السلام عليكم مرحبا بكم معي في الكوزينة147 شعارنا نعم للتفاؤل

[باسم وبيسان]

واش من خبز رايحين طبقوووووووووووووووووووووووووووووووووووووووو

[x ام رحاب x]

المشاركة الأصلية كتبت بواسطة oum habouba

ام بيسان انا شحال من مرة في حال الطوارئ نطيب اللوبيا بلا ترناخ وتطيب عادي شوالا هي ماتزيدش كيما المرنخة يعني زيدي شوية على العبر اللي موالفة تديريه
ام رحاب امنا الحنووووووووونة صباحك مبارك ومعطر بذكر الرحمان الله يفتح عليك ويحفظلك كل غالي يا غالية

شكرا على هاد الدعوة حبيبتي تسلمي ولك بالمثل حنونة

[زهرة الريف*]

المشاركة الأصلية كتبت بواسطة simassim

صباح الخيرات حبوبات واش اخباركم.

كاش اخبار على ام تاجو ولهونة. مابانتش ؟؟.

شهيتوني فاللحم المفور. تبلتو البارح نفطروه اليوم ان شاء الله ونشوف نزيد روز او بطاطا معاهم

خصني نلبز حاجة حلوة لقهوة غدوة وتالفة وزيد يويف راه فالدار اليوم

مواحات تقاسموها. راني نراحع ونعجز عل الردود.

صباح الخير سيماسم أم تاج سلكت البارح والحمدلله وجابت رن يم ربي يحفضهالها والعقوبة نسمعوا خبر الخير من أختنا لهنا إن شاءالله
وربي يسهل لباقي الحوامل ويرزق كل محرومة يارب يارزاق ياكريم

[x ام رحاب x]

المشاركة الأصلية كتبت بواسطة زهرة الريف*

حلا الطبقات لعيونكم أخواتي

هو فيه ثلاث طبقات
الطبقة الأولى. ...طبقة الكيك ...2 بيض 8 م ك سكر 8 م ك زيت 8 م ك حليب فاني 8 م ك فرينة باقي خميرة 1 م ك كاكاو
نخلط كل المقادير وكي يطيب الكيك سقيه بمعجون مخفف بالعصير
الطبقة الثانية. ...2 علب فلان مع 2 كيسان ماء و4 م ك حليب غبرة حطيهم على النار مع التحريك حتى الغليان طفي النار وخلطيهم مع كوب صغير
بسكويت الشاي مرحي وعلبة قشطة بوك وفرغيهم على الطبقة الأولى
الطبقة الثالثة. ....2 علب فلان شوكولا مع 2 كوب ماء و 4 م ك حليب غبرة و م ك نسكافيه و م ك كاكاو حطيهم على النار مع التحريك حتى الغليان
خليه يبرد شوي وفرغيه فوق الطبقة الثانية وإلى الثلاجة يتكل بارد 👍
خدمتوا ساهلة ولذيذ جدا

الله يخليك ويحفضك على الوصفة تسلمي حبيبتي

[دائمة الحمد]

ام رحاب صباحك سعيد عزيزتي
الميوناز انا طبقتو وخلاص بالصح ما صورتش
الخبز تفاهمو على وصفة نطبقوها حتى انا غدوة واذا تفاهمتو على تاع العزيزة ليزا وحدة تتكرم وتحط لينا رابط الصفحة

[x ام رحاب x]

المشاركة الأصلية كتبت بواسطة om wassim

فرحت بولادة أم تاج الحمد لله على سلاكها هي و الامورة ربي يحفظهم
ماليوم نرجع نشارك رجعت موبيليس الحمد لله توحشتكم كامل
هدو بعض اطباقي و باروكي لصاحبة الكوزينة ربي يجعلها فاتحة خير علينا كامل







سلامي ليكم

ام وسيم ماشاء الله كلش تحفة ايلا دخلت خليلي الوصفة تاع الخفاف عجبني يعني السفنج

[x ام رحاب x]

صباح النور حبيبتي دائمة الحمد راني صبحت عليك كي ادخلت ودعيتلك ربي يشفيك ويشفيلك الغوالي وربي يرح بالك حبيبتي
انا انروح راني غير وحدي بنتي بدات في الجامعة وراح عليا الحال ربي يعينكم في الاشغال الشاقة الي ماتخلاصش سلالالالالالالالالالالالالالالالالام

[ام عبدو و ملاك]

