الجزء90 من واش طيبتي اليوم **مبارك علينا الشهر الفضيل** - الصفحة 51

om mita · 2014-07-04, 16:15

دادو اعطيني وصفة هذا الخبز امممممممم يهبل

lyzzabel · 2014-07-04, 16:16

السلام عليكن حبيباتي نتمنى تكونو قااااع لاباس و بصحتكم واش راكم تطيبو
ميمت الغاااالية الحبيبة ام رياض يا عمري ما علييييش ما يغيضكمش الحال على رياض ربي يوفقه المرة الجاية و يجيبه و تفرحي بيه اااااميييين
ميمتي الحنيييينة ام رحاب ربي يعوضها العام الجاي يارب و تفرحك بنجاحها ما تعففييييش راه كلشي مقدر و مكتوب
الف مبروك مرة اخرى للناجحين و ربي يدوم الأفراح على كل المسلمين ياااارب

اولادي يعطييييك الصحة حبيبتي كلشي راه يشهي بصحتكم يا الفحلة والله تعجبيبني مين ما تخلي حتى حاجة في خاطرك ربي يحفظك لزوجك و أولادك و يخليلك صحتك اميييين

فرياااال ماشاء الله على هاذوك السلطات رووووعة و الطاجين الحلو بالرغم من اني ما نبغيهش بصح رآه فيييييلم يعطيك الف صحة و عافية حبيبتي

القبطييييية بصحتكم يا الحبيبة و اذا تقدري قوليلي طريقتك فالحريرة نموت عليها بالاك تاعك متبدلة على تاعي نبدل شوية الأذواق

اقتباس:

المشاركة الأصلية كتبت بواسطة selma2013

مساء الخير اشكون تمدلي طريقتها فالبوراك بالفيونداشي تكون بنيييينة راجلي ما يعجبوش لعجب هبلني

نعطيك طريقتي فآل بوراك بصح ما تقولي لحتى واحد

كنت غادي نحطه موضوع و مين راكي عجلانة تفضلي طريقتي ليك و لسكرتي الحلوة و حبيبتي ساندي نتمنى يشوفو هاذ الرد
في طاجين ثقيل نرابي حبة بصل كبيرة و نقليها في شوييية زيت و نرابي عليها ثلاث سنات ثوم و نزيد نقلي و نضيف 500 غ لحم مرحي نضيف الملح الفلفل الأسود و رشة كموووووون هذا السر تاعي ممممم

و نطيب الحشو تاعي على نار قليلة مع التقليب حتى ينشف تماااااما و نبدأ نسمع طرطقة هههه نضيف معدنوس مقطع رقيق انا مرات ما نديرهش و نضيف فرماج مثلثات نوعية جيدة la vache qui rit ولا tartino و نخلط ملييييييح بالملعقة دايما على نار هادية باش الفرماج يذوب مليح و يختلط مع الحشو لازم يولي متجانس هكا مين ناكلوه ما يمرمدناش و يبقى متماسك هذا السر الثاني تاعي

و نحيه من فوق النار طبعا
و من جهة اخرى نكون درت ثلاث حبات بيض يفيضو يعني يغليو فالماء حتى النضج التام ،، نقيهم و نرابيهم فالجهة الخشينة تاع لاراب على الحشو و نخلط مليح بملعقة ،، سري الثاااالث

نحط أوراق الديول و نحشيهم و نستفهم في بلا تاع فرن بعد ما نكون دهنته بالمارغرين مشي الزيت نقطة مهمة باش ما يلصقلييييش البوراك ،، سري الراااابع ههههه كثرت عليكم الأسرار

مين نكملهم ندهن الوجه بشوية زيت باستعمال البانسو و ندخلهم للفرن ساخن على 200 درجة و مين نشوفهم تحمرو من تحت نطفي و نشعل مالفوق و نحمرهم و نعسهم باش ما ينحرقوش و لاكان عندك فرن لي يشعل من تحت و من فوق في نفس الوقت أحسن ،، وخلاص هاذي هي طريقتي نتمنى تعجبك و تجريبها و زوجك يدمن عليها

اقتباس:

المشاركة الأصلية كتبت بواسطة اميرة زندل

ماشاء الله تبارك الله عليكم فطرتوني وانا صايمة باطباقكم الشهية
لبنات من فضلكم حابة وصفة البناكوتا وتان وصفة بسكوي لسان القط لونق دوشا
ربي يجازيكم راني غير نبحث عليهم ومالقيتش نوروني ربي ينوركم

