استفسار حول استدعاء المعفين 2008/2009 - الصفحة 51

h4ni · 2012-01-07, 19:45

اقتباس:

المشاركة الأصلية كتبت بواسطة bramas185

سؤاااااااااااااااااااااااااااااال
بالنسبة للجماعة اللي استفادو من هذا القانون تاع خريجي 2009/2008 ، و داو البطاقة ،، سؤالي هو: من أين أخذوا البطاقة ؟؟
هل من الناحية العسكرية الجهوية التي ينتمون اليها أم من المركز العسكري للولاية التي يقطنون بها ؟؟؟
مثلا أنا أقطن بولاية معسكر ، ومسجل لدى مركز الخدمة العسكرية للناحية العسكرية بسعيدة ... فهل غدا أذهب الى سعيدة او فقط هنا عندنا في معسكر ؟؟؟

المكتب تاع معسكر شحال عندهم ملي فتحوه؟
وين دفعت ملف 2008/2009؟

bramas185 · 2012-01-07, 19:53

سؤاااااااااااااااااااااااااااااال
بالنسبة للجماعة اللي استفادو من هذا القانون تاع خريجي 2009/2008 ، و داو البطاقة ،، سؤالي هو: من أين أخذوا البطاقة ؟؟
هل من الناحية العسكرية الجهوية التي ينتمون اليها أم من المركز العسكري للولاية التي يقطنون بها ؟؟؟
مثلا أنا أقطن بولاية معسكر ، ومسجل لدى مركز الخدمة العسكرية للناحية العسكرية بسعيدة ... فهل غدا أذهب الى سعيدة او فقط هنا عندنا في معسكر ؟؟؟

bramas185 · 2012-01-07, 19:59

اقتباس:

المشاركة الأصلية كتبت بواسطة h4ni

المكتب تاع معسكر شحال عندهم ملي فتحوه؟
وين دفعت ملف 2008/2009؟

نورمالمو فتحوه في اواخر نوفمبر 2011
وأنا دفعت في سعيدة في جويلية 2011، ورحت 13 نوفمبر 2011 لسعيدة وزادو مددولي الفترة الى غاية 08 جانفي 2012 ،، ومانيش عارف اذا غدوا نروح لسعيدة ولا غير هنا في معسكر ؟؟؟
بارك الله فيك أخي هاني على المساعدة والاهتمام

h4ni · 2012-01-07, 20:08

اقتباس:

المشاركة الأصلية كتبت بواسطة bramas185

نورمالمو فتحوه في اواخر نوفمبر 2011
وأنا دفعت في سعيدة في جويلية 2011، ورحت 13 نوفمبر 2011 لسعيدة وزادو مددولي الفترة الى غاية 08 جانفي 2012 ،، ومانيش عارف اذا غدوا نروح لسعيدة ولا غير هنا في معسكر ؟؟؟
بارك الله فيك أخي هاني على المساعدة والاهتمام

نضن لازم تروح لمعسكر, لأنو نفس الشيء حدث مع ناس باتنة و قالولهم ما تزيدوش تجو لقسنطينة روحو للمكتب تاع باتنة

bramas185 · 2012-01-07, 20:15

اقتباس:

المشاركة الأصلية كتبت بواسطة h4ni

نضن لازم تروح لمعسكر, لأنو نفس الشيء حدث مع ناس باتنة و قالولهم ما تزيدوش تجو لقسنطينة روحو للمكتب تاع باتنة

أخي هاني بارك الله فيك وربي يوفقك اللي فيها خير انشاء الله ،،
المهم غدوا انشاء الله نروح غير هنا ، وكاش حاجه نروح لسعيدة مهيش بعيدة ...
لا تنسونا بدعائكم الله يجازيكم.

khiro08 · 2012-01-07, 20:51

اقتباس:

المشاركة الأصلية كتبت بواسطة BLIBILOU

السلام عليكم، لي صديق كان له استدعاء بتاريخ 24 أكتوبر 2011 و كانو في كل مرة يقولون له ارجع بعد شهر و كتبو له في الاستدعاء القديم p:1400، ذهب يوم الخميس 5 جانفي فأعطوه استدعاء إلى غاية أوت 2012 مع العلم أنه ينتمي للناحية العسكرية الخامسة و له اوردابيل واحدة و أنا في نفس وضعيتة لكن كتبو لي الرمز p:1302 و مازلت لم أذهب إليهم في هذا الشهر، ما رأيكم هل أذهب إليهم أم أن وضعيته تختلف عن وضعيتي لأن الرموز غير متشابهة؟ أرجو من إخوتي أن يفيدونا خاصة الذين ينتمون للناحية العسكرية الخامسة و الذين تحصلو على البطاقة الصفراء و جزاكم الله خيرا.

