دورة خطواتي الواثقة لأصبح ربّة بيت متألّقة - الصفحة 52

~اسيل ريحانتي~ · 2016-10-23, 12:35

سلام عليكم فراشات كيف الاحوال
ام تينة بارك الله فيك وربي يجازيك اختي
ليوم ماعملت ولا شيء منغير اعداد الغذاء خرجت رحت لابوست على جال اوراق تاع صحاب السيزيام دفعت موندا لقيت الغاشي درت معاهم لاشان
عت رجعت للدار وعاودت خرجت مع العشرة رحت شريت سارفيس قهوة وحليب تاع دار لا حبيتو نصورهم هههههه شحال نحب نصور مخلوعة ههههههه
وبعدها رجعت للدار وجدت الغذا بصح كلش راه نظيف لانو دايما في الليل قبل مانرقد نرتب البيوت ونغسل الماعن ونلمع الحوض ونغسل الدوش والحمام وزدت دوشت للاطفال لي يقراو والحمد لله صباح دايما يكون كل حاجة في مكانها
خوخة يسلمك حنونة ومانسيتكش راكي في بالي ممبعد نعطيك وصفة مليحة للشعر بصح ماقلتيليش شعرك جاف ولا مزيت ولا عادي

جهينة اليقين · 2016-10-23, 12:41

بصحتك اسيل بالطبع وريهو لنا انا مخلوعة اكثر منك هههههههههه

~اسيل ريحانتي~ · 2016-10-23, 12:51

اقتباس:

المشاركة الأصلية كتبت بواسطة جهينة اليقين

بصحتك اسيل بالطبع وريهو لنا انا مخلوعة اكثر منك هههههههههه

ههههه ضحكتيني جهينة تسمى رانا كيفكيف هههه
اصبري نروح نصورهملك ونجي :d

خوخة02 · 2016-10-23, 12:55

اسيل رانا نستناو فالصور وصحتك مسبقا
شعري جاف وزاد تقصف من ليماش حلفت الى نزيد نعاودهم نحيتهم ريحت

~اسيل ريحانتي~ · 2016-10-23, 13:00

جهينة تفضلي

خوخة02 · 2016-10-23, 13:12

هااااااااااااايل شحال شريتيه اسيل

omelbanin · 2016-10-23, 13:14

اوووو، أسيل بصحتك السارفيس.
انا اليوم، غسلت الغلافات تاع لمخايد والدراوات ولي ستور وسرجت جهتين من الخزانة وخرجت الملابس لي كانت مخبية للشمس.
من غير الروتين الصباحي.

أم فاطيمة · 2016-10-23, 13:28

السلام عليكم فراشات واش راكمدام تينة ربي يجازيك على التذكير رانا نجرو غير وا شقا الدنياد
ام اسيل بصحتك المشتريات تستعمليهمةبالصحة
انا لويكاند فوتها في دارنا درت ليماش لشعري ووجدنا صوالح العرس

رجعت البارح لعشية خملت غير لفوقاني مزال مكملتش الكوزينة راح ناجل كلش لبعد العطلة
كما قلتلكم لعرس هذ الاسبوعو لازم نحضر قشي و قش لبنات راكم تعرفوهم يحبو يتصدرو
و اليوم غسلت و مشطت و درت ترطيب وجدت لفطور فطر انا و زوج و نوضت لولاد
غسلو و لبسو بعد ما حضرت لبارح قشهمو دوشو خرجو درت الماشينة دور
خوخة انا نغسل مرة و لا مرتين في ىلاسبوع الاحد اكيد و الاربعاء مرات
خملت لبيوت ناضت بنتي صغير حصلت معاها غيرانا نوض وهي تبكي
غير غمضت وجدت لفطور جاو لولاد فطرناو غسلت لماعين وقلت نطل عليكم
انا غرفة النوم راهي نقية نكمل نفرز لخزانة في جيهتي و نغير لزور و مخايد
ماريا ملك انا بنتي عندها 10 سنين كل ما تزيد تكبر كل ما يزبد عندها الفوليوم نتاع
الهدرة هههه وختها لكبيرة من صغرها رزينة و كامها قليل و موزون تخيري
كي تلقى الكالم تبدى تزغرد تقولك ما نحبش الكالم هههههه ربي يجيب لخير كي تزيد تكبر

