~¤ô¦¦§¦¦ô¤~ بيتك جنتك و رضاء ربك مبتغاك 7 ~¤ô¦¦§¦¦ô¤~

[فراشات العمر]

باركولي جوني زوج كادوات من نص نهار وانا غقابهم ماخلاصتش الاولى باركولي من بعد نصورهملكم عيوني ولاو خوضر

[فراشات العمر]

ما قدرتش نصبر ومانوريلكمش الكادوات




































جلبانةوالاخرى قرنون وانا مانيش موالفة القرنون هذيك الحصلة شكون تعاوني بافكار

الكواليش ولادي زعما يعاونوني طرحتلهم الزربية ولاو يلعبو

[omelbanin]

[/color]حبيبتي سيرين، انا. بعثت لعجوزتي طبسي رفيس مع زوجي ، ودخلت على انت لقيتك قلتي ابعثو هدية لعجايزكم،سبحان الله .
احتي حبيبة نورينا بنصائحك في هذا الموضوع.

[حبيييبة]

بما انو كل واحدة من الفراشات فرغت قلبها
و ارتاحت
و رغم اني كنت قد قررت اني ما نزيدش نشكي او نحكي على اي شيء مما يختزن في قلبي من اموري الشخصية
الا انني ساشارككم تجربتي
ليست تجربة مثالية
و لن تكون مثالا يحتذى به
لكنني عشتها
رغم مرارتها و المها
المهم حكايتي باختصار اني تزوجت رجل رااائع فيه بعض العيوب لكن لا شيء لا يمكن الاعتياد عليه و التعايش معه
و رغم ذلك دعوت الله سبحانه و تعالى ان يغيرها و قد اجاب دعائي بعزته و جلاله
انه قريب مجيب الدعاء
حتى انا لا اخلو من العيوب و قد اعتاد علي و ألفني
الف الف الف حمد و شكر لك يا رب
و علاقتنا راائعة الف حمد و شكر لله

حكايتي بدأت منذ عرسي
ام زوجي امرأة ظاهرها ودود محب ضعيف حنون
كريمة تحب الخير للغير
تحب ان تظهر انها امرأة تاع وقتها
من اول يوم دخلت فيه دخلت و انا حاسة نفسي بنتها
خصوصا ان شيخي اعطاني قدر و قيمة لا يمكن وصفها تعدت ما يعطيه لبناته
و رغم ذلك بناته سكر و عسل و مئة فلة
علاقتي بهم طيبة جدا و احبهم و يحبونني و نتزاور مرارا و تكرارا
و من اول يوم بدأت شغل البيت كاني في بيت اهلي
مثلما كنت قايمة ببيت اهلي قمت ببيتهم
و عاشرتهم بالنية
لكن من اول يوم اذا ارادوا ان يقضوا اي امر او يتكلموا في اي مشكل بينهم يقولوا لراجلي اديها زايرة لبيت اهلها عيب تشوفنا متخاصمين
و هكذا اعتادوا علي انهم يبعثوني لبيت اهلي pour un oui et pour un non
و ام زوجي زنت علي كثيرا لافتح المركز حتى استأنف العمل و اخرج من البيت
اعني بذلك اني لم اكمل شهر قاعدة في بيتها كعروس
و لما فتحته رغم ادراكها تماما انني صاحبة العمل و انني اعمل الوقت اللي يساعدني انا
الا انها حددت هي لي اوقات العمل
يجب ان اخرج من البيت صباحا باكرا ولا ارجع الا عند المغرب
و زوجي مشكلته عمله يكون على شكل مناوبات و في غالب الاحيان تكون ليلية
في بادئ الامر كنت نبات في بيت اهله لما يكون يعمل
و نصبح لتم و لما نحب نعمل شغل البيت تحلفلي عجوزتي و تمنعني من اني نحط يدي في اي شيء و كأني مازلت مجرد ضيفة
و لما كلمت زوجي في هاذ الامر اني احساسي باني ضيفة يضايقني و اني حابة اخدم اهل هذا البيت حتى اكون استحق العيش بينهم
كلمها
و ماذا فعلت.. طلبت من ابنها الاكبر انه يرجع يعيش في بيتهم خصوصا لما زوجته راحت لفرنسا من اجل اتمام اجراءات لبعض الاوراق
تخيلوا سمح في ولده عنده شهادة التعليم المتوسط و بنته راهي هي ايضا في المتوسط
سمح فيهم عند جداتهم ام امهم و رجع يعيش في بيت امه لان شيخي مش ابوه، شيخي هو زوج عجوزتي الثاني
و هي ايضا زوجته الثانية دخلت ضرة على الاولى.. و الضرة ماتت منذ 5 سنوات
اذا بما ان حماي الكبير رجع يبات في بيت اهله و يبقى طول النهار
زوجي ما يقدرش يخليني نبقى ندور قدامه و نزيد نبات معاه في طابق واحد لما يكون بايت خدام
اذا رجعت اغلب ايام الاسبوع نبات في بيت اهلي
حتى ذهابي عندهم عند المغرب لتجهيز العشاء.. نشري العشا و ناخذوا و لما نحطوا في المطبخ
نقولها انحي ملايتي دقيقة و نجي نجهزه
نرجع نلقاها جهزته و قسماته بين اولادها
لما يشوف هكذا راجلي يقولي البسي ملايتك تروحي تباتي في بيت اهلك اليوم و تتعشي لعندهم
و منذ ذلك الحين راني قرابة 4 اشهر على هذا الحال
حتى احد اخوته المغتربين (اخوه الاكبر) سلفنا بيته مقابل اعمال لازم يقوم بيها زوجي لحساب اخوه (كل شيء بثمن)
في البداية عارضت.. لاني ابحث عن حل جذري و ليس فقط حلول مؤقتة..
في الحقيقة انتظرت ان تحس ام زوجي انها تظلمني بابعادي عن بيتها و زوجي
لكن للاسف لا يحدث
والله مرات اذا ما احتاجيتهش يجي يشريلي اي شيء لا اراه بالاربع ايام و اكثر
و هو ساكن عند زاوية بيتنا

