اهلا بكن في الجزء *145* من كوزينتنا¨¨عيد اضحى مبارك¨¨

[yasmalak]

صباااااااااااااح الخييير والا مسلخييير حبيبااااتي
وشراااااكم ذ
سييير صايمييين ربي يتقبل منا و يغفرلنا و يتجاوز عن في هدا اليوم المباارك

ام تااااج يعطييك الصحة البقلااوة تهبلل و سيير كي تطيب تجي خيير و خييير
ام فطيييمة الله يبااااااارك على الببون ديااااااااااالك ماشاء الله
قممررر علااه تطلبي السماااح ياخاااه معدوورة و الحمد لله اللي فريتيييها صحح ما غلطتييش بلادنا راهي تمشي من سيء لاسوء
يعطيك الصح سرور راه يباان هااايل انا خاطييني مقروط الكوشة ما نديروش
وااااااااااااااع ام مااااااااااااجد ما تفكرييييييييينيش من الصباح وانا نبكييي ما نعرف علاه كي يلحق العييد تحكمني القنطة
اليوم تالمون راني مقنووطة و عياااااااانة ما رحتش نخدم
الحلوى كملتهاااا بقالي ندير مقيرط واالا ميني مقررروط بسستو البارح اومباعد نشكلو و نطيبو
ووجدت حوايج العيد ديالي و ديال مينو و نستناه كي يجي العشية نروحو لدارهم راح ندبحو و نعيدو عندهم ان شاء الله

[أم ماجد]

حنان تعيدي بالصحة والهنا
سماح وجدي القاطو راني جاياتك في العيد خخخخخخخخخ
سرور يبان مليح ناقص شوية في النقش هذا ا ماكان

[الرجاء الاماني المجد]

مساء الخير وشراكم روحت خدمت وجيت وراني عاينة وفشلنا وصايمة مقدرتش نخدم

[اسمهان79]

صباح الخيرات في هاذ اليوم المبارك ربي يغفر لي ولكم ولجميع المسلمين
اللي صايم ربي يتقبل منا ومنكم
واللي مريض ربي يشفيه عاجلاً وليس آجلا واحمدو الله إنها زكاة النفس
الي محروم من نعمت الأمومة ربي يرزقكم الذرية الصالحة المبارك فيها يارب
ربي يعينكم على الأشغال اللي ما حبتش تخلاص
لبنات اللي طلبو وصفة الحلزون البارح سامحوني والله ما قدرت نحطها طلعت من الحمام كااااااااو غير عشيتهم وخصلت لمعان وزدت حطيت المشينة تغسل وطحت رقدت والله القش نشرتو كي نضنا للسحور
انا درت زوج أنواع الوصفة الأولى نتاع العزيزة على قلبي سماح استسمحكي حبيبتي واضع الوصفة
زوج كليات جينا مرحية كيلة مكسرات و لمي بلاكرام ابور تكون فيها نكهة معينة وممكن تحشي بنيسلي ثم في ليمول اللي تكوني حطيتي فيه الشوكولا البيضاء الذائبة وخليها تحكم روحها ثم زيني الملمع وراني درتها يا أخت سماح وجاء روعةةةةةةة
وأيضا طبقت هاذ الوصفة
200 غ زبدة فلوريال 100 سكر رطب فاني 4 صفار البيض 2م ك نتيلا 4م ك عسل 50 غ بيسكوي مرحي 1 خميرة 100غ لوز مرحي والفرينة و حشيتها بالكابريس
الوصفة الثالثة
250 غ زبدة كاس سكر رطب كاس كوكاو مقلي ومرحي فاني نصف باكي خميرة ونشف بالفرينة نوزن 25 غ نحشي لحلوة الترك وحلوة الحلقوم الحشوة نوزنو 5 غ ثم نطيب في مول السيليكون لما يطيب نحيه ونذوب الشكولا ونفرغ في المول نفسو ونحط الحبة ونضغط شوية ونخليها تيبس
ثم نحي بالشوية ونزين بالملمع
راهو داير حالا في الفايسبوك

[اسمهان79]