صاحبك ممكن غلطولوا في كاش حاجبرك ولا نساو مابعثولوش الدوسي نتاعوا للعاصمة اصلا كيما صرى للأخ موح كي راح ليهم لقاهم مدايرينوا متخرج في 2010 لكن هو متخرج في 2009 وهكذا زادوا بعثولوا الدوسي من جديد وعطاولوا سوري حتى جويلية

المهم لكان مجاكش استدعاء مكتوب فيه هذا الرمز oaor ولا ملصق فيه ورقة بيضاء تديها نورمال خويا لا داعي للقلق

khiro08 · 2012-01-07, 21:00

يا جماعة المشكل باين ومنزيدوش نعاودوا

المشكل في الجماعة لي عنهم استدعاء +امر التحاق يعني استدعاء به ورقة بيضاء ملصقة به او مكتوب به الرمز oaor هذوا عندهم احتمال ضعيف يديوها

أما لعندهم استعاءات نورمال اي فيهم الرمز التالي oa فهذه الإستدعاءات يديوها نورمال ولو خرجلوا 100 استدعاء من هذا النوع

وكذلك الذين لم يستدعوا او لم يبعثوا لهم شيئ يديوها نورمال مكان لاه يقلقوا ويقلقوا الجماعة معاهم الصبر والإنتضار فقط

اما بالنسبة للجماعة لي قولك بلي جاونا استدعاءات وحكمنهمش نقولهم بلي لازم يتأكدوا السع بلي محسبوهمش لخطراه جماعة الدرك راهم ما يخدموش في خدمتهم كي متجيش تدي الإستعدعاء يمزقوه ويكتبو بلي راهوا استالموا ومن ثم يبقى صاحب الإستدعاء في حل واربط مع جماعة العسكر

bramas185 · 2012-01-07, 21:13

الى الأخ خيرو....
السلام عليكم أخي ... هل استلمت البطاقة من ولايتك ام من الناحية العسكرية الجهوية التابع لها ؟؟
يعني هل استلمتها من ولاية باتنة ام من ولاية قسنطينة على ما أظن ؟؟؟

lorenzo di nizar · 2012-01-07, 22:00

سلام خويا خيرو من فضللك هل يمكن أن يكون خرجلي أمر إلتحاق بدون أن اعلم في الفترة الممتدة بين م15مارس2011 و5سبتمبر2011 علما أنه كي روحت(كنت مسافر( يوم5سبتمبر2011 باش نحط دوسي اعفاء2008ء2009قبلوه واعطوني استدعاء لغاية5فيفري2012 بالأحرى هل قبول ملفي دلالة على عدم خروج

khiro08 · 2012-01-07, 22:03

اقتباس:

المشاركة الأصلية كتبت بواسطة bramas185

الى الأخ خيرو....
السلام عليكم أخي ... هل استلمت البطاقة من ولايتك ام من الناحية العسكرية الجهوية التابع لها ؟؟
يعني هل استلمتها من ولاية باتنة ام من ولاية قسنطينة على ما أظن ؟؟؟

استلمتها من باتنة اخي بالتوفيق

khiro08 · 2012-01-07, 22:08

اقتباس:

المشاركة الأصلية كتبت بواسطة lorenzo di nizar

سلام خويا خيرو من فضللك هل يمكن أن يكون خرجلي أمر إلتحاق بدون أن اعلم في الفترة الممتدة بين م15مارس2011 و5سبتمبر2011 علما أنه كي روحت(كنت مسافر( يوم5سبتمبر2011 باش نحط دوسي اعفاء2008ء2009قبلوه واعطوني استدعاء لغاية5فيفري2012 بالأحرى هل قبول ملفي دلالة على عدم خروج

لست ادري يا أخي

لوكان دفعت الملف نتاعك في اوت مثلا 100/100 معندكش اوردابل لكن في 5 سبتمبر انت وزهرك قادر يكن خرجولك وقادر يكون مخرجلكش

قبول الملف ليس دليل على عدم خروج لوردابال فمثلا الأخ هاني خرجلوا اوردابال في ماس وكان الأخير له لكنهم قبلوا الملف

قبول الملف دليل على انك لست عاصي في تلك الفترة فقط وليس دليل على اي شيئ

bramas185 · 2012-01-07, 22:13

اقتباس:

المشاركة الأصلية كتبت بواسطة khiro08

استلمتها من باتنة اخي بالتوفيق

بارك الله فيك أخي
نتمنى لاخواني جميعا التوفيق

khiro08 · 2012-01-07, 22:16

اقتباس:

المشاركة الأصلية كتبت بواسطة bramas185

بارك الله فيك أخي
نتمنى لاخواني جميعا التوفيق

و فيك بركة

ان شاء الله

أخوكم الصادق · 2012-01-07, 23:29

اقتباس:

المشاركة الأصلية كتبت بواسطة khiro08

صاحبك ممكن غلطولوا في كاش حاجبرك ولا نساو مابعثولوش الدوسي نتاعوا للعاصمة اصلا كيما صرى للأخ موح كي راح ليهم لقاهم مدايرينوا متخرج في 2010 لكن هو متخرج في 2009 وهكذا زادوا بعثولوا الدوسي من جديد وعطاولوا سوري حتى جويلية

المهم لكان مجاكش استدعاء مكتوب فيه هذا الرمز oaor ولا ملصق فيه ورقة بيضاء تديها نورمال خويا لا داعي للقلق

شكرا أخي خيرو أعتقد أنك على حق، أما أنا فلم تخرج لي إلا أوردابيل واحدة في سبتمبر 2010 لكن من يدري قد تكون خرجتلي الثانية و لم تصلني، في كل الأحوال سأذهب إليهم هذا الأسبوع و ربي يجيبها في الصواب راني كرهت هذه الوضعية المبهمة، ربي يفرج على الجميع.

Nedjma_02 · 2012-01-08, 16:32

بالتوفيق للجميع