قلت حتى المنزل اللي نقلت اليه اغراضي لم اسكنه بعد
لان زوجي شاغلينه اهله ليل نهار بمشاكلهم و اداء اعمالهم
يخرجوه مالبيت من صبحة ربي الى بعد العصر.. يقولي راني عارف اني ظالمك معي لكن واش ندير والديا هاذوا لازمني نوقف معاهم
و انا نسكت
لو تعلمون ان حل المنزل الجديد جاء بعدما رحنا عند دكتور لاعالج و احمل.. لما سألنا عن ظروف حياتنا زعف على زوجي
و قاله لما تعالج ظروف حياتك و تعيش مع زوجتك تحت سقف واحد
عاد ارواح حوس تعالج للحمل.. الحمد لله
حتى انا اعتدت هذا الوضع.. و كأن مودة الزواج للسنوات التي تلت ال 2010 هو مثلما يحدث معي
الكثير من جاراتي و صديقاتي لما التقيتهم بعد الزواج ولاحظوا انشغالي
حكاولي حكايتهم و كانت بنفس مراحل حكايتي
الحمد لله على كل حال
حتى تنظيفات رمضان.. لما سألت زوجي عنها اذا امه تحتاجني نروح نساعدها
يقولي راهي دايما تقوله انها لا تحتاج اي مساعدة
لما تحتاج تجيب حفيدتها تساعدها و تخلصها
و رغم ذلك راني نروح نزورها و نشريلها هدايا ارضاءا لزوجي و نبعثهالها و نطيب و نبعثلها لانه رغم كل ذلك تحب اكلي بشراهة
المهم انا صفيت رقبتي اتجاه زوجي هذا ما يهمني


(سبب ابعاد ام زوجي لي عن بيتها و عن مطبخها خصوصا
اني نلت اعجاب الجميع من الكبير الى الصغير خصوصا شيخي
في كل ما قمت به من اعمال منزلية و تنظيفات و خصوصا خصوصا الطبخ
لانه باعتراف الجميع قالوا لي امامها انها لا تحسن الطبخ اطلاقا و كانت فيما سبق ضرتها ربي يرحمها هي اللي تطبخ
هذا على ما اظن ما جعلها تحط عليا علامة x في بيتها وحياتها)