هاذا قاطو المشوك درت كمية لاباس بيها قسمتو مابين ماما وجارتي مسكينة مريضة ما دارت والو ادعيولها بالشفاء والصباح زدت درت شوية مسمن ويعثتلها انا درتو لداري البارح

راح نحطلكم كواليس القاطو نتاع العيد
لكن راني نحمل بالصورة

[*سماح 94*]

السلام عليكم يا بنات
ام ماجد طبعااااا رانا في الانتظار تنورينا والله بصح القاطو هاذ المرة رايحة تلقاي تاع صحبتك برك انا ما درت والو ماعرف وش جاني عليه هاذ العيد خخخخخخخالرجاء ربي يعينك حبيبتي صعييييبة الخدمة الداخل و برا
حنان وعلاه القنطة حبيبتي هذا عيد و مهما يكون لازم الفرحة تغلب فيه رلي يكون في عونكسرور يعطيك الصحة على المقروط لونو حا يهبل
اسمهان قاطوك جا تحففففففة و فرحت بزاااف كي لقيتك جربتي طريقتي ربي يخليك و يحفظك

[طالبة الجامعة]

السلام عليكم ربي يتقبل صيام ىلصايمين اليوم دارت ماما قريوش وانا درتلهوم صابلي الزيت خرجتلي تحفةة مازال مالسقتهومش برك واختي سيقت الحالة حنا رانا كامل صايمين عدا اختيىالصغيرة تقول رمضان

[ام رويدة]

❤اليوم تشرق شمس يوم عرفه
(ربي) أن لي أشخاصا ؟؟؟
منهم ذي رحم .. ومنهم قريب .. ومنهم صاحب ورفيق .. ومنهم ذي معرفه .. ومنهم زميل عزيز ..ومنهم أحبة في الله ..

اللهم من كان منهم : مريضاً فاشفه .. ومن كان مبتلاً فعافه .. ومن كان محتاجاً فأقض حاجته .. ومن كان مهموماً ففرج همه .. ومن كان مديوناً فأقض دينه .. ومن كان يريد الذرية فارزقه الذرية الصالحة .. ومن كان في نفسه حاجة لا يعلمها الا انت فيسرها واختار ما هو خير له ،،


دعوه لكم من القلب❤❤❤

[ام و ابنة]

يا يما
صدقوني و الله بكيييييييت حتى عييييت بش ريحت شويا
ماشي التعب رانا موالفين بيه بصح الضغط تاع تخممي في شحال من حاجة و يدك ثاني في شحال من حاجة و اللي زادلي ولادي اليوم هبلو و الله عيطت عليهم حتى سمعوني الجيران والو حطيتهم كل واحد في سريرو والو في الاخير و الله ضربتهم تصورو مولات عامين تواجبني تقول عندها عشرين سنة و خوها ما نهدروش و المضاربااااااات
سامحوني ما رانيش نراجع مازالي التسياق تع الدار كامل التحت و الفوق و العشاء و نوجد دوزان الذبيحة و الماعن و نوجد حوايجنا و طبعا التدواش كيفاش رايحة نديرهم كامل وحدي ماعلاباليش
خخخخخخ

حقا راني من الضغط اخترعت قاطو او بالاحرى حرفت تحريفات خطيرة في قاطو الطبقات درتو بالنسلي و قاطو و كاوكاو مرحيين كانو قعدولي




و هذي نفس العجينة عملت بيها des galettes الله غالب ما عندي لا الوقت لا الجهد لا الخاطر نقعد نشبح و نماكييي خخخخ

[طالبة الجامعة]

[QUOTE=ام سراج وملاك;3994363035]اهلا اختي طالبة هذا القاطو اسمو قاطو surprise مدتهالي ام جوجو راهي في وصفات حراير واش طيبتي بصح انا مدرتش كيما وصفتها درت كاس سكر ارطب خفت يجيني حلو بزاف خطراه مبعد راح يتغطس في شيكولا وزدت وحبة بيض مجمولة وصفار بيضة وزدت لافاني وشوي فرينة برك مع باكي خميرة نتاع القاطو مخلطين وقسمتهم 3 اجزاء في كل جزء زدتلو ملون اخضر واصفر واحمر ولاو عندي 3 الوان من لعجينة وكي لونت كل جزء بالملون غذائي زدت الفرينة حتان ولات عندي عجين طرية شكلتهم دوائر وطيبتهم ومبعد لصقتهم بالمعجون مخلط مع حلوة ترك مدتلو ذوق رائع وغطستهم في شيكولا سوداء وبياض لي بقالي درت بيه الطلية بيضاء ودرت الزيقزاق كيما نتاع الميلفاي او تقدري تشكلي واش حبيتي نتي قلوب او دوائر او مربعات وتزين كيما حبيتي نتي يعني قاطو سربريز محرف التحريف ولا يمشي في دم عداتنا ام ياسو ههههههههههه [/QUOTE]

