الجزء60 من واش طيبتي اليوم

[x ام رحاب x]

المشاركة الأصلية كتبت بواسطة r i a d

اهلا احبيبتي ام رحاب ربي يحفظك يا عسل
و سمعت بلي عندك كونترول ربي يطمن قلبك ان شاء الله و يحفظك و يعافيك و يبعد عنك البلاء امين

لالاحبيبتي ماشي انا الي عندي الكنترول واحدة من لبنات قالت عندها كنترول واشكرك على الدعوة حبيبتي

[راجية غفران ربها]

صباحكم ذكر و تدبر يا الغاليات على قلبي


دائمة الحمد ان شاء الله خير يا الغالية

ام ماجد بصحتك الجلبانة و ما تنسايش تذوقينا

[دائمة الحمد]

اني جيييييت زهرة ضحكتيني البنات لي لحقوا صباح الخير
ام انس صباح الخيرات وصلي اعتذارنا للادارة للبنات نعودو انذكروا بعضانا عند الخروج على الموضوع

فطومة صباح الخير كي راجعت لقيتك سقسيتي على البريوش
راهي وصفة جديدة روووووووووووووووووووووووووووووعة جربوه لبنات والله ماتندمو

البورتابل تاعي اظلم تالي راني صورت المراحل

كاس فرينة كاس زيت كاس سكر 2بيضات+1بياض 2 مغارف كبار ماءزهر 2كيسان حليب دافئ 1مغرفة كبيرة خميرة الخبز نخلطوهم مع بعض ونغطوهم في مكان دافئ من10الى 15دقيقة انا خليتهم حوالي 20د

من بعد نزيدو حوالي 600 غ فرينة وممكن اكثر على حسب ا لنوعية تاع الفرينة ومعاها نصف مغرفة كبيرة اخرى خميرة الدار ونصف شكارة خميرة القاطو وربع مغرفة صغيرة ملح ونعجنوها ولازم تكون شوية طرية ونشكلوها حسب الرغبة انا حشيتها شوكولا وادهن بصفار البيضة وشوية حليب لما تخرج من الفور ندهنوه بالعسل او المعجون

[nihale89]

صباااح الانوار

[omhadil]

صباح الخير وصح قهوتكم البارح درت البغرير

[راجية غفران ربها]

غدايا من قلب الحدث مع عفسة قالولي عليها و راني نجرب فيها

العجينة نتاع المفرمسة نعجنها فوق البوطاجي عادي و ملعد نحطها في كيس نيلون نتاع الوهرانية ربي يذكرها بالخير





بصح قالولي على عفسة نتاع ليفيي تاع لي نغسلو فيه الماعن تالع المنيوم الجهة لي نقطرو فيها الماعون و تاعي قديم غسلتو مليح بالاومو و الجافيل و شللتو بالب1 اعيد و اكرر شللي مليح باه ماتبقاش ريحة الجافيل و الصابون و بديت نعجن





هذا االبوتاجي لقديم الجديد نتاعي معفيهش هذ العفسة يشبه لتاع اسينات علاهديك راهو بهذ الشكل هههههههههه


المهم راهي غير تترتق و يساعد على العجن و الله رووووووووووووووووعة كي نكمل نحطلكم الصور و داءما من قلب الحدث الى تغطية اخرى هههههههه قولولي واش مدير ؟؟؟؟؟؟؟؟؟؟؟؟؟

[دائمة الحمد]

الملتحقات صباح الخير منول يسقسي عليك الخير
واش عاملين غدا انا دوبببببببببارة

[Om moussaab]

جبتلكم شوية من اطباقي المتواضعة اولا هذا تطبيقي للبريوش وصفة هايلك يجي خفييييف وهشوش. وهذا عشايا . .

[فراح فرفوشة]

سلام عليكن
هدا عشايا البارح

[x ام رحاب x]

المشاركة الأصلية كتبت بواسطة om moussaab

جبتلكم شوية من اطباقي المتواضعة اولا هذا تطبيقي للبريوش وصفة هايلك يجي خفييييف وهشوش. وهذا عشايا . .

صباحك سعيد حبيبتي البريوش باين هايل

المشاركة الأصلية كتبت بواسطة فراح فرفوشة

سلام عليكن
هدا عشايا البارح

عشاكم هايل حبيبتي صباح الخيرات

[راجية غفران ربها]

راني في دار عزوجتي ربي يخليها و اللع راهو يطرطق حالة راني لوزتو و دوك شوي نبدا نطيب

[راجية غفران ربها]

داءمة الحمد ام مصعب فرح فرفوشة يعطيكم الصحة كلش هايل

دائمة لحمد جاري التطبيق مممممممممممممممممممم

[omomnia15]

غدايا روز ابيض باللبن راني عيانة هذا وين رايحة نوض وحدة وحدة

[nihale89]

وااااااااااااااااع مافهمتش واش ندير للغداء

[أم ماجد]

لبنات بدلت
درت لوبيا ماشطو وراهي تطيب