واش طيبتي اليوم الجزء السادس

[houdehoud]

ع السلامة على قولت خاوتنا التوانسة انا اليوم درت عدس بالزرودية يميمي

[basmala farah]

المشاركة الأصلية كتبت بواسطة touta2010

اليوم نهضت وجربت خبز ام كوثر وانا فرحانة وعاجبة روحي ولما حبيت نبعث الصور وجدت لكتار ولكارت ممواغ بح قلبت البيت راس على عقب والو

روحي حوسي على اللكتار و الكارت مموار عند سلفتك

[بريق الامل&]

وشبيها اخت الهام دنيا ربي يحل مشكلة اختك والي فيها الخير ربي يقدمها
توتة زعاف الكارت ميموار تخرجيه فينا
حابة نقوللكم حاجة لبنات كاين غرفة سرية للمتزوجات تحبو نتلاقاو فيها نتعارفو على بعض اكثر صالون الهام ما نقدروش نتعمقو فيه ونحكو الخصوصيات
وكلمة سر الغرفة نقدرو ندبروهالكم انا وام كوثر
الهام معليش ندوك معانا ما تزعفيش برك راكي لالات النسا

[touta2010]

المشاركة الأصلية كتبت بواسطة basmala farah

روحي حوسي على اللكتار و الكارت مموار عند سلفتك

خليتهم في البيت والله غادي يخرج عقلي فيها كل الصور والفيديوهات

[بريق الامل&]

المشاركة الأصلية كتبت بواسطة omnadjem.10

ام كوثر تفضلي هدا اقل شيئ يمكن نقدمولك ووصفاتك كلها معروفه بلي نتاعك واحد ما يشكك فيها حتي لو كذبو ونسبوها ليهم تبقى معروفه ليك لانك دايما تضفي لمسه جماليه عليها
https://www.djelfa.info/vb/showthread...errerid=459802

علاه شكون شك في قدرات ووصفات ام كوثر دائما الشجرة المثمرة ترمى بالحجارة

[touta2010]

المشاركة الأصلية كتبت بواسطة بريق الامل&

وشبيها اخت الهام دنيا ربي يحل مشكلة اختك والي فيها الخير ربي يقدمها
توتة زعاف الكارت ميموار تخرجيه فينا
حابة نقوللكم حاجة لبنات كاين غرفة سرية للمتزوجات تحبو نتلاقاو فيها نتعارفو على بعض اكثر صالون الهام ما نقدروش نتعمقو فيه ونحكو الخصوصيات
وكلمة سر الغرفة نقدرو ندبروهالكم انا وام كوثر
الهام معليش ندوك معانا ما تزعفيش برك راكي لالات النسا

راني معاك ولمتحبش تروح

[houdehoud]

المشاركة الأصلية كتبت بواسطة douniadiab4

الهام ماتتقلقش حبيبتي يعطيك الصحة لهادوك اليدين
ولاباس على اختك غير الخير ان شاء الله
رانا في الهوا سوا انا اختي ثاني رايح يطلقها راجلها ادعيولو ربي يهديك ويتنازل على الشكوى لان
الجلسة يوم 5 ماي

ربي يهديه ان شاء الله

[إلهام07]

المشاركة الأصلية كتبت بواسطة بريق الامل&

يا ااك؟؟؟؟؟؟؟ انا الي نسيت قاع وش طيبتي وتفكرت غير الطيحة روحي شوفي ردودي في موضوعك قلت من سباب المقلة وباينة ناجح قلت كلمة حق وقلت ثاني الي يجي يخطب قوليلي نعرف كلشي الا الديول لازم توجدلي مقلة جديدة علاه شفتي غير الضحك وما شفتيش الشكر
وعلاه رميتيه وعلاه قاعدة ترقي في روحك وتسمي وتقراي في القران نتي بديتي حنا ما قلنا والو
كما قلتي خمسة وخموس عليك
على كلن درت مقرونة كانيلوني وحميص وعندي خبز بايت
الهام كي تشري مقلة ما تنسايش تحطيها في اخر مشتريتك المطبخية وتعاودي لي كريب واكيد ينجحو ةلا بزاف عليك تعرفي بومفور صافي بليزيغ ههههههه

