الجزء 125 من واش طيبتي اليوم.....مرحبا بالغوالي

[lyzzabel]

ام رويدة تفضلي حبيبتي باروكي هدا وين حن عليا مركز التحميل ،، و آسفة على التأخير

[Oum yousra]

البنات مين راكم تحملو الصور راني من مركز العملاق و ماحبوش يفوتو الصور

[Oum yousra]

ليزا اممممممممم يشهي و ام إسلام وااااااو قتلتيني نقطت ضعفي

[rahma2014]

[QUOTE=lyzzabel;3993179421]ام رويدة تفضلي حبيبتي باروكي هدا وين حن عليا مركز التحميل ،، و آسفة على التأخير



[ليزا الحلوة رووووووعة واش من وصفة

[oum islem]

شكرا اخواتي
قمر كولي في المساء وما تتعشايش
ماعليش انا نسامحك غير حبة واحدة في اليوم المهم مش في الليل
ام يسرا شكرا ليك اختي نعطيهلك كامل وتعطيني قطعة حلوى من عندك نموت على الفراولة
ليزا خرجلك تحفة يعطيك الصحة والله فيلم كما تقولي

[lyzzabel]

ام يسرى على سلااااامتك يا الغااالية توحششششتك كي راااكي واااش هاد الغيبة و الفريزي تحححفة يعطيك الصحة

ام اسلاام روووعة المقلروووظ حبيبتي نموت عليه و ربي يخليك على كلامك الرااائع يا عمري لي الشرف انك تكوني اختي و صديقتي والله يا حبيبااتي ما تخلووش الوحدة وحدها و لي تحتااج للحناان و الأخوة تلقاهم عندكم و ما تسمحووش فييها ....... عجزت عن الكلام و هرب مني التعبير و ما لي الا ان ادعو الله لكن بالسدااد و الفوز الاكبر لي هو الحيااة الخاالدة في الفردوس الاعلى نتوما و احبائكم .. اللهم اميييين

حقا البارح رحنا انا و اختي الوحيدة لي بقااتلي ربي يخليهالي لداار جدي و ما لقينااش زوجته كانت رااحت عند والدتها مرضت بزااف ،، خلينالها لي قااتو عند طنتها لي هي مرت خالي و رحنا عند خاالتي كنا ما تلاقينااش بيها من زمااان ما شورنااش حتى لليل بااش دخلناا و نزلناا عند بابا تعشيناا عنده و ولينا لدياارنا ههه و الحمد لله

[قمر 77]

سماح خيتي رانا فالخدمة نتاع بعضانا
ام يسرا شكرا انا مرة خدمت كريم غونفيغسي كنت صغير ة في بلا بيراكس كي خرجتو حطيتو فوق البوتاجي ترتق دارلي وحد الخلعة من نهارها رجعت نخاف منهم كي يكنو سخونين لا تقسيهم حاجة باردة

[قمر 77]

ليزا القاطو روعة راني خدمتو من قبل و جاني هايل و البارح انا نخمم فيك و انتي تحوسي الحمد لله ربي حنين كريم و ربي يرزقك ببنيتة شابة تشبه للمسرارة ام ياسو نهار العيد ههههههههههههههههه

[lyzzabel]

لا شكر على واجب حبيبتي سمااح قوليلنا لاكاان درتيهم و كيفااش خرجوولك ههه

ام يسرى و ام اسلاام و رحمة تسلمولي حبيبااتي عيووونكم الحلوييين

رحمة الوصفة تااعي كنت حطيتها في وحد الكوزينة و رااهي في وصفاات الحراير لاكان بغيتي نحوسلك عليها حبيبتي او نكتبهاالك

[lyzzabel]

ههههه قمووورة حبيبتي ربي يخليك و شكرا على الثقة ،، وييي ميين جييت نقوللكم بلي راني نديير فيه لقيتكم تخممو معاياا والله حشممممت و خليتلكم رد سامحيني تعبتك معايا يا عمري ،، و بالنسبة للبلا تااع الفرن لي بالزجااج عمرك ما تحطييه مبااشرة على البوتااجي او على سطح باارد ،، ديري تحته un sous plat c'est plus sûr

[um alaa]

ام يسرا على سلامتك و الفريزيي tooooooop
ام اسلام نمووووووت على المقروط خرجلك يهبل يعطيك الصحة
ليزا امممممممممم تبارك الله بصح وشنو هذا هههههههههه

[قمر 77]

ههههههههههههه ليزاتي نخبوهم هذ الافكار اللي تحتاج نقولوهملها ديراكت بلا البيراكس راني كنت نقول لام يسرا كي ديرو فيه قاطو و يطيب ما تخافوش تعسلوه لا يترتق خصوصا انو دايما لازم واحد فيهم بارد راني مع الحديد و الميكرو وااااااااااااااااع

[oum islem]

زينوبة83 مبروك عليك حبيبتي تستاهلي كل يوم وسام
ام رويدة كي نكون مش حابة نطيب
ننزع الامعاء من حبات مرقاز نحطهم على النار نزيد حبة فلفل حار مقطع حبة طماطم نرابيها
شرائح ثوم وشوية ملح ونخلي حتى تنشف الطماطم نقطع شوية دبشة ونكسر بيضات ونقدمها

[rahma2014]

ليزا الله يسترك لتقدري اكتبيهلي ولكي مني اجمل دعوة خير ليك ولوليداتك

[oum islem]

شكراليك ام الاء والله فرحتيني وحشمتيني ربي يفرحك بالاء
والطريقة لذيذة ومضمونة انا معتمدتها من سنة 1998 الى اليوم ما بدلتهاش