~اسيل ريحانتي~ · 2016-10-23, 13:32

يسلمك اختي خوخة وام البنين
خوخة سارفيس خلصتو بميتين وعشرين
ام البنين برافو عليك غيرتيني غيرتيني غيرتيني انا راح نعاندك بصح حتى لغدوا لاربي كتب
يعطيك الصحة ام البنين

~اسيل ريحانتي~ · 2016-10-23, 13:45

بصحتك ام فاطيمة ليماش والتوجاد ربي يسهل ومبارك عليكم

حبيت نقول اكثر حاجة تضر الشعر وتقصفو هو ليماش تعرفو انا تالمو نموت على ليماش في عام درتهم بلاك اربع ولا خمس مرات المرة الاولى يخرجولي رووووعة لي يشوفني يسقسيني على الكولاغ تاع شعري ممبعد يبقا شعري يطيح والمشكل كل ما نمشط شعري يطيحولي غير ليماش ههههه علاه على خاطر عندي شعري رطب بزاااااااف وخفيف وكانت لاكوافيز تنصحني دايما تقولي خطيك مليماش راهم يفسدو الشعر خاصة لي شعرها رقيق ورطب بزاف كيما شعري وراني حالفا مانزيد ندير ليماش نصبغ عادي شاتان مايل للاشقر وخلاص

arwa alaa · 2016-10-23, 13:50

السلام عليكم
روتين الصباح تم
تجملي مدرتوش الصباح حتال كملت الشغل بصح قبل مايجي المعلم سقمت روحي
انا اليوم غسلت بيت القعاد لانو التوام خربشوها كامل في الويكاند بالماركور وبدلت الزربية وغلافات المطارح ونحيت الريدو
الغلافات غسلتهم والزربية والريدو مزال
درت غداء بركوكس
لبنات الي عندهم ولاد صغار كيفاش راكم دايرين مع التخربيش

حياتي كلها امل · 2016-10-23, 14:05

السلام عليكم انا اليوم كملت المطبخ وعملت وروتينات اليومية
الجانب الجمالي تم
غدا ان شاء الله نبدا الشمبرة
ام اسيل بصحتك الساغفيس تتهناي بيه
ام فاطمة مبروك عليكم العرس وربي يتمملكم بخير
خوخة انا الحوايج تقريبا نغسل كل يوم او نهار بنهار اولادي صغار وعندي بنت الصغيرة راني انعلم فيها المرحاض حشاكم راهي مهبلتني والطريق الي قدامنا محفرا يعي يخرجو من يجو معمرين طين وتراب نولي كل دقيقة نبدللهم

جهينة اليقين · 2016-10-23, 14:19

بصحتك اسيل وعلاه ما تشريش الترموات كيم الفناجين راهم كاينين كيفهم المهم كل واحد وذوقو ام هارون ما شاء الله عليك نعرفك شاطرة انا اليوم بقات لي منطقة ساخنة بردتها وهي الفراش زدت كملت خملتا فالبلاكارات وتهنيت والشومبرة بدلت الريدوات بمساعدة الزوج والكوفرولي راني مبدلاتو والغد ان شاء الله نزيد نكمل المهم خلوا لنا اسبوع كامل باش قاع نلحقوا مع بعض وما نتعبوش بزاف

ام مريم الجزائرية · 2016-10-23, 14:23

السلام عليكم
كيفكم؟؟
ام تغاريد مرحبا بك وربي يعينك على التربية والاشراف
الجمعة والسبت خرجنا لعرس
واليوم صبحت مديقوتيا غسلت الماعين ونظفت ككل يوم
باقي لي الكويزينيار ونكمل المطبخ بالنسبة للحيوط مانغسلهمش لانهم مازالو سيما بدون فايونص او صبغة
واختي سيقت وخملت ورانا قاعدين الان

omelbanin · 2016-10-23, 14:58

السلام عليكم، كي جبدتو هدرة على ليماش، انا درتهم في الصيف شعري خسرلي، ضرك كون نسبغ شعري يروحلو هذاك لحريق تاع الشعر، ولا حتان يهبطو ليماش باش يتسقم.