جزء ****138***من واش طيبتي اليوم ---عيد سعيد وكل عام وانتم بخير ----

[أم لجين هيثم]

مساء الخير عليكم كامل وصح عشاكم عشائي كان بربوشة
ام ياسين كواليس الحفلة هايلة ربي ينجحها في شهادات عليا اخرى
أم محمد تاج عضم الله اجركم على جدك
حبيت نشكر كل الأخوات ألي عجبوهم أطباقي روضة عازفة الناي وردة سطيف الأخت سمسومة وكامل الاخوات نقلهم راني نتعلم منكم

[شهد شهاب الدين]

حبيباتي اسمحولي خرجت بلا ما نرد جاني ضيف على غفلة و زيد جا الما
شكرا على الرد حبيبتي روضة ما نقدرش ندير تشاراك على خاطر المخبز راه بالقلاصاج
ام تاج ربي يسهلك مع الحمل

[ام و ابنة]

السلام عليكن
اسمحولي ما راجعتش مليح شفت فقط صور حفلة الزهراء الله يبارك و ربي يدوم الافراح

جا بابا تعشى و للاسف حتى كملنا باش تفكرت بلي ما صورتش
عملت لي ستيك مارينيتهم من قبل
و سلطة بطاطا و جزر مفورين و بيض مغلي و بصل مقطع رقيق و زيتون و التتبيلة موتارد و خل و زيت زيتون و نعناع مجفف بابا عجباتو
و عملت فلفل احمر مشوي بزيت الزيتون
و جبدت من المجمد حميس حار شويا بابا يحبو
و عملنا انا و اختي سنيوة كبييرة بيتزا بالسلق و اللحم مرحي. جات رقيقة بابا عجباتو
و عملت العصير المجمد تع الهام بالبرتقال فقط و نقصت السكر خاطر بابا بدأه مرض السكري و الله فرح بيه بزاف م يشرب و يعاود مع انو حنا جانا ناقص حلاوة طحنا غير عالقازوز
و الحمد لله كما ينبغي لجلال وجهه و عظيم سلطانه

دايمة الشكر يعطيك الصحة خلاص عرفتو قاطو الكبريس بصح ما نعملوش ضرك ممكن في العيد الكبير باذن الله فيه الخدمة نحوس على حاجة ساهلة و اقتصادية

خلاصلنا القاطو اختي طلبت مني نعملو غدوة ان شاء الله لي ****يز نروح نزنق في قوقل و يا ربي نلقى وصفة تساعدنا مسكينة راهي غير تخلط و تحاول تتعلم معايا لانو يما ما تحبش التخلاط تحب كلش من بره حتى الصابلي تشريه

البنات اللي ما ذكرتهمش اعذروني و الله مستعجلة نحوس على وصفة ****يز بصح يعطيكم الصحة الكل على شطارتكم و كذلك على تعاونكم او حتى دردشتكم

[عازفة الناي]

مساء الانوااااااااااااااااااااااااااااااااااااار
ام ياسين مبرووووووووووووووووووووووووووووووك الحفلة هايلة ورووووووووووووووووووعة ربي يكمل لطبيبتنا
ام تاجو ربي يرحم جدك الموت صعيب لكن الحمد لله على كل حال
شهد شهاب الدين مرحبا بيك و الكفتة تاعي 2 كيلو لوز يعملولك 200 حبة وراهي زاكيه ومليحة توكلي على ربي و ديريها ههههههههههههه

[ام و ابنة]

ما حبش المنتدى يقبل لي الكلمة بكل اللغات
*****es
كووكييز
الله غالب اضطريت نكتبها بزوج واو و زوج ياء بش تفهموني
ياخي فهمتوني؟؟؟؟؟

[أم محمد تاج]

الله يخليكم حبيباتي ياغاليات ويعطيكم صحتكم وبارك الله فيكم على الاهتمام والدعم والكلام الطيب

[عازفة الناي]

تفضلوا بسم الله

[روضة 88]

جبتلكم حلوياتي

[ام و ابنة]

روضة ما جبتش الكلمة تطلع المنتدى يرفضها شوفي نقسمهالك بالشوية و اللي تعرف كيفاش تكتبها ما تبخلناش
ال
كو
كي
ز
Les
Coo
Kies

[عازفة الناي]

روضة راكي فنانة الله يبارك
الاخت صدفات اسمحيلي على التاخر
القناوية نستعمل الخضراء الطازجة
الوصفة تاعها:
نقلّي البصل المرحي مع الثوم وشوي فلفل حار فالقليل من الزيت و نضيف لهم اللحم خاصة تاع الخروف و نقلي الكل و نزيد الطماطم المصبرة وشوي حب مرحية و نزيد الرند و البهارات الملح والفلفل الاسود ، و نمرّق ونخلي اللحم حتي يطيب
نغسل القناوية مليح ونحيلها الراس تاعها و نصفيها
كي يطيب اللحم ويبقى عليه مدة 15د ضيفي القناوية وخليها تطيب ماتاخذش وقت ورشي عليها المعدنوس
وممكن تقدمي معها صحن روز امممممممممممممممممم روعة و بصحتكم
القناوية تجي بلحم الخروف وخاصة الكرومة و الجيقو بنة مانحكيلكش

[ام و ابنة]

روضة والصور ما طلعتش
عازفة الله يبارك و بصحتكم

[عازفة الناي]

ام وابنة تسلميلي و ا ل ك و ك ي ز كاين وصفة تاع ام انس بالشوفان وكاين تاع فلة روعة

[زينب 83]

سلام حبيباتي ان شاء الله تكونو بخير

انا هذا وين دخلت للدار ، كنت حاطة عجوزتي عرضتني لكن لقيت زوجي هو لي عرضني داني انا و الاولاد و أمي فطرنا في المطعم و وحوسنا و اللحمد لله ربي يحفظوا و يخليه يا رب كانت مفاجأة مليحة بدلت شوي الروتين و هناتني من الكوزينة


حشمت نصور الصراحة ههههههههه

المهم ام ياسين يا غالية الحفلة تحفففففففففففة كيما انت ربي يفرحك دايما يا رب و نتمتعوا بصورك الرائعة و الف مبروك الطب رغم ان مسؤولية كبييييييييييييييرة ربي يكون في عونها يا رب


دوك نروح نرد على رسالة عضوة غالية بزاااااف على قلبي فرحت برسالتها و للأسف هذا وين شفتها ، اسفة حبيبتي

[عازفة الناي]

زينوبتي الغالية بصحتك المفاجأة تستاهلي كل خير ربي يخليلك زوجك و يحفظهولك

[fadila34]

عإزفة يعطيك الصحة وش تحطي روعة
روضة قاطوك هايل بصحتكم وممكن وصفة القاطو الاخير
زينب تستهلي كل خير يااغل قلب طيب