المشاركة الأصلية كتبت بواسطة زهرة الريف*

المعلمة الله يعينك وفي ميزان حسناتك واحتسبي الأجر والثواب من عند الله واتكلي عليه هو يرشدك
انا عجوزتي دخلت 20 يوم لسبيطار وكان عندها أمراض الدنيا ولازم أكل خاص وكانت معها سلفتي وكنت كيفك انا لي نطيب وديما نحتار واش ندير
وليت تكلت على ربي وديما نقول اللهم دبرني فإني لا أحسن التدبير وقدر لي فأنا لا احسن التقدير واحتسب كلش لله سبحانه وتعالى
صدقيني يجيني كلش ساهل وتتدبر الفكرة من عند ربي سبحانه
كنت ندير تقريبا كل وصفات أختنا أسمهان ربي يرزقها الصحة والخير حاطة وصفات خفاف وبنان روعة وكنت نوع في السلايط وديما نديرلها عصير طبيعي
أو كوكتال فواكه على شكل سلطة أو عصير وكنت نحاول نزينلها الأكل ونبعثوا في ماعن شابين باش نفتح شهيتها للأكل راكي تعرفي جو السبيطار
ربي يشفي مرضانا ويرزقنا الصحة
ربي يعينك أختي ويقدرك راه عندك أجر كبير

ربي يعيشك زهرة الريف و الله عندك الحق الواحد يتكل على ربي و خلاص بصح انا عجوزي مسكينة منعو عليها السلاطة و لازم الاكل مسوس وما تاكلش الحلاوة على هادي راني حايرة

[ام فراس اصيل]

صباح الخير كامل لبنات عندي تدبيرة مليحة الي حابة تطيب اللوبيا ونسات ما شمختهاش كاينة طريقة حطي الماء يغلي في لاكوكوط انتاعك مليح ومبعد حطي اللوبيا تتشمخ بصح طفي على النار حتى تلقايها تنفخت وتغيرت مبعد اغلقي لكوكوط انتاعك وشعلي النار وحطي الطيب راهي تجي هايلة دائما نديرها وتجي ذائبة خير من الي تشمخيها بصح لازم تقعد مدة في الماء الغالي حتى يتغير الشكل انتاعها الي حاب اديرها دوك وتدعيلي دعوة خير ما كلاه تحطيها في الكونجيلاتور وطريقة مجربة ومضمونة

[زهرة الريف*]

أم رحاب ربي يحفضلك الأحبة ياطيبة واش عندك ولاد تبان لي راكي كيفي
حباباتي لي رايحين يطبقو الخبز بصحتكم انا درت فرمسة بطلب من سي السيد وكان طبقت معاكم حابة نجرب خبز ليزا
دائمة معنديش الرابط وكان حطيتو لاختي ربي يشافيك ويهنيك
نخليكم ونروح نكمل شغالاتي الفرمسة شمختها الصباح
لاإله إلا الله وحده لا شريك له والصلاة والسلام على من لا نبي بعده

[أم فاطيمة]

صباح الخير يومكم موفق

[x ام رحاب x]

المشاركة الأصلية كتبت بواسطة زهرة الريف*

أم رحاب ربي يحفضلك الأحبة ياطيبة واش عندك ولاد تبان لي راكي كيفي
حباباتي لي رايحين يطبقو الخبز بصحتكم انا درت فرمسة بطلب من سي السيد وكان طبقت معاكم حابة نجرب خبز ليزا
دائمة معنديش الرابط وكان حطيتو لاختي ربي يشافيك ويهنيك
نخليكم ونروح نكمل شغالاتي الفرمسة شمختها الصباح
لاإله إلا الله وحده لا شريك له والصلاة والسلام على من لا نبي بعده

[size="6"]الله يخليك حبيبت قلبي عندي 4 بنات وولد وحيد وانت واش عندك [/size
عجبتني حكايتك مع عجوزتك ربي يحفضلك وليداتك والله نخدمو في الخير غير على جالهم باه ربي يحفضهم ويهديهم لطريق المستقيم
واش معناها الفرمسة مافهمتهاش

[x ام رحاب x]

صباح النور والسرور ا فاطيمة واش راكي
راني ساعة نخدم وساعة انطل راكو سكنتولي في الدم الله غالب انحبكم جميعا والله ايلاقينا في الفردوس الاعلى

[omjoujou]

لبنات جبتلكم تشوفو بعض من الصور تاع خطبة اختي اكيد الصور تاع القاطو والقهوة لي حطييناها لاهل خطيب اختي مش الصور تاع اختي في حد ذاتها خخخخخخ
هاذو حطيناهم مع الاول مع العصير والديسار نسيت مصورتوش كامل



هنا الديسار نسيت مصورتش ثاني العنب و الاجاص و الخوخ

هنا القهوة نسيت مصورتش سينية القهوة يعني سرفيس تاع القهوة والحليب




نسيت مصورتش مقروط اللوز و الدزيريات
مقروط اللوز درنالوالطلية مش سكر قلاصي

هذا مقدرت نصور من لحوايج لي جابوهم اهل الخطيب حشمت نصور قدامهم
لاتارت والسلة تاع فواكه
وختي جابولها خاتم وتابلات

[x ام رحاب x]

ماشاء الله ام جوجو كلش بالطبع الله اهنيها يارب ويعطيكم الصحة انتوما ربي يخليكم لبعض