هاذي حكايتي مع الزواج و عجوزتي
تعلمت خلال هاذ الابتلاء اني نصبر.. نكون اقوى كل يوم لانهم هوما الله يبارك دايما يقواوا
اني اتمسك برأيي اذا ما احسست ان رأيهم يظلمني او يظلم زوجي
ان اطالب بحقوقي و اناقشها مع زوجي ولا اتغاضى عنها مهما حصل لكل بكل اخلاق عالية و نبرة صوت متزنة
و ان اضع دائما النقط على الحروف لاني ان تناسيتها ظنوا انها لا تهم بينما هي سبب من اسباب سعادتي

[سرور2]

هههههههههههههههههه بصحتك الكدوات

ابعثلي القرنوننقي معاك وندي حقي هههههههههههه

القرنون سمعت الاخوات قالو كتنقيه حطيه بالليمون وكونجليه منفردومنبعد في سشيات ولا بورت مونجي

[حبيييبة]

حبيبتي omelbanin للاسف اليوم حطيت مشاكل فقط
ربما المرة الجاية نحط نصائح و حلول باذن الله

[امّ اياد]

فرشات بصحتك الكادوات ري يعاونك جبيلنا نعاونوك

[سرور2]

.................................................. ............

[ام صفصف]

المشاركة الأصلية كتبت بواسطة loudjaine

اخت اسيا انا نقلك ديري الخير و خلي على ربي (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34). انا نمشي بهذا المبدا العجوز تحب الحنانة بانواعها تخب اللبسة تحب الصوارد تحب الماكلة تحب الخدمة انتي بمقدورك خطرة déodorant خطرة عشاء خطرة كسرة سخونة خطرة 500 da قال اشري بيها شامبوا و كي اكسبي الشايب يوقف معاك قال ابعثي شوي عشاء قال هذا لعمي سقسي على صحتو اشريلو porte feuille اشريلو بشماق للوضوء ولا قندورة قولو تصلي بيها الجمعة ...
السلافات نقلك انا واش يحبو يكونو هما توب الا لبست حاجة حديدة قلها واو زادت فيك النص الا مرضت عندك تقلها ماكان والو قلها ياااا راكي في حالة يحبو اللسان الحلو
و نقلك كثرمن هذا كلو واحد يدعي ربي يهدينا و يهديهم

ماشاء الله والله يجازك علئ النصيحة اختي و واش قلتي عين الصواب لان اذا تصرفنا بهاذ الطريقة عن قناعة انو لوجه الله ااقل شئ نحسو برضا النفس و رقي الاخلاق مع روحك لكن مع مشاكل الحياة وضغوطات تربية الاطفال نلقاو انو الصبر بدا ينفذ لهذا تلقاي الراة محتاجة لرفقة طيبة اللي تنحي عليها
وتنصحها نصيحة خير ماشي تقولها كلام الي يزيد اازم الوضع وحنا نعرف بلي المراة هي الاكثر تضرر في هاذ الحالات صحيا ونفسيا ثم ياثر على الاطفال واستقرار الاسرة ككل.

[فراشات العمر]

يا عمري على توؤم روحي حبوبة الزينة يزعفوها
الحمد لله راجلك معاك حبيت نوصيك على حاجة راجلك اذا قلك كلمة على بيت اهلو مثلا ماتدوريش قدام خوه بلباس المنزل راه علابالو واش كاين جامي تعارضيه اما كي تشوفيه بدا يدخل في العقوق ماتسمحيلوش
ما فهمتش القرنون يعد ما نقيه نكونجليه نيئ

[فراشات العمر]