ههههههههههههه هيه نموت عليه حبي الوحيد

المشاركة الأصلية كتبت بواسطة بريق الامل&

نحكيلك الهام على زلة صراتلي مرة كنت غير كما بديت نطيب ونتعلم وماما عندها شكارة لوز
رحت جبدت الكتاب تاع الطبخ كان غير ذاك لكتاب متوفرانذاك رائع لونه اصفر وفيه طبخ وحلويات وعصائر تلقايه في معظم البيوت الجزائرية شراتولي ماما وقالتلي اتعلمي يا بنتي وانا بنت مطيعة وجات على قلبي نشتي نلبز من يوم يومي
ايا خليت ماما رقدت في القايلة
وفتحت لكتاب عجبني لمشوك الله الله
حوست على الروبو ما لقيتوش دخت مخبياتو ماما ايا دورتها مهراس ورحت للقراج ندق على سعدي ووعدي باش ماما ما تسمعنيش
وبديت ندق في اللوز ونعجن بالبيض والسكر طبعا اللوز ما نحيتلوش القشرة نسيت ولا ماعرفتش وجا خويا قالي نقولها لماما حكمتو قتلو ارواح عاوني انت دقلي وانا نعجين والو قد ما زدنالو بقات لعجينة جارية هبلت رحت استنجدت بماما واعترفت بجريمتي وجات تجري واعلنت الطوارئ وبدات تزيدلو في الفرينة وتكور واطيب وتعاير سمعتني كلام في الصميم ما نحكيش خير ههههههههههههههههههههههههه وطيبت وجا يابس ومعلك وبقى عدة ايام نفطرو به ناكلوه في اي وقت مع قهوة لعشية ماؤونة هههههههههههههه وديت لصحاباتي في ليكول وجداتي ما كملش وكل ما تجبدو تسمعني اسطوانة تسم البدن
بصح هذ الغلطات هي الي تخلينا نتعلمو وضروك راني نشجع في اختي نقوللها طيبي وخسري باش تتعلمي بصح حاجة ما ترميها فكري ديما في الحل

ههههههههههههههه والله ضحكت حتى سالو الدموع ، هكذا بردت خاطري ، وحدة بوحدة

[إلهام07]

هاذي تارت التفاح نتاع mary1987

[douniadiab4]

حبيببتي بروقة الهام قالت اختها العروسة جات زعفانة
راني كنت حابة ندخل لغرفة دردشة المتزوجات لكن ماعرفتش كلمة السر
اديري فيا مزية اذا ساعدتوني
لانو عندنا هموم زوجية

[مرام 1987]

انا عندي اقتراح للمشرفات كون يديرو هذيك العفسة كيما مدايرين المنتديات لوخرين وهي كون العضو لي ماوش مسجل ما يقدرش يشوف لي فوتو في المنتدى على خاطر شفتهم يديو اعمال كيما في الكروشيه منا من منتدى الجلفة تاع اخوات تعبو عليهم وهوما يديوهم من الباب المستريح.....على بالي خرجت على الموضوع بصح حبيت ننبهكم برك......واش الحالة واقيلا ناشفة اليوم لاغداا لا والو ......واقيلا صايمين. متعونا باطباقكم رغم انني ماناكلش حاولتني ماما وماحبيتش

[ساندي 28]

صباح الخير دونيا وماري نشاطركم الراي لازم اسرارنا تبقى بيناتنا مش الي يدخل للمنتدى يشوف حكاياتنا
بريق اتكلي على ربي رانا معاك

[بريق الامل&]

الهام هاكي حطيتلك في طبسي قلب احمرما تزعفيش قالك خوذ راي من يبكيك وما تاخذش راي من يضحكك ويضحك الناس عليك




وما تنسايش اعصري شوية قارص هههههههههه
صورت شوية مراحل بصح دعوة الهام ما خرجش الشكل المطلوب كنت حابة يجو باينين حبات الكانيلوني بعدما يطيب بصح صدقوني بنين ويستاهل اذوقوه مع الهام

[أم أدم يحي]

الله يبارك فيكم والله الا فحلات ان شااء الله ننظم معاكم
على خاطرش راني ماشية لبلادي ان شااء الله وراني مع التوجااد غير نرجع راني نوافيكم ب200 موضوع طبخ اي 200 غير وجدو رواحكم بعدا هههههههههه

[houdehoud]

المشاركة الأصلية كتبت بواسطة douniadiab4

حبيببتي بروقة الهام قالت اختها العروسة جات زعفانة
راني كنت حابة ندخل لغرفة دردشة المتزوجات لكن ماعرفتش كلمة السر
اديري فيا مزية اذا ساعدتوني
لانو عندنا هموم زوجية

انا راني نقدر ندخل بصح وين راكم تحكيو واش اسمو الموضوع