دورة فراشات تزهو بالألوان بيوتهن قمة في النظافة و التنظيم و التدبير و الاتقان

[ام طيري الجنة]

واش نقولك اختي الكريمة حبيبة ربي يجازيك و يعطيك ما تتمناي على الكلام الزين نتاعك اللي يرفع المعنويات و على دورتك التي ترفع الهمم و تصل بالمرأة الى الرقي و الايجابية
انا نزيد نستغل الطيبة نتاعك و كرم الاخلاق بصح بلا ما نتعبك و الله اذا ما قدرتيش و راني عارفة عندك انشغالات بزاف و الوقت ما يكفيش اذن اذا ماقدرتيش راني عاذراتك بالقلب الخالص
طلبي هو راكي عارفة وحدة عاملة ماشي كيما وحدة ماكثة بالبيت لذا ارجوك اذا اذا تقدري اعطيني برنامج لاسبوع واحد خاص بالمرأة العاملة ((نخرج صباحا على 7سا 40دو نكمل على 11سا و 30د ونخرج في المساء من البيت على 12سا 40د ثم ننكمل على 15سا 30د و نوصل حوالي 15سا 50)))باش نفهم اكثر و نحاول نعدل فيه بما يناسبني ثم نطبقه و ان شاء الله يكون الخير على يديك يا االفراشة لزينة و اللبيبة

[ام هاديل وياسين]

مساء الخير عليكم اخواتي الله يعينك ويسعد ايامكم كي راكي اختي حبيبة يعطيك الصحة
راكي زرعتي فينا وحد النشاط ماشاء الله كلشي راه على ما يرام الكوزينة ولات محال تصبح بماعنها الحوض نقي

وكما قلتلك تقريبا ضيت على الاماكن الساخنة في هادي الشتاء كنت نعجز بزاف نخدم بصح الخدمة القاوية نقول
خليها حتى يدخل الربيع ربي يخليك لينا .

[ام هاديل وياسين]

جبتلكم ظفيرة تاع بنات شكون حابة تتعلم

[om wassim]

مساء الخير حبوبات

[ام طيري الجنة]

يا فراشات شكون اللي تفهمني واش معنتها 15د لتبريد الاماكن الساخنة

[عازفة الناي]

المشاركة الأصلية كتبت بواسطة فراشات العمر

السلام عليكم
كيفكم حبايب قلبي
انا زعلانة اليوم ما اقدر اقوم ببرنامجي المخطط طرات تغيرات كثيرة من بينها 4دجاجات اريشهم وانظفهم وووووووووووو
احاول اغسل ارضيات البيت فلربما ابعث ابني لبي عمه
انا زعلانة لان زوجي غضب مني وانا مو عارفة اعمل الي طلبه
تبييض لباس الجيدو هو يشبه لباس الكارتي الابيض والله البارح غسلته بالغسالة عادي لكن بقع في كل مكان م فيكم تقدرتساعدني ارجوكم كلام جارح على الصبح

ساعدوني ساعدوني ساعدوني ساعدوي ساعدوني ساعدوني

لحتى تساعدون اتوقف عن هذه الكلمة

الله يعينك على هذه الاشغال
اذا كان لباس الجيدو لونه ابيض ننصحك تصبي عليه عصير ليمون و تغسليه وان شاء الله يرجع ابيض نااااااااصع

[عازفة الناي]

الله يبارك دورة رائعة جدا و فيها افكار هايلة اكيد راح نطبق الكثير منها
انا في دارنا تقريبا اللي هازة الدار هههههههههههههه
خواتاتي مع العمل و القراية و دايما عندنا ضياف و كي يجيو خواتاتي ياربي ياكلو و يرقدو ههههههههههههههه
ودارنا كبيرة و كي نحب ندير ميناج ندير كل يوم مكان نحكمو يوم كامل مثلا
الحمام يوم كامل نغيل الحيوط و نفرو الباكارات وووووووووووووووو
غرف النوم كل يوم نخصصه لغرفة
و الصالون كذلك المطبخ
يعني الاسبوع كله ميناج هههههههههههههههه
نحس اني نتعب
ربي يقدرنا على النظافة

[ام هاديل وياسين]

المشاركة الأصلية كتبت بواسطة ام طيري الجنة

يا فراشات شكون اللي تفهمني واش معنتها 15د لتبريد الاماكن الساخنة

اهلا ام طيري الجنة نورتينا ادخلي لهاد الرابط وانتي تلقاي جواب لسؤالك الاخت حبيبة

سهلت لينا كل شيء ربي يخليها

https://www.djelfa.info/vb/showthread...764625&page=15

[أم فاطيمة]

السلام عليكم فراشات توحشتكم و كنتو غير في بالي
فراشات العمر شمخيه في ماء و جافيل اذا كان لونه ابيض
حبوبة شكرا على اهتمامك و ردك ربي يجازيك كل خير

[titi119]

مساء الخير لأجمل الفراشات

اسعدني كثيرا ردك اختي حبيبة اجوند لنستعملها تع قوقل اكتبي في google اسمها google agenda وراكي تلقايها وإذا كان عندك هاتف ذكي احسن قومي بتحميل تطبيق فيه وكيلحق موعد كاش حاجة برمجتيها يصونيلك راني جبتلك صور من النت باش تشوفي كيفاش عاملة





درت تنظيف العميق لغرفة النوم تع ماما وليوم راني مع التنظيف اليومي ماما راهي في المستشفى بالي راهو كامل عندها

[بعيدة المنال]

أختي فراشات العمر نسيت نقولك إذا بقاتلك كاشي طاشة بعد هذا الطياب الكل افركيها بالصابون المعطر ماشي صابون الحجرة لالا المعطر أنا دائما نشري النوع الرخيس لغسل طاشات أولادي لأنهم ما ينظافوش في الماشينة نفرك ونخليها تشمخ شوية وإذا ما فادش وبقات كاشي طاشة الحل الأخيييييير ( معجون الأسنان ) ادهني الطاشة بيه وخليها مدة حتى تيبس ثم شلي - وإذا مانفعتش دوري على الزوج الكريم قوليلو علاش تخمج في قشك؟؟؟؟ أيا حير فيهم وانت تتخنزري حتى يولي يقولك خلي برك وش عنو اذا بقاو فيه طاشات صغيرين برك ؟؟؟؟

[بعيدة المنال]

يا حبيبتي تيتي ربي يهني قليبك على اميمتك ويرجعها ليك سالمة ياحنان يا منان

[ام طيري الجنة]

المشاركة الأصلية كتبت بواسطة om hadil

اهلا ام طيري الجنة نورتينا ادخلي لهاد الرابط وانتي تلقاي جواب لسؤالك الاخت حبيبة

سهلت لينا كل شيء ربي يخليها

https://www.djelfa.info/vb/showthread...764625&page=15

بارك الله فيك ي ا احلى و ارق فراشة

[ارزاق]

مساء الخيرات علي الفراشات مشكلتي اني نخدم الحاجة بالقلقة وساعات من كثرة القلق يوجعني راسي يعني مثلا نكون نغسل في الماعن ونخمم في الغدا ونخمم في الحاة المخلطة ونخمم في الحوايج لي مزالو كاين لي كيفي و الا راني وحدي

[om ahmed]

اختي عازفة الناي هناك un produit يسمى MIR WHITE يستعمل لذلك او VANISH ايضا