بالنسبة ليك يا اسيا عجوزتك ماتحبش الماكل ولبوسي مديلها ورقة هههههههه فهمتيني وحد الوقت كانو يقولو يخدعوك في اللبسة ولا ماكلة ماتلوميهاش تربات على هذا الوسواس وبلاك عاشتو مالا نصيحتي لكل وحدة خدامة باه تمد حوايج ماشي حاجة بصح تمد ورقة عندها الشان اصلا هما يشوفوك وراقي ههه
هي قصة وحدة استاذة نتاعي تاع الاجتماعيات ماتزوجتش بكري وكي كتبلها ربي تتزوج عطالها عجوز وبناتها واش تدير لفحلة كل اباي تحكم بالوحدة هكي كشما تستحقي ولا تسخفي تصدقوني والله غير يتلقاوها عند الباب ويفرحو بيها والشغل ما يخلوهاش تخدم يقولولها عيانا ونهار العطلة يقولولها ديرلنا الماكلة نتاعك سخفنا عليها بالضحك واللعب وما حملتش دارت الالقاح في تونس هزينها في الهوى وحالقين في بنهم لا كشما يخمم منا ةلا منا

[حبيييبة]

حقا نسيت نقولكم
خالتي راهي داخلة في دور العروس بجداااااارة
والله لما تعيطلنا و تحكيلنا تشبعنا ضحك ههههه
ربي يعطيها على حساب قلبها و نيتها و يفرحها اكثر و اكثر
المهم اليوم خبرتنا انها راجعة تضيف في بيت جدي غدوة ان شاء الله و "باااااااااايتة"
و طلبت منا نروحوا نباتوا معاها و نفوتوا معاها الليلة
قاتلنا توحشتكم
ههههههههههه
يا ودي كانت تشوفنا خطرة فال3 شهور
دوك اقل من سمانة قاتلنا توحشتكم هههههه
الله يحفظها و يهنيها

[حبيييبة]

حبيبتي فراشات
يقولك ناس بكري
"ادهن السير يسير"

اما بالنسبة لنصيحتك ليا حبيبتي
انا في بيت اهل زوجي نلبس ملابس محتشمة و متحجبة
يعني ما عندهم ما يشوفوا
والله الملابس الاخرى خليتها لغرفة النوم
ووالله مازالها جديدة مازالني ما فرحت بيها و ما لبستها كيما الناس
اخذيتها كلها للبيت الجديد
لكن كتبلي ربي انها تبقى في الخزانة
حتى زوجي مرات يبقى يضحك و يقولي تقول راني مزالني مع جارتي خطيبتي
و مرات يقولي تقول راني مع صاحبي يمزح زعما.. لكن اعلم انه في داخله يتألم لحالنا
ربي لا ياتي الا بالخير
والله عارفة ان دوام الحال من المحال.. والله يمهل ولا يهمل
خصوصا اذا احتسبنا و صبرنا (وواش صبرت انا ما صبروا امهاتنا)
و الظاهر الكاذب المخادع الذي يخدع الناس بالضعف و قلة الحيلة
سيأتي يوم و ينفضح
ليس من اجل ما حدث معي
لا بل من اجل اخوة زوجي من ابيه الذين ابعدوا من بيت ابيهم (بعد وفاة امهم) بالحيلة ايضا و بالتظاهر بالضعف
اصحاب البيت مطرودين.. فكيف الحال بي انا الغريبة!!

[فراشات العمر]

حبوبة بيعهملي ملابسك خيرمن تلبسهم لخزانة ههههههههه
سلمي على خالتك بزاف وقوليلها رانا ندعيولك على قد نيتك ربي يهديكم لكل ما يحبه ويرضاه

[حبيييبة]

هههههههه والله راهم ليك حبيبتي فراشات
من قلبي ليك والله ما خسارة فيك
ربي يخليك ليا ياا رب

حبيبتي أم آدم بصحتك الوظيفة الجديدة
عييت نحوس على مشاركتك و مالقيتهاش
فهمت الامر من خلال مشاركات البنات
تستاهلي حبيبتي ربي يزيدك من نعيمه
و يجعلها فاتحة خير عليك و على كل اسرتك حبيبتي

حبيباتي هناك الكثير من المشاركات لا تظهر لي
ابحث عنها ولا اجدها اراها فقط في الاقتباسات
لم افهم لماذا!!