قصدك les pattes de chat ؟؟

اقتباس:

المشاركة الأصلية كتبت بواسطة fadoula fcb

لبنات اعطوني طريقه نحمر بيها دجاجه في كوشة راني نستني ذركه لبنات رايحه نوجدها

تفضلي طرقي حبيبتي
https://www.djelfa.info/vb/showthread.php?t=1553032
https://www.djelfa.info/vb/showthread.php?t=1569623

اقتباس:

المشاركة الأصلية كتبت بواسطة fatalim

سلام واش ركم ممكن حراير الغرب يعطوني وصفة نتاع حريرة المرمز حابة نجربها

طريقة ريتاج تيارتية انا عجبتني بزاف

https://www.djelfa.info/vb/showthread.php?t=1619546
و تقدري اي وصفة تاع حريرة ترمي فيها المرمز بدل الدشيشة

اليوم فطورنا بإذن الله حريييييرة و فيلي بقري مشوي و معقودة سوفلي و سلاطة بإذن الله
اذا ما دخلتش تفطرو بصحتكم حبيباتي و الى الملتقى ان شاء الله

لا اله الا الله وحده لا شريك له له الملك و له الحمد وهو على كل شيء قدير

lyzzabel · 2014-07-04, 16:33

فريال يعطيك الصحة حتى انا عرفت بلي تخدميهم هاكا شكرا يا الحبيبة
فات اليم بالشفا عليك حبيبتي راني جاوبتك
ام هدييييا يعطيك الصحة و احلى قبلة مني ليك
دادو يعطيك الصحة حبيبتي أكلك يشهي ربي يحفظك
ام ميتا انا ما نبغييييش البوزلوف كانت ماما الله يرحمها تديره كيما هاكا بصح ما كنتش مهتمة خخخخخ انشالله يفيدوك الأخوات
جييييل الف الف مبرووووك النجاح لاخوك و ربي يدوم عليكم الأفراح حبيبتي

استغفر الله العظيم الذي لا اله الا هو احي القيوم و أتوب اليه

ام محمد 05 · 2014-07-04, 16:52

حبيباتي مجوبتونيش ممكن طريقة طاجين الجلبانة مجربة

lyzzabel · 2014-07-04, 16:56

اقتباس:

المشاركة الأصلية كتبت بواسطة اامال

حبيباتي مجوبتونيش ممكن طريقة طاجين الجلبانة مجربة

نصلي العصر و نوليلك هههه

ام محمد 05 · 2014-07-04, 16:59

اقتباس:

المشاركة الأصلية كتبت بواسطة lyzzabel

نصلي العصر و نوليلك هههه

ربي يحفظك ربي يقبل حنى صلينا صاي

fadoula fcb · 2014-07-04, 17:07

فطوري الييايوم شربه بوراك بي تونة وبطاطا طريقة ام ابراهيم
ولي بولات بي شونبينيو ودجاجه في كوشه علي طريقه ليزايبل

بنت لبحر · 2014-07-04, 17:10

اهلا بالحراير.انا المنتدى هبلني

المهم مبروك لي اولادهم جابو الباك و لعقوبة لعام الجاي لي مجاوبوش الله غالب ربي مكتبوش العام هدا

انا اليوم درت سلاطة و حريرة و الكسرة مطلوع و درت حميص .و الغازات السامة ههههه .
اللهم ادمها تعمة و احفظها من الزوال
وماما ربي يخليهالي شابعة فرحة بيا ههههه رجعتلها مرة و نص ههه.

.صحى فطوركم و ربي يجعلها في ميزان حسناتكم

طالبة الجامعة · 2014-07-04, 17:12

السلام عليكم

fadoula fcb · 2014-07-04, 17:14

اقتباس:

المشاركة الأصلية كتبت بواسطة طالبة الجامعة

السلام عليكم

عليكم السلام اختي

lyzzabel · 2014-07-04, 17:16

اقتباس:

المشاركة الأصلية كتبت بواسطة اامال

حبيباتي مجوبتونيش ممكن طريقة طاجين الجلبانة مجربة

ربي يتقبل منا و منكم حبيبتي
شوفي الجلبانة كاين شحال من طريقة و نتيا ميزي
انا ندير حبة بصل متوسطة مرحية او رابي نقليها في شوية زيت مع مارغرين و اللحم تاع الخروف ولا الجاج ولا البقري قاع يجو ملاح و نقلي و نضيف زرودية مقطعة دوائر هاذي اختيارية و الملح و الفلفل الأسود و شويييية زعفران و عود قرفة و نقلي مع التقليب و نمرق ،، نخلي المرق حتى يغلي و نرمي الجلبان و نطيبه على نار متوسطة حتى يخثار المرق ،، هاذي الطريقة الكلاسيكية ههه
تقدري تضيفي م ص طماطم مصبرة مين تكوني تقلي
تقدري تضيفي سنات ثوم رابي تاني مين تكوني تقلي
تقدري تطيبي معاه القرناع او القرنون بصح ما تضيفيش الطماطم المصبرة
تقدري تطيبي اللحم وحده بطريقة المحمر و تفوري الجلبان حتى يطيب مليح و تصوتيه في مقلة مع شوية مارغرين وزيت و ملح و فلفل اسود و تقدميه مع اللحم المحمر ولا صوص تسقي بيها من فوق ممممم الطريقة المضلة عندي

تقدري تطيبيه كيما الاول و تحطيه بيه باللحم و لاصوص في بلا تاع فرن و تحطي عليه من فوق مورصوات ضغنا آذار تاع مارغرين و ذراري رشة فلفل اسود ك
و تقدري تزيدي عليه البيض فالطريقتين يعني فالفرن ولا فالكوكوطة و تبلي البيض بالملح و الفلفل و رشة كمون و تغطيه حتى يطيب على نار هاااادية حتى يطيب البيض طبعاااا

نتمنى تكوني فهمتي و بالتوفييييق حبيبتي

selma2013 · 2014-07-04, 17:19

مساء الخير ليزابال ربي يخليك حنونة ويعطيك ما تتمناي أكيد عندي ثقة في وصفاتك من وصفة الدجاج لمحمر لي عجب الناس لي ما يعجبهاش لعجب عدت مدمنة على وصفاتك . طول للكوزينة نوجدهم وكي نحطهم نعس حواجب راجلي كي تعجبو حاجة ما يقولش بنينة يعبر بحواجبو برك هبلني منين فقتلو بالعفسة عدت نعسو هههههههه

lyzzabel · 2014-07-04, 17:27

ههههه سلمى ربي يحفظك و يخليلك زوجك حبيبتي شكراااا على الثقة و صح فطوركم

ام محمد 05 · 2014-07-04, 17:32

اقتباس:

المشاركة الأصلية كتبت بواسطة lyzzabel

ربي يتقبل منا و منكم حبيبتي
شوفي الجلبانة كاين شحال من طريقة و نتيا ميزي
انا ندير حبة بصل متوسطة مرحية او رابي نقليها في شوية زيت مع مارغرين و اللحم تاع الخروف ولا الجاج ولا البقري قاع يجو ملاح و نقلي و نضيف زرودية مقطعة دوائر هاذي اختيارية و الملح و الفلفل الأسود و شويييية زعفران و عود قرفة و نقلي مع التقليب و نمرق ،، نخلي المرق حتى يغلي و نرمي الجلبان و نطيبه على نار متوسطة حتى يخثار المرق ،، هاذي الطريقة الكلاسيكية ههه
تقدري تضيفي م ص طماطم مصبرة مين تكوني تقلي
تقدري تضيفي سنات ثوم رابي تاني مين تكوني تقلي
تقدري تطيبي معاه القرناع او القرنون بصح ما تضيفيش الطماطم المصبرة
تقدري تطيبي اللحم وحده بطريقة المحمر و تفوري الجلبان حتى يطيب مليح و تصوتيه في مقلة مع شوية مارغرين وزيت و ملح و فلفل اسود و تقدميه مع اللحم المحمر ولا صوص تسقي بيها من فوق ممممم الطريقة المضلة عندي

تقدري تطيبيه كيما الاول و تحطيه بيه باللحم و لاصوص في بلا تاع فرن و تحطي عليه من فوق مورصوات ضغنا آذار تاع مارغرين و ذراري رشة فلفل اسود ك
و تقدري تزيدي عليه البيض فالطريقتين يعني فالفرن ولا فالكوكوطة و تبلي البيض بالملح و الفلفل و رشة كمون و تغطيه حتى يطيب على نار هاااادية حتى يطيب البيض طبعاااا

نتمنى تكوني فهمتي و بالتوفييييق حبيبتي

الف شكر لكن اسمحيلي ماهي طريقة المحمر

حبي لأمي · 2014-07-04, 17:36

السلام عليكم مبروك لكل الناجحين في البكالوريا
راني نحوس على وصفة مسكوتشة بلا بيض مرة شفت وحدة في المنتدى دارتها وما تفكرتش وين
صح فطوركم