ربي يبارك فيك شكرا

[نور لمين]

الله يبارك عليكم راكم مزهين الحاله صح عيييييييدكم كل عام وانتنم بخير

[طالبة الجامعة]

المشاركة الأصلية كتبت بواسطة ام و ابنة

يا يما
صدقوني و الله بكيييييييت حتى عييييت بش ريحت شويا
ماشي التعب رانا موالفين بيه بصح الضغط تاع تخممي في شحال من حاجة و يدك ثاني في شحال من حاجة و اللي زادلي ولادي اليوم هبلو و الله عيطت عليهم حتى سمعوني الجيران والو حطيتهم كل واحد في سريرو والو في الاخير و الله ضربتهم تصورو مولات عامين تواجبني تقول عندها عشرين سنة و خوها ما نهدروش و المضاربااااااات
سامحوني ما رانيش نراجع مليح مازالي التسياق تع الدار كامل التحت و الفوق و العشاء و نوجد دوزان الذبيحة و الماعن و نوجد حوايجنا و طبعا التدواش كيفاش رايحة نديرهم كامل وحدي ماعلاباليش
خخخخخخ

حقا راني من الضغط اخترعت قاطو او بالاحرى حرفت تحريفات خطيرة في قاطو الطبقات درتو بالنسلي و قاطو و كاوكاو مرحيين كانو قعدولي





و هذي نفس العجينة عملت بيها des galettes الله غالب ما عندي لا الوقت لا الجهد لا الخاطر نقعد نشبح و نماكييي خخخخ

نجي نعاون خيتي ماشي خسارة فيك
بالعقل برك ماتقلقيش

[أم فاطيمة]

مساء الخير كي عشيتو واش راكم مع الصيا م
ام ماجد سماح حنان ربي يخليكم حنوناتي و يبارك فيكم
ام ماجد يحسن عونك لفراق صعيب سيرتو نتاع البنت تخلي الدار فارغة
يلا شمري على يديك و خليها تعيش حياتها حتى هي ربي يهنيها
حنان علاش القنطة حبيبتي انتي لازم ديري لمبيونس و تحسي روحك و زوجك بالعيد
حتى و لو معيتيش في دارك المهم اول عيد معاه ربي يخليكم لبعض
سرور يعطيك الصحة راكي نقشتيه انا كل ما نجي ننقش نطير عجينة و نخليه فرطاس ههههه
الرجاء ربي يعاونك الخدمة لداخل و برة بزاف

[روضة 88]

اهلين لبنات ربي يعينكم

انا ثاني البارح رقدت مضغوطة للاخر مخممت في حتى حاجة اليوم الحمد لله ربي سبحانه نزل الرحمة انتاعه
اليوم راني صايمة مع اهل البيت
وكالعادة وككل عيد اضحى فطورنا مفرمسة و شخشوخة الظفر و استثناء عجوزتي سخفت على شربة فرمسال وبيناتنا انا ثاني سخفت عليها

واليوم طبعا نشارككم فرحتي لانه وائل خرج 2سنين انتاع التحت طبعا الباروك بعد العيد.

[دائمة الشكر]

مبروك على حبوبي وائل بالصحة ليه خليه يأكل الكبدة هههه
حتى هو خمملها مليح ههههه
بصحتكم الحلويات كامل الله يبارك عليكم
ام وابنة متفكرينيش في بناتي هبلوني اليوم والله نخدم ونضرب لجيه هوما عياو وعياوني معاهم ربي يحفظهم ويحفظلكم ولادكم اللهم امين