الجزء 136 من واش طيبتي اليوم *فلنغتنم عشر المغفرة*

[مسلمة بالفطرة]

اخت ليزابال ربي يعيشك أعطيني مقادير العجينة اللي تخدمي بيهم لي تارتولات بالفواكه نحوس على عجينة ناجحة كي شفت تطبيق تاع ام مؤمن عجبتني بزاف لي تارتولات اللي دارتهم

[lyzzabel]

يا عمريييي كااوووووكاااا الحمد لله و الشكر ألف ألف مبرووووووك يا الحبيييييبة ربي يثبتلك حملك و يكملك بالخيييييييير و يجيييبلك سوييعة سااااهلة يااااارب ،، واالفتي داارك الجدييدة ولا مازااال ،، و عندك النت تما ولا ما عندكش ،، كل خطرة نتفكروووك و نجبدو عليييك طبعاا فالخيير هههه ،، باارك الله فييك على سؤاال و جواااب فعلاا معلوماات قيمة كااين لي اول مرة نعرفهاا ،، جزااك الله خيراااا

ام و ابنة ربي يشفيييك حبييبتيي ،، انا ملي دخل الحماان حتى الباارح بااش رقدت نيشاان ،، الجنب لي رقدت علييها فالفجر نضت علييها الصبااااح هههه اليووم كااين شوية هوااء الحمد لله ،، اما بالنسبة للمسلسل ما عندي حتى فكرة و ما نتفرجش التلفااز نهاااائياااا خخخخخ ،، نتمنى يفيدوووك الشيرااات

[lyzzabel]

المشاركة الأصلية كتبت بواسطة kaouka

" وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ "...*عندما يزف أهل الجنة إلي الجنة ...يقربها الله تعالي منهم حتي يدخلوها،فلا يريد الله منهم أن يكلفوا أنفسهم عناء المشي لدخولها بعدما تحملوا عناء الطاعة في دنياهم...*فقد بدأ وقت النعيم...جعلني الله وإياكم من أهل الجنة‬‫ذنوب البشر بينهم وبين ربهموقد يغفرها الله لهم في سجدة أو دعوةفاعتق لسانك عنهم ليعتقك الله من الابتلاءنصيحة‬

اللهم آميييين ياارب العالمييين

مسلمة درك نحوسلك علييها رااهي في وصفاات الحرااير حبيييبة

[lyzzabel]

مسلمة بالفطرة تفضلي حبييبتي

https://www.djelfa.info/vb/showthread...712996&page=55 المشااركة 812 ،، دعوااااتك غااليتيي


روووضة ان شااء الله ندييره للعييد و نصوره بالخطوااات ،، آمالاا نبدا بييه هو الأول بااش تدي معااك الوصفة بإذن الله

مع السلاامة حبييبااتيي من بعد ان شااء الله و صح فطووووركم

[um alaa]

ليزا هدا ديالك ههههه

[*سماح 94*]

اخواتي باركولي اخييييييييييييييرا ديت العطلة بعد تعب و جهد جهييييييد
هههههه و الله هذا وين حسيت روحي زي عباد ههههههههههه
في المساء ان شاء الله نحط بعض الاطباق
صح فطوركم جمييييييييييييييعااااااااا

[أم ماجد]

المشاركة الأصلية كتبت بواسطة kaouka

السلام عليكم ورحمة الله وبركاته
وشراكم ﻻباس كنت في درنا ومكنش ﻻنترنات المهم توحشتكم بزاف وش اخباركم هنا ﻻنترنات تقلق ثقيلة تقتل ووووووععععععععع وش فطوركم ليوم

لاباس رانا في نعمة
ارواحي كاش نهار عندي خخخخخخ يخي الدار رجعت معروفة
والله توحشناك وتوحشت مرقازاتك امممممممممم
كاش ماتطيب مرت سلفك صوري وطي تعرفينا قرعاجات خخخخخخخخ
باب الحارة في م ب س وفي قناة اجنبية اخرى
انا هاذ العام خخخخخ نتفرج غير عاشور العاشر خخخخخخخخخ حكم عليا هههههه

[um alaa]

كوكا على سلامتك حبيبتي
سماح مبررررروك

[ام سراج وملاك]

