[رندة.]

أصبحنا وأصبح الملك لله و لا اله الا الله وحده لا شريك له، له الملك وله الحمد وهو على كل شيء قدير.

صباح الخير عليكم

[ام هزار]

صباحكم معطر بنسائم الصباح المنعشة
رندة و جهينة شكرا لكما على الرد المسهب

[جهينة اليقين]

اهلا فراشات ان شاء الله تكونو بخير

[جهينة اليقين]

من الغد يبدا العد التنازلي للشهر الفضيل ضيفنا العزيز سوف يغادرنا في ايام معدودات
فاغتنموا اخواتي الفرصة وكثفو من العبادات وصلة الارحام والصدقات وقراءة القران والصلوات فانها لن تعود الى يوم القيامة