مساء الخير عليكم كامل هذا وينكملت باتسري لام ماسين باش تحطو مع القازوز راني تعبانة ليوم ملي نضت مقعدتش مع نفيض وزدت خدمت الباتسري مقاري بقالي من فطور البارح نزيد كشما غراتان في الكوشة وسلاطة وكسرة والحمد الله
ام ياسين وليزابيل حتى انا ندير لفاني فيه بصح ذوقو مع الماء الزهر عجبني خير حقا فطوركم ماشاء الله ام ياسو يعطيها الصحة بنتك حقا ليزا متنسايش الوصفة خي علابالك بلي عرس خويا قرب من ضك لازم نخير واش ندير
ام تاجو ازربي حطي الصور باش نسهر مليح
روضة واخيرا شفنا الخير لي مخبيتيه من جهتي بلا نزية حنونة رانا كامل نتعلمو من عند بعضانا
الهام ربي يبارك على زاكيكو ماشاء الله عليه ان شاء الله يكون من الصالحين ويعطيك الصحة واش حطيتي
كوكا ليك وحشة ملي رحتي بطلت من تقرعاج هههههههههههه
فريدة مجموعتها كتبتها من قبل امينة لتعليم الطبخ والحلويات
ام وابنة شكرا اختي على الكلام الرائع
ام امينة وام هبوبة بالتوفيق لي راكم تستناو في نتائج نتاعهم
ام ماجد سماح بصحتكم العطلة
دائمة الحمد مشكوووووووورة اختي
لي نسيتها تسمحلي هذا مهز مخي الله غالب في رمضان خي واحد ميزعف من واحد هكذا متفاهمين ههههههههههه

[ام محمدْ ومريمْ]

سلام لبنات
انا كنت راقدة هذا وي نضت زعمة حنرقد محمد ورقت انا معاهاخخخخخخخخخخخخخخخخخ
بسم الله ومشاء الله على الهام وولدها زكيكو رب يحفظو اللهم امين

[ام مؤمن]

المشاركة الأصلية كتبت بواسطة إلهام07

ربي يحفظكم اخواتي راني لاباس الحمد لله غاطسة في مدرسة الطبخ نتاع الفايس على بالكم راني ندرس لثمة وأيضا مع ليكوموند نتاع القاطو يدوخو هههههههههههههههههههههههههه

آسيا اختي بصحتكم الخير والخمير حنا في رمضان غير الخفيف مايمشي غير البوراك والحميس فقط اما القاطو والله عادي مانيش شايفة قاطوات جدد غير اللي تعرفوهم
هذا درتو اول اسبوع في رمضان ماشي حاجة جديدة :
صابلي القارص هبل عليه الغاشي قلتلهم راحية نكرهو واقيلا نرجع الحبة 100دج باش مايزيدوش يكومونديوه ههههههههه
بقلاوة بعجينة الفيلو و عرايش
وراني دايرة حالة بالعجينة المورق والتبلاز ديما طبعا :d

الله يبارك ماشاء الله عليك الهام رانا تعرفنا عليك من طبخاتك و دمك الخفيف في المنتدى ربي يحفظك و ربي يصون زكريا قمر

[ام مؤمن]

المشاركة الأصلية كتبت بواسطة lyzzabel

مممممممم بصحتكم يا الحبييبة تأمني كي شفتهم في موضووعك لهيييه قلت يباانو كيما تااوعيي هههه و أطبااقك كلللللها تشهيييي ،، شكرااا على الثقة و تسلميي على الموضووع لي حطييتييه

ربي يحفظك ليزا انت من مبدعات قسم الطبخ

[kaouka]

مساء الخير ام ماجد كاشي نهار تلقايني نطبطب في لباب والله ملي جيت مخرجت ياختي سخانة تقتل يعطيكم الصحة تخدمو برا وتزيدو في دار والله نحيكم ونرفعلكم شبو
ام alaa الله يسلمك وشراكي ﻻباس
اهلين ام سيراج وشراكي ﻻباس حتى انا توحشتكم وتوحشت تقرعيج خخخخخخخخخخخخخ

[شباب امراة]

السلام عليم نشكر كل من دعا لبنتي وبالاخص ام هبهوبة ربي يشفي بنتك وكدلك ام وابنة والله فرحني اهتمامك ونصائحك وحبيت نقولك والله ماني نستهزا نعرفو مرض صعيب وراني دايما مع الطبة بصح دون نتيجة ادا تعرفي طبيب متخصص في الغرب نوريني اختي وبخصوص المسلسل راه في النهار لك على12 تاع الليل ويعاودوه على 1300 زوالا راني سقسيتلك مخصوص

[ام و ابنة]

ام ماجد العزيزة علابالي بلي باب الحارة تلعب في الام بي سي بصح يما حبت تشوفها في قناة جزائرية